鼓堡音樂餐廳

同好友慶祝生日，一行三人喺平日夜晚到訪The Live House。間餐廳原來喺地庫，平日行開都冇留意。餐廳入面係酒吧格局，好暗下，七點半去到都坐左八成枱，氣氛唔錯。三人共叫左黑松露蜜糖雞翼、帶子黑松露意大利飯同埋德國豬手，同埋三杯野飲，原本打算唔夠食先再添。雞翼好香口，沾滿蜜糖同埋黑松露汁，好食，但係得六隻，唔係好夠喉。帶子黑松露意大利飯都好食，飯嘅質地好，唔會太淋或者太硬，每口都沾滿汁。德國豬手份量好大，三個女仔只係食左一行，其他都打包晒。豬手皮脆肉多，不過好漏，食左三件已經食唔落。最後加多個心太軟甜品，一早訂左寫朋友名，所以冇得用鐵板上，改用碟上。蛋糕上面插左火花蠟燭，好有氣氛。我地唱完生日歌後發現其他好多枱都係黎食生日飯！注意嘅係環境好嘈，好大聲咁講左成晚野第二日喉嚨痛…查看更多

突然想聽聽Live Band, 約左2個fd去食下嘢傾下計。佢地原來9點後入坐有$99任飲個半鐘。。。不過唔同Menu. 6支得1支我鐘意，飲左3支，回本啦嘢食都幾好食，加上我早左訂枱，有8折，價錢都算Ok.我地食左炸魚薯條，德國豬手，意粉同一個Pizza, 加3個$99 任飲再加一，講緊好似800幾。 我記得我仲要咗一個，魚仔意大利粉，白汁嘅。。。都幾好食不過唔記得影相 最後我就想講下職員好好，因為我哋已經叫咗用coupon 叫左嘢食，有8折，佢另外開張單畀我地任飲啤酒。 另外live band八點三左右唱咗15至20分鐘， 之後就冇唱過。。。有少少失望。Overall 嚟講，我會再嚟嘅。 環境唔錯， 價錢可以接受，如果可以開夜啲就仲好喇 …查看更多

已經忘記今次係第幾次來這裡食飯，係旺角做野既我，呢幾年食盡全旺角，始終都係鐘意返黎LIVE HOUSE食！原因好簡單，野食好食，野飲好飲，隔一段時間又會有新野出，好多時都有驚喜。今次又係食呢度最拿手既德國豬手，好大隻，好脆口，4個人食都夠。味道質素保持水準，讚另外叫左Pizza, 我地4個人有唔到聲音想食唔同味，店員聽到竟話：溝埋一齊做雙拼pizza啦！加$10者結果我地可以一次過食晒兩隻味！服務GOOD！仲有燒豬肋骨，我覺得佢好好食囉，d肉唔鞋，同埋好香好正！拍得住某大連鎖西餐最後，食夠$600送隻芝士焗龍蝦，唔算大隻，但好香芝士味！好味道…查看更多

