芝加哥串燒酒場 (太和中心)

【燒半殼扇貝】香蔥醬汁濃郁，扇貝又鮮甜。【招牌茄子燒】茄子軟嫩，蒜香醬料入味，帶有燒烤的香氣。【韭菜燒】清新爽口，韭菜的獨特香氣在燒烤後更加突出。【燒冬菇】菌香濃郁，口感滑嫩多汁，簡單辣粉調味即可突出食材本味。【炸饅頭】外酥內軟，沾甜奶與其他鹹味串燒形成對比。【燒秘製肥腸】肥腸處理得當，外脆內嫩，調味濃郁。【招牌紙鶴雞皮】雞皮香脆，脂香四溢又不肥膩，十分誘人。【風味燒雞腎串】內臟處理得當，保留了鮮嫩的口感。【鹽燒牛古心】肉質鮮嫩，鹽燒突出了牛肉的原味。【煙燻和牛牛舌】煙燻風味濃厚，牛舌口感細膩。【脆炸3.6牛乳】外酥內滑，甜香適中，是一道有趣的甜品。【極品即燒乳豬】皮脆肉嫩，香氣四溢，令人垂涎。【鹽燒雞翼】簡單的鹽燒突出了雞翼的鮮美。【燒日本博多雞子】彈牙惹味，風味獨特。【Crazy Mother Fxcker】多種酒味混合，不簡單。【Godiva Chocolate】甜酒朱古力味重易入口。…查看更多

見佢酒吧嘅門面，完全估唔到呢度嘅串燒可以咁正正👍🏻 仲要好抵食，同幾個朋友叫到成枱都唔貴🤣 總括嚟講呢度嘅串燒比居酒屋燒得更香更惹味🔥 同埋呢度嘅Cocktail正，氣氛好好～⭐️ 極品即燒乳豬（串）（$68）嚟到一定要食呢個‼️色香味俱全，係細版嘅乳豬🤤 乳豬皮烤到勁脆，內裡嘅肉質鮮美多汁，勁特別！⭐️ 招牌無骨白鱔（串）（$58）其次係必試呢個燒白鱔🤤 火燒嘅鱔皮勁脆，無骨，魚肉好嫩滑～⭐️ 招牌茄子燒（條）（$42）呢個真係招牌枱枱都叫。超大條茄子軟滑入味，搭配勁多調味，超級惹味～⭐️ 蔥燒半殼扇貝（兩隻）（$55）蔥燒半殼扇貝燒得恰到好處，濃郁的蔥香與鮮甜的扇貝完美結合，每一口都讓人愛不釋口。⭐️ 燒明太子多士（份）（$28）燒明太子多士是一道創意十足的菜式，多士烤得香脆，內裡有著濃郁的明太子醬汁，讓人愛不釋手。⭐️ 明太子玉子燒（份）（$58）明太子玉子燒好似日本嘅蛋餅，內裡有著鬆軟嘅蛋，再加埋香濃嘅明太子醬汁，好味又解膩。⭐️ 燒士匪雞翼（兩隻）（$25）燒士匪雞翼烹調得剛好，肉質鮮嫩多汁，外層燒烤得香脆，每隻雞翼都好吸引。⭐️ 韭菜燒（串）（$16）韭菜燒串有豐富嘅韭菜香氣，烤得香脆，每口都好有層次感，好適合喜歡韭菜嘅朋友。⭐️ 燒三文魚鰭（串）（$28）燒三文魚鰭串的三文魚鰭肉質鮮嫩，外層燒烤得微焦，帶有淡淡的邊燒香氣，絕對是海鮮愛好者的滿足選擇。⭐️ 招牌燒法國鵝肝（串）（$82）招牌燒法國鵝肝串是一道奢華的選擇，鵝肝的軟滑口感和濃郁的香味，絕對能帶給你一個極致的味蕾享受。⭐️ 黑毛豬腩串（$23）黑毛豬腩串肉質豐腴，每一口都帶有豬肉嘅鮮甜味，烤到剛剛好嘅焦糖層，讓人食到停唔住！⭐️ Godiva Chocolate cocktail （$98）嚟呢度一定要叫酒啦～呢杯Cocktail超特別😝 女仔一定鍾意❤️雞尾酒帶有濃郁嘅Godiva朱古力味，加上些許酒精~⭐️ 芝士和牛串（$32）⭐️ 雞肉軟骨棒（$25）⭐️ 燒雞泡魚干（$58）⭐️ 芝士年糕（兩件）（$32）⭐️ 鹽燒牛舌心（$33）⭐️ 蜜桃梳打 （$49）💰HKD 260 p.p for Dinner…查看更多

