聚來車仔麵

呢排依然喺深水埗區工作，但天氣依然驟晴驟雨同人生一樣變幻莫測，工程都找差不多完啦真係開心得黎又唔捨得，始終完成工程都係一件完滿嘅事，所以呢排除左工作外嘅時間都喺附近搵下有無好嘢食。咁啱今日又俾我搵到一間性價比高嘅餐廳。地點位置於基隆街，睇個門面係間小店餐廳名叫做聚來車仔麵，明顯地主力都係食車仔麵而且都見到有同好多明星合照，咁今日就試下呢一間啦~鋪頭入面有好幾張枱， 環境衛生都好乾淨舒服，兩邊牆身都貼滿晒食物同埋招牌菜，充滿懷舊氣息感覺都幾溫暖。呢間舖頭嘅賣點係食車仔麵，咁我當然要試下佢啦，餐牌除左車仔麵外仲有咖哩飯同埋其他小食， 諗咗一陣間最後要左一個四餸車仔麵：有豬紅、牛腩、雞翼尖同埋蘿蔔，配合油麵同埋沙嗲汁呢啲都係經典嘅車仔麵餸菜，之後仲要左份招牌鮮炸肉丸同埋一杯凍檸茶，咁就夠我下午茶慢慢嘆~~~等咗幾分鐘左右車仔麵同埋凍檸茶都上枱啦~~~ 賣相擺盤相當精緻，每一款餸菜都分門別類，打完卡之後就即時趁熱食，佢嘅豬紅四四方方一啖一口，非常嫩滑有口感；雞翼尖辣辣地配合沙爹汁，慢慢啜晒啲肉真係好惹味；蘿蔔係清湯煮口感非常好，好入味完全沒有渣；牛腩大大件炆煮時間長好入味，入口咬開一絲絲質素好高；再配合油麵彈牙爽口，整碗麵配搭得好好。跟手到小食啦，招牌鮮炸肉丸上枱時候非常熱咬開時好燙口，入面有飽滿嘅肉碎同埋洋蔥，口感新鮮多汁果然係招牌貨。食完咁高質嘅嘢點樣都要飲返杯凍檸茶消暑，佢杯凍檸茶夠大杯有幾塊檸檬一啲都唔吝嗇，甜度適中入口透心涼又解渴，質素高又夠凍。一碗四餸車仔麵再加一碟招牌小食，再整多一杯凍飲埋單都係$100蚊左右，味道質素高性價比又合理，果然理解好多明星幫襯，今次就當係深水埗區餞別嘅一餐~~~   …查看更多

深水埗美食小店很多，今晚就以香口小食做晚餐😋叫了一個招牌煎餃雙併🥟隻隻餃子都非常飽滿，餃子外皮煎到金黃色好吸引，餃子煎完都非常juicy! 👍🏻喜歡韭菜的我當然鍾意食韭菜餃，但估唔到椰菜餃也非常好吃，因為佢加咗雲耳，所以口感豐富啲😋招牌鮮炸肉丸也有意外驚喜😱佢係即叫即炸嘅，我開頭以為佢會好似宜家嗰啲肉丸咁，點知食落去外脆內軟，因為肉丸加咗菜，所以比較裡面軟熟～好味😋偷聽到後面嗰台客人叫了爆漿阿華田西多士，佢仲有爆漿草莓西多士添，都好吸引呀！🤭其實餐廳嘅食品都幾多元化，車仔麵又有，滷水又有，甜品又有，咖喱飯都有，想食多食少都有好多選擇👍🏻…查看更多

《聚來車仔麵(深水埗)》今日出左荔枝角同深水埗做野，做到O哂T又肚餓，見到呢間車仔麵小店除左麵之外仲有啲特色小食，就入左去食🤣🍜自選配搭車仔麵見到本menu都花多眼亂🤣因為除左主食之外，餐廳仲有好多小食選擇，為左唔做大徙鬼所以就淨係叫左兩餸麵。我覺得試一間車仔麵功架如何有兩樣野必點就係牛腩同魚蛋😋牛腩夠入味，冧身唔柴無食到成口渣，做得不錯！另外魚蛋咖哩味夠，彈牙無好粉，過關！麵我揀左薯粉配沙爹湯，味道啱啱好，湯汁掛到上薯粉到夠味👍🏻🦑秘製辣魷魚本身都擔心會唔會太辣🤣但店家就話唔洗擔心，咁我就安心叫。