🥰尖沙咀隱世日式餐廳《壽喜燒 樹》真是一個驚喜！簡約日系嘅裝潢俾人一種舒服又高雅嘅感覺，無論係同朋友聚會定係同另一半浪漫一下，都好有氣氛！😍 佢哋嘅關西風壽喜燒同精緻套餐真係好正！食材新鮮又高質，服務仲貼心到爆。♡Sukiyaki Set “Itsuki” すき焼きセット樹 $930
❥ 呢個套餐真係好豐富，一開始有荔枝菠蘿特飲做Welcome Drink，清新又開胃，儀式感滿分！🍹♡ 和牛海膽壽司
❥ 海膽嘅鮮甜同輕輕火炙過嘅和牛刺身嘅軟嫩完美融合，簡直係味蕾嘅享受！視覺同味覺都係100分！♡ 三文魚子薯仔沙律
❥ 用雪糕脆筒裝住，賣相超級吸睛！三文魚子嘅鹹香同薯仔沙律嘅creamy口感好match，食落好有新意！😋♡ 日本舞茸菇蒸蛋
❥ 蒸蛋非常滑溜，舞茸菇嘅香氣好濃，入口即化，暖心又滿足！♡ 關西風壽喜燒
❥ 重頭戲係壽喜燒！套餐有三款和牛部位，分別係京都姫牛肉眼同西冷，以及熊本「和王」牛肩肉。 壽喜燒用嘅雞蛋係蘭王生雞蛋，出名蛋香濃郁，用嚟沾點和牛，入口係濃郁嘅牛肉香同蛋黃嘅滑順，絕對係人間美味！🐮 京都姫牛肉眼同西冷肉質嫩滑，油脂分布均勻，入口即化；熊本「和王」牛肩肉就更有咬口，肉味濃郁，兩個品種都好正！❥ 蔬菜拼盤都好豐富，廚師煮嘅蔬菜全部都味道啱啱好，最鍾意係佢嘅蒟蒻粉絲，索晒壽喜燒嘅汁超好食！♡ 滑蛋和牛飯
❥ 呢個應該屬於佢哋嘅招牌菜，主食會即席煮一個滑蛋和牛飯，一樣都係用蘭王蛋製作，加埋壽喜燒汁嘅香甜，和牛同滑蛋嘅組合簡直係天作之合，每一啖都好滿足！仲伴有漬物同麵豉湯，清新解膩，好balance！♡甜品：梨奶凍 & 蕨餅
❥梨奶凍清甜爽口，蕨餅煙韌有彈性，完美為餐點畫上句號！🎉 如果係慶祝生日或紀念日，仲可以免費升級甜品，升級甜品擺盤好靚，啱晒慶祝影相打卡。我今次係whisky mossy nuts脆餅，香濃whisky味同脆脆口感真是一個驚喜！💡Tips：記得攞佢哋準備嘅咭仔，影相打卡上社交平台，就可以免費送一杯有酒精或無酒精飲品！📷…查看更多