住大埔嘅fd子, 推介li間開左好多年嘅酒吧, 超多款成2頁A4紙密密麻麻勁多款串燒+BBQ食物, 大大杯KIRIN, 大大杯啤酒, 絕對係約fd吹水食野飲酒嘅no.1選擇🤩.🍻Chicago Logo beer係一塊乾菠蘿片喺面頭嘅啤酒, 好有果香易入口. 我飲左KIRIN白桃味 Draught, 2杯啤酒都勁大杯, 好抵飲! 夜晚6點前仲要買一送一CS😳勁抵.•Eating time🍴剔下剔下, 揀左成10款食物, 佢地係即叫即燒呢, 各款食物都好高質素, 必食嘅有….👉🏻•滑捋捋招牌燒牛骨髓•鹽燒牛舌心有牛舌同牛舌心一定係食口感腍軟勁多嘅牛舌心.•燒豬大腸大大圈豬大腸, 燒得皮好脆好味.•招牌茄子燒味道豐富茄子🍆大條又多茄子肉.•香蔥燒蟶子王, 葱燒半殼扇貝海鮮爽口入味.•燒明太子多士原來可以將啲明太子抹喺塊多士度燒, 好好味.•招牌燒法國鵝肝勁邪惡! 近乎入口即溶嘅鵝肝, 大大件, 真係好邪惡👿😂.•芝士年糕正正正!!! 軟糯!!! 多芝士!!!•孜然燒羊腩重重孜然粉, 羊腩肉質腍軟.•下次再黎🤪🤪🤪🤪🤪🤪…查看更多

想happy又唔一定要等Happy Hour嘅，每一時刻都可以係開心moment飲酒加串燒，對兩者都有要求，嚟大埔呢間酒場一定會滿肚而歸胃弟好鍾情燒茄子，皆因呢間又平又軟熟，係咁求大胃encore燒鱔燒得好香脆，嗦嗦聲呀燒蠔鮮味突出，調味唔會喧賓奪主羊架好平，但離奇高汁，三成熟嫩到不行了！鵝肝炸到外脆內綿，不失油香鴨舌都可以用嚟燒，而且味道唔錯。鰻魚肝原來係咁香口，下次一定要嗌牛舌雖然唔算厚切，但係彈性十足，好好味呀！豬頸肉調味好香，啖啖肉汁:)雞肉軟骨棒嫩到冇乜骨感，撈埋蛋汁冇得彈雞子有得串燒，值得一試，調味調到，唔食雞子嘅胃弟都食到。風味羊肉串好香孜然味，肉質都係好夠嫩，又唔太羶芝士年糕好綿好爆芝，呢個真係連大胃都忍唔住再嗌！順便嗌埋黑糖雞髀肉，味道有趣又夾，同埋又係好嫩滑麒麟啤不嬲都係大胃所好，仲有黑加侖子同桂花味，點可以唔試？黑加侖子口感順滑，越飲越香醇桂花味嘅花香較明顯，胃弟飲到唔肯share畀大胃…查看更多

