姚姚酸菜魚 (港威商場)

難得星期日去海港城行街，夜晚同朋友直接係附近搵食。姚姚酸菜魚就係附近，見浸味好香，一於就試下佢個招牌酸菜魚！成間餐廳都係用Tiffany Blue既顏色為主，同一般市面見到既酸菜魚既中餐廳大紅色好唔同。由於我同朋友都唔係好食得辣，所以叫定兩大杯鮮水果烏龍茶，用黎解辣用。一杯成$48都唔平架。要左個雙拼，姚姚酸菜魚拼水煮牛肉。落Order既時候可以按自己口味同需要揀辣度、酸度、連麻度都可以揀。我地就要左個小辣其他正常。相比之下水煮牛肉比酸菜魚辣，但兩個都好好食，係可以接受既辣度。我同朋友一大兜全部清哂，飽住咁走…查看更多

現時不少港人都喜歡於周末北上吃喝玩樂，而酸菜魚向來都深受大眾歡迎，尤其是「太二酸菜魚」人氣可謂一時無兩。「姚姚酸菜魚」早前進軍香港，雖然在香港的知名度遠遠不及「太二酸菜魚」，但據知原來已連續兩年榮獲「中國酸菜魚十大品牌」，在內地每月銷量更數以萬計。辣子雞軟骨肥腸 ($198)炸雞軟骨口感爽脆，肥腸清洗乾淨並不帶絲毫異味，加入大量辣椒及花生爆炒，香辣入味。姚姚酸菜魚拼水煮牛肉 ($308)三心兩意下姚姚首創雙拼酸菜魚絕對是最佳選擇，可任意配搭避風塘大蝦、宮保田雞等菜式。招牌酸菜魚魚肉緊緻結實，而湯底酸味較辣味為重，寬薯粉條亦保持煙韌彈牙。水煮牛肉肉質嫩滑，點選中辣但辣度都比較溫和。特級米飯 ($18)三款菜式同樣口味濃重配飯一流。…查看更多

難得黎到尖沙咀食野 揀咗呢間鼎鼎大名嘅酸菜魚😍成間野都係tiffany blue色！啱唒打卡！😍入座用QRcode落單～而且出餐用機械人 相對安全👍🏻萵筍非常爽口 等上菜時食一流😍戲肉酸菜魚等大概15分鐘就有得食！超大鍋～仲有個爐㷫住食！撈起上嚟全部都係魚肉 非常滑😍鱸魚啖啖肉冇乜骨另外雙拼拼咗水煮牛 肉質一樣非常滑 加埋寬粉食煙煙韌韌非常過癮 一次過滿足兩個願望🤣特登留肚食😂即叫即做好鬆脆 紅糖啱啱好唔會太甜😋非常多料嘅冰粉😍睇見都開心 冰粉細嚼下食到淡淡嘅烏龍茶味 好特別😍食完辣嘢解辣一流…查看更多

內地著名的「姚姚酸菜魚」正式登陸香港！店內裝修採用小清新的Tiffany Blue風格，充滿美感～ 店內使用微信小程序下單方便又快捷，還有自動化的機械人送餐點。跟朋友還使用海港城美食卷，超級抵食！難怪門外大排長龍。 姚姚酸菜魚拼水煮牛肉 - $308雙拼的酸菜魚除了可吃到招牌酸菜魚，更可配搭水煮牛肉、番茄魚或避風塘大蝦。大得幾近霸佔整張枱好震撼！酸菜魚方面，整鍋滿滿肉多刺少的鮮鱸魚，夾起魚片有點透亮，又有厚度又有彈性，入口好鮮嫩；奶白的豬骨雞湯底好鮮甜，加上水東新酸菜、爆香了的小米椒及重慶指彈椒，有齊麻辣香酸的口感，超惹味。水煮牛肉方面，好多大大片的牛肉好鮮嫩爽滑，湯面佈滿紅油有麻辣鮮香的感覺，底部還有少許晶瑩剔透又充滿彈性的寬粉滲透湯汁精華。 姚姚雞翼 - $58即叫即炸特別酥脆，咬開雪白的雞肉流出熱呼呼的肉汁。 紅糖糯糍粑 - $58這個必須熱吃，酥脆的外皮咬開是軟糯香甜的糍粑，有著濃厚的米香和紅糖的蔗糖香。 彩虹烏龍冰粉 - $48解辣一流的甜品。晶瑩剔透的冰粉帶有濃郁烏龍茶味，加入香甜的椰奶感覺更清新，再鋪滿提子乾、珍珠、黑芝麻、花生脆和紅豆等配料，五彩繽紛之餘，口感層次更豐富。 鮮奶紅茶凍 - $38清爽明亮的紅茶配幼滑的鮮奶就是常見的奶茶，底部很多爽滑透光的紅茶凍，口感好爽口。 多多桃膠椰奶 - $48爽滑煙韌桃膠有美顏之效，加上椰奶帶濃厚的椰香，入口頗清新。 …查看更多

