走過十萬八千里找到你

餐廳：走過十萬八千里找到你地點：旺角彌敦道菜式：樓上cafe餐牌：精選晚餐有意粉，意大利飯同主菜揀，價錢由$138至$268不等。任何食品加$55可跟餐，即係包是日餐湯，餐包同$60以下飲品。是日餐湯配餐包 是日餐湯配餐包今日係粟米湯配蒜蓉包。湯用左隻肥杯裝住，好有家嘅感覺。個湯味道係濃濃粟米味，質地杰身，甜度適中，面頭加上少少香草。飲完個身暖暖。伴有超脆口香口蒜蓉包每人一大片，味道鹹香可口。北海道帆立貝海膽醬扁意粉 $178 另加一北海道帆立貝海膽醬扁意粉用一隻大碟上枱，面頭有兩隻北海道帆立貝，整得好嫩口，啖啖肉。伴有貝柱粒、菇片、洋蔥粒。扁意粉色水呈橙色，好搶眼，味道都唔錯，帶微微海膽味，質感滑溜。面頭加上菜苗，碟邊灑滿香草。絕對係意日融合菜式。日式原條鰻魚意大利飯 $178 另加一日式原條鰻魚意大利飯賣相不錯，大大條原條鰻魚熱辣辣，味道唔錯，口感都彈牙。意大利飯有咬口，撈埋好多貝柱粒，雜菌，口感唔錯，個汁甜甜地。面頭灑上木魚花、紫菜絲，邊邊有少少菜苗，碟邊灑上香草。又一意日融合菜式。兩杯飲品用木板上枱，伴有乾花小花束一支。紅寶石巧克力草莓鮮奶 跟餐加$8紅寶石巧克力草莓鮮奶係限定。白色鮮奶上面加上士多啤梨醬，再加上大量忌廉，最後灑上花瓣。忌廉份量滿瀉。飲落係香滑士多啤梨味鮮奶中帶甜甜地既忌廉，好飲，仲吸到士多啤梨肉。柚香菠蘿檸檬梳打 跟餐柚香菠蘿檸檬梳打有好多柚子皮係底。味道酸酸甜甜地，主要係柚子味，唔會過甜，夠解渴。今餐意大利飯同意粉質素都唔錯，飲品都好飲。餐廳環境周圍放滿乾花植物，仲有壁畫，好適合打卡。年廿八都有好多食客。…Read More

餐廳：走過十萬八千里找到你地點：旺角彌敦道菜式：樓上cafe餐牌：精選午餐有意粉，意大利飯同主菜揀，價錢由$138至$268不等。任何食品加$30可跟餐，即係包是日餐湯，餐包同$60以下飲品。是日餐湯配餐包 先黎是日餐湯配餐包，今日係甘筍湯配蒜蓉包。甘筍湯用左隻肥杯裝住，好有家嘅感覺。個湯味道係濃濃天然甘筍味，打得好滑，甜度適中，面頭加上少少忌廉同香草。伴有外脆內軟香口蒜蓉包每人兩片，味道鹹香可口。北海道帆立貝海膽醬扁意粉 $178 另加一北海道帆立貝海膽醬扁意粉用一隻大碟上枱，面頭有兩隻北海道帆立貝，整得好嫩口，啖啖肉。伴有貝柱粒、菇片、洋蔥粒。扁意粉色水呈橙色，好搶眼，味道都唔錯，帶微微海膽味，質感滑溜。面頭加上菜苗，碟邊灑滿香草。絕對係意日融合菜式。日式原條鰻魚意大利飯 $178 另加一日式原條鰻魚意大利飯賣相不錯，大大條原條鰻魚熱辣辣，味道唔錯，口感都彈牙。意大利飯有咬口，撈埋菇片同洋蔥粒，口感唔錯。面頭灑上木魚花、紫菜絲同蔥花。又一意日融合菜式。兩杯飲品用木板上枱，伴有乾花小花束一支。紅寶石巧克力草莓鮮奶 跟餐加$8紅寶石巧克力草莓鮮奶係限定。白色鮮奶有士多啤梨醬墊底，中間再加上士多啤梨醬，同大量忌廉，最後灑上花瓣。忌廉份量滿瀉。飲落係香滑士多啤梨味鮮奶中帶甜甜地既忌廉，好飲，仲吸到士多啤梨肉。手工黑芝麻 跟餐手工黑芝麻係限定。色水呈黑白色，鮮奶加上黑芝麻醬，記得要撈好先好飲。味道唔甜。意大利飯同意粉質素都唔錯。餐廳環境周圍放滿乾花植物，適合打卡。…Read More

