INN - I’m Not Nothing (裕民坊YM²)

營業中

休息中

原本想坐外面的，不過今日天氣唔係咁好又落雨出面真係比較多蚊，都係入返室內比較好啲。一嚟到門口就已經深深吸引，完全就係打卡嘅好地方。花卉配上大理石，簡直少女心大爆發。今晚其實都係普通嚟食個晚餐，估唔到都要等位，好多人都揀嚟呢度慶祝生日，成晚聽咗好幾次生日歌。叫咗個手工黑松露雲吞配野菌黑松露忌廉汁，呢個小雲吞真係好好食，佢唔會好滯，食落好Creamy味道剛剛好，同埋每一粒小雲吞都細細粒，啱啱好放到入口一粒過。另外個法式紅酒燴牛面頰肉意大利飯，醬汁上味道都好夾，特別欣賞佢哋用嗰啲小配菜，條長長嘅小紅蘿蔔好可愛，影相打卡真係好適合。最後嚟到甜品時間叫咗個提拉米蘇同埋巴斯克芝士蛋糕配雪糕，兩個甜品都不過不失，正常操作，甜度剛剛好唔係太，比較出面啲甜品嚟講都真係比較低糖。

INN - I’m Not Nothing（觀塘） 📍觀塘協和街33號裕民坊YM² 2樓205號舖餐廳嘅裝潢以白色為主，營造出一種高貴嘅氛圍。喺餐廳門口，已經有大量白花、雕塑，華麗嘅燈做裝飾，滿足晒少女打卡嘅心💖店內嘅裝潢更加引人注目，掛滿古典風扇同吊燈，配上雲石枱同藤椅，營造出宮廷風格。你入到餐廳裡面，一定會感受到與眾不同嘅氛圍同感覺。💓🍟黑松露薯條配巴馬臣芝士🧀💰78薯條炸得金黃酥脆，外脆內軟，每一條都好香口。而且，加入黑松露調味，帶出淡淡嘅松露香氣，配搭巴馬臣芝士真係絕配！芝士嘅濃郁與薯條嘅酥脆相輔相成，令味道更加豐富。芝士嘅濃郁口感，配上薯條嘅香脆口感，真係一種絕妙嘅口感享受。而且，巴馬臣芝士嘅鹹香味道同黑松露嘅香氣互相融合，令整個味道更加層次分明。🦀牛油煎北海道帶子蟹膏意大利飯🍚💰188北海道帶子新鮮彈牙，經過牛油煎烹調後，帶出嘅香氣真係誘人。每一口咬落去，都能夠感受到帶子嘅鮮甜味道同牛油嘅濃郁香氣，好滋味。意大利飯入面加入蟹膏，更加增添咗豐富嘅口感同味道。蟹膏嘅濃郁味道同意大利飯嘅鬆軟飽滿，完美地融合埋一齊，令味道更加濃厚。每一口飯粒都充滿咗蟹膏嘅香味，令人唔

觀塘YM2有唔少食肆，今次嚟到呢間餐廳，有室內同室外座位，到處都係打卡位。 黑松露薯條配巴馬臣芝士即炸薯條夠香脆，松露碎同巴馬臣芝士好夾，點埋黑松露蛋黃醬好開胃。 手工黑松露雲吞配野菌黑松露忌廉汁呢道菜色嘅黑松露比薯條更濃郁，雲吞皮夠薄，配忌廉汁好creamy。 燒安格斯肉眼扒10安士配阿根廷香草汁牛扒厚身，煎得比較rare；阿根廷香草汁入面有大蒜同白醋，有少少辣同刺激嘅感覺。焗整棵蒜頭腍甜，生薯薯仔味濃。 士多啤梨藍莓奶昔 / 西柚檸檬梳打奶昔酸酸甜甜，口感滑溜。西柚檸檬梳打清涼爽口。

觀塘裕民坊新商場YM2有唔少新餐廳+cafe，見到呢間cafe宮廷風既裝修同埋半室外既座位幾chill又唔多人就試下啦一入到黎侍應哥哥就好殷勤，問我地係咪openrice訂位，我地今次就冇喇，不過佢提我地下次黎可以openrice訂座會有唔同既優惠。佢哋宜家做緊$28/隻焗蠔既優惠，可惜我地黎食呢日咁啱冇，大家如果下次黎可以試下。我地首先揀左西冷扒+龍蝦呢個好吸引既組合。舊扒叫左5成熟，煎出黎都真係5成冇過熟，個香草汁味道唔會太濃啱啱好隻龍蝦睇落唔係好大隻，但原來打開隻鉗仲有肉架，而且仲有蝦膏。黑松露雲吞一上枱，就聞到好香既黑松露味！面頭有啲芝士片應該係即切出黎，同個忌廉汁既菇味好夾，個雲吞咬落口感粉粉地，入面應該都係有啲磨碎左既芝士，雲吞既份量一個人食啱啱好唔會太膩。戶外既位置夠闊落，仲可以比狗狗坐，住觀塘區既朋友如果想帶狗狗出街又唔想去太遠呢到係個幾好既選擇🐶見隔離枱係有2個小朋友既家庭，侍應都好細心比多張凳佢地放野，服務好周到臨走既時候見到佢地個bar有好多酒，下次有機會可以黎happy hour下。