加多娜天然酵母手作麵包店

營業中

休息中

布甸麵包每日下午4:30開始發售，數量有限售完即止。當日4:35到已經有人龍，買左4款口味一共81蚊，付款方式只限現金、八達通。⭐布甸麵包麵包外層偏硬，內裡較為鬆軟，口感煙韌。如果想切開同人share，建議雪凍啲，因為餡係室溫好快融，加上麵包有啲硬，比較難切，尤其係黑芝麻味，切嘅時候流曬出黎。天氣熱建議買完一係即刻食，一係帶保冷袋裝，拎返屋企即刻放雪櫃，啲餡融化會令麵包變淋，口感冇咁好。【黑芝麻】$23表面嗰層係牛奶，下層似芝麻醬，芝麻味好香好濃郁，同奶味好夾，而且唔會太甜，四款入面我自己最鐘意黑芝麻味。【抹茶紅豆麻薯】$23紅豆又甜又大粒，抹茶味濃郁微苦，中間包住軟糯嘅麻薯，口感層次豐富，甜同苦配搭冇咁膩【原味法式布甸】$15好香蛋味，口感嫩滑似吉士布丁，但偏甜【朱古力】$20第一層係幼滑嘅生朱古力，甜味突出，第二層係原味布甸。個人認為呢款係好味，但朱古力味太出，導致原味冇乜存在感，有少少可惜店鋪狹窄，入面塞滿曬人，出面又勁多人排隊，冇辦法慢慢睇慢慢揀，建議唔買布甸麵包嘅人避開呢段時間。

#豬妹食好西🐷_麵包#豬妹食好西_九龍 #豬妹食好西_佐敦《嘉多娜餅屋》食物：🐷🐷🐷🐷/5服務：🐷🐷🐷/5CP 值:🐷🐷🐷🐷 /5環境：🐷🐷🐷/5終於！終於！終於！食到嘉多娜嘅布甸包🤤🤤謝謝友人😗布甸好香滑 偏甜😍麵包韌韌地 有啲咬感 可能係我手多多雪落雪櫃😂🤣不過如果要我排隊買又好似唔算太值🤣🤣#hongkong #hkfoodie #foodie #吃貨#手機食先#food#bread #breadie#breadlover#嘉多利餅屋 #佐敦美食 #小店#食好西#相機食先#豬妹食好西🐷

布甸麵包我會加多多2個字"流心", 見有其他朋友仔的相片中間都比較傑/硬身一d。因為咬左一口已經勁呢hea,所以冇影到中間。但可以參考下圖的水狀布甸creamy 得黎偏流心， 因為佢比paul lafayet 個 creme brulee 仲要流心/水狀，因為我都幾中意食佢個 creme brulee, 又有雲呢拿籽香味，個人覺得甜左少少。反而麵包不錯（翻焗），外脆內軟。但因為出爐時間加上限購等問題， 我相信試一次就夠了😂