建榮特色桑拿菜火鍋店

住屯門既朋友話要帶我地試下當地最出名既地道大排檔，一行四人嗌左四個大排檔必食既餸咕嚕肉$128第一次係大排檔既咕嚕肉見到有新鮮菠蘿伴碟，個皮炸得脆，肉質又唔會好乾，個汁酸酸甜甜好開胃川味辣子雞$168炸得乾身但肉又唔會柴，辣椒好香，份量都好多脆皮原隻豬手$128外皮炸到脆卜卜，肉質好林又juicy，味道岩岩好唔會過鹹小炒王 $138韭菜花爽脆無渣，好多配料，炒得好香夠哂鑊氣真係無介紹錯，呢間絕對值得encore…查看更多

小同聚會，通常都會揀返屋企附近，今次嚟冇打邊爐，淨係叫咗啲小菜，都滿意。• 咕嚕肉：酸甜平衡得唔錯，炸漿唔厚，肉質有彈性。仲有新鮮菠蘿一齊食🍍• 小炒王：鑊氣足，材料夠豐富，味道偏鹹但好惹味。• 紅蔥頭油淋雞：紅蔥香味突出，雞肉滑，油香但唔膩。送酒最啱👇🏻• 脆皮炸大腸：炸得夠脆，冇腥味，配啲辣椒鹽幾好送酒。• 椒鹽鮮魷：炸得香脆，魷魚唔韌，椒鹽味唔會太重。整體嚟講，啲餸有鑊氣，價錢合理。下次可以試埋佢啲火鍋。…查看更多

同Hubby家人打算食冬至飯，本身佢地家人住屯門，對食又有要求，所以上網睇左一輪，眼見這間大排檔食評比其他屯門區餐廳更好，所以博一博，睇下係咪真係咁好食？桑拿菜，其實近年有聽過未試過，就提前搵一晚打去訂位。（注意：營業時間係晚上6點後，不要太早打去）當晚book左1830，但因為一些問題，差不多7點才到，（中間打過去改時間）幸好，仍然有枱一去到，嘩，以平日7點來講，人都算唔少，我地選擇左坐出面，因為天氣涼涼地，坐戶外很有風味同hubby家人食飯，當然唔可以唔做功課，所以已綜合網上食評，家人嘅食物喜好，分別叫左籠仔蒸蝦炒飯、椒鹽食魷、咕嚕肉、梅菜蒸菜心同埋我自己由細到大的情意結涼拌海哲點菜後，食物很快很快便到，先來一碟涼拌海哲，夠凍，非常大碟，爽，味道唔錯，有少少青瓜拌埋，賣飛佛接著到的是椒鹽鮮魷，份量可以話比平時出面大排擋的份量大，最重要係佢夠熱，夠脆，外層唔似出面咁，好似幫舊鮮魷著左件褸咁，厚厚嘅面粉皮，加上適中嘅椒鹽味，食到尾，鮮魷依然好好食，無淋到再來籠仔蝦炒飯，一開蒸籠蓋，嘩剩係賣相都吸引嘅，不過本身晚餐盡量唔食太多澱粉，無食到飯，只係食左蝦，蝦🦐唔錯，但無想像中咁惹味，家人都話飯好味，但佢地三個人都食唔晒再來招牌菜咕嚕肉，本身鍾意食酸甜野，平時出面成日都會點哩味菜，但係一係就太肥，成個肥膏，一係唔脆面粉又厚，所以食完第一舊，oh....太好食，全部家人都讚不絕口！份量真係偏大，食到尾，咕嚕肉依然咁好食，我諗我今晚係食左哩一年在出面食咕嚕肉嘅份量最後，就係梅菜蒸菜心，這個是我從來未食過的菜式，綜合係蒸菜，清清地，梅菜唔會過咸，在其他濃味同熱氣食物下食哩個菜，中和不少，因為可減少油膩感覺總括我地對桑拿菜嘅解釋（無認真上網睇，順靠估），應該無比較多菜式用蒸嘅方法，蒸，自然大煙，煙，就似入桑拿蒸氣咁😂😂😂不過太多菜式未試，我下次一定會再來🤕🤕補充：大家都好滿意，話好食過好多高級d嘅中菜…查看更多

細個同屋企人成日去熟食大排檔，而家已經好難搵。去屯門做嘢，地膽同事就話有好介紹，大家起鬨拍板。如果冇人帶路，我依個九龍人係唔會識嚟依個熟食市場，佢其實離西鐵站唔遠但夜晚行有D黑。就起巴士廠後D。原本一路上都冇乜人，點知去到就見到座到差唔多滿曬，每枱都好好氣氛，好有童年回憶。去大排檔梗係食咕嚕肉鑊氣夠甜酸甜酸啖啖肉配啤酒就要食炸大腸好大碟好邪惡好肥但好食我依D懶健康嘅就一定會點雜菜煲，估唔到佢個海鮮雜菜煲會有咁多咁大隻海鮮，湯頭甜香見佢推介炸牛坑腩，咁特別就點咗，估唔到佢唔只半肥瘦，係7成肥3成瘦，香就香但實在太肥，我食咗兩件就冇食啦，但同事就話好好食囉！…查看更多

有d人可能會覺得大排檔又嘈又熱，但無可否認既係大排檔總係有種人情味係任何連鎖快餐店比唔上既～今次黎到屯門熟食市場既建榮，去到睇餐牌睇到好迷惘，老闆推介左幾道小菜，道道都真係好抵讚，服務態度又一流，真心一試難忘💛招牌小炒王好足料，有韭菜蝦米菜甫腰果魷魚，所有配料夾埋唔會話比其中一樣搶左味，鑊氣十足，送飯一流咕嚕肉唔會太酸太甜，食得出唔係用千年老油炸，d粉又唔會好多，好爽口～開邊蝦蒜蓉蒸飯十個讚，要我食三碗都得，用荷葉鋪底再加埋蒜蓉，d飯超級香，再加埋d新鮮既蝦，真係好正，必叫！…查看更多