平時好少去大埔，今日咁啱入去搵朋友，緊係搵間坐得舒服又可以傾得耐傾嘅餐廳食飯喇。行過見到有間酒場氣氛唔錯，就揀咗呢間餐廳食個晚飯。呢間餐廳食物種類嘅選擇有好多，但因為我地唔算好肚餓，所以都係叫咗串燒炸物食，無叫到主食，決定慢慢食下串燒傾下偈。𝐎𝐫𝐝𝐞𝐫::【串燒】⧐韮菜燒 |$15⧐一口和牛串 |$29⧐招牌茄子燒 |$35⧐浦燒鰻魚串 |$26⧐牛油帆立貝 |$35⧐炭燒豬頸肉 |$22⧐蜜汁燒黑豚肉 |$42⧐芝士雞髀肉串 |$23⧐水牛城燒雞翼 |$25⧐大蔥雞髀肉串 |$24⧐安格斯牛肉蔥串 |$32⧐日本一口蕃薯仔燒 |$19【炸物】⧐炸辣雞鎚 |$38⧐拉絲水牛芝士條 |$58【啤酒】⧐sᴀɴ ᴍɪɢᴜᴇʟ ᴄᴇʀᴠᴇᴢᴀ ʙʟᴀɴᴄᴀ ᴅʀᴀᴜɢʜᴛ|ʜʜ $𝟽𝟸⧐ʟɪᴛᴛʟᴇ ᴄʀᴇᴀᴛᴜʀᴇs ᴅᴏɢ ᴅᴀʏs ᴅʀᴀᴜɢʜᴛ |ʜʜ $𝟼𝟻串燒原來係一次過一板咁上，見到都嚇親，原來都叫左幾多野食🤣好彩最後慢慢食都食得哂。串燒燒得好好，唔會𝘰𝘷𝘦𝘳𝘤𝘰𝘰𝘬𝘦𝘥，而且佢嘅調味做得唔錯，可以係落單嗰陣選擇辣嘅程度，因為我唔係好食得辣，今次揀左唔辣。個人幾推介韮菜燒、一口和牛串、招牌茄子燒同安格斯牛肉蔥串。我本身好鍾意食燒嘅韮菜，再配合埋佢地自己嘅調味，真係食一串都覺得唔夠。和牛同安格斯牛肉都燒得啱啱好，因為好多串燒店都會燒到過哂龍，搞到好難咬又唔好食，但呢度火侯掌握得好好，燒得好完美。炸物方面，拉絲水牛芝士條真係好驚喜，外脆內軟，條條都拉到絲。點埋佢個加左七味粉嘅沙律醬，唔會太漏。炸辣雞鎚都好推介，炸粉唔會落得太多，又唔會太辣，即叫即炸好香口。啤酒我地揀左2杯，𝘚𝘢𝘯 𝘔𝘪𝘨𝘶𝘦𝘭係麥味比較重的，而且帶有煙燻嘅味道。𝘓𝘪𝘵𝘵𝘭𝘦 𝘊𝘳𝘦𝘢𝘵𝘶𝘳𝘦𝘴 𝘋𝘰𝘨 𝘋𝘢𝘺𝘴就係果味重啲啲，係一種混合住小小桃同芒果嘅果味，好清新。另外呢度仲有好多唔同酒類，而且仲設有放題型式，如果鍾意飲酒嘅朋友仔可以揀呢間餐廳，因為真係坐得好舒服，吹水都吹得開心啲。佢仲有一個高酒精濃度嘅生啤挑戰，飲到5杯以上會免費，如果自問係千杯不醉可以去挑戰下🤣—📝評分味道 ⁴ / ⁵環境 ⁵ / ⁵服務 ⁴ / ⁵衛生 ⁴ / ⁵抵食 ⁴ / ⁵—📍芝加哥串燒酒場 𝘾𝙝𝙞𝙘𝙖𝙜𝙤大埔大埔太和路15號太和中心地下37號舖—…查看更多

朋友提議嚟呢間試下，本身未入去見到大大部電視睇波，以為會唔係好啱女仔，點知入到又Ok喎，至少睇波唔會好嘈～內部環境都幾靚，擺咗好多靚酒出嚟做裝飾，簡簡單單，雖然內在環境都唔算好光，但都唔會比人好唔舒服或者污煙漳氣嘅感覺，而且始終對街地鋪，都唔會覺得唔安全！Menu上的選擇都有好多，好想試佢生蠔同生蝦，點知落遲一步order就賣晒～🌙石燒prime牛小扒 $138呢個牛小扒雖然價錢略貴但都推介，因為一來肉質好淋而且鎖到肉汁，而且肉味都較重，🌙招牌茄子燒 $32作為燒茄子呢個照牌菜都算唔錯，調味料又夠而且份量都好大隻！可惜我哋掛住傾計呢味凍咗，如果唔係熱啲應該仲好食！🌙燒雞翅包肉 $19/隻終於食到想食嘅翅啦！最鍾意係入面啖啖肉，真係超滿足，推介！🌙燒羊架 $35/隻呢燒羊架一上台都已經有配薄荷醬都幾好，啱曬啲怕酥嘅朋友，我叫咗7成熟，上枱好香，不過羊肉味算普通。🌙蒜蓉牛油燒大頭蝦 $38/隻🌙鳯梨燒 $19呢個鳯梨很重要！因為我哋掛住叫肉完全忽略咗菜！好彩有叫鳳梨平衡返，燒又好甜又多汁🌙Pina Colada/ Mojito 我哋兩個女仔都唔太飲得，多謝店員推薦咗呢兩款靚靚嘢cocktail俾我哋打卡～…查看更多