我覺得呢個小食一來份量幾足，另外佢個汁食得出係有沙爹味同埋少少辣椒吊味，bb級辣度！魷魚食落脆口同埋個汁夠杰身唔會一夾起啲汁無哂，味道口感價錢都係值得推介之選⭐️🐖招牌鮮炸肉丸呢個豬肉丸可以用惹味嚟形容，入面嘅豬肉洋蔥餡加埋啱啱炸起就即刻上碟送上嚟係味覺嘅衝擊。🥟雙併湯餃係湯餃同煎餃之間我地掙扎左好耐最後揀左湯🤣因為怕又食炸肉丸又食煎餃會太熱氣，而呢個韭菜豬肉併椰菜雲耳豬肉餃食落都覺得清清地配豬骨雞湯都唔錯。提提大家食果時要小心對面嘅朋友，因為餃子食落會有湯汁爆出嚟🤣皮唔厚，餡料足，湯底清得嚟夠味👌🏻本身仲諗住試埋佢地特色嘅爆漿阿華田西多士，但無奈實在太飽🤣所以叫左杯阿華田頂住先，西多留返下次再試，免得眼闊肚窄🫃而杯阿華田懷疑比出面嘅配方濃1.5倍🫶🏻覺得好滿足食物質素 ⭐️⭐️⭐️⭐️/5用餐體驗 ⭐️⭐️⭐️⭐️/5性價比 ⭐️⭐️⭐️⭐️⭐️/5如果你都想試下地道車仔麵小店，記得bookmark定呢間餐廳，約埋三五知己一齊嚟試下👨‍👨‍👧‍👦 地址: 深水埗基隆街172號地舖#noodle #squid #fishball #beefbrisket #shamshuipo #hkfoodie #hkfoodblogger #hkfood #foodblogger #hk #hkig #hkigers #hkfoodblog #hkfoodstagram…查看更多

高手通常都係會哩埋喺凡間默默耕耘為社會付出👨🏾‍🍳阿公無意入咗嚟食野就比呢到嘅特別野吸引咗👀有兩款爆醬西多士 雖然最後阿公好飽食唔到🫣但見到人哋食真係D醬要湧出隻碟咁濟💦仲有十幾款小食、餃子、咖哩飯、車仔飯麵等等試哂都要嚟多五、六七次先得🤣車仔飯/麵👇🏻有多達50款餸可以揀😱(阿公真係逐款數)麵底都有10款 仲可以揀菜底最最最最緊要份量多‼️睇下阿公夾起咗咁大注D餸都係唔沉落去嫁🤣 知佢咩料啦唔係淨係主糧多嫁🍜餸都係以量取勝🏆(Yeah)🥬生菜有半碟份量咁多🍙紫菜有1/4餅🐽豬頸肉有十幾條🍄冬菇有四大粒🐮肥牛睇落好似得三片 但係闊身佢一片已經等於出面三片🌶辣椒醬 以蒜泥為主 食落重蒜香 配襯麵一流👍🏼招牌鮮炸肉丸👇🏻就好似港版「依家肉丸」咁入面其實係洋蔥豬肉丸特別在洋蔥多🧅 小量豬肉淋身D但就好香 唔會成口肥膏肥油而且無味精 好「屋企」嘅味道粟米芝士餃👇🏻滿充住粟米芝士😍阿公第一口咬落去仲要拉絲入面仲有小小淋咗嘅洋蔥食落無洋蔥味反而鮮甜咗整體就算無肉都唔會寡😋講咗咁多，最深刻就係場上面一句「我的麵給您家的味道」食完一餐飯 我感受到嘅係人情味唔係用錢就可以買到嘅味道😌…查看更多

間唔中就想食吓港式車仔麵，之前睇介紹呢間位於深水埗的車仔麵店除了有提供車仔麵外，仲有餃子同好特別嘅阿華田西多士，作為甜品控嘅我當然要去試吓啦<自選車仔麵> (米線牛筋冬菇魚腐沙爹汁小辣) $45車仔麵唔少配料可以揀，牛筋呈啫喱狀，冬菇同魚腐幾索汁，米線略嫌偏淋沙嗲汁叫咗小辣，都有咁上下辣度，薑味偏重<爆漿阿華田西多士 配奶茶>  $33估唔到車仔麵點都有西多士可以點，除咗阿華田款，見到仲另外一款士多啤梨口味。