和氣食堂 (河畔花園)

星期日同屋企人行開沙田本來諗住係沙田食埋晚餐先返屋企，諗黎諗去唔知沙田有咩好食就開OpenRice見到和氣食堂排第一喎，之前食過佢黃大仙嘅分店，就決定今次試下佢啦餐廳位置唔算方便，沙田圍站C出口再要行10分鐘先到，餐廳門面唔算大，我地一行5人等位都等左大約半個鐘一坐底侍應好快就送上餐牌同熱茶，佢有實體menu不過落單就要scan qr code落，我地嗌左10樣野，上菜速度都好快天婦羅盛合7件天婦羅入面，有2隻蝦同南瓜，蟹棒、矮瓜、甜薯各一，炸得都幾酥脆，唔會太油，好食！電擊雞翼見個名咁得意 價錢又唔貴，就嗌左黎試下 哈哈，上枱個時見仲未知佢係咩味道，只見佢係有一層閃令令嘅野包裹住食落口？咦？係凍嘅？同埋係甜嘅？原來個層閃令令係麥芽糖黎嘅，幾好味，不過就有少少硬整體黎講用餐體驗同其他野食都唔錯！…查看更多

每次夜晚經過沙田河畔都會想試一試呢間日整野 但因為次次都好多人既關係 所以卻左步 但今晚難得地可以等左15分鐘就入到去 所以其實都幾期待睇個menu其實都好多選擇 但女朋友今晚唔太舒服 所以就同生冷野無緣啦 不過唔緊要 仲有好多吸引既野食order 第一道order既野食就係芝士厚燒玉子（$42）市燴d計就差唔多係10$ 一舊 但係我都覺得性價比唔錯 因為塊芝士燒熔左落去舊玉子到 食落好creamy 好滑 而且玉子整得唔老 岩岩好第二道菜就係千迴火鳥三隻 （$38） 火候唔錯 雞亦都外焦內嫰 仲辣辣地 跟住就係石鍋鏝魚炒飯（$108） 塊鏝魚幾大塊 同埋每一啖飯都炒得好均混 兜到個飯成個都有濃香既鏝魚汁味成餐飯最正既都係呢道芝士軟殻蟹卷（$58）個人認為係必食 軟殻蟹新鮮炸出黎 超香口 同時配塔埋沙律醬同埋蟹籽黎食好夾 個口感好rich最後2個人食左350$ 食到好飽 結果要打包走 剩左半個飯 所以下次黎會叫少一樣野食 呢間野真係大件夾抵食！…查看更多

今日去左沙田圍河畔附近探朋友， 順便食埋飯， 呢度附近開左好多唔同餐廳， 有台灣 越南 泰國 西餐 雞煲， 乜都有。今日就試呢間日本野， 門口有Food Gulu app可以拎定飛，不過我地早，6:30去到，唔洗點等位。入到去都坐滿左大半， 本menu 好厚， 好多選擇， 有沙律，有丼飯， 有壽司， 有刺身，有串燒。呢個茄子好特別， 加左麵豉去燒， 好香， 本身茄子冇乜味， 所以好吸味， 好香口， 可以食幾舊。個沙律叫沖繩風， 上面加左啲海葡萄， 第一次試海葡萄，冇乜味， 好似海帶咁， 配埋啲生菜， 感覺好新奇。呢個天婦羅盛合， 份量都幾多， 3隻蝦 再加幾舊蔬菜， 有南瓜， 有茄子等等， 炸得幾好， 夠香口。個黑豚飯幾好味，啲汁好濃， 啲肉吸曬， 啲肉夠淋， 配飯好好。 好開胃。 仲有啲配菜泡菜跟埋。芝士玉子燒夠厚， 入口啖啖肉， 唔會太甜。 偏實。唔會散。三文魚5味， 一款係正常乜都冇加，一款加左牛油果， 一款加左海膽， 一款加左咖哩鹽再燒，一款加左芝士再燒。 全部都好特別， 有新意。…查看更多

是日晚上同朋友去開沙田，決定搵下沙田有咩好野食，行行下發現有呢間日本野，決定入去試下，可能因為星期三我地七點鍾左右入去就唔洗等位，門口發現有FOODGULU，下次拎位可以用電話拎飛先咁就一定唔洗排隊。一坐底環境正路，普通日本餐廳感覺，Menu大本食物選擇多，我地都揀左around 15分鍾先揀到食乜好，佢壽司款好多，相片款款都好吸引。由於我同友人唔算太餓，所以最後只係點左5樣野食，最後唔算太飽，岩岩好！第一個黎既野食係3點刺身盛B(甜蝦三隻、三文魚三片、鮮赤貝一隻兩塊)，因為我同朋友都想食甜蝦同三文魚所以決定點B呢個款，呢個刺身盛黎果陣無乜太大感覺，但係食果陣有驚喜，我地食食下發現原來鮮赤貝除左切開兩塊之外，佢後面有兩小卷係紫菜包住絲同埋貝，呢個係有驚喜，食落去好Fresh！雖然數量唔多，但我以為呢個刺身盛係值得叫！第二個黎既係主食，我地叫左個濃蕃茄湯吉列豬扒烏冬，朋友非常喜歡呢個烏冬，佢覺得豬扒皮好脆好好味，蕃茄湯有真蕃茄味(因為酸酸地好開胃)，但由於我對蕃茄麻麻地，所以我只係夾左幾條，識得出佢係多蕃茄料，豬扒的確係幾好味，皮唔厚，肉有脂香。之後我地叫左兩牒sushi，香芒三文魚腐皮 同 牛油果芒果三文魚班戟，我個朋友非常喜歡腐皮，所以佢一見到就話要點呢個，我唔太好腐皮但都覺得呢個OK，佢上面有三文魚腩粒同埋芒果，幾fresh！我揀sushi果陣揀左好耐，事閣佢有幾款都幾吸引，最後揀左呢個牛油果芒果三文魚班戟，呢個真係好好食，雖然有D貴，但佢牛油果match埋佢班戟皮連帶芒果三文魚，真係好好味，我覺得如果鍾意班戟皮既人一定會鍾意食呢個，呢個sushi我覺得係全晚最好味既野食！食到咁上下，我地仲有個天婦羅盛合，呢個天婦羅盛合(3隻蝦 2件番薯 1件青椒 1件茄子 1個菇)我同朋友覺得不過不失，可能我同朋友既口味都係只鍾意食蝦同番薯，所以我地覺得蝦幾好味，番薯就甜得黎夠薄，但為免浪費食物，我地都食埋其他。見完餐牌，下次想試呢間餐廳既午餐，好似幾抵食同埋食物質數真係幾好，性價平算高！…查看更多