牧羊少年咖啡館 (白楊街)

對上一次到牧羊少年用餐已經將近5年前, 再次到訪食物既質素有進步！4個人叫左2個套餐(一個主食、一杯飲品、一個甜品) 再另外加個薄餅加個小食同飲品, 咩都試到啲呢個意粉唔錯！意粉好掛汁之餘, 唔會煮到淋哂nice~ (加上我鍾意食冰鮮蝦, 下次去一定會take2)呢個喇沙海鮮湯烏冬我就比較麻麻, 一黎我唔係幾食得辣, 二黎食落比較普通, 冇平時食喇沙個陣喇沙香...佢係我呢餐既MVP!!! 薄餅邊脆, 每一舊都平均有料係上面, 千島醬夠哂味但唔膩, 加上(!)我麻麻地平時薄餅上面個啲青椒紅椒, 次次都挑到半死, 終於可以試下大大啖食pizza既感覺呢個係一個普通既拼盤cheese cake唔錯, 兩個set兩件cake四個人食岩岩好, 推薦叫set, 但一人一個set就冇肚試pizza, 因為pizza係冇得跟set架! 點解??!!叫左四杯野飲, 呢杯奇異果青瓜奶酪最特別, 點講呢, 佢隻味真係好奇異但係又幾好飲喎! 呢杯雙重朱古力沙冰值得讚既係佢飲到最尾都唔淡 (唔好講笑 呢件事對一杯朱古力黎講真十分重要), 但係要彈既係飲幾啖就會冇哂水飲唔到...仲有呢兩杯, 都ok既~整體呢個晚餐豐富抵食, 環境有啲暗, 睇餐牌要好似呀婆睇報紙咁搵光源但同朋友一齊去傾下計食個飯, 呢到絕對係一個好好既選擇!…查看更多

🎐阿豬媽生日喎，阿豬媽話唔想大攪，咁熊妹就發板連同卡肥帶阿豬媽去食好西喇。📌其實熊妹同卡肥想黎《牧羊少年咖啡。茶。酒館》食好耐，當中它的大食拼盤份量多到太吸引，但兩個去又好似食唔哂，所以遲遲未試到，今次連埋阿豬媽三隻大豬🐷仲唔係大食的機會？📌晚上7點半🕢黎到，全場都幾乎爆🈵，熊妹知道《牧羊少年》近5️⃣年冒出頭來，擴展得好快，開了6️⃣間分店，主要結集係九龍同新界，如果去埋港島區真係不得了。而太子呢間《牧羊少年》總店由冒起到而家幾時都仲係咁受歡迎👏🏻。📌餐牌主食包括沙律🥗、小食🥡、薄餅🍕、排類🥩、意粉🍝、甜品🥞及咖啡☕️飲品🍹都係大路的咖啡館菜單，今時今日要係物價沸騰🔝的市場上立足，一定要找到生存之道，先唔會被社會淘汰。飲食方面，三五成群聚聚頭食個飯非常普遍，所以年輕人的巿場絕對佔很重比例，菜單潮著年輕人的口味一定包無死☠️。大食拼盤，$128📌小食拼盤就食得多，「大食拼盤」就真係第一次聽，其實即係份量多啲姐。📌今日一來，熊妹二話不說就點左呢個大食拼盤先！記得當初熊妹發現《牧羊少年》呢間咖啡館，再發現當中呢個拼盤好吸引，問大食卡肥有無興趣，卡肥一望就話呢個應該係叫左大食拼盤喎！咁都俾佢估到，果然係食家。完全無失望喇！一大盤小食盡現眼前🤩！德國腸、司華力腸、春卷、咖哩角、炸蝦、炸洋蔥圈同炸雞翼，全部都有3件或以上，岩哂3人份量。熱辣辣剛炸起，脆卜卜又唔係好油膩，仲跟埋3款沙律醬，🈵足哂熊妹同卡肥一心前來的心願喇！煙三文魚凱撒沙律，$76📌阿豬媽話食左咁多炸物，想食啲菜類解解膩。:)📌菜類食物相信就只能夠點個沙律喇。好大一碟喎😍，好多好多羅馬生菜🥬，好多parmasen芝士碎鋪係菜面，凱薩沙律醬都好夠，每一片菜都鋪滿沙律醬的，煙三魚就少啲喇，得3小片圍著係碟邊，同埋幾粒烘過又幾大舊的麵包粒，呢盤沙律🥗材料同味就平凡左啲，不過至在食下菜都幾唔錯的。菠蘿辣肉腸薄餅，$108📌薄餅類又好似幾吸引，熊妹俾卡肥卜膇🔨食邊款，食肉獸卡肥當然揀上了辣肉腸比較岩胃口喇。披薩🍕1️⃣開6️⃣，🈴哂我們仨的倍數，每人兩件唔洗爭👏🏻！每件披薩都有一大塊辣肉腸，一件菠蘿🍍，同🈵瀉的芝士🧀及蕃茄🍅醬底。餅底雖然唔係熊妹喜好的厚批麵包底，係薄餅乾脆底，但因為餡料過於豐富，連同薄薄餅底食會比較適🈴無咁濟膩。芝士真係好豐厚，又唔會好咸，自然唔會覺得好膩，會想食完再食。📌熊妹食親pizza都一定會點埋tabasco🌶，貪佢辣得夠過癮🤪。日式燒汁牛肉長通粉，$82📌有卡肥在，點可以無主食？卡肥話要食意粉🍝，想點鮮忌廉煙三文魚意粉，又俾熊妹豬多阻礙，見隔離枱的呢款牛肉長通粉幾香，強逼卡肥試呢個，認真覇道。😝一上枱，熊妹有少許失望既，望落已知碟大份量少。香就係炒得幾香的♨️，面頭鋪滿日本木魚，都係熊妹的喜愛。不過醬汁太少，長通粉變得炒得乾身啲，熊妹認為多啲醬汁會惹味啲。日本牛肉🐮就係肥牛，都有3-4大塊，有啲肥，味道都算唔錯的，都係爭啲醬汁，熊妹認為濕啲會好味啲。📌整體黎講味道、環境、價錢各方面都很不錯，難怪咁深受年輕人喜愛💕，仲擴展得咁快⏩，果然係成功的💪🏻。📌阿豬媽，生日快樂呀🎂🎁🎊🎈🎉！…查看更多