姚姚酸菜魚位於港威商場二樓，想食真的要早點來排隊～ 人龍很長！而且這裡可以用海港城coupon，更加抵食呢😋 🔸麻醬雞絲粉皮前菜小食點了涼拌雞絲粉皮，爽口的粉皮佐以雞絲和清新的青瓜，很適合夏天品嚐☀️🔹姚姚酸菜魚拼水煮牛肉值得一讚的是這裡的酸菜魚也可以雙拼✌🏼 可選蕃茄魚、水煮牛肉或避風塘大蝦，兩個人來吃也可以品嚐到多點菜式，一次滿足到兩個願望。我們選了姚姚酸菜魚拼水煮牛肉，酸菜魚香氣濃郁辣勁十足，鮮鱸魚肉質滑溜，另加了萵苣片，很好吃✨ 而水煮牛肉的辣度不會很刺激，牛肉片很軟嫩，送飯一流🍚🔸飲品點了五榖米漿和水果烏龍茶，水果烏龍茶有西瓜、檸檬、青檸和百香果等等，消暑解渴之選🍉🔹彩虹烏龍冰粉甜品必點這個亮眼的彩虹烏龍冰粉🌈 七彩的彩虹非常足料，有黑芝麻、花生、紅豆、丸子、酒糟、提子乾再澆上椰奶，底下是烏龍味的冰粉，帶陣陣茶香，非常清新，而且甜度適中，吃完濃味酸辣的菜式後剛好可以清清味蕾🫧…查看更多

無論店舖裝修抑或係餐具，都係以Tiffany Blue 顏色為主，入到去已經感受到充滿住打卡嘅氛圍😆食後感💁🏼‍♀️藤椒無骨鳳爪 $68餐牌上嘅廚師推介之一，食落果然有驚喜，美味嘅麻香醬汁配上無骨鳳爪，會令人食完一隻又一隻，開胃之選酸辣土豆絲 $58表現平平嘅一碟土頭絲，唔差但未有太大特色大盆花菜 $98好有鑊氣嘅一碟花菜，食得出師傅落足心機炒，難怪餐牌上有廚師推介嘅logo，絕對值得一試姚姚酸菜魚拼水煮牛肉 $308以招牌嘅雙拼大鍋上枱，份量十足，食落係一種fusion感覺嘅酸菜魚同水煮牛嘅味道，唔會太麻太油，比較迎合香港人口味嘅煮法 彩虹烏龍冰粉 $48以烏龍茶做嘅冰粉好有特色，唔會太甜清清地，不過配料有d搶過左烏龍茶冰粉嘅味道，而且味道未算好夾，有少少失望總結➡️食物味道平均不錯，鍾意打卡嘅你會好喜歡，不過如果係辣癮起的話未必治到條麻辣癮😆💰哩間餐廳可以用商場coupon, 每$200減$100，用coupon食係抵嘅👍🏻…查看更多

📍#姚姚酸菜魚 (#尖沙咀)尖沙咀廣東道3-27號海港城港威商場二樓2307號舖♡推薦程度: 🌕🌕🌕🌕🌑🔺🔺🔺🔺🔺🔺🔺🔺🔺🔺🔺🔺🔺海港城退出好多coupon優惠 食肆都非常多人最近人氣店姚姚酸菜魚門口大排長龍以為星期六日先多人 點知星期一夜晚八點都超多人•••建議大家一定要Book位 一問之下發現暫時訂座已經去到六月中🥶❣️#姚姚酸菜魚拼水煮牛肉 💰$308呢間酸菜魚其中一個特點 就係有得雙拼酸菜魚可以一次過食晒兩款味道 ✌🏻我哋叫咗酸菜魚拼水煮牛肉 仲特登order再加辣😋上枱嘅時候非常大盤！ 不過味道就冇好驚艷嘅感覺 ~ 酸菜魚唔算好酸 加辣後 都未算辣🥹 少咗酸又唔太辣 感覺差咁啲嘢 不過好彩魚肉都非常滑溜 又大片可惜，食咗兩片都有少少細骨 扣咗少少分❣#麻辣豬手💰$98豬手非常大件 有少許麻辣味 問過嘅豬手非常香 都幾入味 充滿嘅骨膠原❣#四川回鍋肉 💰$88回鍋肉份量比想像中多炒得好入味，而且加上大蔥食落更加惹味，味道偏濃配上白飯就啱啱好❣#彩虹烏龍冰粉💰$48彩虹烏龍冰粉賣相精緻配料方面有提子乾、酒糟、紅荳、丸子、花生碎、黑芝麻，非常豐富🫶🏽冰粉有烏龍香清香，加上椰奶味道更香甜，解辣一流🔺🔺🔺🔺🔺🔺🔺🔺🔺🔺🔺🔺🔺…查看更多