阿華田西多士嘅內餡亦都可以揀係花生醬或者榛子醬，我哋揀咗榛子醬，一上枱中間非常流心，好似瀑布咁樣，非常打卡able<招牌鮮炸肉丸> $30呢個炸肉丸食得出用洋蔥作為主要嘅配料，炸得香脆內嫩，洋蔥嘅甜味突出，喜歡<招牌鮮煎餃子> (韭菜餃|芝士粟米餃) $42煎餃有三款可以揀，我哋就揀咗韭菜餃同埋芝士粟米餃，餃子煎得香脆，芝士粟米餃嘅芝士係半流質狀態；韭菜餃就肉汁多，韭菜獨香氣四溢…查看更多

🙋🏻‍♂️餓底探員今日去咗深水埗調查呢間隱世小店，佢係家庭式經營，價錢夠親民，除咗賣車仔麵之外，仲有好多小食係好有驚喜，今日就嚟個小食放題😂⁡🥟招牌鮮煎餃子 $42📸表示呢個餃子可以雙拼，而且價錢都一樣，餓底就點咗韭菜餃拼芝士粟米餃，一碟有8隻，餃子外皮煎到金黃色，餃子包到漲卜卜，好大隻，睇見到好期待🙋🏻‍♂️表示個餃子煎得好脆，食落好香口，韭菜餃勁多韭菜喺入面，入口多汁，芝士粟米餃充滿濃郁芝士同超多粟米，食落甜甜地，味道夠特別，個芝士粟米餃真係好驚喜⁡🦑秘製辣魷魚 $35📸表示個魷魚份量好多，每條魷魚切到粗幼相若，面頭灑滿芝麻同秘製辣汁🙋🏻‍♂️表示個魷魚爽口彈牙，個秘製辣汁微辣帶有麻油香味，食到停唔到口⁡🍊🍗柚子蜜雞翼 $28📸表示個雞翼有4隻，仲要好大隻，炸到金黃色，每隻面頭都有柚子蜜🙋🏻‍♂️表示個雞翼食落香脆，配上柚子蜜酸酸甜甜咁又有啲果味，幾好食⁡🐖招牌鮮炸肉丸 $30📸表示個招牌肉丸有成10粒，份量唔少，每粒都炸到黃金色，整齊排列睇落好治癒，仲有碟泰式辣醬配埋俾客人點嚟食🙋🏻‍♂️表示個肉丸外層炸得香脆，內裡軟稔但唔會鬆散，豬肉夾雜住洋蔥，食落幾juicy，個肉丸每粒都係自家製人手搓成，好有家嘅味道🥰⁡🥬🐟生菜魚肉 $25📸表示呢碗生菜魚肉份量夠多，每嚿魚肉都搓到好大嚿，面頭加咗胡椒粉同麻油調味🙋🏻‍♂️表示個魚肉食落一啲都唔粉，鯪魚肉嘅比例好多，唔似坊間有啲生菜魚肉好似食緊麵粉咁，呢個值得一讚，個湯底偏淡，靠加咗胡椒粉同麻油調味，整體嚟講唔錯⁡🍫🍞爆漿阿華田西多士 $33📸表示個西多士面頭灑滿咗阿華田粉，中間有個凹位加咗淡奶，好似個阿華田湖咁，一切開嘅時候就決堤咁啲淡奶湧晒出嚟，做成爆漿效果🙋🏻‍♂️表示個西多士炸到幾脆，就算蘸滿阿華田同淡奶都唔會淋晒，個餡有朱古力榛子同花生醬兩款口味㨂，餓底呢個係花生醬味，阿華田嘅甜味加上花生醬嘅咸香，食落幾特別，如果係朱古力榛子醬味道可能會更加夾同更加甜，呢個爆漿西多士的確係一個驚喜之作⁡📈吃貨指數😋好味度 8/10🔙返啅度 8/10…查看更多

餓龍．豬割先生語錄📌 聚來車仔麵 - 深水埗基隆街172號地舖🗓(6/8) 星期六 ⏰ 下午3點左右 💈特式：餐廳位於深水埗基隆街，地點其實就真係唔係好起眼，但假日下午茶時間，佢竟然排戲小小嘅人龍。🥩🍔🌭🌮🥗🥯🥘🍲🍝🍣🥟🍤🍱食物：今日行過附近，成3點都未食lunch，見佢舖仔細細竟然排住條人龍，所以好奇心驅使下就去試下，講吓味道先......