喜記蟹將軍

這間餐廳非常地道及有風味~店員有禮,而且環境又大又乾淨~仲有好多遊客及本地客光顧的~有天來吃一頓美味海鮮餐。這間餐廳的蟹十分出名。看到每一台食客都必會點蟹。蟹都有多種不同烹調煮法，有避風塘蟹、薑蔥炒蟹、蛋白花雕蒸蟹、沙茶粉絲肉蟹煲、黃金蟹等等，蟹仲可以自選大細。今天叫了一隻細細的黃金蟹～賣相相當吸引，金黃色的外皮，香脆惹味，鹹蛋味充足。雖然細份量的蟹，但是蟹都非常大隻。餐廳已把蟹斬成了一件件方便食用，而且還有店員會幫忙剝蟹，真的是貼心服務，這樣不用花氣力和弄污糟雙手都能吃到啖啖蟹肉。黃金蟹外皮惹味，中間的蟹肉鮮甜無比啖喔肉超滿足。十分喜歡這餐廳的蟹宴。除了蟹之外，我們還點了椒鹽富貴蝦，富貴的瀨尿蝦大大隻相當吸引，我都是第一次吃那麼大個子的瀨尿蝦，當我在擔心不知道怎樣剝殼，店員提供貼心服務會把蝦殼清理好，然後便可以啖啖肉吃。瀨尿蝦鮮甜無比，肉質厚實爽口彈牙，啖啖肉超豐富，令人十分難忘的巨大瀨尿蝦。招牌蟹油炒麵，看似平平無奇的炒麵，當把炒麵放入口中，蟹味香濃，炒麵十分惹味，令人一試便愛上，而且炒麵份量也很多，非常抵吃。油鹽水浸蜆，看到超多蜆～蜆肉鮮甜，而且仲有粉絲，粉絲吸入了鮮甜蜆肉味道，仲有鮮甜的湯汁，粉絲非常可口美味。吃飽飽豐富晚餐還有甜點贈送，是日提供了番薯糖水。番薯糖水甜度適中，番薯軟糯～非常滋潤清甜～正。下次又可以再約朋友來吃~試一試其他菜式~…查看更多

又到咗食蟹嘅好時節，同班friend揀咗間出名食蟹嘅餐廳，裝修幾精緻㗎，平日夜晚都爆晒棚，好彩一早book咗位，唔係真係冇得食。**喜記正宗炒辣蟹 （小）** 佢哋嘅招牌菜之一 - 港式避風塘炒蟹，用咗勁香脆嘅蒜粒同辣椒炒，蟹肉嫩滑得嚟又鮮甜，仲帶啲香辣味，食落層次好豐富。最正係有專人幫你剝蟹鉗，真係好貼心！**椒鹽雙拼（鮮魷拼九肚魚）** 鮮魷彈牙又鮮味十足，九肚魚就炸到外皮酥脆，肉質好細嫩，椒鹽嘅鹹香味啱啱好，食到停唔到口。**招牌椒鹽富貴蝦** 呢個都係必試嘅招牌菜！瀨尿蝦加咗椒鹽調味，鮮味更加突出，肉質鮮甜又細膩，大大隻，啖啖肉，食得好滿足。**蒜茸時蔬** 蔬菜好清脆，仲keep住嫩綠色，每一啖都有蒜茸嘅香氣，食落好fresh。**招牌蟹油炒麵** 炒麵好香，蟹油味好濃郁，麵條彈牙得嚟又入味，食完仲想encore！…查看更多

親戚遠道而來食團年飯，梗係要食傳統地道風味😙，喜記避風塘炒辣蟹已經有接近60年嘅歷史，咁多年來都有好多名人keep住幫襯，就知道水準一流👍🏻👍🏻避風塘炒蟹🦀 $788/小避風塘炒蟹係必叫嘅菜式，據聞餐廳仍然沿用1960年代喺銅鑼灣嘅秘方，令炒蟹嘅味道獨具風味，一上枱已經聞到好香，好快就有侍應協助拆殼，真係好貼心❤️，蟹肉非常結實，連埋避風塘嘅配料一齊食，令人回味無窮，難怪幾乎每枱客人都叫呢道菜😋😋豉椒炒蜆 $108好夠鑊氣🔥，蜆肉新鮮，豉汁亦都好夠濃👍🏻喜記椒鹽富貴蝦 $488成隻手臂咁大嘅瀨尿蝦王😍，肉質厚實仲有好多蝦膏，除咗避風塘蟹之外，呢樣都係必食之選！招牌蟹油炒麵 $88升級版嘅豉油王炒麵，加咗炸蒜同蟹油，立即香氣四溢，好有驚喜❤️金銀蛋浸時蔬 $98食咗咁多濃味嘅菜式，當然要叫返碟菜中和一下油膩感，蔬菜清甜可口😋食完親友都忍唔住大讚好味又滿足，4人吃晚餐人均約港幣$430，很划算👍🏻👍🏻…查看更多