💎總評分：10/10-酸菜魚同水煮牛同樣受歡迎，但好難一餐食哂兩款因為實在會太飽🫢，今次呢間開咗無耐嘅酸菜魚店推出鴛鴦鍋，一次過滿足兩個願望✨，小朋友先做選擇，小編兩款都要哂😆！餐廳以Tiffany blue為主色調舒服柔和，熊仔魚姚姚🐟（小編改的名）偏佈全店，極可愛！平日夜晚都座無虛席大排長龍，果然超人氣❤️‍🔥！1️⃣ 姚姚酸菜魚拼水煮牛肉 $308 (2人份)落單時可以選擇無辣、正常辣、加辣，仲可以加餸，小編㨂左"正常"食得輕鬆🌶️，另加$35萵苣片。鴛鴦鍋大得驚人，酸菜魚嗰邊唔單止多魚塊🐟，酸菜份量都好大方，仲有酸蘿蔔片。魚肉爽滑入味，間中有一兩舊有骨。特地選用發酵24日嘅水東酸菜，煮出嘅湯底更加入味😋。水煮牛更為有驚喜😍，牛肉質感比想像中好，厚薄適中又唔韌。湯底似加咗花生醬🥜，比較杰身，唔知係唔係呢？兩邊都有芽菜同寬薯粉 ，足料好飽肚👍🏻！2️⃣ 麻麻辣辣口水雞 $88𣎴過𣎴失，唔算太有驚喜，但都保持到一般口水雞嘅水準👌🏻，作為前菜開開胃都不錯。3️⃣ 椒麻皮蛋 $58選用黃金塘心皮蛋💛，晶瑩剔透得嚟亦有更濃嘅皮蛋味。4️⃣ 熗炒手撕蓮白菜 $58落單時好貼心咁可以選擇少油少鹽，但可能因為本身係熗炒，出到嚟依然有少少油膩😂，不過心理上好過D，味道方面係好食嘅👍🏻。5️⃣ 彩虹烏龍冰粉 $48賣相吸引好有心思📸，食完辣嘢叫番個做甜品，必需的👏🏻！用上7款配料夠晒豐富，冰粉上面蓋滿青提子、酒糟、紅荳、丸子、花生、黑芝麻，相信係想打造彩虹嘅感覺🌈。咁多種配料夾埋又出奇地相配😋，酸酸甜甜，balance反主菜嘅酸辣，為晚飯畫上完美句號💯。 通常網紅店都會俾人覺得淨係得個樣，搞下gimmick俾人打卡卻質素平平，但係試完後覺得食物質素名副其實的好🤤，環境同所謂嘅gimmick更係令成個用餐體驗變得更好👀。餐廳仲有參加海港城嘅coupon promotion ，去之前記得打去問下最新嘅update，用coupon食就更加低食啦💵！-環境服務：⭐⭐⭐⭐⭐食物質數：⭐⭐⭐⭐⭐打卡指數：⭐⭐⭐⭐…查看更多

網上介紹國內知名酸菜魚品牌姚姚酸菜魚登陸了香港，之前午市來到想試，竟然全店滿座，侍應說要等一個小時，所以便沒有堂食。及後在togetda.com發現此店原來有外賣送貨，便立即預訂了位置（9/10）：餐廳位於尖沙咀海港城內近中港城的位置，地點及交通方便，由港鐵尖沙咀站A1出口步行約7分鐘環境（9/10）：餐廳乍看之下時代感十足，燈光暗淡有氣氛，明顯有國內飲食大品牌的高規格，可惜這次沒機會坐下來感受服務（8/10）：侍應相當繁忙，人手略為不足，收銀台也是長長的人龍，但仍然很有禮貌，服務看上去不差食物（9/10）：大品牌的酸菜魚當然不會差，口碑載道，因而疫情下竟仍是客似雲來，不然我也不會想試試吧網上下單點了兩款食物外送回家：姚姚酸菜魚拼水煮牛肉（2人份） - $308既然酸菜魚是主打菜，當然必點。我選了酸菜魚拼水煮牛肉，一次可試兩款她們主打的川菜:)外賣是分開兩個圓型大盒盛載，份量相當滿足酸菜魚這道菜酸酸辣辣，酸菜開胃惹味，辣椒及花椒雖多但不算太辣，魚肉幼滑鮮味，份量亦夠多水煮牛肉同樣不算辣，牛肉非常香滑，很稔很入味，湯底有寛粉，和普通的寛粉不一樣，很滑很稔卻不會韌，口感獨特吸引麻辣雞煲 - $178用大量辣椒把雞炒至乾身，雞肉很入味，麻辣味突出卻不會太辣，雖然份量偏少而且口感有點老，但也很適合伴飯================🍽 姚姚酸菜魚📬地址：尖沙咀廣東道3-27號海港城港威商場二樓2307號舖…查看更多