泰沾麵

營業中

休息中

經開啟德search OpenRice睇吓有咩餐廳for晚餐見到呢間餐廳主打泰菜 但係竟然有沾麵食 所以決定試吓🇹🇭👍🏻招牌泰式沾麵 (配青咖喱雞）沾麵醬汁可選擇紅咖喱蝦/青咖喱雞鐘意辣嘅我就選擇咗青咖哩🌶️沾麵配有四舊素麵 配料方面有酸菜、芽菜、紫椰菜、油炸雞蛋、同花生碎粒🍜而青咖喱入面就有雞、魚蛋、豬紅食飯就係只需要將素面同配料放入青咖喱沾滿咖喱汁十分掛汁😋😋😋係有驚喜嘅菜式🙌🏻😋

餐廳位於啟德新商場Airside，人氣十足每日晚市都大排長龍，主打香濃泰國菜，人氣必試泰式沾麵及班蘭可麗露!! 🛕- 招牌泰式沾麵 HK$108 🦐🍜椰香爆發泰沾麵!!紅咖喱椰香非常濃郁，微微辣度令人垂涎欲滴。大蝦肉質新鮮彈牙又鮮甜。幼身麵條沾滿濃濃咖喱超滿足。再加上爽口配菜及酸香醃菜，香氣層次更豐富!! - 啖啖蟹肉奄列 HK$158 🦀🍳足料新鮮即製!!奄列外皮非常酥脆，每一啖都充滿著鮮味蟹肉，與香脆又綿密蛋漿混為一體。配搭上拉差香甜辣椒醬，鮮味更加突出!!- 班蘭可麗露 HK$48 🌿必試!!外皮焦脆滿足，內餡散發著迷人香濃班蘭香氣。可麗露迷必試!!

久違地嚟到啟德AIRSIDE覓食😛今次就嚟試下泰沾麵嘅泰式沾麵啦～🧾招牌泰式沾麵（紅咖哩）💰$108唔好睇相嗰啲麵好似一舊舊好乾咁（因為我本身都以為會好乾🥹）但其實去佢食落依然都係啱啱煮起嗰隻冧度。紅咖哩口感好rich，辣度適中，將麵點落紅咖哩度食真係好掛汁！紅咖哩入面仲有兩隻大蝦🦐，肉質厚實，好滿足💯🧾大蝦炒金邊粉💰$118金邊粉炒得好香口～（特別係蛋絲，我自己個人係超級鍾意食炒金邊粉嘅蛋絲XD）唔會有一pat pat嘅感覺，味道就唔辣，而係酸酸甜甜非常開胃，一樣兩隻大蝦都係大大隻！🧾炸魚露漬豬頸肉💰$88豬頸肉煎得好好！該煎得焦香嘅位置就又焦香又脆，但要軟熟嘅位置都係軟熟，而且份量都唔少，點埋辣汁嚟食真係好容易食唔停口😋🧾泰式檸茶+泰式奶茶💰$38@兩杯嘢飲都係正常泰式檸茶/奶茶嘅味道，泰式檸茶都重香料味，幾refreshing～泰式奶茶就唔算太甜環境方面都幾闊落，靠牆嘅位置有一大幅好靚嘅壁畫，靠窗嘅位置就有開揚嘅風景睇🌃因為AIRSIDE係pet-friendly嘅商場，所以我哋去食嗰晚都有見到狗狗可以同主人一齊食飯㗎～整體嚟講嘢食同環境都唔錯，會encore的！

食飯時間排隊通常都會好長條龍。等待時間比較慢。招牌泰式沾麵好特別，其實有少少似越南撈檬style，也有啲蔬菜在內，只不過將醬汁轉做咖哩。可選擇紅或黃咖哩，若選擇蝦就係配紅咖哩，雞肉應該係可以配黃或紅（需確認）。今次點咗紅咖哩，椰汁味道濃郁，偏辣，蝦都好大隻不過唔係好嫩。沾麵食到最後若咖哩醬汁仲有剩，可以另外加粉。青木瓜大蝦沙律係用花生醬配搭類似蝦醬的醬汁去調味。內含有蝦乾同埋花生粒，食落有少少辣。蝦乾食到最後偏鹹。泰式炒海鮮味道好惹味，送飯可考慮。有魷魚大蝦同埋帶子。齋食真係好重口味，食到最後好鹹好鹹。可考慮配搭白飯或清淡湯粉。Overall，賣相都非常吸引，份量會偏細份。味道好重口味，好鹹好鹹！不過下次都會再試下招牌船河同埋燒雞，希望唔會好鹹。

之前夜晚係尖沙咀店食過，不過嗰次都無出到文😳見到啟德店開業，呢日午市又黎新屎坑度試吓，但係得單點無套餐🤔反正都係，一次過擺曬兩次啲相出黎先🤣▪️ 雞肉鑊氣炒河（7.5/10）💲98一如其名都算係有鑊氣，尤其鍾意呢間河粉個質感，闊身加上夠煙韌幾好咬，有雞肉、蛋花、芥蘭、粟米芯等，唯獨底部略油，份量比較少，男仔未必夠飽🤫▪️ 招牌泰式沾麵（8/10）💲108有紅咖喱或者係青咖喱，我哋揀咗前者有肉碎、大蝦，而後者會有雞肉、豬紅等，上檯熱辣辣，都有返咁上下辣度，感覺的確惹味🌶️倒落個過左冷河既麵度，麵條幼身但有彈性，掛汁力唔錯，仲有爽口配菜如榨菜、芽菜、紫椰菜等，整體配搭得宜有驚喜😛▪️ 可麗露（斑蘭）（7.5/10）💲48上次黎想食芒果糯米飯，但好可惜賣曬，轉戰左呢個覺得幾好食🙈呢次再Encore，外皮依舊係做到香脆，咬開仲會噴煙，係略嫌濕氣較多，但都軟綿綿，班蘭味唔錯🔎 整體評分（8/10）