日式蒸蛋

陪友人去完8咪半買傢俬傢品後，便到旁邊的愉景新城吃晚飯。二人不約而同地想吃日本菜，一於試一試「鳥山名」。打開餐牌，食物種類繁多，我們最後選了三文魚腩赤海老芥辣章魚飯($120)，牛油果軟殼蟹反卷($52-3件)，安格斯牛肉火鍋($115)，燒菠蘿($25)，日式蒸蛋($28)，日本廣島產原味燒生蠔($68-2隻)和椰子雪葩($42)。三文魚腩赤海老芥辣章魚飯($120)，新鮮魚生鋪滿了一整碗，有三文魚腩，赤海老以及章魚。三文魚腩夠肥美，脂肪分布較平均。有足足三大隻赤海蝦，沒有欺場，肉質鮮甜啖啖肉。伴上章魚，芥辣，豉油，整碗魚生飯鮮味更提升。我最愛軟殼蟹，怎能不點牛油果軟殼蟹反卷（$52-3件），軟殼蟹炸得香脆，配上清新牛油果，脆而不膩，仲有粒粒魚子和沙律醬，層次鮮明。安格斯牛肉火鍋($115)，是驚喜之作！無論是蔬菜菇類豆腐粉絲，以及安格斯牛肉均份量十足，絕不是幾片薄牛肉鋪面而已。安格斯牛肉品質高，食落真係好有牛味，食材選料方面應該都幾嚴格，值得一讚。燒菠蘿($25)燒得不錯，外層微焦，內裡仍夠Juicy。日式蒸蛋($28)日式蒸蛋熱辣辣，味道不過不失，如增添材料會令口感層次更佳。日本廣島產原味燒生蠔($68-2隻)真不錯，燒得剛剛好，保留了蠔的鮮味，而且一點腥味也沒有。最後當然要食埋甜品，選了椰子雪葩($42)。椰子雪葩賣相吸引，幾可愛，又係相機食先。椰子雪葩食落椰香味很重，不過質感比較似雪糕多過雪葩。提供口罩暫存袋，貼心。…查看更多

荃灣區真係好多好野食，搞到朋友又約左我出黎行街食飯今次朋友話食日本野，叫左日式蒸蛋($28)、牛油果軟殼蟹反卷3件($52)、日本廣島產原味燒生蠔2隻($68)、燒菠蘿($25)、安格斯牛肉火鍋($115)、三文魚腩赤海老芥辣章魚飯($120)、椰子雪葩($42)日式蒸蛋：蛋蒸得熱辣辣但又好滑，裡面仲有冬菇同日式魚片，簡簡單單幾好味牛油果軟殼蟹反卷3件：牛油果同軟殼蟹都係我中意食嘅野，既然一份食物兩份滿足，咁就一定要點黎食食落去軟殼蟹夠脆身唔油膩，牛油果夠清新，加埋蟹籽黎食味道幾夾三文魚腩赤海老芥辣章魚飯：3種刺身食材，每1種都份量十足，而且都好新鮮冇雪味。赤海老夠大隻，三文魚腩夠晒肥美，加埋芥辣章魚少少辣嗰種味覺嘅刺激，成碗食落去好滿足燒菠蘿：燒得啱啱好，表面少許燒焦，而菠蘿食落每件都好JUICY，酸酸甜甜日本廣島產原味燒生蠔2隻：原味夠簡單，但咁先食到生蠔本身嘅原汁原味，加幾滴檸檬汁落去，更可以帶出佢本身蠔嘅鮮甜味，認真好食先黎張合照安格斯牛肉火鍋：個牛肉鍋物上菜見到已經好豐富，睇到都流晒口水裡面除左有主角安格斯牛肉、仲有紹菜、茼蒿菜、金菇、豆腐、冬菇、大蔥、洋蔥、粉絲。好多時食鍋物會愈食愈鹹，但今次食呢個牛肉火鍋，我覺得由頭到尾個湯幾濃味得黎又唔會太鹹，而且D食材吸晒D濃湯味所以好惹味。安格斯牛肉肥瘦適中，重牛味，幾高水準椰子雪葩：朋友想食雪葩，所以點左黎食。佢會用個碗冰冰鎮住黎上菜，咁就唔會食得慢就溶，幾細心。不過我地食落去，個質感似係雪糕多過雪葩，但佢椰子味幾香，都好好食2個人加一後埋單$495，食到飽一飽，又食左個雪葩幾滿足。呢到有樣好，就係部分食物有份量選擇，咁就唔會太少人食，搞到叫唔到多幾款食物黎食。題外話：防疫功夫都做得足，門口有口罩紙袋拎，同有酒精搓手液可以消毒。走時見到原來入口隔離有個AREA俾小朋友玩，有小朋友嘅屋企人都可以帶佢地食飯加玩下補MENU…查看更多

