姚姚酸菜魚 (港威商場)

營業中

休息中

呢間餐廳我已經嚟過好多次，今次特登試吓啲新嘢，果然冇令我失望！首先，招牌菜「姚姚酸菜魚拼金湯跳蛙肚絲」！🐟🐸🥢 酸菜魚嘅湯底依然係咁出色，酸辣醒胃！😋 雖然香港嘅魚同內地嘅魚口感可能略有不同，有少少魚腥味，但係整體嚟講都仲係可以接受嘅範圍，完全唔影響食慾！而金湯跳蛙肚絲，一上枱就已經俾佢個賣相吸引咗！🤩 一大片金黃色嘅湯底，好似一片金色的海洋咁靚！✨ 湯底香濃，辣度適中，又麻又香，超級惹味！🌶️ 除咗田雞同豬肚，仲有萵筍、木耳等配菜，豐富又均衡！跟住叫咗個做緊優惠嘅「半隻片皮鴨」！🦆 $94就有半隻片皮鴨，仲有齊晒所有配菜，甚至乎仲送埋川味鴨架！超抵食！💰 川味鴨架比想像中好食好多，唔會炸得太乾，感覺健康啲，味道亦都幾特別！另外，仲叫咗個「頭抽西生菜」！🥬 份量勁大，炒得好好味，西生菜好香！最後，叫咗杯低糖紫米豆漿，清甜解膩！💜總括嚟講，今次嘅用餐體驗又係一次完美嘅享受！🤤 姚姚酸菜魚嘅食物質素真係好高，而且價錢合理，服務又好！👍 強烈推薦俾大家！#姚姚酸菜魚 #尖沙咀美食 #港威商場 #酸菜魚 #金湯跳蛙 #片皮鴨 #川菜 #香港美食 #香港好味 #食評 #推介 #

無論喺香港定大陸嘅姚姚酸菜魚都已經食過好幾次，今日心血來潮再嚟😂一去到門口店員已經非常熱情招待我哋，啲姐姐特別友善，成個氣氛好好👍自行手機落單，揀咗好耐都冇人催😂幾好～最尾我哋今次冇叫到酸菜魚，因為次次都食，轉下其他嘢～～1.麻辣香鍋之前都試過姚姚嘅麻辣香鍋，無論喺大陸定香港分店都幾好食～今次我哋再encore🤩我地自行加左嫩牛肉、雞翼、花菜、四季豆、土豆5款菜，上到嚟已經大大碟～～超有食慾！嫩牛肉肉質都算嫩滑，而且都幾淋，仲好大片👍雞翼都係比較大隻，原隻雞翼上，而且有勁多隻😂花菜同四季豆配搭香鍋，菜的甜甜地中和咗個辣度❤️土豆係麻辣香鍋中必叫，軟軟糯糯好食🤤2.北京烤鴨（半隻）鴨皮非常香，仲係好脆好新鮮～～皮肉分離，而且鴨油香味好重，隻鴨嘅味道唔錯👍而佢嘅皮連蒸爐蓋上，防止啲皮散熱快，所以食到最尾都係熱～～隨鴨附送麻辣鴨骨（一鴨兩食），原本我哋都唔知有一鴨兩食，等於多咗一樣餸😂鴨骨麻麻辣辣都幾好食～飯後攞嚟做小食，傾吓偈，咬下骨😂😂雖然叫咗兩個餸，但係兩條友已經飽到飛起😂😂又係扶着牆走….有機會下次再嚟試吓其他嘢👍👍👍

