好燒式串燒專門店 (大南街)

今晚在太子收工後約埋朋友去食晚飯，朋友推介呢間系太子大南街，出名串燒專門店「 #好燒式串燒專門店」，眼見評價都唔錯！出左地鐵約五分鐘就到。除了主打現烤串燒，現時生啤類更做緊買一送一優惠!✅1664（優惠大杯）微甜味而醇厚，串燒之绝配，清暑解熱，仲要買一送一!正呀！串燒系列(左至右)✅燒日本甜心蕃薯細細粒日本番薯仔，熱哄哄又甘甜，美味極了！✅司華力腸✅西班牙黑毛豬肋串肥瘦均衡，肉質有嚼勁，真心好吃！✅安格斯牛肋串牛肋口感就會有少少偏韌，係食得出係高質嘅！✅雞中翼（2隻）外皮燒得好香脆，亦保留肉汁，好juicy！✅多春魚（3條）✅泰式燒豚肉（1份）外層燒得少少燶，一D都唔肥，肉質爽兼彈牙，確實唔錯！✅鹽燒白鱔燒得香脆的魚皮，與鮮嫩的魚肉，滿足到我口腹之欲。喜歡吃白鱔的人不容錯過!!✅松葉蟹蓋配多士散發出陣陣蟹香味道，入口的蟹膏味道都好甘甜，加上脆口嘅蟹籽，令多士啖啖都好香味。✅墨西哥薄餅芝士雞肉✅鮮檸七好有效率，出餐都好快，服務細心親切，主動幫客人換碟!…查看更多

這間港式串燒店位於太子的大南街，鄰近地鐵站，主打即叫即燒的串燒及各式各樣的酒品。店內環境寬敞舒適，以簡約的木系作主，擺放多款酒樽，充滿居酒屋格調，適合多人聚會。蒜蓉燒扇貝 - $80/兩隻肥美飽滿的扇貝嫩滑多汁，裙邊帶爽脆，月牙位軟糯綿密。煙肉燒蠔 - $36蠔身肉厚肥大，燒得恰到好處，保留豐富的肉汁充滿海洋鮮甜味，還鋪滿一粒粒香脆的煙肉，鹹香中帶點油香。白汁芝士燒蠔 - $36幼滑的白汁加上鹹香的芝士，有微微拉絲效果，奶香好濃郁。墨西哥薄餅芝士雞肉 - $52薄脆的墨西哥餅皮富麥香，半溶化的芝士黏著嫩滑的雞肉，更有三色椒等平衡膩感。和牛肋串 - $42豐富的脂肪帶著少許肉筋，軟嫩又帶有嚼勁。鹽燒牛舌芯 - $48牛舌中最高級部位，軟嫩多汁又有嚼勁。陰公豬 - $30肥瘦相間的五花肉軟腍多汁，有冬陰功醬汁的酸甜帶辣。魷魚鬚 - $28爽滑又彈牙，塗滿香辣醬汁。厚燒玉子 - $22紮實豐厚帶點甜滋滋。豬仔脾 - $42/兩支豬後腿上的寸骨，有點像雞脾，肉質嫩滑無比。蒜蓉燒茄子 - $40軟糯多汁的茄子切成一片片，塗上惹味的燒汁及孜然粉，又有蒜香味。津路烏龍茶 - $20還有汽水及支裝等無酒精飲品。1664生啤 - $78推廣活動期間買一送一，可倫堡白啤酒由小麥釀造，綿密氣泡特別滑順，入口清新怡人。…查看更多