睇完其他介紹, 唸住去美豐花園嗰間Dragon Bar食下西餐飲返杯, 咁啱佢地裝修緊就行返去串燒bar了, 今晚都好多人呀.🍻Blue Hawaiian (HKD88)好夢幻嘅cocktail, 佢Aloha在於椰香同菠蘿汁🍍味都balance, 藍橙酒syrup令到成件事勁海洋feel🍸好飲🍸🍻Little Creatures Pale Ale (HKD46)老公當然要一大杯craft beer送串燒吧, 佢話好易入口, 我都未必會覺得好苦, 帶點微微果香果味仲feel到啲柑桔🍊味添🍺.🍻發現串燒menu應該不時update, 今晚張menu好似同之前唔同左, 劃野食lu.🍻招牌茄子燒 (HKD32)必食item no.1一定係爆多葱蒜香糕即叫即燒又大大條嘅茄子燒啦! 次次都食到刮清茄子🍆皮的.🍻 燒芝士年糕 (HKD28)No.2 必食嘅就係一碟兩粒嘅燒芝士年糕, 面頭乾身, 一咬黏糯度200%, 再咬多啖啲芝士爆出黎, 絕對唔係普通日式料理食嗰款芝士年糕must吃🤤.🍻燒牛油半熟帶子 (HKD58/串)一碟3件帶子燒得微焦充滿牛油香, 抵食之選.🍻燒羊架 (HKD35/件)爆香孜然味道7成熟燒羊架肉質腍軟juicy, 附上薄荷醬dip左味道更突出0羶味啖啖肉.🍻脆辣炸雞搥 (HKD38)一碟3件雞搥好厚肉炸得外脆又juicy, dip泰式雞醬好好味.🍻燒豬大腸 (HKD28/串), 秘製風味羊肉串 (HKD19/串), 車厘茄雞脾肉串 (HKD19/串), 風味燒雞腎串 (HKD14/串)👉🏻隨心剔多幾串串燒開心share, 勁鐘意廚師毫不吝嗇各種香料, 燒得好有心機呢.🍻喺附近行左一個圈原來都有好幾間bar, li度唔同嘅點就係氣氛好好, 鐘意睇波嘅有大電視, 想傾下計chill下坐得有夠舒服的.…查看更多