今次係第3次黎到呢間餐廳食飯,今次黎係因為同中學同學好耐無見,咁岩大家個日早收工,所以就行左一陣街就去食野。入到去坐低,個陣大約8點,好彩一早打電話book左位,入到去啲位已經好full,如果吾book既我諗有排等位。可能因為行左陣街,大家都勁肚餓,所以快速叫野食。(提提大家:8點半會有live睇,如果想聽歌就吾好太早到了)1.安格斯肉眼扒($2xx),特別order左4成熟,因為我地大家都吾鐘意太熟,但真係太肚餓,所以相都吾記得影就食哂食評:我覺得4成熟真係煎得岩岩好👍入到口好有肉汁,而且一啲都吾(un),而且食得出吾會係出面啲cheap cheap牛扒。(推介指數: 👍👍👍👍/5👍為最高)2. 紐西蘭羊架($2xx)食評:我好怕羊架好so,但有個朋友係羊既愛好者,所以叫左一份黎試下,本來我打算吾試,但朋友開到口叫我試下,我就試少少,入到口,令我有驚喜既感覺,完全吾so,係令一個抗拒羊既人都可以食到既菜式。(推介指數: 👍👍👍👍/5👍為最高)3.德國豬手($6x)係openrice down左張coupon 落黎,用優惠價黎食,其實之前都食過豬手,真係一流,又大份又脆口,本來都擔心用coupon會吾會縮左水,會吾會求奇整就算,但係上到枱,我wa左一聲,完全同正價一樣咁大份咁脆,估吾到咁多客,但上到枱都仲係熱仲係脆仲係咁好食。必食!!!!!!!! (推介指數: 👍👍👍👍👍/5👍為最高)4.小食拼盤($1xx)食評:全個小食拼盤好大份,薯條好正,勁多芝士(本身已經係芝士控!!)!!!!!點個個醬好似係cream黎,出乎意外地夾,無諗過可以點cream黎食,個炸帶子炸蝦都好脆口,雞翼都幾入味,但如果吾太鐘意炸野既人就可能吾岩了,因為會忍吾住係咁食薯條,但都幾抵食架。(推介指數: 👍👍👍/5👍為最高)5.夏威夷pizza($1xx)+三文魚帶子pizza($1xx)食評IZZA好脆口,上面佈滿芝士,PIZZA邊位都好脆,而且吾會好薄身個PIZZA,但可以分得5-6塊,吾夠分☹,都食多塊都吾得(其實係因為我地多人xd), 芝士真係超正。(推介指數: 👍👍👍👍/5👍為最高)6.墨汁意粉($1xx)食評:張相吾見左無得post。墨汁意粉係我過往必食,真係好好好好好食,我真係勁鐘意食,個意粉好夠味,而且勁多墨汁,好似一隻墨魚係上面噴墨一樣,但會食到成個牙同個咀都黑色,如果係認識中既男女可能就吾岩食呢個嚕🙈。(推介指數: 👍👍👍👍👍/5👍為最高)*值得一睇,上菜上得都幾快,而且上菜時間岩岩好,吾會吾夠位放啲野食,食完一樣食物,好快會有人收走送第二樣食物上黎,very good!一定會再黎有小小問題既地方係,燈光有小小太暗要朋友幫我打燈先可以影到相,搞到其他客人都望住我地…查看更多

旺角的backstage : the live house之前我係中環有一個客户叫backstage , 喺附近都好出名嘅，因為佢哋每一日都會有live Band show，這邀請唔同嘅歌手嚟到現場，連陳奕迅都有去過架，可惜嘅係上年嘅年尾由於加租嘅關係所以決定暫時關閉，實在有點可惜，少咗一個喜愛音樂嘅人士聚集嘅地方！估唔到嘅事旺角原來一間叫the live House嘅餐廳, 實在有backstage 的影子，晚上十點有live band 獻唱，而且食物都幾抵幾好吃！先點左枝德國啤，牌子唔知係咩，但幾好飲。有原味，麥味同特濃味道，今次試左特濃，麥味很重，女士未必喜歡，但同行男士超愛先點了個牛油果沙律，材料豐富，有新鮮生菜，波蘿，蕃茄，雜果，唔少得當然係我至愛的牛油果啦，落左成個落去，配合香甜黑醋汁，好吃啊！還有既然點了德國啤，當然要點個德國豬手配搭一下啊，豬手大得很，而且切了八件，很整齊，而且很熱辣辣，上枱很正！膠質很豐富的豬手，外皮也脆得很，肉帶鹹香，還有配菜椰菜絲和香甜蜜醬配搭，價格合理又好吃！可惜兩個人吃不曬有點浪費啊！地方有點吵但氣氛很好，開至凌晨兩點，想找個地方享受一下凌晨的精彩，可以試試來這裡啊…查看更多

開飯一看 見到有手工啤酒 立即想黎試試。因為有訂位 所以一黎到就有位。但場地較細 座位有點逼。原本打算order二人餐。但最後都覺得散叫比較吸引。果然pizza同手工啤酒 無令我地失望。晚餐中間 更加有live歌手表現 氣氛一流!…查看更多