同朋友駕車經過太子大南街,  看見 好燒式串燒專門店,  連鎖式串燒餐廳.  決定停車試試.  這間店雙連店鋪, 門面闊.   面積大,  座位多, 沒有居酒屋的侷促.氣氛好熱鬧.  牆上有食物圖片介紹.大家睇餐牌,  這裡主打串燒物, 食材多, 有豬, 牛, 羊, 雞.亦有串燒海產.    調味可選有辣冇辣.更有特式小食,  意粉, 飯.蔬菜, 扒............選擇項目真不少.今晚決定食串燒, 點了 青島啤酒, 大枝抵飲, 好清涼,來個碰碰杯, 談天說地,  等候即叫即燒食物.師傅好勤快,    燒物快速送到.燒蒜頭 ~  濃濃蒜香味, 入口稔甜, 佐酒一流.墨西哥薄餅芝士雞肉 比 墨西哥  TB 更好食, 薄餅烘得香口但 吾會硬, 包住滿滿芝士及雞肉餡料, 芝士做到有拉絲效果.  非常滋味.蒜蓉燒茄子（原條）賣相滿分, 茄子好巨型, 份量足. 蒜蓉滿滿, 燒得非常香口.   串燒豆腐 ~ 燒得外脆內嫩,  有豆香, 表層塗上蜜醬, 好食惹味. 吃得健康.  另外三款燒物齊齊送上,  羊肉串, 鹽燒牛舌串,  雞中翼. 羊肉串 ~ 串燒火候控制得好好, 保留肉汁吾會太乾,  羊味香濃, 加了孜然粉調味, 好食.牛舌串 ~  厚肉, 好口感,  又滑又嫩.雞中翼 ~ 外層有啲焦香, 皮脆肉嫩, 好入味. 下次放工來 Happy Hour 都好, 經濟 !  抵飲又抵食 !!…查看更多

今晚太太突然想吃串燒，上網找到太子這家好燒式串燒專門店，就來試試水準。餐廳裝潢光潔明亮，坐位舒適，但星期三晚上7點已經接近全院滿座，記得要先訂位。餐廳主打各式串燒，也有不同的小食、主食等，亦有提供多種不同的飲品。Asahi $38吃串燒當然要配酒，今晚簡單來一枝Asahi，味道清澈，口感清爽滑順，非常適合下班輕鬆一下。炸池魚 $38先點了一客小吃炸池魚送酒，整條池魚仔炸得香脆，出乎意料地厚肉，炸得透可以連骨吃，配以芥末蛋黃醬，下酒一流。陰公豬 $28以泰式冬蔭公口味醃製的豬腩肉，外頭的豬肉酥香腴美芳縈齒頰，而其中的脂肪香氣十足，加上冬蔭公香辣口味，非常惹味。多春魚 $25$25有三串多春魚，魚味豐厚，而魚春飽滿甘香，肉質細膩紮實，鹹香透著鮮美滋味。串燒豆腐 $20餐廳的名物串燒豆腐，炸過的豆腐外層燒得微微焦香，而內裡仍十分嫩滑，外層塗上甜醬油，令口味更上一層次。鹽燒牛舌串 $30牛舌外層燒烘得微微焦香，入口彈牙爽口，肉汁豐盈，甘腴可口，而牛舌的獨特香氣更是畫龍點睛，十分惹味。羊肉串 $20羊肉串一咬羊肉味香濃，加上帶有淡淡羶香的油脂，以香氣獨特的孜然粉調味，實在是一絕。韭菜 $18燒烤必點的還有燒韭菜，烤得清香脆嫩，一咬沒有半點草青味，反而豐富的韭菜香氣完全填充口腔。厚燒玉子 $22大大件的厚燒玉子，外層同樣烤炙得微焦，入口口感仍然十分鬆軟，口味香甜怡人。墨西哥薄餅芝士雞肉 $50最後點了一客飽肚的墨西哥薄餅，以烤炙過的雞腿肉，加上大量的芝士，一口咬下十分滋味，非常邪惡。…查看更多

和朋友慶祝生日，她建議這𥚃。侍應們有禮貌及有效率。試了安格斯牛肋骨、牛柳、黑毛豬、雞軟骨、炸池魚、燒菠蘿、韭菜花、魷魚鬚、燒鱔、墨西哥薄餅芝士雞、雞肉腸等。 水準非常高！自己最鍾意係牛柳，濃牛肉味之餘仲好冧。👍🏻 菠蘿多汁又香！我哋最後再encore。韭菜花比較油。有埋工具，食得方便，好貼心！朋友超超超鍾意呢個炸池魚！炸得好乾身。鬆脆可口。呢個墨西哥薄餅雞肉，雖然細細份有些少貴，但有幾好食，雞肉唔柴，皮仲脆，芝士唔蘇。燒鱔肉質靚，醬汁夜魅。魷魚鬚夠冧，汁都香口。雞肉腸，平時食開嗰啲，OK 的。坐得舒服，一邊食一邊傾。推介！…查看更多