同朋友講咗好耐嘅食蟹，終於可以起行！我哋兩個女仔叫一隻肉蟹、再要啲小菜、仲有蟹油炒麵，估唔到細細隻都幾夠食！肉蟹（一隻、細嘅）$788有種椒鹽炒蟹、辣度可以任揀。由於本身我自己唔係好食得辣，所以就叫咗小辣。蟹d炸脆配埋食都正，肉蟹新鮮啖啖肉。豉椒炒蜆 $108蜆個汁都正，好似帶少少甜咁，蜆肉新鮮，火候十足，非常惹味。椒鹽九肚魚 $108九肚魚幾外脆內嫩，即炸所以入面仲熱，有椒鹽味，調味得唔錯。乾鍋花菜 $98呢隻椰菜花用咗醬油嚟炒，所以有一種食緊啫啫煲嘅感覺。招牌蟹油炒麵 $88同平時嗰啲豉油王炒麵唔同嘅地方，但係佢用咗蟹油嚟炒，所以食個淡淡海鮮嘅感覺。都幾特別。呢度係中菜廳嘅格局，座位都幾舒適。…查看更多

避風塘炒蟹一直以來都知出名，但無機會一試。今次有國內朋友話想試，我當然讚成，重揀左係美麗華的喜記蟹將軍，位置方便，店內裝修靚靚坐得舒服。清酒鮮鮑魚-鮑魚微微散發清酒的醇香，而且肉質易咬，開胃小食👍🏻椒鹽九肚魚- 比起一般嘅大排檔佢呢度整得特別出色，外脆內滑特別分明，而且魚骨特別幼。豉椒炒蜆-味道適中，而且蜆肉飽滿不帶砂。避風塘炒肉蟹-堅啖啖肉。上枱前有店員即場幫手爆蟹鉗，每隻腳都勁飽滿，蟹肉連埋避風塘粒粒一齊食勁惹味。豆豉鯪魚油麥菜-係舊時係屋企食的家常菜，保持都菜既翠綠爽口，咸香味足～招牌蟹油炒麵-鍾意夠幼細既麵條，香份啱啱好，簡單好食😋最後仲有番薯糖水作結尾😋…查看更多

麻煩友懶拆殼又想食蟹食蝦食海鮮，我諗呢間都係不二之選🙏🏻有海鮮又有小炒家禽，每一樣都咁好食🥰 雖然位置就唔太旺場，不過夠晒華麗，用嚟慶祝或者招呼親朋戚友完全冇問題🤫 人多仲有得包房添‼️1️⃣ 豉椒炒蜆🌶️呢味餸真係好惹味🤣 蜆肉鮮甜又肥美，份量亦都好多，食第一隻嗰陣時唔覺，係食多幾隻嗰陣時就覺得開始有啲辣辣地好過癮🫣2️⃣ 喜記正宗炒辣蟹🦀幾乎每一台都會嗌炒蟹點可以唔嗌🤣 我唔係好食得辣所以淨係嗌咗小辣，但係都已經覺得好夠🤫 辣蟹送到嗰陣時仲熱辣辣，侍應姐姐等我影完相之後已經開始郁手幫我拆殼，咁好嘅服務真係唔係邊度都有㗎🤣 蟹鉗勁多肉，結實爽口，招牌菜真係非佢莫屬🙏🏻 呢到仲準備好晒手套同濕紙巾俾我哋食完可以清潔返對手勁貼心✨3️⃣ 喜記椒鹽富貴蝦🦞除咗蟹之外仲有好多海鮮，完全就係比相吸引咗🤫 上枱見到簡直”嘩”一聲，整到金黃色好好食慾～估唔到嗌蝦都有侍應姐姐走嚟幫手處理啲殼🫣富貴蝦新鮮又ᴊᴜɪᴄʏ，食落仲帶有少少辣，我覺得連埋啲蔥一齊食更美味😋4️⃣ 蒜蓉時蔬🥬估唔到時蔬會係油麥菜😍 一餐飯點都要嗌啲綠葉先叫完美，用蒜蓉炒好入味，鮮嫩又唔老～5️⃣ 招牌蟹油炒麵🥢用蟹油嚟炒麵都係第一次食😚 本身仲以為會好油膩點知竟然一啲都冇，取而代之係蒜香味好濃～ 炒麵麵條彈牙，配埋蔥同芽菜，ᴘᴇʀꜰᴇᴄᴛ ᴍᴀᴛᴄʜ🤩6️⃣ 薑汁番薯糖水🍠食到最後仲送咗糖水～ 薑茶未必個個鍾意飲，但係加埋番薯就啱哂食完蟹之後食啦🤫 因為薑可以驅寒，而番薯豐富嘅纖維又可以幫身體排出多餘嘅油脂，一碗仔就啱啱好啦✨…查看更多