車仔麵 - 話晒都係車仔麵店，就梗係要試下佢個車仔麵啦，叫左3個最貴價嘅餸總數$49，分別係🐷爽脆豬頸肉/🐮牛筋/🦑香辣魷魚，呢3款我見佢店舖都推介所以一試，真心推介，好好味。豬頸肉真係做到爽脆嘅口感，牛筋就炆到好淋好入味起晒膠質，香辣魷魚就切到細細條，好似象拔蚌咁，口感一d都唔韌，仲要有好香嘅魷魚味，有機會都會想試埋佢其他推介嘅餸。麵底就揀左米粉🍜，普普通通，加左沙嗲湯底同🌶秘製辣汁，好惹味，建議食辣嘅朋友要加佢個秘製辣汁。招牌鮮煎餃子🥟 - $42/8隻，叫左韭菜/🧀芝士粟米雙併，芝士粟米比較少見，佢個外皮煎得好乾身脆口又唔油，個芝士粟米餡係可以做到拉絲效果; 韭菜味相對個皮無咁乾身，原因係因為d韭菜肉餡好多肉汁，一咬就唧晒出嚟，整體感覺仲好食過出面專賣煎餃嘅舖頭。招牌鮮炸肉丸 - 呢個$30有10粒，正正常常，唔係話唔食好，但相比起店舖嘅其他食物就略嫌無咁出色。爆漿阿華田西多士配朱古力榛子醬🍫🌰 - 呢個係呢間餐廳嘅招牌，我見枱枱都差唔多有叫，我當然唔執輸都試吓，價錢$35真係抵玩抵食，用嚟影下相share下比朋友都抵，而且味道都真係好食，食得出有用心去整，阿華田味好濃，仲要唔太甜又唔漏，⭐️必食推介。☕️🍵🥤🧋🍺🍷🥃🍹🧉🍾🍶🥛飲品 - 叫咗杯凍檸茶，飲品就正正常常茶餐廳質素，無太特別。🍽環境：餐廳環境一般正常，地方唔太，枱亦唔多，大約得8~9張枱，所以我假日下午茶時間都要等咗15分鐘左右先有位，如果真係想試嘅朋友，我建議平日下午茶時段會比較易有位。🤵🏻🤵🏻‍♀️🤵🏻‍♂️服務：職員服務好好，好有禮貌，目測似係家庭式經營，見到佢地會同客傾吓計，感覺都幾free幾自然。💰💸價錢：今餐午餐加下午茶總數係$159兩個人食，食到好飽，分分鐘唔洗食晚餐，我覺得唔貴，加上佢d食物質素都高，所以都可以講話抵食。🐲💬總結：性價比高，質素有意外驚喜，就算係一碗普通嘅車仔麵，都比其他好多人吹捧嘅店好食，再加上佢某一兩種招牌菜真係做得出色，唯一可挑剔嘅地方就係地方唔大，地理位置唔算太就腳。推薦指數：❤️❤️❤️❤️🤍…查看更多

“手打魚肉、豬頸肉、貢丸、生菜油麵”魚肉唔錯夠彈牙，豬頸肉應該有炸過。湯底加左腩汁同鹵水汁幾好味，唔會太鹹。“招牌鮮炸肉丸”幾得意嘅肉丸，口感唔係彈牙係偏淋嘅。應該係加左啲菜絲係入面但係食唔出係咩黎，不過係好食嘅👍🏻。“招牌鮮煎餃子” 一入到去已經見到佢哋有人係度不停咁包餃子，今次揀左椰菜同芝士粟米雙拼。餃子煎得幾好金黃色，兩邊都係脆嘅仲唔會好油。咬落好多汁，芝士個款啲芝士溶哂超正😋。“爆醬阿華田多士”可以揀花生醬或者榛子醬，今次揀左榛子醬。西多士新鮮炸起，面頭有啲好似奶咁嘅汁，仲有大量阿華田粉。加埋全部一齊食係好好味😍！唔好問甜唔甜，咁多野加埋一齊一定甜，但係好食好滿足。雖然鋪頭嘅名係車仔麵，但係其他小食都好有質素，仲有甜品食，正！…查看更多