忽然好想食串燒，今次聽朋友介紹去了太子，店名叫好燒式串燒店，朋友說這間串燒很經濟而且好好味！我和朋友即管去試吓，發現這裡回頭客都幾多，多熟客光顧，果然沒有介紹錯，我和朋友都吃得津津有味，結賬都只是三百元，好便宜呀！🔸墨西哥薄餅芝士雞肉，餡料滿滿的有雞肉，紅椒，芝士，吃起來好豐富，好香，味道好好😍🔸串燒豆腐必叫，燒得好香脆，調味亦很好，裡面豆腐保持滑度及水份，非常好味🤤🔸鹽燒牛舌串必叫，外面燒得看似很乾，但咬入口好鬆軟，有肉汁，沒想到是這樣好味🥰🔸安格斯牛肋串，這個也不錯，有咬口，牛肉味濃👍🏻🔸低溫去骨燒乳鴿，第一次吃無骨乳鴿，燒得香脆，有乳鴿的香味和肉質不乾身🔸必叫蒜蓉燒茄子，原條茄子舖滿蒜蓉，加少許調味粉已經非常入味，不會好鹹👍🏻👍🏻👍🏻💟這裡還附有泰式醬，酸酸甜甜微辣，點一點幫你豐富味覺，好正！…查看更多

平時去開日式餐廳食串燒都貴貴地，第一次黎呢間港式餐廳，食物種類多多，除串燒外仲有小食、海鮮、意粉包廚師推介，好味道價錢又唔算貴，CP值高。好彩我地早左6點去到有枱唔洗等，7點開始陸陸續續好多訂座客同walk in客了。最新推介：厚燒玉子 $22玉子軟彈有口感，甜甜地，外皮唔會燒到韌。陰公豬 $28好cute cute既串燒名，豬肉配以冬陰公醬汁燒煮，值得一試。廚師推介：墨西哥薄餅芝士雞肉 $50餅皮薄薄烤得脆卜卜，夾住滿滿餡料，有雞肉、芝士、紅椒及特色醬料，薄餅暖暖地仲有拉絲效果，店員果然無介紹錯。串燒：安格斯牛肋串 $30好香既燒烤後的肉香味。西班牙黑毛豬肋串 $30羊肉串 $20我本身唔食羊，偷左友人一粒黎試，無乜羶味。燒雞胸軟骨串 （2串） $33有別於一粒粒雞軟骨，呢個扁扁長長連住少少雞胸肉，岩我呢啲唔中意淨係食軟骨既人。鴨胸串 $20多春魚（3條） $25驚喜之作，聞落好香唔乾身，成條食晒淨返支簽。虎皮尖椒 $18店員提醒會好辣，果然真係辣得好刺激，友人辣得標汗。燒菠蘿 $20菠蘿清甜多汁無渣，分量不少，已切開一件件方便食用。大京蔥 $18京蔥夠晒粗身，塗上薄薄燒汁，味道甜美。串燒豆腐 $20三件大大件，豆腐外皮炸過，但入面保持水份。飲品：朝日啤酒（大支裝） $38串燒配啤酒真爽。…查看更多

今晚來到好燒式串燒專門店吃晚餐🍡🍢， 位於太子大南街， 平時也有路過的。 店內環境光猛整潔， 坐低不久店員們親切地為我們介紹串燒， 最後點上炭燒牛舌串$28、 泰式燒豚肉$39、 魷魚鬚$23、 燒茄子$34、 蟶子皇$68、 墨西哥薄餅芝士雞肉$45、蜂蜜綠茶$16、 凍檸樂$18。✨✨✨🔸魷魚鬚🦑～ 爽口彈牙的魷魚鬚帶點微辣， 好惹味。🔸炭燒牛舌串🐮～ 口感厚身， 牛舌燒得剛剛好。🔸泰式燒豚肉🐽～ 稍為燒得較乾， 但份量很多， 帶有泰式風味。🔸燒茄子🍆～ 原條燒原汁原味， 加入調味粉後更加滋味。🔸蟶子皇🦪～ 蟶子肉鮮甜爽口， 配上蒜蓉粉絲， 味道更佳。🔸墨西哥薄餅芝士雞肉🥠～ 除了串燒，還可以試下墨西哥薄餅，鬆脆的墨西哥薄餅，夾着半溶濃郁芝士和雞肉， 值得一試。🔸蜂蜜綠茶🥤～ 蜂蜜綠茶可以去膩， 夏天飲最正。🔸凍檸樂🥤～ 超大杯檸檬可樂， 好解渴。本身很喜歡吃串燒， 而這裏的串燒做得幾好， 調味適中， 款式多， 價錢相宜。👍🏻…查看更多

