URBAN Cafe (駱駝漆大廈第一座)

營業中

休息中

本來只係想搵間比較多人推薦嘅餐廳食Lunch, 估唔到搵咗間貓貓餐廳。因為我未去過貓貓餐廳, 所以對一切事物都覺得好新奇。😸入門口之前, 大家都要著鞋套同消毒雙手, 搞掂曬就可以入去喇。一入到去就見到好多貓貓, 想像中以為得10隻左右, 結果係… 數之不盡, 同埋因為貓貓行嚟行去, 所以都無辦法數到… 有d 貓貓伏喺度, 有d 周圍跑跳, 有d 喺度瞓覺, 環境好舒適。不過有d 不受控嘅小朋友實在太粗暴咁對待貓貓, 令我覺得家長應該要好好教育小朋友先可以嚟…🍴意式肉丸芝士肉醬意大利麵意大利麵屬於扁身, 軟硬適中。 肉丸有2粒, 有質感, 唔會乾爭爭。肉醬有淡淡蓄茹味, 不過醬汁份量偏少。🍴牛油多士條, 磨菇湯牛油多士條甜甜地, 有蜜糖香味。磨菇湯做得好出色, 非常Creamy, 湯入面有好多磨菇碎, 所以飲落有口感。整體而言, 可以同貓貓玩, 又有嘢食, 係一個可以認識同了解貓貓嘅體驗, 值得推介。

身為一個貓控之前已經去過呢間✌🏻當時沒有好好試佢個lunch set 就走了挺可惜的🥺本人超喜歡裏面有好多貓佢地行過也忍唔住同佢地影幾張🤪❤️推介指數: 8/10 等候時間: 0min (平日14:00)———————————————————————🍝意式肉丸芝士肉醬意大利麵 $78 (7.5/10)係我朋友吃🙈見到個賣相都不錯😛應該幾好食吧肉丸也很大粒配餐就有湯加上牛油多士條～不過不失啦🍗京蔥燒汁伴百里香大蒜燒香雞（半隻）$88 (8/10)佢個份量真係好多😆尤其係個雞好大隻😂不過好難切黎吃🥲肉質就有啲乾乾🙈但我喜歡佢個醬汁意粉就相對比較少但吸收到啲醬汁😍🍵400次抹茶 +$20 補差價 (7/10)呢個就正常發揮不過不失吧想叫呢個係因為平時屋企唔會整🤣🐱餵貓罐頭 $18 （超抵😍）個人覺得加$18可以餵好久真係好抵好正😘一有貓糧就會立刻吸引啲貓過去食野推介貓奴去加錢餵貓😂總結而言～食物就不過不失勝在多選擇☺️環境很乾淨衛生😽每個人進去也需要穿鞋套喔可以話呢度係貓奴必去嘅cafe❤️——————————————————————

呢間餐廳位於工廠大廈，門口細細但擺放咗兩台鞋套機，入去之前要着上鞋套，仲要消毒清潔雙手，都係想保護啲貓，大家唔好帶啲細菌入去一入去就要馬上落單，待應講得好清楚90分鐘要交檯，餐牌都算多選擇，嗱嗱臨點咗兩個餐就同啲貓玩喇挪威煙三文魚凱撒田園野菜沙律 - 午餐有兩條麵包條，焗到香香甜甜；仲跟羅宋湯+凍檸茶；煙三文魚都有兩三塊，不過沙律菜可以新鮮啲，ok喇意式肉丸芝士肉醬意大利麵 - 嗰兩粒肉丸就乾身咗啲，不過個意粉都幾多芝士👍🏻；杯Urban Cafe好滑，咖啡夠香，唔錯餐廳裏邊有十幾隻貓，而且仲要係靚貓，啲毛好滑又好乾淨，最緊要係唔怕人，除佢哋鍾意周圍行、隨便瞓，貓就係任性，有一隻去到邊就打撩事鬥非到邊，鍾意打隔離嗰隻貓，工作人員成日都要抱開佢，不過我又覺得佢好可愛本來對呢間餐廳食物冇咩期望，只係諗住過嚟同啲貓玩吓，又估唔到食物嘅質素唔差，而且價錢都好合理，不能養貓嘅朋友真係一個好選擇，就算睇佢哋活動都覺得好開心

URBAN Cafe喺觀塘開咗分店，我之前bookmark咗都一直未有時間去🔖，今次終於搵埋久未露面嘅朋友去食下嘢玩下貓🐱。😺法式三色胡椒汁伴牛肉眼扒加薯菜 $108😸意式肉丸芝士肉醬意大利麵 $78😼百香果檸檬四季春茶 +$20😹洛神紅莓莓乾花茶 +$31😽法式焦糖燉蛋 $48😻自家製甜蜜水果窩夫配精選是日雪糕 $98叫咗兩個餐，會配餐湯同沙律，用QR碼掃描再喺網上落單，食物上得好快，兩個餐分量都算多。牛肉眼扒幾大塊又多汁，肉質唔會韌。意大利麵啲肉醬好香濃，不過如果芝士可以多啲做到拉絲效果就仲掂。個花茶啲洛神花味好芳香撲鼻🌷，下面仲有火保持熱度🔥，大大壺幾抵飲。燉蛋幾甜🍮，個窩夫貌相好吸引🧇，加埋雪糕同忌廉一齊食真係好滿足🍨。呢間對比旺角分店大好多，呢日lunch去唔多人，可能貓仲多過人😆，可以食完嘢盡情同貓貓一齊玩🥰。總計$383，有個咁豐富嘅午餐加甜品，仲有得玩貓，夠哂划算🙌！雖然有啲貓幾百厭，仲會跳上枱，但佢哋都唔會亂咁食嘢，就算有貓毛飛過都唔會怕唔衛生，因為成個場地都好新好乾淨，同埋門口個智能套鞋機，就好似雨遮套機咁包住對鞋，唔驚走入去俾人搞到污糟邋遢。我哋嗰日去仲有人準備咗