小店嘅坐位都充足同坐得幾舒服🙆🏻‍♀️店員好nice😊小店嘅食物都好好食,值得一試🥰而今次冇食到車仔麵,下次去試吓先😆🔺招牌鮮炸肉丸(10粒)🧆$30呢個真心有驚喜😍肉丸係啱啱炸起所以熱辣辣🔥肉丸係用洋蔥同豬肉製成🧅食落超夾🫶🏻食完一粒會上癮,一口接一口👅食完一碟已經想encore😎只不過太飽😬🔺招牌鮮煎餃子(鴛鴦)🥟$42鴛鴦餃係椰菜同韭菜🥬餃子同樣煎得金黃色😝首先椰菜餃裏面包住椰菜木耳同豬肉🐷餃子好飽滿同多汁🙌🏻而韭菜餃係爆汁😻一咬落去係噴汁😳韭菜嘅份量好足👍🏻裏面仲有豬肉,好好食🤤🔺招牌鮮煎餃子(芝士粟米)🧀$42餃子煎得好靚係金黃色💛一共有8隻,每隻餃子都好飽滿💫成隻餃子都係芝士🤩粟米粒都好多而且好甜🌽 唔會膩同超夾😆🔺爆漿阿華田西多士(朱古力榛子醬)🍫$33之前見到人post已經好想試🤭西多士鋪滿阿華田粉🥰中間係滿滿嘅牛奶🥛一切落去就流晒出嚟👻而西多士內層可以揀花生醬或者朱古力榛子醬🤝🏻成件西多士食落都係滿滿嘅阿華田同朱古力味💋邪惡感大大增加但好正🤣🔺蒜香雞翼🧄$28雞翼有4隻同三款味選擇💦雞翼煎得好靚再加上面嘅蒜香,正🤪但可惜係雞翼有少少雪味🫢…查看更多

.📍聚來車仔麵 📍香港深水埗基隆街172號地舖爆漿阿華田西多士內餡的醬我選了榛子醬🙈其實還可以選普通的花生🥜口味，流心效果超明顯，每一口都邪惡的大滿足😂我會為了這個西多士再來！招牌鮮炸肉丸10粒(28hkd)肉丸的口感比較鬆軟，是豬肉和菜混合而成的內餡，配酸甜醬剛剛好，而且$28很划算🙈豬頸肉+香辣魷魚+豬大腸咖喱河(48hkd)辣度選了中辣，其實算是挺辣的😂愛辣之人可以來挑戰一下大辣😂不夠的話可以加辣菜脯，菜脯有加蒜，非常香很惹味🥰大腸處理得很乾淨👍🏻魷魚也很爽脆，份量很足😍牛柏葉+蟹柳+金針菇腩汁米線(40hkd)腩汁會相對比較清爽，不會過咸，不喜歡太重口的人可以試試看，金菇很吸汁😍牛柏葉爽脆，絕對是車仔麵標配😆#foodiblum港式…查看更多

今次黎到呢間好有特色既車仔麵小食店🍜佢既特別之處 唔係在於環境有幾多打卡位而係佢為我帶黎咗對車仔麵既新睇法起初吸引我地去食既並唔係車仔麵而係佢既煎餃🥟同多士 呢兩個可以話係必食但原來佢除咗車仔麵 小店仲有好多唔同小食類如果大家都想試多啲 可以好似我地咁 淨係叫餸咁就可以食多一款小食 又唔怕食唔落🤣-🔸招牌鮮煎餃子 - 韮菜餃新鮮即叫即煎既餃子🥟 上枱時熱辣辣粒粒都飽滿既餃子 金黃色既脆皮🤤每一粒都煎到好均勻 亦都無破皮純講賣相 佢已經嬴晒 好耐冇見過咁靚既煎餃😍咬一啖 裡面既肉汁多到滴出黎 小籠包咁款韮菜味出晒黎 但又唔會令人抗拒多菜少肉既比較 我個人比較鐘意咁 冇咁腬👍🏼-🔸招牌鮮炸肉丸份量唔少既炸肉丸 粒粒都係好香脆🤤做得好既一樣野係佢唔會鬆散肉丸係內軟外脆 但又好紮實 呢個係加分位中間釀入咗洋蔥🧅 同時間可能減低肉丸既油膩感亦都唔會令到肉丸味道單調 又唔會乾身唔覺意食吓又一粒食吓又一粒-🔸自選車仔餸>豬頸肉 >牛腩 >雞翼 >芝士丸 >貢丸雖然我地冇叫麵底 但車仔麵黎講佢既選擇都好齊✅餸菜方面更加唔少 連湯底都有5 6款揀👍🏼我地揀既腩汁湯底 味道聞落好香濃 食落都食到牛香唔算太重味 亦都唔會過咸 比較清一啲既口味豬頸肉微微煎香過 油脂比例都幾好 唔會過肥而且有啲咬口會爽口少少😋牛腩都幾大舊 用咗半肥瘦既肉所以都幾腍 同埋幾入味-🔸爆漿阿華田西多士呢 個 真 係 必 定 要 食 !