永年士多港式車仔麵 (加拿分道)

呢間餐廳平時叫外賣叫得多，今次第一次堂食，車仔麵必吃當然係蘿蔔、豬紅😍仲叫了牛肚&魚腐🍲🌶辣度：🍛咖哩細辣 （聽講好出名，食車仔麵必點）😋豬紅：真係好好食，好耐無食過咁入味既😍 係外面餐廳豬紅多數都係無咩味道，即是豬紅&汁分開，但呢度必點。😋蘿蔔：無渣，爽甜，又係超讚👍🏻😋魚腐&牛肚：味道都不錯😋抹茶紅豆冰：紅豆冰就成日飲，抹茶紅豆冰都係第一次飲，用大粒紅豆，入面仲有啲紅豆蓉，超喜歡💕…查看更多

今朝做完瑜珈落勁大雨，就即刻黎永年食番個靚lunch先！之前都黎食過好多次，都係一如既往咁好食湯底勁濃味勁正，食得出好足料，熬左好耐，而且唔會覺得油膩，真係可以飲晒成碗湯豬紅同埋蘿蔔係必食我平時唔會食豬紅，但呢度既豬紅整得好有技巧，一啲都唔會臭，味道拿捏得剛剛好另外蘿蔔好鮮甜好淋，食咁多次，蘿蔔都未試過有渣，同埋吸收埋啲湯底味，令蘿蔔既味更上一層樓仲有必叫既野飲 — 抹茶紅豆冰！完全唔會好甜，夏天飲一杯好消暑解渴…查看更多

寒冷冬日，一人晚餐選擇與永年共聚。三餸一麵$37在尖沙咀區超超超值! 這次點了豬紅、豬腸和牛筋，配油麵，辣度當然是我最愛的大辣三餸中最出色的是豬紅，最入味豬腸牛筋對板，份量滿意。遠近馳名的招牌辣汁沒讓人失望，絕對能滿足像我此重口味之人湯底不會死鹹，沒有令人想不停喝水的感覺。餐飲加$15轉 抹茶紅豆冰外表顏色討好，抹茶味不夠濃，底層紅豆有質素煮得夠淋又不失粒粒口味，不錯。欣賞永年的出品速度及質素，也許亦是這元朗名物能屹立尖沙咀的原因之一。…查看更多

尖沙嘴區好少有車仔麵食，咁岩經過呢間永年士多，唔算太貴入去試吓，坐低先發現呢間店原來係元朗幾出名嘅車仔麵店，我覺得一般衝出新界區嘅老字號食店，都係挾住個名，加啲新潮裝修，收貴啲，食物份量少啲，質素又會下降番啲。不過呢度三個餸一個麵都係＄37，加多杯飲嘢＄15，都唔算太貴，而且裝修都算新潮，座位比較逼食客都唔少，當經濟快餐麵食，食完走都無妨，不過諗住食完慢慢嘆番杯飲品先走就唔太合適，至於食物質素就算中規中矩。…查看更多

永年士多由元朗開到來尖沙咀🤓相信有一定的實力，因為每天看見人山人海的人龍。今日見到只是數名食客排隊唔執輸心態馬上試一試先🤪好彩早一步😝食完又見到人山人海場面連門口都擺放他們的座位，真的厲害👏🏻三餸一麵(牛肚，雞翼尖，蘿蔔油麵) $37牛肚雞翼尖夠入味而且雞翼尖分量十足，蘿蔔超甜水份多，加了少許辣汁很惹味！三餸一麵(豬腸，牛筋，流心蛋油麵) $37豬腸煙煙韌韌夠入味，而且洗得乾淨沒有怪味，牛筋夠腍，流心蛋漿流在麵一起吃零舍滑溜夠蛋味👏🏻咖央牛油多士厚厚的多士再加上一片厚牛油是無敵，咖央甜甜地味道特別好味到不能形容😋腐乳通菜 $25腐乳汁滑溜不太鹹夾在通菜一起吃味道剛好抹茶紅豆冰紅豆大大粒小小甜啱我口味，車仔麵都有如此質素的飲品，讚😍菠蘿冰菠蘿冰透心涼，菠蘿味清香…查看更多