疫情終於平穩下來實在太感恩了🙏好耐都冇外出食飯，終於可以放鬆一下😖今日去愉景新城行街見到一間日本菜很吸引,實在令人很期待🤭一進店店員會先幫你探熱體溫,可以食得安心又放心👍環境比較大坐得很舒適,整體十分不錯。店員服務周到，令人留下美好印象。門口外會提供口罩袋很貼心❣️緊記保持個人衛生！希望盡快回復正常🙏祝大家一切安好海鮮七色井🌟每款刺身肥美鮮甜😋價錢很合理值得一試,馬糞海膽真係令人一試難忘,看似份量很少但很飽很滿足每一個定食套餐都可以用優惠價加飲品。日式煎餃子🌟可選擇煎或者炸,餃子皮煎得金黃酥脆,肉汁豐富令人一口接一口👍日式蒸蛋🌟入口即化蛋味濃郁😋而且裏面有雞肉,魚板,香菇很豐富。…查看更多

今天又來到荃灣覓食 記得愉景新城最底的一層有一家日本料理 剛好就是看見元氣再轉進去 現在不吃元氣 就來發掘一下其他的日本菜 想不到平日晚上八點多來吃 也有頗多人在等位原本想點個魚頭火鍋 但太遲來 都賣光了日式蒸蛋新鮮岀爐熱騰騰 蒸蛋淡淡蛋香 內餡有雞肉 蘑菇 日本魚蛋片 頗豐富 蒸蛋再滑一點就更好吉列豬扒手打烏冬吉列豬扒的炸皮好脆好薄 一點也不覺得油膩 擠上檸檬汁更清新 豬扒不韌 外脆內軟 旁邊更附有酸梅醬和沙律醬可沾手打烏冬煙韌有咬口 很不錯鹽燒多春魚多春魚有驚喜 肉質飽滿 燒得很香又不會太乾日本南瓜併日本番薯天婦羅天婦羅炸皮同樣又薄又脆 旁邊附有醬汁可沾 南瓜大大一片 番蕃南瓜香甜軟冧 更附有幾條蘆筍 天婦羅就算放久了 炸皮也不會變冧 也不油膩 這家店炸物頗岀色天婦羅三文魚反卷三文魚新鮮 配上天婦羅的脆脆 口感頗豐富店員服務態度不錯 會時常斟茶 環境舒適 很適合一家人來吃…查看更多

Shoopen 結業大平賣，拉埋個朋友去掃平貨，滿足完購物慾就輪到要滿足食慾，見到哩間日本料理八點半過後都咁旺場，一於要入去探下路先，我地等左十分鐘左右終於入到去啦，餐廳佈置好有feel, menu 上有好多款式既食物選擇，刺身、壽司、鍋物。。。 連茶漬飯都有，睇過深夜食堂既我，一路都好想試下茶漬飯，於是揀左個梅子茶漬飯，豆腐野菜鍋，九州拉麵同日式蒸蛋。最先上既係豆腐野菜鍋，材料份量都好足，仲有粗身既粉絲墊底，佢一滾起我就快手畢左碗湯飲飲先，好清甜，豆腐有豆味，都算嫩滑，估計應該係來自日本既豆腐，個底仲有點煎過既印印～～九洲拉麵湯底唔會太咸，係我鐘意既濃厚滋味，叉燒好厚，個邊邊仲帶點焦，拉麵爽滑，加埋隻滷糖心蛋都幾好味。食蒸蛋真係要好小心，因為相當熱，我小心翼翼咁sir 左啖蛋入口，發覺佢仲滑過豆腐而且入面有好多料，有魚板，香菇，銀杏，元茜等等，一路食一路尋寶咁。最後終於到我好期待既茶漬飯，學日本人咁放到最後先食，餐廳都幾得意，放粒wasabi 係碗邊，另外仲有一小兜米通，我懷著期待的心情食啖飯，覺得口味好清爽，我而家明點解日本人鐘意食飯飲酒後整碗茶漬飯，食左個人暖和又舒服~黎居酒屋食野都可以好健康，今餐相當唔錯～…查看更多