西多士上鋪滿阿華田粉 中間一切開啲阿華田就湧出黎 呢一幕好好睇😍😍😍😍你又點會估到 係車仔麵店都有啲咁高質既野多士夾住榛子朱古力醬 起初都擔心會太甜但食落唔甜之餘仲要有啖啖阿華田味🥰我係幾欣賞 因為食到飽晒再食咁甜其實會好腬以小店做到呢個超水準真係大讚👏🏼-一間好有家的感覺既食店 店員有一種親切感車仔麵店有好多 要食好食既都唔係容易呢度除咗味道好之外 連創意分都有 值得一試👍🏼-🧸🌞C.ookingbear推介指數 👉🏼👉🏼9️⃣🌟…查看更多

要數代表到香港嘅美食，車仔麵一定榜上有名，可以自由揀餸同麵，啱晒唔同香港人嘅口味，喺車仔店林立嘅深水埗，有一間今年新嘅餐廳，除咗有車仔麵之外，仲有唔同嘅小食，而且仲有一款近排人氣爆燈嘅爆漿阿華田多士。聚來車仔麵係一間今年一月開業嘅車仔麵小店，餐廳係深水埗基隆街，聚來嘅意思係邀請各位再嚟，招牌名已經好好客，入到去更加感受到，因為餐廳係家庭式經營，待客人好似待屋企人咁。小店目標係提供乾淨、健康、唔加味精嘅嘢食，良心製作每一碗車仔麵，令食客食得開心。餐廳除咗主打車仔麵，仲有提供好似蔥油雞扒飯、煎餃子等港式美食，價錢貼地，呢排仲有招牌嘅名物爆漿阿華田西多士，切開有流心阿華田醬。平日夜晚7:30去到餐廳嗰時已經坐滿左，所以要喺出邊等，等咗差唔多一至兩個字就入到去，等嘅時候見到門口有塊黑板餐牌寫住西多士已經好肚餓。入到去餐廳環境算幾新淨，店舖唔算好大，不過座位都算舒服，燈光夠光猛，以車仔麵店來講算唔錯。招呼我哋嘅竟然係老人家，係一個婆婆同一個公公，即刻感受到家嘅味道，雖然佢哋行路唔快，不過想落單嘅我絕對有耐性。可以睇到枱上嘅餐牌有兩塊，有一塊係全日供應嘅飯餐同埋下午茶餐，因為今日想食車仔麵同小食所以就冇睇，第二塊就係車仔麵同埋小食，車仔麵有得揀套餐或者每個餸同麵咁嗌就，套餐就平啲不過餸嘅選擇少啲，小食方面最多人嗌嘅係炸肉丸同埋煎餃子。另外牆上面都有好多圖片同埋Menu，可以見到招牌嘅西多士唔止係下午茶有，仲有得全日供應，不過下午茶就會包嘢飲，30幾蚊一個咁特別嘅西多士加嘢飲，價錢非常平民。-1️⃣ 招牌鮮煎餃子 💰40（👅: 8/10）餃子喺呢度招牌，呢度有兩款餃子，分別係韭菜餃同椰菜餃，可以要求雙併口味，餃子都係自家製人手包，即叫即煎。上枱時見到啲餃子賣相好靚，隻隻都煎到金黃色，已經迫不及待想食。餃子咬落去非常香脆，尤其係底部，夠乾身，唔會太燶，煎餃最緊要皮薄，呢度絕對做到，比甜記餃子同家後薄，食落香口，而內餡咬落去即刻爆汁，餡料充足，雖然未到甜記、美味餃子嗰啲咁多餡，絕對皮薄餡靚，餃子唔會話太過油膩，唔似甜記餃子既煎餃好似炸餃。椰菜餃嘅味道比較清新，唔會好鹹，咬落去清爽，而韭菜餃味道濃郁啲，多啲鹹香味，兩個嘅菜肉比例算平均，會食到豬肉味，餃子食囉冇咩負擔，有啲似屋企人包嘅味道。另外仲會有餃子醋俾你點，不過本身餃子味道足夠，醋可以用黎中和少少油膩感。