早陣子網上有人說笑道屯門在新界北區，荒山野嶺得居民要騎牛上班。元朗在地理位置上可也是不相伯仲，但近年發展很快，多個大型商場如YOHO落成，引入了很多連鎖食店，卻不知為何也調頭將元朗地道的小店帶出市區，人們不用再長途跋涉地走進新界去吃特色美食了，如這次吃的永年士多便是一例子。餐廳十二點開門，想不到星期六我十一時四十五分到達，門口已經有人龍！香港人倒真的是越要排隊的地方越要吃啊 也代表能夠衝出元朗到市區開分店是有人氣證明的。以前吃車仔麵是吃經濟實惠，現在吃車仔麵變成一種奢侈的懷舊，更加著重味道，甚至有很多新配料，當然點起餸來價錢也不便宜。拾級而上便是下單櫃台，如多於一人來的話，可以一人下單，另一人先進去自己找位子。下單付錢後到吧台交票，再自行用刻有店名的托盤把食物端到自己位子，全程自己serve自己，像是快餐店物流一樣。交票後食物很快便做好。難得weekend又早起外出，獎勵一下自己吃好點，我倆便「不小心」地點了車仔麵盛宴。兩個人兩個小吃加兩碗麵，而麵食的份量原來也很大，非常豐富。這是新出的抹茶紅豆冰。宇治金時本來就是好搭檔，用港式紅豆奶冰底加上帶點澀的抹茶冰，不會太人工，也不過甜，是新派特飲之選。 用上罐頭糖水菠蘿及菠蘿醬，味道酸酸甜甜，還有果肉可以吃，是簡單清涼的美味。多士有數款口味可選，甚至可以雙拼，我們選了大熱的咖央。白麵包厚身，烘式烘至剛剛好的金黃色，外脆內軟。內裡的咖央醬塗抹得非常均勻，薄薄一層，倒也夠椰甜味，不會太膩。想不到通菜非常鮮嫩，完全沒有渣滓，廚師還很細心將菜莖和菜葉分開，放得整齊之餘也方便食用。腐乳醬更是精髓，夠稠杰夠濃味，鹹香惹味。來到主角車仔麵了，這是友人點的豬紅、蘿蔔、流心蛋配油麵，全都是餐廳推介配料。豬紅絕無腥血味，淋得來帶點脆口，不錯的吃。蘿蔔用咖哩汁炆至非常軟林，用筷子輕輕一碰已經會破洞，選料上乘所以蘿蔔自身本已非常清甜，再加港式的咖哩汁調調味，甜而不辣，十分推介。我這碗是流心蛋、雞翼、魷魚配生麵。雞翼滷得入味，醬油汁不會過鹹，肉質軟林但外皮仍然完整。土魷份量很多，也很爽脆，厚過味道則較淡，若能與炆蘿蔔的咖哩汁炆在一起會更好吃。我倆都有點的流心蛋，還真的是少於半熟所以做到流心效果。欣賞它在蛋黃保持流心的同時，外層蛋白已經熟了，才是流心蛋應有的火候控制。不過蛋本身沒有醃過或浸過醬油，同樣地味道欠奉。個人吃車仔麵時最喜歡點生麵，這裡的麵份量很多，彈牙得來沒有鹼水味，煮得條條分明，不會糊口，時間掌握得不錯。總括來說這家車仔麵雖然配料較傳統，但味道和選擇都不錯，飲品更是新穎。價錢稍貴，但在尖沙咀中心地帶開店來說算是可以接受。…查看更多

本身呢我係未食過永年士多 但只係網上見過啲人話幾好味咁架咋咁平時出開尖沙咀發士有個門口位有排隊唔知食乜有次有偷食過但都睇唔到咩黎 跟住後尾原來係新開咗間永年士多咁我都想試一次架喇 因為見咁多人排 不過呢 尖沙咀叫做好食少少都好多人等位其實 間間餐廳都要排 假期係好多人食飯呀真係餐牌好清楚咁寫咗有咩麵可以配啲咩嘢食 咁我比佢個新出既流心蛋吸引住咗 所我係點咗碗有流心蛋既之後又見到有個多士 又屎忽痕叫埋個多士食 所以我係食咗六十五蚊既咁我叫咗碗墨魚大腸流心蛋幼麵既 隻蛋比較熟 得返好少流心 熟咗啲啦而墨魚比較淡味喎呢到 跟住啲大腸就比較難咬得開 我咬咗好多先吞重點係湯底 好重麻油味呀 好似食緊公仔麵既感覺 麻油係落得好多 但麵質唔錯 都幾爽口好味 跟住仲有一個係生根大腸魷魚配油麵 佢呢碗既麻油味比我個碗仲要勁 唔知係咪呢間野既風格啦 但我覺得落得太多麻油味啦成碗麻油味 冇其他味喇 但油麵都係幾好味 爽口既 生根就一般般 魷魚都唔錯 口感幾好 都爽既 大腸都係靭啲但可以接受加多埋杯嘢飲就五十二蚊啦 呢碗麵13蚊兩件士多仔 味道一般 唔算好味 但見佢即時整都叫有加分既抺茶紅豆冰 反而幾好飲喎 抺茶味同紅豆都幾夾 抹茶清得黎有紅豆味 唔錯 但碎冰落得比較多仲有杯係紅豆奶茶冰 普通奶茶加咗紅豆加左奶咁咋 冇乜特別 不過不失咁我地就揀咗個窗口位坐既 望街 隔離都唔會有人拎住盤野係我地後面經過所以我覺得呢位都幾好坐呀其實 又唔會有人騷擾到你 又望到出面街啲人仲見到對面間野好多人排隊 感覺唔錯 不過間野係比較迫既但係37蚊碗三餸麵同埋餸唔多之下我覺得係比較貴 但味道我覺得唔錯既都…查看更多

