八時神仙草 (歌賦街)

營業中

休息中

之前已經想試仙草雪花冰，但因為太多人等億，淨係外帶過嘢飲，今次襯住落雨比較少人，可以堂食試吓雪花冰啦～▪️芋泥焙茶奶蓋雪花盛盤🍧面頭有一球芋泥，好綿密，而且味道好天然。然後係一層焙茶奶蓋，茶味好香濃，仲加咗啲玄米脆粒，增加口感。再下面就係仙草雪花冰，雪花冰夾雜住一絲絲嘅仙草，有牽絲感，好特別。最底仲有一層仙草，好滑溜。另外盛盤包括芋圓、薯圓、珍珠、紅豆、紫米，好豐富。仲提供咗花奶，唔夠味可以落，不過其實整體都好夠味，但又唔會好甜▪️燒仙草盛盤🥣除咗冰，仲叫咗款熱嘅。上枱時，出晒煙，熱辣辣，可以解凍😂 仙草喺熱嘅時候係液體狀，但稍微放涼後，就會慢慢凝固成凍。熱食口感就更加嫩滑，而且仙草嘅甘甜味更突出▪️仙草芋泥牛奶沙冰🥛🧊芋泥牛奶沙冰打得幼細，另外入面有三分一係仙草，仲可以免費加白珍珠，增添咬口▪️圓仔紅豆紫米牛奶🫘🥛糯米圓仔Q彈有咬口，配埋仙草、紅豆、紫米，好足料，好似飲咗碗糖水咁八時神仙草📍中環歌賦街19號地舖📍尖沙咀厚福街5-6號多富閣地下2號舖

中環歌賦街雖然位置有啲偏 但絕對係一條美食街 最出名莫過於長期排長龍嘅九記牛腩 今次想分享九記隔離嗰間台式仙草芋圓店(*´∀`*)呢間主打無鹼天然嘅燒仙草 靠熬煮八小時凝結🕰️味道口感同市面嘅仙草都略有不同喔～仙草熱嗰陣會比較流質 放涼一陣就會慢慢凝固口感偏似果凍咁結實少少🤏🏼但入口非常滑溜 味道上回甘味亦無咁重 .♥ 圓仔芒果嫩仙草盛盤 $⑤⑧.♥ 芋泥嫩仙草盛盤 $⑤⑥.♡ 追加｜抹茶雪糕 // 圓仔.每碗仙草盛盤本身有番薯圓、芋頭圓、珍珠、紅豆、紫米～配料豐富 擺盤又美美的🪵芋圓同蕃薯圓脹卜卜(☉∀☉)咁大粒都唔會話好重粉感 口感依然煙韌 而且兩隻味都食得出～唔會好似咬緊一粒淡茂茂嘅粉團 芋圓控表示收貨了芒果嗰款有鮮果肉+鮮芒果汁🥭完全唔酸 好清甜芋泥基本上無咩顆粒感～好重芋香又軟綿綿 加埋淡味嘅仙草就最好不過 圓仔即係白玉小湯丸 入口軟糯軟糯 珍珠就偏彈牙 有啲似爆珠嗰種 紫米紅豆亦煮得剛好一碗甜品多重口感(＾ω＾)仙草底亦無人工糖水陣甜味 價錢合理🥰.♥ 焙茶仙草凍奶茶 $④②.♥ 圓仔紅豆紫米仙草牛奶 $④②飲品定價稍高 但又真係落足料´･ᴗ･`焙茶入口好順滑 完全不澀 陣焙

甜品控嘅我對呢間新台式冰品店慕名已久、今次捉緊機會過嚟歌賦街嚐嚐甜品，滿足下自己的甜牙齒。店舖裝修簡約舒服，牆上文字很文青派圓仔紅豆紫米牛奶 Purple Rice Fresh Milk with Glutinous Balls, Red Beans & Grass Jelly (Hot)> 呢個熱飲係冬季限定！陣容有糯米圓仔、紅豆、紫米牛奶和嫩仙草凍，香濃又暖胃、現時深秋正好飲用。細細粒圓仔堅Q彈、紅豆煮得粉腍、紫米牛奶非常順喉不過甜兼有啲咬口；而店家嘅手招牌嫩仙草凍並非浪得虛名，真係超嫩滑“雪”一聲咁滑入口內、仙草味道較淡。好奇點解啲仙草咁滑請教店員，佢話燒仙草靠仙草乾本身釋放的膠質以高溫熬煮八8小時後攤涼凝結成凍，無加到鹼，所以佢哋啲燒仙草較嫩滑唔會有一塊塊喺裡面影響口感芋泥燕世雪花盛盤 Assorted Grass Jelly Combo Snowflake Shaved Ice topped in Oat & Milk Cap with a scoop of Mashed Taro> 刨冰無論喺擺盤和食材方面都係睇得又食得、打到卡又療愈。成座小山丘的仙草雪花冰