今天工作上收到一個好消息！為了和朋友一起慶祝，便相約一起吃晚飯。突然記得在太子有一間名為好燒式的串燒店，每次經過都大排長龍所以今天決定去一試究竟。由於老闆知道我們是第一次來，便介紹我們吃幾款食物，包括串燒豆腐，翠玉瓜以及墨西哥薄餅芝士雞肉。兩個大男人當然吃這些不夠，所以我們亦點了其他串燒，想不到味道比意料中好，而且是10分好！！這個是串燒豆腐及泰國蘆筍，先說說串燒豆腐。串燒豆腐雖然外表看起來有點乾，但是竟然想不到裏面10分軟身，水份充足！是名副其實的外脆內軟外面吃的豆腐也是很乾，變成豆乾但這個確實真的很意外泰國蘆筍亦十分清新，火候掌握得十分好。翠玉瓜亦是驚艷之作，同行朋友平時不吃翠玉瓜也覺得這個翠玉瓜水份充足吃下去亦不覺像串燒。吃串燒最怕是食物乾身而且很硬。但這裏的串燒卻沒有這兩個拒人千里之外的因素墨西哥薄餅芝士雞肉是一個在外面比較少看的菜色，類似墨西哥卷餅。雖然看起來份量好像比較少但是裏面材料豐富，薄餅很厚實。很適合大家當作半個主食來試這裏也有串燒店上見到的茄子外，在這裏想重點推介他們的安格斯牛肋串及鹽燒牛舌串。我們每人最後加單時額外再叫了兩串，便知道有多好。牛舌和牛肋串調味適中，一試便知道用了新鮮，並沒有雪藏味，肉味濃厚！大家來這裏是必試的菜式。有好消息，有好食物，有好朋友，此生足矣。…查看更多

今晚和朋友來一份豐富的串燒晚餐。這份墨西哥薄餅芝士雞肉，是不一般的墨西哥薄餅，外形像夾餅且樣子討好，薄餅香脆，嘗一口餅餡有乳酪口感的芝士和雞肉，口腔傳來一陣陣香噴噴氣味，味道帶微辣又可口，下次可以再「安哥」！香脆外層的燒日本芝士年糕，內層煙靱綿糯，吃畢日本芝士齒頰留香！帶少許蜜味的魷魚鬚串，焦香中軟軟滑滑又彈牙！日式汁燒魷魚筒，跟魷魚鬚串肉質有不同口感，魷魚筒炭香較濃！鹽燒牛舌串和安格斯牛肋串兩個不同位置的牛魔王，鹽燒牛舌甘香，牛肋串夠鮮味，各有千秋！泰式燒豚肉勝在肉味香濃！可以看得出擁有著虎背熊腰的翠玉瓜，內涵爽脆甜美！製作認真的串燒豆腐，皮美心滑，絶對有驚喜！朱古力香蕉宛如一幅可愛圖畫，微暖的香蕉舖滿彩色碎糖，朱古力醬像樂譜裏的音符，看得悅目，吃得愉快！檸樂和蜂蜜綠茶，為我們清潤一番。…查看更多