之前睇電視介紹過呢間永年士多，起元朗好出名,仲大排長龍。一路都想試下究竟有咩魔力可以咁高人氣，見尖沙咀有分店，今日就單拖黎試下先。唔想排隊所以12點前已經黎到，估唔到已經有人排緊。差不多到12:10 先拉閘開門。要先排隊落單，之後拎野食再搵位，唔怪得keep 住有條人龍。餐牌一眼睇晒，款式唔算太多。連我平日必食既河粉，牛腩，魚腐，蝦卷等等都欠奉。不過就多左d 特式飲品同埋多士，可借一個人試唔到咁多😭環境唔係好大，但乾淨企理。呢度既飲品比係平時一般車仔麵店特別，有菠蘿冰，紅豆奶茶冰，抹茶紅豆冰等等。一場黎到梗係要試下推介飲品。✨跟餐加$15 要左個抹茶紅豆冰。本身想叫小冰，但完來係唔可以的，因為係standard左，呢一點唔太user friendly。最後唯有自己拎個杯走冰，d 冰多達半杯😲✨👍🏻味道黎講我幾鍾意，甜度適中有抹茶香又不會太濃烈。紅豆份量都幾多，大大粒起沙，都幾好飲。不過如果唔走冰既話，可能就會太稀喇。車仔麵3 餸$37, 每加一餸多$8✨湯底味道帶甜，有點胡椒香。可能因為無加任多辣汁，感覺比較普通。我係食麵湯底例必加腩汁既朋友，呢個湯底味道偏甜，唔係我杯茶。加上配油麵，唔係太索味。✨👍🏻一讚反而係面頭果幾條菜，粗壯得黎幾甜，帶麻油香。✨👍🏻蘿白亦夠大大舊，超甜無渣，質地比較淋。✨豬皮其實我一向好少食，不過見係推介就試下。食落幾爽，但有d 硬身，其實都唔算好入味。✨牛筋大部份都幾淋，不過有兩舊就食落未夠淋，比較爽口。✨韮菜餃有兩粒，size 細細粒但幾飽滿，食落多汁，都幾好食。✨佢d 餸其實份量都算多，蘿白大大舊，豬皮牛筋每樣都有成5,6件，都算抵食。不過可能無我心愛既河粉，同埋個湯底無加辣，所以感覺較失色。下次都係叫個微辣，可能先能夠品嘗到佢既惹味感覺。永年恕未能入我車仔麵既三甲之位，我最愛既都係榮記既濃烈腩汁湯底，同埋文記既多元化選擇😍。…查看更多

人人都談論永年搬到尖沙咀既事，我就趁虛試下，午飯時間人很多排隊排到外面，不過流動得都算快，由一開始排到坐低大概用了20-25分鐘，當中計堆落單，攞野食同搵位時間，快唔快都係見仁見智。最好味係豬紅，水餃不是現做，是冰鮮的，所以一般，雞翼都係一般，幼麵既話太硬了，我食左兩啖就放棄左。綠茶紅豆冰不可選甜度和冰量，因紅豆控制了甜度。不過我覺得整體黎講都係一般，有小小雷聲大☔️少，可因為麪個度比較失望；友人說陳皮魚蛋好特別，好有陳皮味，另外雞翼尖都係必食，可惜我唔食尖尖既…查看更多