-2️⃣ 招牌鮮炸肉丸 💰28（👅: 8/10）另外仲叫咗個炸肉丸，份量唔少，有成10粒。肉丸外層炸到好香脆，入邊比較鬆軟但唔會鬆散，係外脆內軟，食落肉質新鮮，有少少肉汁，豬肉味唔算好重，反而洋蔥味好突出，而且會咬到少少洋蔥粒，感覺好似食緊洋蔥圈咁，女朋友就覺得好似食緊獅子頭，對於好耐冇食洋蔥圈我覺得好新鮮有驚喜，味道唔會太鹹，呢個價錢有10粒非常抵食，如果可以我想買啲急凍版返去自己整黎食。-3️⃣ 車仔麵 💰58（👅: 8/10）豬頸肉 💰13牛筋 💰13香辣魷魚 💰13蘿蔔 💰9秘製辣汁(中辣) 💰0腩汁 💰0粗麵 💰10呢度主打車仔麵，所以叫咗碗黎試吓，湯底方面叫咗腩汁加秘製辣汁中辣，上枱嗰時秘製辣醬會淨係擺喺匙羹上面分開上，可以自己決定落幾多。腩汁味道唔算好重，比較淡味，不過加咗辣醬之後絕對有令湯底加分，辣醬係以蒜粒同辣椒油組成，雖然係中辣不過對我來講係少少辣，相對譚仔可能係二小辣，不過依個辣度啱啱好，食落幾惹味，會想間中飲幾啖湯。另外如果唔夠辣可以加枱上面嘅自家製。菜脯麵質方面揀咗粗麵，粗麵夠薄身就咬落去有彈性，係唔錯嘅麵。餸方面我覺得最出色係蘿蔔，蘿蔔份量好多，切開咗有4、5舊，非常之腍，入口無渣，食落好清甜，如果加咗辣醬仲可以吸收佢哋精華。豬頸肉都係有驚喜，因為佢係有煎過，食落有焦香，咬落夠爽口，不過會切到好細條，食一條唔夠過癮。之後香辣魷魚都值得一試，相信係同小食嗰個魷魚係一樣，魷魚沾滿左醬汁，食落有蒜辣味，夠入味，辣味夠過癮，咬落都彈牙。最後係我唔食嘅牛筋，牛筋非常之大條，有三條，三條入邊有兩條女朋友覺得問得炆得夠腍，唔使點咀嚼，另外一條就比較韌啲。-4️⃣ 凍檸茶 +💰5（👅: 7.5/10）如果叫車仔麵加兩蚊就有熱飲，$5就有凍飲或者可樂，檸檬茶甜度正常，唔會話好重苦澀味。-5️⃣ 爆漿阿華田西多士 朱古力榛子醬 💰33 + 2（👅: 8/10）之後就到重頭戲，就係依度嘅招牌西多士，平時下午茶係人氣之選，夜晚都係全日供應，味道方面西多士入邊嘅餡可以揀花生或者朱古力榛子餡，我就揀咗後者。上枱時西多士賣相非常吸引，可以見到鋪滿左阿華田粉，甚至碟邊都係好多粉，中間會見到有啲煉奶連埋阿華田粉，只要將個西多士切開，啲奶就會湧出來。因為係新鮮整起所以係熱辣辣，西多士唔會好油，唔會話炸到好勁，食落阿華田嘅味都幾香，但唔係每一部份嘅西多士味道都濃郁，味道最濃郁嘅係中間，即係有煉奶既部份，因為有煉奶所以圍住嘅西多士都比較濕潤，而且味道重啲，但邊位就會比較乾身啲，所以阿華田味道就冇咁濃郁，但都會食到夾心嘅朱古力榛子醬嘅味道。邊位榛子醬味道會重過阿華田味，不過朱古力未到唔會太甜，比起平時嘅糖漿感覺冇咁Heavy，口味上幾獨特，作為下午茶同甜品都唔錯。-🌟食物來講，每樣嘢食都唔錯，煎餃喺呢排食到嘅餃子店來講算唔錯，因為佢皮夠薄，食落唔會覺得好油膩，炸肉丸好似食緊炸洋蔥圈咁，而車仔麵嘅餸都發揮唔錯，最後嘅西多士非常有特色，如果去中間嘅煉奶可以多啲令到成個西多士濕啲應該會更加重口味更加好食，見到佢仲有個士多啤梨西多士，不過太飽食唔到，下次有機會嚟到會想再試。