下班與友人相約在離太子不遠的串燒店，方便之後各自乘車回家。店內部份座位有間隔，可自成一角。甫坐下，店員即送上特別的醬料。先點安格斯牛肋串($26)，友人喜歡這個。烤過後的牛肉帶着一陣肉香味。燒雞胸軟骨串(2串)($27)，我倒認為這個比牛肋串更好吃。價錢相約，卻是雙倍份量。這款並不是平時常吃的雞軟骨。它比雞軟骨更爽脆。我們第一次吃這款特別的串燒。翠玉瓜(1份)($28)，平衡一下肉與蔬菜，所以點了這份。沒想到這份是繼牛油金菇之後，最好吃的串燒。原以為燒過後的翠玉瓜會抽乾內部水份，怎料是外脆內軟，而且每一塊有燒烤香之餘，又非常多汁。串燒豆腐($18)，澆上蜜糖汁，豆腐外脆內軟。牛油金菇包($36)，我認為這是最好吃的，比上次吃的做得更好。金菇整齊地平放在錫紙裏，更能吸收到牛油的香滑，燒過的牛油香氣撲鼻，咬一口金菇，牛油香在口中散發出來。金菇容易燒焦，但這次錫紙中心部分微焦，金菇不受影響，非常多汁鮮爽。墨西哥薄餅芝士雞肉($45)，可選辣度，我們選了少辣，辣度如黑椒。墨西哥薄餅還是選有辣的好，否則就不像是喜愛吃極辣的墨西哥人。芝士與雞肉混和，吃時可拉出長長的芝士絲，須熱吃。黑松露蝦多士(4件)($62)，喜愛吃蝦多士，見到蝦多士自然要點一份。一份蝦多士，蝦膠與麵包分佈平均，各佔一半。蝦膠爽滑，頂上有黑松露醬，吃下去口中散發着黑松露香。由翠玉瓜至燒雞胸軟骨串，不論蔬菜還是肉類都燒得非常香，加上秘製的燒醬，每一口都讓人齒頰留香。…查看更多

好久沒吃串燒了，最近多數也是吃西餐或是火鍋，好久沒有吃串燒，吃串燒的好處在於可以同一個合理的價錢去吃盡不同種類的串燒。「好燒式」在旺角有第一間店，然後到太子，原來想著光顧旺角那間，卻full booking了，只好光顧太子那間，希望「好燒式」會是一個好消息。現今不少餐廳也會跟傳媒聯繫，為求達致宣傳的效果，這間也不例外，連不同的媒體雜誌也有到訪這間餐廳，看來質素也不錯。雖然說是串燒店，但裝潢還真的令我感到驚喜，普遍來說，串燒店只會有比較簡單的裝潢，看得出來這裡的環境有花過心思去設計的。串燒的價錢都很便宜，十多二十元就有，款式也算多，有肉類、海鮮類，當然還會有廚師推介的。看見網上有人推介串燒豆腐，才想著點的，不然也不會對串燒豆腐感興趣。整體的口感和味道都非常像臭豆腐，只是它沒有臭味啦🤣以燒汁來覆蓋，外皮也脆脆的，很是美味。墨西哥薄餅芝士雞肉也是這裡的名菜，我倒是覺得像印度的薄餅，中間有大量的熱溶芝士，雞肉的份量不算很多，吃進口超有某間大型連鎖薄餅店的感覺🤭鹽燒牛舌串 $26看外型還以為店員給錯了其他串燒，原來還真的是牛舌，咬下質感像普通的牛肉，不太像牛舌。魷魚鬚 $19魷魚鬚是我真心推介的，數量十分多，每一條也經過汁燒的，煙韌非常，雖然聽別人說魷魚鬚膽固醇也頗高的，但偶爾吃吃也沒關係啦鹽燒秋刀魚 $36好久沒有吃過這麼美味的秋刀魚，外皮脆脆的，很是香口，裡面的肉也很嫩滑呢，沾上泰式辣醬很適合。泰式燒豚肉 $38燒豚肉的質感好像豬頸肉，連外型也好像呢，我就當成豬頸肉了哈哈，平常吃的豬頸肉都偏向油膩，這裡的卻很乾身。…查看更多