之前食過杏花邨分店嗰日同朋友放飯嚟食lunch 先知原來旺角係原店主要食意粉同risotto▶️ 鮮茄龍蝦汁香烤海蝦扁意粉 ($148)上枱好香龍蝦湯味🦞上面兩隻巨型虎蝦，肉質爽彈，蝦頭有蝦膏扁意粉質感可以🍝硬少少可能好啲幾鍾意佢個鮮茄龍蝦汁味道，香得來唔會太鹹稀杰度啱啱好，令意粉入味但唔會太多醬食到個口好污糟😋另外仲食到啲蕃茄渣同洋蔥粒▶️ 日式原條鰻魚意大利飯 ($178）好大條鰻魚！黏口無幼骨有鰻魚香，無被蒲燒醬蓋過意大利飯整得好好👍🏻有質感咬口唔水汪汪，調味都好足夠個人覺得risotto出色過意粉❤️▶️ 抹茶紅豆Affogato ($48)成件事好日式，將咖啡倒落抹茶雪糕，慢慢望住佢溶抹茶味超濃郁🍵同時帶有少許咖啡苦味面頭仲有紅豆粒🫘又係嘢飲又係甜品▶️ 藍莓白茶($48) 好有誠意嘅擺盤，上面有朵假花用茶包開，放入壺中自己倒出嚟略略飲到少少藍莓香🫐不過較淡-Risotto同意粉都整得唔錯，調味好，款式夠多而且配搭特別 (有貓耳朵粉，上次食過都幾好咬口)Cafe位於10樓，環境清靜舒服😌用上乾草裝飾，大地feel服務唔錯，侍應有禮貌，上菜快手價錢上貴少少，平均$200/人，不過成個以餐飲體驗嚟講值得嘅好適合同朋友嚟談心吹水…Read More

入到門口全個天花頂垂吊著乾花，而且細心留意還會有輕微的陣陣花香味道，而牆上有月亮和油畫。每個位都是攝影好位置。生日聚會、情侶和朋友gathering都好適合。餐牌有多款飲品提供選擇，而且都有小食品同飯類選擇。北海道帆立貝海膽醬意粉 ＄178意粉有海膽嘅味道帶小小苦和甜味的混合，意粉彈牙，帆立貝大粒。日式原條鰻魚意大利飯＄178鰻魚原條厚肉大條，risotto汁已滲進飯內，還有一些木魚碎在飯上面。香果草莓自家窩夫 配雲呢拿雪糕＄882人份量每人可以吃到2舊，士多啤梨切成星型排在waffle 上，餅底鬆化配上雪糕一起吃好味。忌廉蘑菇湯配蒜蓉包清甜蘑菇味加上蒜蓉包永遠都係最佳組合。…Read More

又到媽媽歎lunch 跟住接放學日子🤗 今次來到油麻地，信和對面的樓上餐廳#走過十萬八千里找到你 。 lunch 價錢由$138起，+$55可跟餐湯、蒜蓉包、一杯$60以下飲品。🍝 北海道帆立貝海膽醬扁意粉煎香的帆立貝味道不錯。扁意粉有濃濃的海膽味，質地係Al dente , 很有水準😋！ 🍚 日式原條鰻魚意大利飯鰻魚配意大利飯很Fusion 的感覺，但食落又很夾的👍🏻。🥤 凍咖啡莫卡朱古力和咖啡味剛好均勻！🍓自家製草莓醬梳打很特別的草莓醬味道剛好，一杯入面有很多草莓，清新解渴🤗…Read More

