建榮特色桑拿菜火鍋店

營業中

休息中

平時好鍾意食大排檔的我，今日同朋友嚟試咗屯門工廠區一間隱世大排檔，雖然係大排檔度，但絕對唔熱，入邊仲有冷氣添！撈汁凍食花甲$128醬汁酸酸地，仲配有幾塊檸檬 🍋，味道清新，花甲份量好多，大粒得來啲肉亦好鮮甜，嚟到呢間舖頭必叫，我一個人清一碟🤣招牌咕嚕肉$128呢間舖頭嘅招牌菜，咕嚕肉份量好多絕對得住份價錢，菠蘿方便直落足心機係帶有燒焦嘅感覺，唔會淨係就咁將啲菠蘿炒落啲肉度咁簡單，味道係酸酸甜甜非常之好送飯。椒鹽黑鉆豆腐$78豆腐滑捋捋，面頭黑色脆卜卜，好特別真係好似一粒黑色嘅鑽石，配埋椒鹽同埋喼汁一齊食，忍唔到口一粒接住一粒食唔停🤣蒜蓉炒菜心$68看似簡單嘅餸，但係好食好難，炒得好有火候，蒜蓉味道唔會搶咗菜心，嘅鮮味，菜心好甜，另外呢間舖仲準備咗好多款新鮮嘅蔬菜揀，不一定係生菜，仲有通菜，生菜等等☝️白飯$10軟硬度適中，好香。可樂$12食大排檔嘆番罐可樂係最好不過😝建榮特色桑拿菜火鍋店 (屯門)屯門建榮街32號建榮熟食市場地下C6號舖

屯門港鐵站A出口附近工業區嘅呢一間隱世大排檔，佢地嘅小菜有鑊氣，有風味。而且呢間鋪頭一到晚飯時段就好多人坐滿曬，更加有好多名人黎拜訪過添! 鋪頭有冷氣房，不過因為都好多booking, 如果想坐得舒服啲就記得提早預約~入到去第一樣要讚嘅係樓面啊姐，雖然佢做到身水身汗，但依然好好禮貌，仲有親切笑容幫我地落單，呢種服務態度抵讚!✅招牌咕嚕肉 🐷 $108呢味餸係鋪頭非常多人叫，所用嘅豬肉彈牙帶少少肥肉，應該係梅頭肉，用料唔錯。咕嚕肉炸至酥脆唔乾身，而汁醬甜酸度適中，好食~😋✅椒鹽鮮魷 🦑 $108另一樣多人叫嘅野食係椒鹽鮮魷，魷魚食到有簡單調味，然後薄薄地裹粉炸至金黃，而且酥脆可口，再配以炸蒜炒至熱辣辣，非常惹味~😝✅蝦醬通菜牛肉 🐮 $98牛肉嫩滑，而通菜用左青骨通菜，好鮮嫩。蝦醬味濃，唔會死鹹，相信係調味方面做得唔錯!

📍$108 招牌咕嚕肉好味道：🌕🌕🌕🌕🌑呢度的咕嚕肉個收汁岩岩好🙆🏻‍♂️🙆🏻‍♀️每粒都被個汁岩岩好包裹住唔會成碟都係酸甜汁🙈咕嚕肉肥瘦適中食落炸得岩岩好，唔會過乾呢味餸雖然好common要搵間整得好食真係難呢度真心唔錯，仲要夠曬鑊氣.📍$108 豉椒炒蜆好味道：🌕🌕🌕🌕🌑每粒蜆肉都漲卜卜咁，夠哂飽滿☺️食落去個豉椒汁好惹味辣辣地咁好開胃😍不過唔太食得辣的朋友仔可能要留意下呢度個醬汁係有點偏辣既🙆🏻‍♂️同埋係即叫即炒的關係，味味餸都夠哂鑊氣🤤.📍$108 椒鹽鮮魷好味道：🌕🌕🌕🌕🌑鮮魷炸得岩岩好，食落脆卜卜外層粉漿唔會過厚所以食落仍然食到鮮魷的質感😄係幾彈牙同爽口😍$108黎講，有呢個份量算係幾大碟🤪.