尖沙咀 [喜記蟹將軍] 位於美麗華商場2 期, 酒店區, 又近地鐵站, 交通極方便.  必要預訂座位. 餐廳裝修時尚, 設有多間貴賓房. 我們安排座位在大廳,  光線充足, 位置光猛闊落,  侍應招呼好好, 立即送上熱茶, 小食及餐牌, 招牌菜 ~   喜記正宗炒辣蟹,  好吸睛, 鎮店之寶, 必點.有介紹多種烹調蟹食法,  還有富貴蝦.牛, 豬,  雞, 小菜, 有很多選擇.  我們點菜無難度.不一會兒, 冷盤 招牌醉鮑魚.   由遙控卡車送上.  原隻鮑魚好吸引,   鮑魚經過清酒泡浸, 肉質爽彈,  鮑魚本質稔滑鮮甜, 加上清酒香味,  好好食. 豉椒炒蜆蜆肉大粒好飽滿, 入口鮮甜,  無沙.   豉椒味道濃厚,  自家製醬汁好惹味.招牌菜主角, 喜記正宗炒辣蟹  (一隻),  大約1斤4兩.  辣度可以自選:  大, 中或小辣度.   我們選了小辣.   熱騰騰辣蟹送到我們檯前, 上檯時備有蟹鉗, 膠手套和濕手紙, 好貼心.   巨蟹紅卜卜,   蒜香味濃,  色香味俱全!!侍應姐姐馬上前來替我們拆蟹, 她很有經驗, 先取大蟹鉗, 好容易把厚厚的蟹殼移走,  蟹鉗巨形多肉,  蟹肉鮮嫩多汁, 肉厚結實又爽口. 炸蒜蓉嘅香味滲透全只蟹,  蟹肉 微辣, 味道濃郁, 大家慢慢食, 細細品嚐. 蟹蓋多膏, 蟹膏甘香滑溜.  食得真滋味. 豆豉鯪魚炒油麥菜 ~ 油麥菜新鮮嫩綠,   用上豆豉鯪魚炒,  好 惹味.招牌蟹油炒麵 ~ 炒麵炒得不油膩, 可口之作.  每條麵條都沾有蟹油豉油汁帶蒜香, 爽口美味.     甜品 ~  餐廳送每人一碗 蕃薯糖水, 糖心蕃薯口感軟綿綿,  糖水帶些薑味, 真不錯!!食物足料好味, 廚藝吾錯.  辣蟹皇令人回味, 下次會再來食富貴蝦.…查看更多

過年過節都想食吓有海鮮嘅中菜餐廳知道蟹將軍喜記剛剛裝修完 所以揀咗佢食嘅菜式中最推介以下幾款🛎️ 喜記正宗炒辣蟹 蟹肉鮮甜美味 肉質爽滑紮實蒜粒金黃香脆 連同辣椒及獨有香料爆炒辣蟹 非常惹味 還可以選擇辣度🛎️ 招牌牛肋骨雖然這間店出名食蟹食海鮮但是招牌牛肋骨同樣出色牛肋骨的肉煮至軟腍 上碟時已與牛肋骨分離切片上牛肉肉質鮮嫩 有肉汁 帶有微微焦香🛎️ 招牌蟹油炒麵 雖然用蟹油炒 但麵條不會很重油膩感麵條充斥着蒜香和蟹油的甘香伴菜的蔥和芽菜仔也爆得香口份量也很足 整體美味可口...服務👨🏻‍🍳 正常不錯衛生🛁 感覺乾淨 沒發現明顯污糟環境🏡 裝修雅緻 有梳化及房間位 座位舒適…查看更多