好吧, 其實同家人已經黎過呢間串燒小店/酒吧 無數次 今次終於的起心肝打食評~ 我地成家都唔飲酒架~ 但係偏偏好鐘意食呢度既串燒, 唔單止好味, 仲好抵~ 所以我地岩岩既聖誕節 同母親節 都係呢度慶祝 😂 串燒款式好多, 仲有5個唔同辣度可以揀 話說之前黎食, 等食物都等得比較耐, 今次就有好明顯既改善!! 等左~20分鐘 食物就一次過熱辣辣送上枱喇 ! 以下10款食物由我最喜愛程度順序排:: (必叫) 招牌茄子燒 $32 呢個真係一試便愛上 ! 茄子燒既程度剛剛好, 又唔會有過油既問題 有落孜然粉同香蔥調味~ 調味料唔會過重, 一整片 秒速清晒 ! (必叫) 燒宮崎去骨雞腿 $34 外皮燒得勁香脆 !! 雞肉肉質嫩滑 ~ 帶有微微咸香調味, 啖啖肉 好正~ (必叫) 培根車厘茄卷 $20 車厘茄鮮甜多汁, 煙肉又薄又香, 唔會太重味~ 同車厘茄夾埋一齊食 好夾 金菇牛肉卷 $28 金菇份量勁多 !! 爆晒出黎 ~ 牛肉片幾香, 整體不錯~ 香蔥燒丰殼扇貝 $39 勁多香蔥鋪面~ 扇貝鮮味突出 ! 鐘意海鮮既朋友要叫 鹽燒雞翼 $21 雞翼醃得入味, 燒得剛剛好, 但就唔算太有驚喜 (印象中之前食過蜜糖雞翼 出色D~) 燒羊架 $35 呢個都幾有驚喜~ 無我想像中的油膩~ 帶有輕微羊羶味, 可接受~ 鹽燒牛舌心 $30 呢個其實係媽媽鐘意食的~ 我都覺得調味做得幾好, 肉質又不錯 燒牛油帆立貝 $33 無乜牛油味, 只係食到燒汁味咋, 所以有點失望 風味燒雞腎串 $14 我本身麻麻地雞腎, 所以對呢個都無乜特別喜好啊 媽媽就覺得不錯食完呢轉已經夠飽了, 但因為為食, 所以後加左三樣野:: (必叫) 蜜汁燒黑豚肉 $39 呢個我媽媽至愛 ~ 每次黎都係必叫的 的確 連我係怕豬臊味 都覺得呢個不錯 (無個陣臊味) 肉好厚~ 好嫩~ 燒至微脆, 鐘意沾埋蜜糖食 勁香 燒雞翅包飯 $19 雞肉外皮燒得好香, 入面好juicy !! 飯粒係泡菜炒飯, 有少少辣 幾惹味~ 大蔥雞髀肉串 $19 呢款就不過不失, 無乜特別, 但雞肉係瘦幾滑, 無乜肥膏 大蔥好香 不過燒得有點燶Last but not least, 呢度既Cocktail / Mocktail 很有驚喜 : ) (黎左咁多次, 我地都係第一次試, 因為之前唔知可以request將cocktail-有酒精轉mocktail-無油精) 媽媽揀的Godiva Chocolate $88 (Godiva chocolate liqueur, Chocolate milk) 要求唔加酒精, 即係變左類似朱古力奶啦~ 賣相一D都唔馬虎~ 面頭有層忌廉 ! 呢隻朱古力味一飲就覺得好好味 甜而不膩, 口感幼滑 : ) 我同媽媽都好鐘意 ! 我叫的 Rose $76 (Rose, Gin, Soda, Syrup) (走Gin) 本來仲驚會過甜, 但唔會 ! 有淡淡既玫瑰香+清新梳打, 同呢餐串燒好match啊 最後都想讚下 呢度既員工好helpful ~ 見到客人有需要 佢地都react得好快 店內氣氛都令人好舒服, 播緊既音樂都係平時鐘意既流行曲 有別於一般又嘈又污煙脹氣既酒吧 (唔知係咪因為我地都算早黎食既關係呢?) 總結係, 呢度會繼續係我地既飯堂 …查看更多

好少去到大埔搵食，但朋友話太和村附近好多又平又正嘅嘢食，就帶我去試吓。位於翠和里嘅芝加哥BBQ Bar好方便，門口有位停車，如果你好彩的話😆係外面睇以為係酒吧，原來係有正餐、有串燒又有酒飲的餐廳。首先，一入門口已經好抵讚，店內完全無燒烤味，抽風做得好好👍🏻因為我好怕食串燒食到個人全身烤味又焗，丁點臭味道都無呢一點好非常滿意！而且店內環境幾有氣氛，適合同朋友飲杯嘢傾吓計。飯類選擇唔算多，但串燒種類就非常多！而且價錢都幾抵。招牌茄子燒($32)茄子燒非常驚喜，推介！我本來係唔鍾意食茄子的。但燒茄子出奇的香口，配上蒜蓉同少少蔥花味道好夾，令本來淡味的茄子變得非常惹味。我哋連皮都食埋，燒咗的皮口感好特別，少少脆有咬口。炭燒豬頸肉($19)一串豬頸肉只係$19，有五小嚿，好抵啊！燒得非常香口，外脆內滑，肥瘦比例好，唔會燒到乾晒！香烤黃花魚($88)第一次食烤魚，要等嘅時間雖然比較長，但好值得的！外皮烤得香脆，掀開裡面魚肉仲好嫩滑，而且多汁。烤魚只係用咗鹽醃咗，灑上少少檸檬汁味道好夾，亦都帶出黃花魚嘅鮮味，唔需要點調味料都好夠味。不過黃花魚比較多骨，大家食嘅時候要小心啊。蜜糖黑豚扒珍珠飯($78)黑豚扒燒得剛剛好！唔會軔亦唔會太淋，同其他燒物一樣，咬落口都係juicy！蜜糖汁配珍珠米，會忍唔住食好多飯🙈Little Creatures IPA ($48)朋友話試吓杯手工啤，好飲喎！同描述一樣，真係有淡淡果香味同時又留到啤酒花的苦澀味，女仔可以一試。Mojito ($72)甜甜地好易入口，份量都唔細。三五知己約嚟飲杯嘢食吓串燒傾吓計，係一個好選擇❤️…查看更多