屯門長大的我如果要食大排檔通常會去何福堂附近嗰啲大排檔，但我真係唔知道原來響工廠區近屯門西鐵站附近竟然都有大排檔食，而且仲幾出色添！👍今次朋友帶我嚟到呢間叫做建榮特色桑拿菜，喺屯門西鐵站附近大概行10分鐘，好彩朋友帶路我先識來，一路上人影都唔多隻但係去到嗰度竟然別有洞天！超級多人熱鬧！😱唔通呢度已經好多人識係我唔識😢入到去坐我見到menu好多嘢食呀🤩大排檔我一定要點咕嚕肉，見到佢有薯仔牛柳粒梗係順便點埋啦，再點多碟蟲草花蒸雞，太多肉我哋要多個海鮮雜菜煲就差不多了。上菜嘅時候我幾驚喜見到佢每碟餸嘅size係幾大幾多的，首先招牌咕嚕肉（$88）配上青紅椒同埋菠蘿，顏色非常之靚，同一般嘅咕嚕肉唔同係佢唔算太肥，似係用一啲比較爽嘅梅肉，而且每一粒肉嘅大細均一，醬汁甜酸恰到好處相當醒神開胃，令人不禁一粒接一粒。薯仔牛柳粒佢叫做百花蜜牛柳粒（$98）係我每次去大排檔如果見到佢有都會一定點㗎，佢呢間嘅薯仔牛柳粒都算整得唔錯，薯仔煎得脆身，牛柳粒粒粒六七成熟，好juicy 好嫩呀🤩蟲草花蒸雞同樣勁大碟，十分足料雞肉蒸得啱啱好，鮮嫩無雪味，鋪上荷葉去蒸有陣陣荷香，加埋蟲草花同埋雲耳成件事好養生啊😝因太多

今次🐷為食小胖子同🐻美食專員齊齊出動黎到屯門搵美食🤤，為食小胖子對大排檔情有獨鍾，因為細細個時候屋企人會成日戴我地食，所以好鐘意大排擋既氣氛，同覺得好地道💗唔同人講就咁睇相好似去左酒樓食咁，其實呢間係大排檔👍🏼👍🏼✨充滿香港人情味，夠曬地道的大排檔唔好以為大排檔就冇好嘅服務，呢度既待應好細心 又有禮貌，服務很好喔！當見到我地自拍🤳侍應叔叔主動行過黎幫我地影相！我哋食嘅嘢係蝦殼會主動幫我地換碟～蒜蓉開邊蝦蒸飯⭐️⭐️⭐️⭐️⭐️必食推介！成個小蒸鍋上碟，唔單止賣相好，仲非常足料👍🏼 d蝦🦐鋪哂成個面，幫我地開哂邊好細心💕唔洗自己剝蝦殼，岩哂我地d懶人！本身有蒜蓉加蝦，d飯已經好香，仲要加埋塊大荷葉包住成個飯，真係想像下都聞到香味呢個係🐻美食專員全晚至推介既小菜～大大份 飽肚又入味咸鮮黃花魚 🐷🐻我地叫左清蒸 黎到見得d蔥喺面 都驚淡味 但點知最抵讚就係清蒸！✨因為完全試到條魚既鮮味阿～▲又係另一誠意之作 🤟🏼老闆話係喺魚塘直接拎返黎 保證新鮮🐟魚肉真心嫩滑 🤤完全無腥味 魚骨有d幼骨 但唔算好多 唔識食魚既朋友都可以食到👏🏼而且佢好細心咁幫你開左邊 咁就唔洗食到一半翻魚翻到爛哂啦~~招牌咕嚕肉每次