喜記蟹將軍，係一間「喜記避風塘炒蟹」嘅分店，最近重新裝修，環境煥然一新。餐廳內設有梳化座位同埋私人房間，為食客提供舒適嘅用餐環境。喜記蟹將軍以炒蟹聞名，佢嘅招牌菜式「喜記避風塘炒辣蟹」口感非常出色。蟹肉鮮嫩，搭配獨特嘅避風塘炒法，帶出濃郁嘅海鮮味道，令人回味無窮。另外，佢嘅招牌蟹油炒麵亦非常出色，麵條爽滑，配上豐富嘅蟹油，味道十分濃郁。除咗炒蟹同炒麵，喜記蟹將軍仲有其他出色嘅菜式。其中一款受歡迎嘅菜式係「喜記富貴蝦」。呢款菜式用上新鮮嘅瀨尿蝦，炒製得鮮嫩多汁，配上獨特嘅椒鹽，帶出豐富嘅口感同味道。總括而言，喜記蟹將軍係一間環境優雅、提供出色食物同優質服務嘅餐廳。如果你鍾意食蟹同海鮮，喜記蟹將軍絕對係一個值得一試嘅地方。…查看更多

呢日同老公路經尖沙咀，見到平時我響銅鑼灣食開，最鍾意嘅喜記，響尖沙咀都有，立即心心眼入去食。呢道全新裝修，典雅又光猛，重有梳化座位，坐得好舒服！我見重可以book房，環境真係正！喜記正宗炒辣蟹:喜記正宗炒辣蟹隻蟹好大隻，配以秘製的辣椒和避風塘炸蒜粒，給人帶來了一種獨特的辣味和香氣。蟹肉質鮮嫩，搭配辣椒粒的刺激，讓人嘴裡充滿了火辣的滋味。避風塘炸蒜粒增添了菜餚的香脆口感。這道菜可選辣度，非常貼心。喜記正宗炒辣蟹絕對是一道值得品嚐的美味佳餚。清酒鮑魚:清酒鮑魚結合左清酒和鮑魚的美味。鮑魚肉質豐潤鮮美，口感軟嫩。鮑魚被輕輕燒烤，散發出淡淡的清酒香氣，清酒的香氣與鮑魚的鮮甜完美結合，讓人回味無窮。豉椒炒蜆:豉椒炒蜆以新鮮的蜆肉配豉椒調味，給人帶來了豐富的口感和風味。蜆肉鮮嫩多汁，與豉椒的鹹香味相得益彰。豉椒的獨特風味使得這道菜更加香濃，令人想一吃再吃。招牌蟹油炒麵:招牌蟹油炒麵以濃郁的蟹油為基礎，配以炒麵，非常滋味。炒麵帶有濃郁的蟹味，炒麵麵條彈牙，與蟹油的香濃味道非常配合，係令人滿足既選擇。…查看更多

屋企提早做冬, 媽咪係OpenRice買咗個優惠四人套餐HK$1288 (原價HK$2033), 當中包括了餐廳人氣必食嘅炒辣蟹, 今晚同屋企人食得好滿足!餐廳地方企理, 設部份沙發位, 坐得舒服。食物上檯速度快。手拍青瓜拼陳醋木耳: 青瓜同木耳同樣爽脆, 酸尾尾, 清新又醒胃。螺頭燉雞腳湯: 每位燉湯上檯, 非常足料! 味道清甜潤喉, 滋補養顏。椒鹽雙拼: 兩款炸物嘅炸皮鬆脆不油, 九肚魚外層鬆化內裡嫩滑得入口即化, 鮮魷爽而不硬。喜記正宗炒辣蟹一隻:可自選辣度, 揀咗少辣, 辣蟹切件後堆拼返原隻蟹上檯, 盡顯賣相氣勢; 蟹肉有鮮味, 肉質介乎實肉同林之間, 伴有大量避風塘炸蒜, 微辣香口又惹味。 鮮茄濃湯浸時蔬:湯底清甜, 主要有白菜、芹菜、蕃茄、秀珍菇等, 索咗個湯汁, 清甜味更加出。紅燒乳鴿兩隻:乳鴿炸得金黃脆口而不油, 算係幾厚肉, 而且juicy, 點少少淮鹽食, 味道更提升。招牌蟹油炒麵:炒麵麵質彈牙, 頗有穫氣, 夾集了芽菜、蔥段食, 香口有層次。最後餐廳還送上蕃薯糖水做甜品。 …查看更多