串燒，我相信大部份人都喜歡吃，我另一半都不例外。所以，我就早做了Research，發現這間好燒式串燒專門店，無論在價錢、味道、款式都十分適合，那我倆就一起看看好燒式究竟有幾好！太子這間分店，離太子地鐵站只有3分鐘，卻又遠離人煙稠密的地區，可以讓我們慢慢享受一下串燒的滋味。串燒專門店門面很簡潔，沒有過多的裝潢，坐下來感覺十分舒暢。食物方面，一覽餐單，原來除基本串燒外，還有其他小食可供選擇。在下單之後，當然要看看OpenRice所推薦的熱門食物。我點了不同的食物，當中我想特別推介以下的，作為必選之一：1. 墨西哥薄餅芝士雞肉, $43 大家不要少看他，以為是串燒專門店就以為這份薄餅是小角色，但筆者認為這個墨西哥薄餅芝士雞肉超級超級好食。煎得香脆的薄餅中間是溶解的芝士，把雞肉及其他餡料黏著，一口哎落去十分滋味。而且價錢不貴，$43有四片薄餅，大約$11一塊，在麵包店買一個普通麵包都差不多這個價。所以，這個墨西哥薄餅芝士雞肉是必須要點的！2. 鹽燒牛舌串, $26平日食的燒牛舌，通常都較為薄身，但這裡的鹽燒牛舌就完全不同，非常厚身，富有口感。加了鹽後，更能帶出牛舌的獨有味道。一串牛舌有6塊，2-3人已可共食。3. 安格斯牛肋串, $24安格斯牛肋串，居然只是$24，實在太驚人了。新鮮燒烤出來的牛肋肉，非常鮮嫩，而且勁有牛肉味。老實說，安格斯牛肉串燒，只賣$24 確實是非常超值，份量亦不會過少，與牛舌一樣，其實一串都可以讓2人分享，喜歡的話再追加都未遲。4. 串燒豆腐, $16這份串燒豆腐做得頗為特別，印象中我都未試過串燒豆腐的。豆腐弄得不會太焦，燒香程度剛剛好，而且好像有一點甜甜的味道，絕對可以一試。其他串燒都做得不錯，但如果要我嚴選必食的，我會推薦以上四種食物，性價比達到五星。…查看更多

天寒地凍，朋友帶我去食好野，今次終於唔係去打邊爐啦，而係去佐食串燒。一開始就係度諗啦，香港地食串燒，唔係等到餓死都無得食，就一定污煙𤍤氣啦，但黎到個感覺又真係同普通串燒店完全唔同WOR門面大大隻字寫住 "好燒式"，一睇就知係食 "燒"野，我覺得個招牌都幾卡通，仲要咁大隻字，約朋友的話真係唔驚搵唔到舖頭望落似由兩間店打通，店面非常闊落，坐得都好舒服。成間舖都無咩油煙，望一望，原來㕑房大大塊玻璃圍住，唔瓜得無油煙飛出黎啦，仲要可以望到入面非常乾淨企理，呢個格局俾到人信心又可以保持食客係舒適環境嘆到串燒，抵讚望下餐牌，野食真係好平民化，仲好多特別野食，由貴價既安格斯、黑毛豬、龍蝦、聖子（佢賣得一D都唔貴），到平時食日食既茄子、大蔥真係你諗得出都有。我地兩個人食串燒食到飽，連埋野飲埋單先二百幾，真係抵到我自己都唔太相信鹽燒白鱔 - 42一串三四舊大大舊，無骨，外層已燒到好薄好膠，燒到岩岩好，好鬆軟好入味䒬蓉燒蠔 - 32蚊大大隻，唔會燒到好乾身，連埋厚厚既䒬蓉，咬落去仲BEEP曬D汁出黎，超鮮味又惹味串燒豆腐 - 16呢個看似平平無奇燒豆腐，口感有小小似臭豆腐 （放心，唔臭），但唔似臭豆腐咁硬，反而咬入去相當鬆軟，仲要配埋個汁好香口。䒬蓉燒茄子  （切片）- 32呢個茄子我覺得都幾特別，平時食開都係原條燒，朋友就話概然有得揀切片不如試下叫切片啦，咩都試下啊嘛，點知黎到又真係幾特別，一樣燒得好淋身，外層又唔會好乾，原塊放入口真係同時時拆肉食兩種不同感受鹽燒牛舌串 - 26牛舌好厚身好大塊，一串成五六舊，超抵，外層邊位有小小脆但入面好淋，口感味道都一流墨西哥薄餅芝士雞肉 - 43 呢個墨西哥薄餅都好緊要，特式野，唔係燒定，一黎就知係即燒，芝士仲未固化，一拉開直頭有拉絲，薄餅皮鬆軟，入面雞肉好足料，但唔會太大舊，加佐D椒但一D都唔辦，真係明符其實好有墨西哥薄餅風味，再配埋傳統燒烤方式，無得頂。安格斯牛肋串 - 24大大串，牛肋肉，都係24蚊，好香牛味，傳統燒烤方式大火燒令面個層小小焦香，但入面仲保留到大部份肉汁同鮮嫩今日基本全部食既野都好滿意，好難得食串燒可以每樣野水準都咁高，一般總會有D係失望，但呢度又真係全部都水準之作，環境亦都好好，雖然之後開始人多，但可能地方都幾闊落，所以一D都唔覺得嘈，服務員態度仲好好。好開心又搵到好野，真係可以帶朋友KEEP住黎…查看更多

