雞煲

營業中

休息中

朋友介紹我哋去，佢口中西環最正雞煲，喺士美非路街市，原本就冇乜期待，但係既然朋友講到咁好味，就去試吓！試過之後，真係一試難忘，本人好少食雞煲，今年都係第一次食次，叫咗個大笪地雞煲，個雞煲香噴噴，雞肉先嫩口，真係好好味，係我食過最好食嘅雞煲。食完個雞煲之後，仲可以加啲湯底去打邊爐，之後我哋嗌咗烏冬，菜，餃子，牛肉等，真係有另一番風味！至於環境，佢喺街市上邊，都比我預期乾淨，真係要再強調一次呢個雞煲真係超級好食。一定要再嚟，我見到個火焰雞煲想試吓，下次會再嚟試吓。

呢間雞煲係西環有必食嘅街坊飯堂，西環呢個熟食市場管理得真係幾好，地方又大又乾淨，仲有呢間臥虎藏龍嘅雞煲！成日都見到好多人都係食佢呢間雞煲，每次嚟到西環一定要食嘅雞煲，價錢平之如食物高質素！係坐得舒服又有冷氣嘆街坊大排檔！大笪地雞煲呢個雞煲呢真係好好食！佢個雞係非常之滑溜細嫩，好肥美，雞煲醬汁加咗好多花椒八角芫荽同烈酒吵到好香口，好濃味，記得要加$38加個黑毛豬大腸，大腸好爽口，食到你滿嘴漏油好正！極品安格斯肥牛 $168個肥牛好正！油花分布得好平均，牛肉好細嫩，食落口係有一股濃烈既牛肉味，點埋個雞煲湯底簡直一絕！自家製韭菜餃半份 $28韭菜餃皮好薄個韭菜豬肉味都好香好濃味，幾好食嘅不過就幾貴… 係真係同灣仔碼頭嗰啲有分別嘅，係皮薄餡靚好食嘅！真材實料炸枝竹 $25有啲炸得老咗少少有d硬身，但係其他都好好食

聽朋友講這間雞煲好味，有風味，今日假期就特登和朋友揸車黎試，喺停車場等左二十分鐘先有位，上到去好嘈、好多人、排左十五分鐘隊先安排入座，這裡環境一般、冷氣好夠凍。座低侍應第一時間問要咩煲，原因係因為等好耐，結果等左30分鐘，叫左雞煲、肥牛、午餐肉、蝦滑、娃娃菜、羊肉卷、響鈴。雞煲好濃味、但雞略有一點兒雪藏味肥牛無得頂，花紋平均午餐肉要$48 不值一試蝦滑彈牙羊肉卷普通響鈴一碟內有兩隻色、明顯新舊貨最後埋單平均每人$250總結：尚算可以、不過不失

街市食飯張枱一般比較污糟，但呢檔枱抹得好乾淨，好好坐 👍🏻雞件份量足夠，有大半鍋，上枱個時仲冒緊煙，見到都好滿足不過味道只係唔錯，未至於話好好食，唔會特別再黎

有外國同事來香港玩想揾D香港美食. 原本有諗過帶佢地去D酒店中菜廳, 但高級中國菜佢响唐人街或其他城市都好易食到. 不如帶佢地去D只有香港先食到的地道美食. 咁就去食雞煲+打邊爐la -- 其實係自己想去食!! 哈哈!! 晚上8pm 去到熟食中心, 全場只有這檔大排長龍(> 20人), 好彩我早幾日已Book 左枱, 去到即刻有位坐. 外國同事不停向排隊的人龍影相, 雖然係幾壯觀, 但影得太過份真係驚俾人打....由於佢地唔識中文,問完佢地有乜唔食之後, 全部都係我想食乜叫乜! 呢到招牌菜係雞煲同鱷魚湯. 唔駛諗上左呢兩樣再慢慢叫打邊爐配料. 雞煲有大笪地乾煲和麻辣湯煲. 望見周圍枱枱都食乾煲, 想這個比較受歡迎, 加上十分香, 就要大笪地乾煲! 辣度有大,中,少和無. 就試少辣!鱷魚湯很快到, 很足料, 有雞肉豬肉海底椰等等. 很香很甜好合我口味. 應該係冇味精, 所以飲完冇口渴. (ps 我是中湯怪!!) 其實鱷魚煮熟係點架? 我覺得好似豬肉咁. 外國同事問我邊D係鱷魚肉? 我係完全唔識答 - 好味咪得囉!!大笪地雞煲等左差不多45分鐘先到. (我地吹左2次單) 真係十