以後想食永年士多車仔麵，唔駛入元朗喇，尖沙咀都有呀！尖沙咀都有呀！尖沙咀都有呀！（好重要，所以要講3次）話說今日同M佬去尖沙咀shopping，點解前面咁多人排隊嘅，以為有咩嘢搶購，原來係永年呀！我哋二話不說，明明啱啱先食完lunch，都要排吓，食番碗先得！A姐之選：油麵+魷魚+豬腸+雞中翼（中辣）M佬之選：油麵+豬皮+牛柏葉+雞翼尖+魚蛋（中辣）2個人share嚟食就有7個餸喇！我哋2個食車仔麵都鍾意揀油麵，點解？因為油麵除咗出現喺車仔麵，平時好似都唔多見佢嘅縱影。中辣其實都相當辣，但又好惹味，最重要係食完唔會話超口渴！豬腸：又肥又粗，一啲都唔膻。魷魚：經過腌製嘅魷魚好入味，同出面一段白洽做法好唔同。豬皮：好乾淨，食落爽口彈牙，一啲都唔馬虎。雞中翼/雞翼尖：滷得好入味㗎。魚旦：細細粒但好有咬口，而且好香陳皮味。牛柏葉：爽口彈牙，份量十足！斑蘭咖央多烘到脆脆嘅厚多，最驚喜係班蘭咖央連包嘅邊邊位都有，食落好香班蘭味，好正。韭菜豬紅軟身又唔削，好入味嘅豬紅，絕對必點。菠蘿冰食到咁辣，好彩有杯菠蘿冰，簡單得嚟又唔會死甜，菠蘿份量一啲都唔少。抹茶紅豆冰抹茶味道香濃，配埋爛爛嘅紅豆，真係好match呀！…查看更多

聽講元朗間永年出左尖沙咀開分店，今日就特登去試下，唔洗去到元朗咁遠。位置好好，係正the one& mira mall 中間。門面唔算大，不過堂食都唔洗得位，因為大部分人都係買外賣。一碗3餸麵都係$37，叫左蘿蔔，魚旦同埋豬皮，幼麵小辣。佢小辣都幾辣下，之後先知原來有微、小、中、大辣揀。蘿蔔真係好好食，冇渣，吸晒湯底味，好入味👍🏻 魚旦細細粒不過幾彈牙同有咬口。 另外叫多左個韭菜豬紅，超好食👍🏻平時小食豬血鴨血都覺得呢個好食。佢個質地唔會好老，係好滑身，唔洗用力就咬開左，有入口即溶嘅效果。另外叫左個抹茶紅豆冰，好飲👍🏻呢個組合真係好夾，用抹茶配紅豆冇一般紅豆冰咁甜,價錢又唔貴。…查看更多

永年士多終於在九龍區開設了分店! 我和朋友大概七時正進去, 那時已經有很多人, 我們也等了大概五分鐘才找到位置坐。這裏的座位不多, 不過慶幸很多人吃完便會走, 不會坐得太耐。我點了一碗三餸一麵, 麵類方面, 我選擇了幼麵, 配料則要了冬菇、牛筋、時菜。另外，我再額外點了一碟蠔油菜心和一杯抹茶紅豆冰。食物送上的速度很快，而且望下去, 麵的份量也很多。抹茶加紅豆對我黎講簡直係the best combination! 不過這杯抹茶紅豆冰的抹茶味不太突出, 好多碎冰, 所以較稀, 最後它的重點變了是吃紅豆。紅豆份量有很多, 其甜度適中。…查看更多

約了尖沙咀上班的朋友午飯，她帶我去食車仔麵，是一間有人龍的車仔麵店！因為她家住元朗，知道這是元朗人龍店的新開分店，便嚷著要來吃。幸好人龍移動得很快，我們二人也很有策略：就是她揾位，我買嘢😊我們各自點了三餸麵，再交換食，就會變成每人有六種餸😋我點了魷魚、蘿蔔和豬腸米粉。豬腸勁好味！絕對不是「交貨」的食品，有咬口但又不韌，鹵水也很入味！蘿蔔也很好，份量也多。朋友點了陳皮魚蛋、雞翼和牛筋。加腐乳通菜。（本身想食腐乳生菜的，估不到1:20已售罄。）極力推薦陳皮魚蛋！估不到魚蛋真的有淡淡的陳皮味，細細粒，勁好味👍🏻👍🏻👍🏻👍🏻👍🏻👍🏻後悔冇叫到但有幸有朋友「交換」讓我食到！朋友的奶茶紅豆冰十分有心思，一次過滿足兩個願望😊我心大心細點了抹茶紅豆冰（因為他們另有菠蘿冰！）可能今次的冰重手了，抺茶味較淡，但絕對比罐裝、包裝飲品有心思！同時我們也點了咖央多士作甜品，多士是用厚身麵包，切好了，方便進食，也方便分享！因為我們懶得再排隊的關係，我們是一次過點的，強烈建議大家應該食完麵才再點，就不用凍了才食！三餸麵$37，跟餐的紅豆冰特色飲品加$15，新店乾淨企理，年青人又爽手，真的是食車仔麵的好地方！…查看更多