一般好少係香港食串燒店，主要都係兩個原因.... 好嘈，污糟 (好多街邊檔) ，同埋上菜真係好慢好慢，先唔好講好多都偏貴先...但今日黎到呢間串燒店真係打破曬以上咁多負評﹗直頭係超級正﹗店開係太子地鐡站後正，呢區都好多野食，但串燒真係少，呢間門面好大，一睇就認出，大大隻字寫住 "好燒式"，入到去個裝修都幾吸引人。闊落既卡位，環境乾淨。望下餐牌價錢仲要好平前後我地一共點佐9樣野，食到好飽，埋單都唔使3百，真係抵到喊先講下我最愛牛油金菇包，真係好香牛油味，金菇唔會一舊舊，真係推散舖平﹗呢D 咪真係有諗過食客感受LOR。最緊要係燒到岩岩好，底輕輕有D 焦，但一D 都唔會OVER ，好香好入味﹗可能應該係成晚最平平無奇既一碟，但係真係令我喜出望外咁好食佢個茄子都好特別，好多時我地食燒茄子都係原條燒，食入面既肉，今次見佢有得揀切片梗係試下啦﹗估唔到效果都好正﹗仲可以連皮食成個感覺好香口亦都好淋﹗豆腐都好正，佢有小小臭豆腐既質感，肉質就好淋。另外值得講下一定係個 "墨西哥薄餅芝士雞肉"落足料，重芝士，外層燒到有小小脆，包住入面啖啖雞肉，超足料芝士，仲有DD 辣椒 (但我個人覺得唔辣)，呢個真係值得推介，仲要唔野少，都幾大塊黎得食串燒梗係講下D 肉啦，先講下最普通最常食但又都幾高難度既雞翼啦..又真係燒得幾正，外層岩岩好燒得有DD 乾身，最緊要係入面仲係好JUICY，而入面仲要一D 紅都無，火喉剛剛好﹗鹽燒白鮮都唔錯，外層小小焦之餘保留到D 膠質感，肉質好飽滿。其中一個推介食物就係呢個 "燒雞胸軟骨串" 25蚊2串超抵食。平時食雞軟骨就食得多，雞胸肉連軟骨真係第一次，雞胸肉唔鞋口，軟骨亦夠淋，配埋個燒汁食原來真係別有一番風味﹗店入面既牛都絕對唔貴，如果係食肉獸真係應該黎試下，安格斯牛肋串都係講緊24蚊一串，鹽燒牛舌串26，真係唔知可以去邊先搵得返呢個價錢呢個環境食串燒﹗鹽燒牛舌真係好大舊，外脆內軟。安格斯牛肋，超重牛味，好香口﹗完全唔需要多餘漿汁。整體黎講 "好燒式" 既串燒全部火喉都控制得好好，佢服務員唔係多，但係上菜真係真係好快，而且服務態度好好....如果大家食開串燒都知，香港地要食串燒，要搵間上菜快同服務態度好真係好高難度，仲要食物質素咁高真係堅抵讚﹗不過黎呢度食野真係可能要試下BOOK 位，我地早黎都唔算多人，但走個時已經見到滿曬人了。可能因為佢為佐保持環境闊落同舒服，唔會擺得D 位太迫，呢樣野都係而家其他香港餐廳值得學習既一點。唔好為佐賺多個錢擺到密麻麻咁呢間店絕對會再搵朋友黎支持下…查看更多