前幾日經網友介紹下去左旺角一間cafe "走過十萬八千里找到你"，餐廳店名已經覺得好浪漫，再加埋花海設計，有好多打卡位，咁吸引更係要去睇睇啦！入到餐廳，天花、窗邊佈滿不同乾花擺設，以及牆壁上既畫及燈飾，設計浪漫，好啱擁有少女心既人去打卡！餐廳融合日、台、意、法菜式選擇，係一間多元化既cafe。餐牌內有安格斯牛板腱、豬肋骨、法式春雞、意大利飯、意大利粉、打卡Latte、精美甜點等，款式很不錯。日式原條鰻魚意大利飯 $178鰻魚醬汁香濃，肉質軟嫩，沒有魚骨，食起來很方便，意大利飯煮至剛剛熟，粒粒分明，有些咬口，完全吸收湯汁味道，好吃。法式蟹肉蝦膏汁扁意粉 $148意粉係扁身，不會煮到過淋，彈牙煙韌，蝦膏汁與意粉好夾，爽口既蟹肉、魷魚、蜆肉及蝦，把所有材料拌勻一齊食，口腔完全充滿海鮮的味道。Chocolate Latte $60首先食少少面層的白雪雪奶油，口感幼滑，拌勻後朱古力味香濃，甜度適中，飲落去好creamy。 Hojicha Latte $60Latte圖案好靚，最適合打卡！聞起來陣陣焙茶香，甘醇濃厚，不苦澀，奶香順滑，特色飲品。跟餐附送湯及麵包。餐湯是椰菜花湯，幼滑口感，飲得到微細椰菜花顆粒，加埋脆脆的蒜蓉多士，很配合。…Read More

˙˚ 走過十萬八千里找到你 ˚˙幾年前開始留意呢間店，除咗個名夠𝗲𝘆𝗲-𝗰𝗮𝘁𝗰𝗵𝗶𝗻𝗴外，仲要係良心小店💛店鋪佈滿乾花，鋪面雖小，但環境舒服，啱晒打卡之餘，又可以約埋班閏蜜邊食邊傾💐࿐🦀忌廉龍蝦汁甲羅燒貓耳朵 $𝟏𝟓𝟖✨蟹味濃郁，貓耳朵掛滿醬汁好香，偏硬身，混合埋八爪魚粒等，特別有咬口，質感𝗰𝗿𝗲𝗮𝗺𝘆但唔會太漏👅🎏日式原條鰻魚意大利飯 $𝟏𝟕𝟖日、西𝗳𝘂𝘀𝗵𝗶𝗼𝗻菜，估唔到又幾夾～意大利飯有咬口，吸滿鰻魚汁好香，面頭鋪上的鰻魚十分厚肉呢🤭🐣蜜糖芥末雞翼 $𝟓𝟐✨單骨雞翼表皮炸得香脆，但唔算油膩，蘸上微辣的蜜糖芥末醬，好開胃🖤手工黑芝麻𝐥𝐚𝐭𝐭𝐞 $𝟔𝟎✨黑芝麻味比想像中濃郁，入口食到好多芝麻粒粒，有啲似食緊芝麻糊咁，有驚喜🏆🍑白桃紅茶 $𝟒𝟐…Read More

嘩,依間打卡餐廳真係想黎好耐啦,睇相已經覺得超靚,所以同朋友黎旺角,就即刻 book 左依間餐廳啦,一入到去真係一遍花海,真係好吸睛呀。服預員仲好細心同靚,因為天氣太熱啦,佢會主動俾杯水客人,真係好有去 café 既 feel日式原條鰻魚意大利飯($178)嘩,真係成條既鰻魚,而且燒得好好呀,好有質感。北海道帆立貝海膽醬扁意粉($178)帆立貝係好大隻既,而成日扁意粉都好夠味柚香菠蘿檸檬梳打($58)好香既柚子味~不錯~Mocha  ($60)傾計緊係想飲番杯coffee, 依杯質素唔錯,飲落去知道係高質既~好滿意依間餐廳~…Read More