餐廳除咗係家庭式經營，仲可以令到食客有家嘅感覺，會主動問下食客覺得好唔好食，因為餐廳係收九點，有食客九點先到但都仲可以落單食嘢，會主動問佢落咗單未，而且同其他食客有傾有講，食客仲同佢哋講今日咁旺場，睇得出佢哋無論係對待食客，定係製作食物都係非常用心，走嗰時招呼我哋依然係公公婆婆，仲有睇落年紀唔少嘅收銀、同應該負責廚房嘅媽媽，聽講有時仲會有小妹妹落黎幫手，喺深水埗區來講係值得支持嘅小店。-👅味道: 8/10🍴環境: 7/10💰消費: $40-80pp (服務費: NA)…查看更多

🌗車仔麵套餐C （四餸加粉麵） $45 凍飲加$2如果想自由搭配餸嘅話就唔好揀餐，因為套餐嘅選擇唔多，勝左份量夠大，揀左牛腩、蘿蔔、生菜、芝士腸，牛腩份量尤其足料，大概有四五大件；蘿蔔清甜舊舊都無渣！辣椒醬🌶係分裝係湯匙之內，辣度可隨自己喜好再增減。🌖招牌鮮煎餃子（8 隻） $40 餃子有分椰菜餃同韮菜餃，可以揀雙拼。餃子皮薄餡多，外皮煎得香脆，咬落仲識滴汁。椰菜餃清爽鮮味，韮菜餃味道濃烈，煎餃本身就會比較油，但點左醋就油膩感減半。🌖招牌鮮炸肉丸 $28肉丸勁鬆軟，軟綿綿到無牙都食到呀！內裡鬆軟但外面炸得香脆，比起宜家傢俬嘅招牌肉丸，呢個絕對更勝一籌‼️美中不足係配菜方面選擇左酸醃蔬菜，如果配搭紅莓醬就真係無得頂😍！OMG！唔記得咗問老闆有冇賣急凍肉丸，等我放係屋企隨時拎出黎食。🌗蒜泥白肉 $28呢道小食不太推介，肉切得唔夠薄又太乾，蒜係蒜粒而非蒜泥，食完嚇唔走吸血鬼喎。📢車仔麵以外其實仲有飯餐架，唔好比個舖頭名呃左😆。…查看更多

我比較少食車仔麵，月初約咗個好鍾意食車仔麵嘅朋友食但最後食唔到，今餐補返數，哈哈！睇Openrice揀咗呢間喺深水埗嘅試吓。【招牌鮮煎餃子（韭菜餃/椰菜餃）】一心嚟買車仔麵，但俾佢哋寫住「招牌」嘅小食吸引到，一於叫埋嚟食吓！可以叫韭菜餃、椰菜餃各半，咁就可以每樣都試啲。煎餃即叫即煎，上枱時熱辣辣出晒煙，個皮一面煎到微焦好香口，麵粉香味重面啲餡料仲好Juicy，韭菜或者椰菜兩款都好食，點醋或者豆瓣醬食都好夾！【招牌鮮炸肉丸】又係即叫即炸！呢個比相像中特別，原本以為係就咁免治豬肉丸，不過原來入面仲有蘿蔔同豆腐，所以唔會食到好膩，又炸到脆卜卜好正！見呢道菜式咁特別就問下老闆啦，原來係老闆嘅家鄉菜，真係唔係度度都食到。【自選車仔麵】車仔麵啲餸每款由9至13蚊不等，好多款都好想食，我又選擇困難症喇，哈哈！最後我揀咗牛腩、豬紅、蘿蔔、魚片頭，揀咗腩汁同粗麵，辣度分大中小我揀咗少。湯底清甜飲落冇落味精，辣醬係放喺羹上邊，撈晒落去都唔算太辣。我另外再加咗辣椒菜脯，好惹味！餸來講比較出色係好入味嘅豬紅同鮮甜嘅蘿蔔！朋友個碗我淨係食咗魚腐，大大舊索晒湯汁好食。碗麵份量都好多，我哋食完都好飽好滿足！我最推介係煎餃子同炸肉丸，估唔到嚟食車仔麵有意外驚喜！另外，想讚吓呢道店員，啱啱見到有個行動唔方便嘅客人，佢好細心咁幫佢搬輪椅，又俾多張櫈俾借力上落，可能係成日幫襯嘅街坊（？）。…查看更多