嫲嫲辣辣 (福榮街)

重口味干鍋客飯！之前經過深水埗都想試吓呢間餐廳，感覺有好多款式食材選擇。午市干鍋客飯$69- 可以揀香辣、麻辣、孜然、蔥爆，其中一個鍋底，然後自選三個配菜，送飯同飲品。我選擇蔥爆鍋底加金錢牛𦟌、紅薯粉、炸芋頭。其中一個朋友食得辣，成個鍋鋪滿辣椒，睇落好得人驚，不過佢話唔係好辣。整體干鍋客飯油膩感較重同偏鹹，食完午餐即刻覺得口渴。肉類被鬆肉粉醃到冇乜口感同味道，芋頭條炸得比較乾，薯粉口感唔錯，不過同白飯一齊食唔太夾，太多碳水化合物。炸豆腐唔錯，入面口感軟身，外層吸滿醬汁，不過都係偏鹹。應該唔會再食干鍋客飯。…查看更多

之前聽朋友說這間川菜的份量很多，剛巧要出黃金商場買新電腦，正好去吃個午飯。原來星期六、日及公眾假期需要加一。干鍋客飯 - $69鍋底有得選麻辣、香辣、蔥爆或者孜然，還是忍不住點了孜然味，有孜然獨特的香味，辣度則選了微辣帶點惹味好了。可以任選三款配料，份量果真頗多：牛肉片厚切得來又大大片，嚼起來特別有口感，算軟嫩，又不會蓋過牛肉味；金錢牛展則較有煙韌感，果腹力一流；雞件有點像雞煲那種，表面酥脆入味，裡面嫩滑。凍豆漿比想像中細杯，沒有任何豆渣，吃這類濃郁帶辣的東西比較想大杯一點。…查看更多

經常想食辣但又怕辣，今日就嚟挑戰嫲嫲辣辣！呢度午餐非常抵食，套餐都只係$40起，已經包括小菜、白飯同指定飲品。今日同麻辣妹嚟，揀咗食干鍋，鍋底可以揀香辣、麻辣、孜然同唔辣嘅蔥爆，因為又想食辣但又怕辣，所以揀咗要微辣嘅麻辣干鍋，其實都好多辣椒，見到個心都有少少怯，好彩叫咗杯凍豆漿，有咩事都可以即刻救火！不過事實上都只係BB辣，真係BB都食到。配料方面揀咗即炸土豆片，土豆片切得好薄，即炸後食落有少少脆口，好似食緊薯片咁，口感不錯。另外仲揀咗豬頸肉，豬頸肉同平時食開泰式嘅部位好似有少少唔同，不過都幾香口。第三款就揀咗水魷魚，魷魚份量都唔少，最主要係魷魚片，未見有太多魷魚鬚，不過都夠爽口。另外仲揀咗要椰菜回鍋肉客飯，都係配白飯同豆漿。椰菜份量相當多，雖然如此，但係回鍋肉嘅份量都唔少，回鍋肉係切得薄薄嘅腩肉，但食落都冇太多肥膩嘅感覺，配埋白飯真心正！今日挑戰成功，下次可以將辣度升級啦！…查看更多

🌶專門食川菜，座位都幾多個，尖沙咀亦有分店。💰川菜嚟講價錢唔算貴，一個午市套餐$40起。.🔸干鍋客飯($69)分數: (7/10)自選鍋底，三款配菜，有飯，有飲品送。揀左肥腸，魷魚鬚，秋葵。肥腸有啲偏乾身薄身，有啲就幾肥美，魷魚鬚咬落爽口，秋葵煮得夠稔，又夠入味。干鍋煮得好惹味，麻麻辣辣，好好送飯。另外，揀左杯凍豆漿，唔會太甜。😄.💈深水埗福榮街105號地下💈尖沙咀厚福街9號地下J1號舖…查看更多