呢一間咖啡室個名好浪漫，叫走過十萬八千里找到你，令我係旺角油麻地衆多咖啡室之中找到來。午餐時間黎到，餐牌有精選午餐，有意粉，意大利飯同主菜揀，價錢由$138至$268不等。任何食品加$55可跟餐，即係包是日餐湯，餐包同$60以下飲品。第一次黎，當然每人叫一個精選午餐試試先。是日餐湯配餐包 先黎是日餐湯配餐包，分別係黑松露野菌湯配小圓餐包。黑松露野菌湯用左隻肥杯裝住，好有家嘅感覺。個湯味道清淡，帶淡淡菇菌味。伴有係熱既小圓餐包，好鬆軟可口，味道少少鹹，配個清淡湯一齊食就剛剛好。日式原條鰻魚意大利飯 $178 另加一日式原條鰻魚意大利飯賣相不錯，大大條原條鰻魚放係隻藍色漸變色碟中間，鰻魚熱辣辣，食落帶豐富鰻魚汁，味道唔錯，口感都彈牙。意大利飯有咬口，撈埋菇片，菇仔，洋蔥粒同翠玉瓜粒，口感唔錯，味道係濃濃鰻魚汁。面頭灑上木魚花同紫菜絲。碟邊有芝士粉，絕對係意日融合菜式。北海道帆立貝海膽醬扁意粉 $178 另加一北海道帆立貝海膽醬扁意粉用一隻中型碗上枱，面頭有兩隻北海道帆立貝，整得好嫩口，啖啖肉。伴有蝦米粒同魷魚仔。扁意粉色水呈橙色，好搶眼，味道都唔錯，帶微微海膽味，質感可以。面頭加上大量木魚花同紫菜絲，又一意日融合菜式。兩杯飲品用木板上枱，伴有乾花小花束一支。紅寶石巧克力草莓鮮奶 跟餐加$8紅寶石巧克力草莓鮮奶係限定。白色鮮奶上面加上士多啤梨醬，再加上大量忌廉，最後灑上花瓣。忌廉份量滿瀉。飲落係香滑士多啤梨味鮮奶中帶甜甜地既忌廉，好飲，仲吸到士多啤梨肉。自家製草莓醬梳打 跟餐加$8自家製草莓醬梳打有好多士多啤梨果肉係底，加上大量冰同一片薄荷葉，見到汽慢慢上升。味道甜甜地，幾好飲，唔會過甜。餐廳環境周圍放滿乾花植物，感覺唔錯呢。…Read More

今日同朋友去旺角食晚餐餐廳，環境相當打卡。聽講餐廳搵咗專業花藝師設計室內空間，因此天花板同窗邊都掛滿乾花，成間餐廳都充滿咗打卡位。我同喜歡打卡的朋友都忍唔住喺咁影相。我地叫咗主食+$55就可以升級為set(包餐湯、餐包&$60以下飲品)。是日餐湯為南瓜湯，如果驚餐包太乾身都可以向侍應附加牛油。<北海道帆立貝海膽醬扁意粉> $178意粉用咗好特別既碟裝住，睇落幾有日式風情。海膽醬味道濃厚，鮮味十足，而且唔會好腥!!!扁意粉相當掛汁，沾滿橙黃色醬汁。兩粒北海道帆立貝大大粒啖啖肉，我更推介這個。<日式原條鰻魚意大利飯> $178日式x意大利菜的fusion配搭~意大利飯相對比坊間偏硬身，同雜菇嘅配搭味道清淡健康。鰻魚一整條好抵食，日式燒汁x海苔絲x柴魚片食落好似章魚燒haha<玫瑰抹茶> $56熱飲有漂亮嘅心形拉花~上面仲有玫瑰乾花，整體奶味濃厚。<桂圓紅棗茶> $56紅棗茶只提供熱飲，飲落較甜，滋補養生。…Read More