堅信號上海生煎皇 (將軍澳廣場)

營業中

休息中

星期六返工返半晝，放工後決定鬆一鬆，同朋友去食個午餐😄大家一齊商量後，決定去堅信號食生煎包😋😋由於之前已經嚟過幾次，所以今次想試吓佢哋嘅避風塘上海排骨菜飯，好好食，真係有避風塘嘅風味😋同埋排骨嘅份量好足，加埋菜飯，食完好有飽肚嘅感覺☺️😎👍朋友叫咗秘製豬扒擔擔麵小辣，食得津津有味😋成碗清晒😆當然主角都係生煎包😆我哋叫咗四個，每人兩個，包皮煎得好脆，好好味😋😋😋朋友之後再用會員積分換咗四個小籠包，小籠包保持水準，又熱又多肉汁😋😋😋

周圍覓食嘅我.今日行過將軍澳廣場.見到（堅信號）生煎皇在此開咗間分店.呢間嘢我哋都係其他地方食過兩次.正直下午茶時段.見佢嘅下午茶餐都幾底食.啲裝修都幾清雅.座位幾寬闊舒服.呢度係用QR手機落單.可能係手機訊號問題.訊網不停打轉.無法在手機落單.唯有在餐牌上揀選.然後搵服務員落單.服務員又叫我自己係手機落單.我便說明因由.服務員有點質疑.我把手機比佢自己睇.佢試過都唔得.跟住就講.你哋食乜嘢吖？今日點餐如下： 1. 灌湯小籠包（四隻）X1 $30元 2. 堅信號生煎包（四隻）X1 $32元 3. 跟餐酸辣湯 X1 $10元 4. 跟餐雞絲粉皮 X1 $16元 5. 餐飲豆漿（涷）X1 $2元 6. 餐飲可口可樂 X1 $5元註：服務員態度有點問題.有點唔耐煩.好似啲顧客有意給他找麻煩😡

放工做完facial, 撞岩丫妹做完gym, 咁夜大家都未食dinner, 於是就係附近搵間餐廳醫肚。餐廳地方企理, 設有卡位。【堅揪小籠包】HK$38/4隻小籠包皮薄, 以雞髀肉、紫椰菜取締傳統小籠包餡料, 更為健康。內裡juicy, 有少少唱口感。【堅信號生煎包】HK$36/4隻生煎包底煎至金黃香脆, 包質軟熟, 雖然包比例厚咗d, 但一咬果然爆汁到彈到檯面都係…有淡淡豬肉香。【酸辣湯水餃】HK$44酸辣湯湯底滑偏杰, 有好多酸辣湯嘅材料, 例如木耳絲、肉絲、筍絲等等…酸辣平衡, 又有層次。水餃皮稍為厚咗D, 以菜肉做餡料。【秘製豬扒擔擔麵】HK$66豬扒同擔擔麵分開上, 秘製豬扒表面平均沾上薄薄甜汁, 肉質偏實, 口感同味道有如平時食嘅甜甜豬肉乾咁; 擔擔麵可選辣度, 正常辣度剛剛好, 肉碎份量多, 湯底有頗濃嘅花生味, 容易掛湯, 麵質索咗個湯底而偏林。【糖醋脆黃魚配菜飯】HK$68每件糖醋脆黃魚表面平均有糖醋汁包住, 甜多過酸, 炸皮脆口; 菜飯粒粒分明, 但菜味唔突出, 有如白飯一樣。【豆漿】HK$12甜度剛剛好, 唔會過甜過淡, 解辣必飲。

川味口水雞翼飯辣味香，又唔係麻辣個種，係香辣。雞翼全部係翼，肉質嫩！呢種川辣岩哂我口味！好開胃吖👍🏻👍🏻👍🏻外婆紅燒肉菜飯天口熱又唔想食白飯咁dry，正好餐有菜飯！餸同埋飯分開放👍🏻d汁唔會入晒落菜飯到。👍🏻紅燒肉入口即溶😋😋😋好食！唔會漏堅信號生煎包爆多湯😍😍😍外皮口感爽，熱烘烘；底面脆卜卜!!雞絲粉皮冷食黎，好好食😜😜😜雞絲滑滑，青瓜切絲消暑。配上胡麻醬撈埋一齊食🥰夏天食岩哂！正！！跟 餐 送 灌 湯 小 籠 包 💕爆哂汁，好 juicy！！！皮薄餡靚，誠意之作。腐皮～～甜得滯 💨酸辣湯，唔辣但味道古怪，有別於出邊嘅酸辣湯。不過佢個料係多嘅～冬菇啊乜都有⋯ 茉香綠茶🍵 好飲，清清香香。哈哈哈服務態度相當好！每上一道菜店員都會話請慢用！入座前會有口罩紙袋比你裝住口罩入座前店員仲幫我哋消毒枱面同埋椅，抵讚