又到「媽媽鬆一鬆」時間！上星期拜託家人照顧小朋友，和老公外出吃了餐「嘆飯」。上「開飯」見附近有一間食店有招牌燒茄子，特意來一試。點了燒扇貝、燒秋葵、黑松露薯條、香草芝士焗雜菌、燒茄子、鹽燒雞翼、蒲燒鰻魚飯、燒蠔和烤黑松露蝦。另加了桃味啤酒和蘋果酒。蘋果酒好重蘋果味好甜，適合女生，是我杯茶呢！桃味啤酒反而桃味偏淡。扇貝沒有燒過火，肉質不韌。但最驚喜的是燒秋葵，從沒試過秋葵和孜然粉會如此相配，完全將草青味遮住，好惹味好爽！大家都推介的茄子燒，沒有失望，香蒜味濃，好惹味，份量亦大，兩至三個人吃剛好。原條燒鰻魚，可單點或選配珍珠飯，我選擇了後者，因為鰻魚汁較濃味，單點吃多了可能會膩，但配上珍珠飯就恰到好處，重點是整條鰻魚均吃不出有碎骨，我最怕是碎骨了，推介！黑松露薯條好香脆，有淡淡黑松露味的薯條配上沙律醬，好好味！一個人吃了大半碟！芝士烤雜菌、鹽燒雞翼、燒蠔和烤黑松露蝦都不錯，特別是蝦，中間加了黑松露，好香，蝦殻燒到好脆，可以整隻吃下去！下次來要試下京蔥串，本身很喜歡京蔥，但今晚太飽了！…查看更多

呢排唔洗番工番學，真係多了時間做自己嘢，連平時唔做運動嘅我，都和朋友行山😂依家出去食飯唔敢打邊爐食雞煲，所以串燒是個好選擇😚當日去到七點半，差不多坐滿人，店員安排我們坐到餐廳較入位置，但整體環境較嘈吵，餐廳音樂播得有點太聲，客人就要鬥太聲講嘢～光線亦偏暗，看不清食物，可能店家要注意下⚠️——————————🔹磯燒牛扒 $48朋友喜歡食牛扒，就叫了一塊share! 這個比我想像中的生而偏韌，有很多筋和肥肉😖 食完有油膩感，但這價錢就不要要求太多😅🔸培根車厘茄卷 $19這個燒得很出色，培根和車厘茄燒得剛剛好，表面會有些蜜糖，一咬會爆汁，不錯👍 🔹蜜糖雞翼 $20蜜糖雞翼燒得有點乾身，雞皮和肉質都硬硬地，還有很重孜然粉味，而不是蜜糖味，可惜...🔸玉子燒 $33玉子燒賣相都幾吸引，但一夾起就看到底部很黑，所以很太陣燶味😖 朋友不太喜歡太燶嘅食物，選擇不食😅🔹招牌茄子燒 $30每次去串燒店，都必叫燒茄子🍆因為夠大條，可以當菜食😋 但這間店燒得有點健康😂不會很油，整體蒜味很夠，但就有點乾身，沒有串燒的感覺～🔸韭菜燒 $14韭菜燒得剛好，灑滿孜然粉和辣粉，可以食到一些調味粉和韭菜裏的水份😋🔹香草芝士焗雜菌 $38這個的確有不少種類的菇菌，一打開看到好多cheese和香草在上面，菇菌味道好香😚食完這麼多熱氣串燒，再食這個很健康👍🏼🔸宮崎去骨雞腿珍珠飯 $68這個去骨雞腿珍珠飯，份量足夠兩三人share!雞腿肉是燒過，但不太食到有香料味，味道偏淡，幸好飯裏有加燒汁，甜甜地，餸飯食就啱晒～🔹鹽燒多春魚 (4條) $25朋友平時很喜歡食魚，就叫幾條多春魚～ 但每條都太燶了😭😖 一放入口就食到炭味，這個價錢令人失望🙍🏻🔸燒原隻魷魚串燒 $28燒原隻魷魚🦑味道不錯👍🏼魷魚彈牙，灑滿調味粉，但邊邊有點乾身，相對有咬口～🔹Blue Hawaiian $88 這杯Cocktail是藍藍的，上面有很多粒粒菠蘿肉，一飲就有很香椰子🥥味，再來有菠蘿的酸味，反而酒味不是太濃☺️ 不太喜歡飲酒的朋友，這杯可以試試👍🏼👍🏼…查看更多

