江南味

營業中

休息中

友人介紹呢間小店，我仲要係住大角咀，從來未去過呢間小店，估唔到間小店有驚喜。首先一去到，座位有啲迫，我哋一家三口加個朋友，朋友去到話啲嘢食嚟睇有啲慢，因為每一樣都係要慢煮，我哋叫咗蟹粉撈麵，生煎包，鍋貼，小籠包，排骨擔擔麵，梅菜扣肉包包，真心價錢唔算貴，小籠包即叫即包即整，雖然我等得耐，但係傾傾吓偈都唔覺。下次都會再去，嘢食都好好味，大角咀街坊都要應該去試吓，趁呢間店仲未有人講，要快啲去食，如果唔係遲吓排隊又冇得食㗎啦。

大角嘴近期多咗好多好嘢食，今次又俾我搵到間隱世小店👍🏻👍🏻👍🏻夜晚8點黎到都坐到full哂，好彩5分鐘就有位了，夏天最怕等位等到出哂汗🙈間舖真係唔大，坐得都算迫😗不過估唔到佢咁細間舖都有得手機落單，出色😂等左10分鐘左右食物就嚟啦～個人覺得套餐都幾抵食$4x有小食有飯仲有自家製豆漿，食物水準仲要高質，晚餐黎講真係抵到爛啦😂😂個人最欣賞佢所有食物都係熱辣辣，夠哂新鮮依間絕對會再黎，為左蘿蔔絲酥同炸豬排專登黎食都值啊！~~

第一次寫食評，呢間餐廳味道相當。首先，我地一行兩個人去食lunch。星期六，食客較多，餐廳唔大，空間較細，座位比較迫。我同朋友兩個人分別點左小籠包，炸豬扒，鹽焗雞飯同埋韭菜水餃麵。小籠包 - 必食！上碟精美，多汁又皮簿餡靚 炸豬扒 - 第二必食！外脆內軟，唔會成口粉，大件夾好食鹽焗雞 - 骨比較多，正常味道，無太大感覺，但菜飯我like朋友嘅韭菜水餃麵無影，麵用刀削麵，我朋友話幾好，我自己就麻麻。佢地仲有上海麵同米線選擇，等我有機會會再去試下另外兩款。最後埋單200 有找，咁嘅出品同味道，我地都覺得超值。有機會再嚟食過