今次再次幫襯呢間餐廳係因為佢出咗個雞煲二食套餐，鍾意打邊爐嘅我就試吓佢哋啲新嘢先！我比較鍾情尖沙咀分店，整體感覺都比較舒服，而且唔會有太壓迫嘅感覺，枱與枱之間有一定嘅距離，而且服務人員反應快，唔需要等好耐就會跟進你嘅需要！首先佢個雞煲有唔同嘅菇菌類，有冬菇片，秀珍菇，金菇，竹筍，雲耳，無論喺視覺上嘅五顏六色同味道都好豐富，我哋揀選咗少辣，而且佢隻雞煮得幾滑，唔會令到肉質好乾，啱啱好就上枱！呢個時候同時點咗佢嘅臘味炒飯，佢嘅炒飯粒粒分明，唔會太油，雞肉配上炒飯一流，額外惹味，個雞煲食到咁上下就可以叫佢加湯，佢會上埋二食火鍋嘅配料，配料架擺放炸雞皮，雞片，雞雜，雞塊，田園蔬菜（金菇，娃娃菜，蓮藕片，萵筍，豆腐卜）呢啲都係好掛汁既配料，假如配料唔夠，其實可以再order，整體嚟講，我覺得如果佢啲雞塊可以大少少，會有口感啲。最後叫多兩個甜品就大滿足，分別係姚姚脆奶同紅豆烏龍冰粉，脆奶外面就得鬆脆可口，入面奶味十足，唔會太甜，剛剛好，而紅豆烏龍冰粉就好清爽，食完濃味火鍋再食返清甜冰粉啱啱好中和返個味蕾，配料份量啱啱好！

喺尖沙咀海港城度發現嘅一間酸菜魚舖頭，裝修好靚，餐廳嘅主要色tone係tiffany blue，港女最愛😬食物方面，佢哋嘅酸菜魚特別之處係可以雙拼，一半酸菜魚、一半口水牛肉。魚柳嫩滑新鮮，酸菜湯酸辣開胃，口水牛肉則鮮嫩多汁，兩者搭配絕配。除咗酸菜魚，我亦試咗佢哋嘅花椒豬手，入味得來又啖啖肉。食物質素高，服務周到，環境清潔整潔，價錢亦合理，好似都可以配合海港城優惠券一齊使用，餐廳亦都好電子化，送餐係由機械人代勞🫢

跟同事在港威商場附近做完嘢肚餓要穩食，就見到這間「姚姚酸菜魚」，成間店舖的裝橫用左Tiffany blue 的顏色，就這樣吸引左我入去。😆原來除咗招牌酸菜魚還有挺多菜式選擇的，看了菜單很久最後決定點雞煲二食套餐。雞煲不是很辣有很多配料好香，我特別欣賞他的新鮮竹筍片又脆又嫩，還有香菇片好香。吃完雞煲加上湯汁就可以打邊爐，套餐還包括有雞皮、雞胗、雞心、雞肝、雞肉用來打邊爐，我怕不夠吃另叫了份肥牛。雞皮已炸過所以特別香，雞肝好粉。打邊爐當然要加罐啤酒，呢個啤酒好飲真係飲到龍井味的。最後加埋個甜品今餐就完美了。

琴晚同朋友諗住試下新嘢，就去咗間餐廳食雞煲。叫咗個$298嘅雞煲兩食套餐，諗住試吓佢嘅水準。首先講個菌香雞煲，啲雞肉都算幾嫩滑，唔會太老，而且都幾多汁嘅，唔會話乾爭爭。個菌菇湯底都幾鮮甜，飲落口唔會覺得太油膩，味道都算清淡，啱晒唔想食太heavy嘅人。我哋都飲咗幾碗，覺得唔錯，不過就唔係話好驚艷囉。食完個雞煲，啲店員好快手咁幫我哋加湯，變咗個火鍋，可以打邊爐。講到打邊爐，佢哋有個炸雞皮，可以試吓。唔好浸太耐，喺個湯度涮幾秒就夠，等佢吸晒啲湯汁，一啖咬落去，外軟內脆，個口感都幾得意，不過都係睇個人喜好啦。我個人就覺得ok，但朋友就覺得普通。除咗雞煲，我哋仲加咗$94叫咗半隻片皮鴨，想試吓佢嘅烤鴨功力。個鴨皮都幾脆，唔會話韌到咬唔開，用薄餅包住啲鴨皮，再加埋啲甜麵醬，味道都唔錯嘅，合格有餘啦。不過，如果啲青瓜絲可以多返啲就好喇，咁樣食落去會平衡啲，唔會覺得太膩。飲品方面，叫咗杯$38嘅手打檸檬茶，叫咗少甜少冰，酸酸甜甜都幾解渴，食完熱辣辣嘅雞煲，飲返杯凍檸茶，都幾舒服。間餐廳嘅環境都幾有港式風味，唔會話好grand好fancy，但都算乾淨企理。啲店員服務都ok，唔會話唔理你，但亦都唔會過份