同fd黎過幾次大埔, 都鐘意li間有得食串燒嘅酒吧, 地方夠大又開揚, 近排好似做埋飯嘅menu, 選擇多左, 飽食同佐酒小食都有得揀👍🏻.>首先一人整杯beer🍻🍺, 有樽裝有日本又draft beer, 價錢街坊飲多枝完全唔肉赤, 我地go for KIRIN FROZEN Beer嘅櫻花味🌸🌸(HKD92) 趁啲frozen泡泡未散時拿拿聲影影影📸, 味道甜甜的會越飲越甜🌸🌸; 甜酸balance嘅Angry Orchard Crisp Apple Cider(HKD46) 大大杯好抵飲呢, 加上我地剔左好幾樣燒物, 送酒勁正🍻.>香草水牛芝士條 (HKD58)一份6條超拉絲嘅水牛芝士條唔可以錯過🧀👍🏻, 份量啱哂開心share.>芝士黑松露大啡菇 (HKD35)都係必食item, 好大件啡菇, 鋪滿芝士滯出黎, 加上一大羹黑松露醬, 又香又好味.>燒羊架 (HKD35@)厚肉羊架一咬就食到, 陳陣孜然味好香, 點附上嘅薄荷醬味道level up.>燒豬大腸 (HKD28), 燒京葱串 (HKD19), 金菇牛肉卷 (HKD28), 一口和牛串 (HKD29), 炭燒法國鵝肝 (HKD68)見到隔離枱一大個木盤好似食緊串燒放野真係搞到勁肚餓的!! 我地剔左中辣唔係講笑, 辣到鼻水都流埋🤣, 好彩一人一大杯啤酒🍻救火🔥, 我最鐘意燒豬大腸真心超香勁脆呢👍🏻金菇肥牛一份3卷好足料, 燒鵝肝都係高質推介之選, 一口和牛未至於入口即溶但一定唔係hea食材, 充滿油香又易咬開. >招牌茄子燒 (HKD32)茄子肉燒得腍軟一拮就起🤩, 連灑滿面頭嘅葱蒜實在惹味, 上次食過果然係encore嘅thumb up之選.>鐘意飲啤酒嘅buddy, 不妨order時問問店家(佢地好nice的)有無啤酒嘅promotion話唔定有驚喜呢🍻🍻🍻🍻🍻!! 大埔人黎講非常就腳, 酒吧黎講眼見全部後生仔女, 好nice之餘仲保持到成個場地好乾淨衛生, +++++++加分👍🏻.…查看更多

今日收工好想食串燒 邊度有得食 今晚就發掘到一間好多選擇既串燒店食物方面 我地叫左最高級別日本鹿兒島黑毛和牛後腰脊肉 招牌茄子燒🍆 香草芝士烤雜菇 玉子燒 蒜香扇貝 食材新鮮 味道正 調味有鹽 芥末 醬汁 即叫即整 所以烤既時間長小小 食好串燒需要耐心等待 首先黎到既係 最高級別日本鹿兒島黑毛和牛後腰脊肉 我地揀左五成熟 就咁睇佢油花較少但均勻 肉質軟嫩 入口柔軟 好香牛脂味 齒頰留香 然後 招牌燒茄子 🍆 茄子上鋪滿辣椒 🌶️香蔥切碎末 加入調味料 茄子肉厚 燒得岩岩好 惹味鮮嫩 蒜香烤扇貝 裙邊爽脆 元貝嫩滑 上面既汁好鮮甜香草芝士烤雜菇 見到有金菇雞髀菇 上面溶左一層Mozzarella Cheese 一叉起好拉絲 食落真係真係好夠邪惡😈玉子燒甜甜地 烤到熱熱地好味今晚唔小得一杯麒麟一番搾Frozen Beer 🍺叫左杯上年尾先出既香梨蜜糖味 清新淡雅 邊食串燒邊飲 爽呀😆…查看更多