細細個既時候食過牧羊少年，當時已經覺得食物好食環境又靚，今日經過太子，就同友人一齊係度享用晚餐，回味一下過去。其實太子一帶真係無咩文青、可以打卡既餐廳，全部都係一d舊式小店，所以呢間餐廳顯得特別出眾。好有特色既餐廳，裝修好用心，有小小去左中東國家既感覺🤣氣氛較昏暗，幾適合情侶。🍝⼁煙三文魚磨菇忌廉意粉好好味！應該係我食過類似既意粉入面最出色，煙三文魚份量好多，好入味軟熟。而意粉既硬度係我最愛，唔會太林，有dd硬，食起黎好有咬口，而且忌廉汁既分量都拿捏得好好，唔會過於濕潤多汁，但每一啖都食到忌廉既味道，吃完亦無好濟既感覺👍🏻👍🏻🍤呢個大食拼盤真係多得好誇張，我地食到飽到叫救命先清到三分二。炸薯角、炸洋蔥圈、炸薯波、吉列蝦同埋炸雞翼全部都炸得好脆，十分可口，即使傾左一個鐘計，都無變林，厲害👍🏻雞翼入味，肉質夠嫩又夠滑，香腸入面好多汁😍外面皮燒得好脆，呢個拼盤確實好抵食。🐷香辣豬頸肉配墨西哥餅及牛油果醬豬頸肉食落唔乾唔孩，幾爽口彈牙，但係有汁係面就會好d，可以更香。墨西哥餅就太林，同埋唔夠熱，煎一煎可能會更惹味😋 這餐我同友人都十分滿意，食物份量多但價錢好便宜，下次有機會會再黎👍🏻 …查看更多

香港人鍾意去旅行，仿佛已經是一種潮流了。我曾經看過一段說話：「旅遊，就是離開自己活膩的地方去別人活膩的地方。」由我來理解就是追求新鮮感。今次晚餐的餐廳很俱特色，他們的裝潢仿佛就想帶你去旅遊。一入門口已經感受到餐廳老闆想表達的主題，牆壁上掛上一幅巨型世界地圖，好不誇張。你更加想不到的是餐廳竟然有個書架，放滿林林總總的旅遊書。不光是擺飾，只要你願意，就可以隨意取出閱讀。牆壁上掛貼了來自世界各地的特色飾物，帶來刺激的視覺享受，已經有眼睛去旅行的感覺。座位有咕𠰠，讓人坐著更加舒服，這點我覺得非常貼切，讓客人有賓至如歸的感覺。事不宜遲，開啓🔛今晚的晚餐時間，由健康的沙律開始。沙律菜有預想不到的新鮮，很爽口，每一啖都在吞入無限的維他命和纖維。佐佴的煙三文魚和蒜茸包粒，帶來不同的口感，令成碟沙律菜的層次提升。大食拼盤果然名不虛傳，一端上枱，朋友看見即刻嘩然，薯圈、腸、雞翼充滿整個大碟，金黃色色澤，吃得出非常香脆。來自西班牙的大蝦，很爽口，配上蒜片煎香，別有一番風味。如果可以煎香多少少，可能更加出帶出濃香，不過，像這樣味道不濃又不淡，就吃得更為健康些。這是薄批，鋪上油質豐富的火腿，甘香濃郁，加上帶微微苦甘的芝麻葉，味道非常配合，體驗相得益彰的效果。鮮芒忌廉拿破侖，口味清新，層次豐富。是飯後甜點的好選擇。作為晚餐的完結是最好不過了。火…查看更多