今日經過尖沙咀，見到門口餐廳有個雞煲二食套餐，都幾抵食，價錢唔貴，就入去試吓。涼拌萵筍絲夠最涼浸浸，食落好清爽脆口，勁香蒜味，呢個頭盤唔錯。四川回鍋肉炒到好乾身，好香口，d豬肉唔算太肥，好惹味，但又唔太辣，好味。雞煲二食，都幾抵食，首先食咗菌香雞煲先，雞嘅份量都幾多，幾香口幾惹味，雞同d配菜都入晒味，勁正。之後就有打邊爐炸雞皮 - 炸得好香脆，唔肥唔油膩雞片同雞塊 - 好嫩雞，唔會柴雞雜 - 都好新鮮，雞腎爽口，雞心彈牙，雞肝粉嫩蔬菜拼盤都幾多款，吸收晒d湯底，入晒味，好食。

最近想食酸菜魚，特意約仲有去尖沙咀行嘅行街同食姚姚酸菜魚。大品牌品質有保證，仲要係首間米芝蓮酸菜魚專門店，再訪的原因一完是好食。餐廳不時推出新品，今次推出雞煲二食套餐，一定要試下啦。💚一食：菌香雞煲四川主廚的秘製醬料，炒到爆香，有陣陣酒香。洋蔥同紅綠椒的香味令雞肉味道升華。💚二食：雞煲打邊爐包括炸雞皮、雞片、雞雜、雞塊、蔬菜，四層塔擺盤，打卡都靚啲。雞片同雞塊嫩滑，份量充足。💚招牌酸菜魚必吃的招牌菜，每次食都感嘆魚肉又嫩又滑，鮮味十足，連酸菜都好好食。餐廳職員不時會同客人傾談，主動加湯同換碟，感覺友善，好食餐品，食得又舒適開心。

之前已經食過姚姚既酸菜魚同片皮鴨，本身都想再食，但黎到見到有新野推出，今次就試左個雞煲二食，首先黎個雞煲，唔太辣，又夠惹味，連入面啲配菜都好好味👍🏽👍🏽食到咁上下加湯打邊爐黎左雞皮，雞片，雞雜，都幾好味，仲有埋個疏菜籃，再加埋個擔擔面，擔擔面唔會太杰，又唔好會溜，有啲肉碎加埋少少麻辣味，唔錯😋😋最後甜品叫埋個紅糖糍粑，啲黑糖同糖粉份量岩岩好，唔會太甜，上枱熱辣辣👍🏽👍🏽👍🏽兩個人食，滿足到不得了😅😅

自己好鐘意食酸菜魚，平時每星期都會食一次。姚姚酸菜魚都食過幾次，因為覺得佢唔套餐幾抵食，佢有幾款唔同嘅套餐，我今次就食咗佢嘅「滋味共享套餐 」＄438（2-3人份）前菜：是日涼菜- （土豆絲）土豆絲幾爽口。少少酸少少辣。好味。小食：川味鴨架小小辣，調味唔錯。試完一件，忍唔住再食。「姚姚酸菜魚（二人份）」：可以揀辣度、做法及調味，我怕太辣。所以揀最少嘅辣。魚肉夠多又夠滑。大大片魚肉👍酸菜夠多。連埋湯一齊又食又飲。微辣做法真係啱晒我。北京烤鴨（半隻）皮脆肉嫩，鴨皮有好香鴨油味，搭配春餅皮和京蔥絲青瓜絲蘿蔔。抵食又好味。

今日係我第一次去姚姚酸菜魚到幫襯😆所以今次特別點了招牌菜「姚姚酸菜魚拼金湯跳娃肚絲」同埋叫左個麻醬雞絲粉皮和上湯野菌娃娃菜首先，**😆姚姚酸菜魚拼金湯跳娃肚絲**份量十分之足夠，一上碟見到咁大碗都嚇親我😂湯底濃郁，酸味適中，麻味都夠香🤌🏼。而且魚肉鮮嫩、無腥味。金湯中的跳娃肚絲賣相好吸引😆，整體口感層次分明，十分過癮。接下來，**麻醬雞絲粉皮**雞絲鮮嫩配埋粉皮滑順加埋麻醬，讓人感覺清爽又開胃，絕對冇得輸🤤最後，**上湯野菌娃娃菜**娃娃菜鮮嫩，搭配清湯和新鮮的野菌，食落好fresh，清清地，保留了食材的原汁原味，食得好舒服！最後埋單都係500幾 又捧住嗰肚走性價比算高！

