Homeland (荃灣廣場)

營業中

休息中

最近好鐘意過嚟荃灣搵食，貪呢區多食肆選擇😂今日去左荃灣廣場呢間西餐廳好好食👍🏻首先餐廳環境幾靚，色彩繽紛又有好多乾花佈置❤️岩曬女仔打卡食物質素仲好好添👍🏻叫左一份德國香脆炸豬手（呢個係荃灣店先有嘅菜式) ，點呢個豬手真係唔會令你失望👍🏻👍🏻首先真係好大隻🙀份量足夠2個人食用。 豬手皮燒得好香脆，而且皮薄多汁，切開咗之後，已經見到D汁向下流🤤夠曬肥美juicy 🤤下面D薯菜又可以吸收埋豬手D肉汁，成個菜式嘅配搭都好好👍🏻令人十分回味另外仲叫左小食拼盤同菠蘿梳打 😂呢間餐廳嘅食物全部都好大份😂小食拼盤份量都好足夠，有魚手指，炸雞，薯條同 炸廣島蠔。全部都炸得好香口，好好味🤤大人小朋友都啱食👍🏻杯菠蘿梳打都好正，好啱夏天飲👍🏻爽下次一定會同朋友再過嚟食，仲要叫多幾個人因為食物份量真係好大碟，每一份都夠晒兩個人食咁濟😂加上呢間餐廳平日早D過嚟，只要7:00前埋單，仲可以有八折優惠🤩咁就更加抵食👍🏻十分推介（旺角分店都有呢個優惠👍🏻，出九龍區又多一個好味選擇）

約朋友去荃灣廣場地庫Homeland食晚飯，餐廳地方闊落，裝修色彩繽紛，全店五顏六色，睇見都開心🙂朋友想食香口野，叫咗客「德國香脆炸豬手」($288)，外皮金黃酥脆，肉嫩入味，唔會過乾身同死鹹，幾有水準；底下有好多薯蓉，另附上果醋燒汁、芥茉籽醬、酸菜👍🏻另外叫咗「芝士脆片焗肉醬千層麵」($148)，芝士重手，蕃茄肉醬調味香口，牛味濃郁，份量好大好多，夠晒飽肚😋下次約多啲朋友嚟試多幾款先！！