今日同媽媽兩個去撐檯腳，老公湊仔😆😆同媽媽去左酒吧食串燒飲啤酒🍻我地揀左間近我地屋企既，又坐得舒服既芝加哥，之前試過去其他，都坐得迫迫喼喼，呢間好闊落，坐得好舒服！我地到時7點未到，所以仲有好多位落酒吧梗係要叫酒飲，我地叫左兩種Apple Cider (James Squire Orchard Crisp Apple Cider $45同Magners Original Apple Cider $56) 後者甜小小，我鍾意佢仲有紅酒呀，手工啤酒呀，大吟釀咁，亦有無酒精飲品:)可以同小朋友黎，叫杯凍檸茶佢地飲都得我地都叫左算多野一份碳燒牛扒$48一份汁燒牛仔骨$38兩串碳燒豬頸肉$19@鹽燒雞翼$20一隻燒雞翅包飯$18一隻燒雞此包肉$18招牌茄子燒$30蘆筍燒$28兩串燒韭菜$14@兩隻香蒜蔥花廣島蠔$25@一份香蒜鮮燒鮑魚$68 （一份有三隻）兩串生燒鴨舌$23@特別要一提再提既燒蠔，好鮮甜，又Juicy個蠔湯好好味個鮑魚燒得啱啱好，同埋個蘆筍燒，好嫩口！全部都好好味Menu 都多款式揀貴係貴左d, 但野食好味，又坐得舒服！會再黎PS 我哋冇叫到燒秋葵，但黎錯咗！店員好好人話唔緊要請我哋食喎…查看更多

三五知己悶悶哋做乜好…你會諗到去邊？我就會同朋友去摸下酒杯底，雖然我酒量淺，但坐返三兩個鐘又真係幾relax，順便可以幫我練下酒量🤣🤣-☆ 香蒜芝士燒虎蝦 HKD$48/2隻一上枱芝士控即刻表示心心眼，超大塊芝士舖滿成隻大虎蝦😍 虎蝦啖啖肉，肉質鮮嫩有蝦膏😚-☆ 鹽燒雞軟骨 HKD$11我就最鍾意食軟骨，點整都咁好味，佢用左最簡單既鹽嚟醃已經好好味😋-☆ 秘製風味羊肉串 HKD$18不太嗜羊肉既我就無試啦，而喜歡食羊既朋友就就幾好食，好香羊羶味，不錯的。-☆ 鹽燒牛舌心 HKD$29牛舌軟腍易咬開，落乾淨俐落無渣，燒到剛剛好唔會太老👍-☆ 自家製和牛棒 HKD$42食落感覺似免治牛肉，拌埋攪勻既蛋黃嚟食，令和牛更加嫩滑。-☆ 蜜糖 & 鹽燒 雞翼 各HKD$20/2隻蜜糖味濃厚，每一啖都係甜甜的，我好鍾意😚 至於鹽燒味就除左有鹽既鹹味外，仲食到啖啖孜然香味，加上啖啖肉，必點之選👍-☆ 招牌茄子燒 HKD$30原條茄子配上超多蔥燒成，點埋檸檬汁令茄子味道更突出，茄子肉燒得非常軟腍，好好味🤩-☆ 香草芝士焗雜菌 HKD$38有好多不同種類既菇菌，包括冬菇、金菇、雞脾菇、茶樹菇等等，不同既菇夾埋一齊食口感豐富，咁多種菇既香味混合真係超香😋-☆ 韮菜燒 HKD$14韮菜超大串，大到要用刀叉切開先放到入口，食咁多肉點個菜食下，即時感覺清新左🤣🤣-當然亦叫左杯麒麟啤酒啦，其實酒先係主角😂 美食配美酒，正👍酒場有好多不同種類既啤酒、手工啤、威士忌、清酒、吟釀、vorka、gin等等，任你揀任飲，價錢亦大眾化，識飲識食既你一定要去呀！…查看更多