尖沙咀🚇海港城呢間姚姚酸菜魚🐟係2019-2021年連續三年🏆榮獲「中國酸菜魚十大品牌」嘅名牌🥬酸菜魚🐟店，呢度嘅裝修簡約而不失風格☺️，環境乾淨整潔，難怪開張後一直🎉大受歡迎！前菜我點咗🌶️麻麻辣辣口水雞，口水雞啲🐓雞肉好嫩滑，麻辣味道恰到好處👏，每一啖都令人流晒口水🤤。姚姚酸菜魚🐟拼金湯跳蛙🐸同肚絲超級大盤，酸菜魚嘅魚肉鮮嫩，酸辣🌶️味道十分之有層次，而金湯跳蛙同🐖肚絲更加係鮮甜香辣，跳蛙肉爽🐸，豬肚好腍滑，真係食得非常滿足🥰。四川回鍋肉🥓每一口都充滿咗四川料理🌶️嘅獨特風味，五花腩🐷煮得香辣而不油膩，味道層次好豐富😋。

再次到訪呢間酸菜魚店‼️ 上次嚟淨係試咗佢哋嘅麻辣香鍋 今次就嚟試試酸菜魚🐟✿ 姚姚酸菜魚2人份 + 寬粉($288+$38)上枱時用咗小蠟燭座熱住盆酸菜魚 唔驚會凍晒 好貼心🥰酸菜魚使用新鮮鱸魚 魚肉好大塊好嫩滑 完全食唔到有骨 份量仲好多！個湯底好濃郁又夠酸 入口非常惹味😋另外我地仲加咗寬粉 口感超級煙韌彈牙🥢✿ 麻麻辣辣口水雞($98)雞肉香滑啖啖肉 雞皮爽口 而且個麻辣汁都唔會太辣🐥✿ 酸辣土豆絲 ($58)土豆絲好爽脆 酸辣比例啱啱好 十分開胃🥔✿ 白飯($18)白飯大大碗 配埋酸菜魚食一流🍚

《姚姚酸菜魚》呢間大陸過江龍，新出左片皮鴨之餘，而家撈埋香港人醉愛嘅雞煲🐔今次我哋唔嗌酸菜魚，嗌雞煲同埋其他小食😋菌香雞煲（半隻）$198雞煲份量好足，聽職員講佢哋全部都係即叫即整😯冇放太多醬料，雞件預先醃製，好入味。睇落應該係炸完再炒，仲有洋蔥🧅鮮筍、辣椒等配料🐓麻麻辣辣口水雞 $98口水雞咸香味十足，醃得好好，仲有大量芝麻，呢個一食就停唔到😋🌶️藤椒無骨鳳爪 $68呢個有醋浸住嘅鳳爪，爽爽哋好有口感，仲食到雞腳根，加埋藤椒油，麻麻辣辣，食到好過癮🤩而且份量都好多，好高性價比👍🏼🍜傳統擔擔拌麵 $68面質有咬口，麻香味好勁，仲有一大堆肉碎攪拌🤤🧋鮮奶紅茶凍 $38如果想又食雞煲又食酸菜魚嘅話可以嗌佢哋嘅《雞抱魚套餐》 ，又有魚又有雞煲🐡加配飲品仲有優惠呀！😍餐廳另收加一服務費📍 尖沙咀廣東道3-27號 海港城港威商場二樓2307號舖

每次到姚姚都是為了米芝蓮認證的酸菜魚，意想不到麻辣香鍋有驚喜以湖水藍色為主調裝修，設有卡位，座位寬敞舒適招牌作「姚姚酸菜魚」嚴選國家認證刺少肉多的新鮮鱸魚酸菜採用正宗水東芥菜，經過廿四天發酵醃製麻辣香鍋配料豐富多樣，可以自由組合！以乾辣椒和花椒大火炒製，融合火鍋、川式乾鍋、香辣菜等川渝風味，麻、辣、鮮、香麻麻辣辣口水雞雞肉嫩滑，雞皮爽口，麻辣好滋味椒麻皮蛋賣相晶瑩剔透，口感滑溜溜，蛋味香濃，十分開胃