近日朋友從澳洲回來, 知她比較喜歡食中菜同海鮮, 上網search 到尖沙咀美麗華喜記蟹將軍口碑唔錯, 係openrice訂購仲有折扣, 一於去大吃一餐!餐廳地方光鮮企理。我哋四人買咗個以優惠價 HK$1228嘅套餐 (原價要$2033), 真係平咗好多!手拍青瓜拌陳醋木耳: 酸酸辣辣, 口感香脆, 先開開胃。螺頭燉雞腳湯: 非常足料, 有雞腳螺頭、松茸等, 味道鮮甜, 滋陰養顏!椒鹽雙拼（鮮魷、九肚魚）: 鮮魷炸得夠酥化, 九肚魚表皮酥脆可口, 嫩滑中帶口感, 兩者炸得夠乾身, 加上蒜粒, 十分惹味！招牌避風塘炒辣蟹（一隻）: 辣度可自由選擇, 我哋選擇微辣, 超大隻蟹, 配料炸得金黃, 連同蟹炒成一大碟, 肉質鮮甜肉嫩, 夠鑊氣又入味, 配埋炸蒜一齊食, 大滿足！妙齡乳鴿兩隻: 外型結實飽滿, 皮炸得相當香脆且不油膩, 肉質夠嫩滑, 可見火喉控制得宜。鮮茄濃湯泡田園蔬菜: 材料豐富, 混合新鮮蕃茄、白菜、芹菜和多種菇類, 味道鮮甜清爽。招牌蟹油炒麵: 麵炒得夠爽身又彈牙, 蟹油雖然被麵吸收但都不會油膩, 連蔥同芽菜都爆得好香, 味道幽香而微辣！最後仲有蕃薯糖水, 蕃薯林甜, 配上帶薑味糖水濃郁芳香。…查看更多

今日放假約朋友嚟位於尖沙咀美麗華廣場二期的「喜記蟹將軍」 ，之前在銅鑼灣食過，就經已愛上了他們的炒辣蟹。尖沙咀分店裝潢華麗時尚，座位寬敞舒適，還有私人包廂，好適合一班朋友一齊嚟聚下開心下。🔸喜記正宗炒辣蟹🦀｜$788整隻蟹完全被炒香了的蒜粒包圍住，蟹的重量大約有1斤2両至4両，上枱時，散發著濃郁的辣椒🌶️+炒蒜🧄的香氣，真是令人欲罷不能😍蟹肉鮮甜厚實，配合香蒜來食，不得了，差不多把整碟辣蒜都食晒😆🔸喜記富貴蝦🦐｜ $388大大隻瀨尿蝦，應該足足有 6両，油炸的瀨尿蝦沾上炒香的椒鹽，重鹹香辣，令人吃得津津有味，瀨尿蝦十分多膏，蝦肉爽口彈牙，蝦肉充滿整個口，而且味道鮮甜🔸豉椒炒蜆｜ $108蜆肉十分鮮甜，每隻都脹卜卜，在濃郁的醬汁裏食出蜆肉鮮味，令人停不了口🔸招牌蟹油炒麵 🍜｜ $88麵條加入了鎮店之寶「辣蒜」，令味道更上一層樓，蟹油的香味滲入每條麵條之中，增添了獨特的風味🔸螺頭燉雞腳湯🍲｜ $88位螺頭味道清甜而且補氣滋陰🔸香芋臘味蓉菠菜🥬｜ $118以臘腸、潤腸、香芋炒香再用來煮菠菜，菠菜吸收了所有香氣和臘味的味度，正👍🏻🔸番薯糖水食完整餐飯後，店員會送上番薯糖水，薑味十足，番薯好香甜，為這一餐畫上完美句號。…查看更多

位於尖沙咀彌敦道的喜記蟹將軍，是一家以蟹為主打菜式的餐廳，提供豐富多樣的用蟹烹調的美食選擇。餐廳的環境非常舒適，裝修簡潔又時尚。擺設明亮清爽，讓人感受到寫意的用餐氛圍。喜記蟹將軍的招牌菜是煙燻蟹，這道菜色香味俱佳，蟹肉鮮嫩多汁，煙燻的風味更讓整道菜增添了獨特的口感。除了蟹菜式，喜記蟹將軍還提供其他美味的海鮮和湯品。我們這次就吃了招牌蟹油炒麵、豆豉鯪魚炒油麥菜、紅燒乳鴿，每一款質素都很好。此外，喜記蟹將軍的服務態度也值得一讚。員工熱情友好，樂於解答食客的問題，並提供專業的建議。他們的服務效率也很高，讓用餐體驗更加順暢愉快。總結來說，喜記蟹將軍是一家提供高品質蟹菜式的餐廳。無論是蟹類還是其他海鮮，他們的食材新鮮，做工細緻，味道鮮美。再加上舒適的環境和優質的服務，這是一家值得品嚐的餐廳。…查看更多