札幌拉麵 Miso No.1 x 辛味屋

營業中

休息中

呢間坐立係荷里活廣場嘅日式餐廳集拉麵、定食、咖哩蛋包飯於一身，可以一次過滿足你3個願望😝 我地揀咗 $208 二人套餐，可以揀2款主食加3款小食～豬軟骨拉麵 (套餐 +$15）一碗拉麵有4大塊豬軟骨，肉量驚人，炆得幾淋幾入味😝 就算浸咗一陣啲拉麵都唔會話好淋，比起同價位嘅拉麵店嚟講算唔錯～吉列豬扒奄列咖哩飯 (套餐 +$10）佢嘅咖哩偏甜，吉列豬扒嘅炸粉唔會話好厚，新鮮炸起仲有少少脆口添，係豬扒口感硬實咗啲～ 滑蛋底下嘅係白珍珠米，配埋甜咖哩食唔覺唔覺就食哂～芝士年糕新鮮炸起嘅芝士年糕口感軟糯煙韌，一咬到中間位仲有流心芝士湧出嚟，幾好味😋燒牛舌佢嘅牛舌唔會 overcooked，仲有少少粉紅色咁幾好～ 我幾中意唧啲檸檬汁落去，食落清爽解膩好多～炒魷魚鬚魷魚鬚柔軟彈牙，味道偏咸，再加啲七味粉就更香口～整體嚟講呢間餐廳選擇都幾好，價位比較平民，晚餐嚟講係幾抵食嘅☺️

喺鑽石山荷里活睇完戲 同朋友喺商場入面食個lunch 見到呢間札幌拉麵 都幾多人餐牌都幾多選擇就行咗入去我哋點咗一個69蚊lunch set主食再加小食同飲品，69元價錢都合理我點左一個吉列豬扒奄列咖哩飯(58元)其實我對炸豬扒有種情意結 日式咖哩有少少甜，好輕輕既辣，都合我胃口; 豬扒炸得鬆脆夠juicy; 蛋包飯嘅蛋好嫩滑一啲都唔老，整體味道唔錯。朋友揀既燒豚肉拉麵 粟米海帶做配料，份量都幾多 食咗佢一口拉麵， 麵質煙韌唔會太淋，湯底味道恰好唔會太鹹。 跟餐小食點了餃子，皮薄，餡還好，中規中矩。另外點了燒雞翼同雞軟骨，味道都唔錯。 好耐無係呢個荷里活廣場食飯，想不到這間拉麵還不錯，難怪都有少人。

早排同妹妹去過札幌拉麵食二人餐麵食晚餐, 但食完之後都唔夠飽, 亦不算出色,  反而見到鄰座食客既蛋包飯較為吸引。今次再度幫襯札幌拉麵, 唔ORDER拉麵, 反而試試呢度既飯!【吉列豬扒奄列咖哩飯】HK$66份量都幾大, 不過呢款飯沒有納入二人套餐, 只好散叫一人份量套餐。吉列豬扒表皮略脆, 但重點放於奄列咖哩飯上, 薄薄蛋層包住個飯, 以日本米做飯, 每粒飯粒粒分明, 淡淡既蛋香味配上甜甜既咖哩, 令整個飯生色不少!【滑蛋豬扒蓋飯】HK$59建議先將成個飯攪勻, 否則入面既燒汁而令味道偏鹹, 由於送上檯時, 飯被蓋蓋住, 蒸汽水份同埋豬扒下既蛋令吉列豬扒既外皮整林, 不過肉質不會鞋身而且帶有肉味, 飯既份量岩岩好。呢款套餐仲可以另加$25加一個小食【炸忌廉】同樣是吉列炸皮, 表面不油膩而鬆脆, 內裡忌廉滑滑的, 口感很棉, 外脆內軟正好形容這款小食【2串雞軟骨X2串雞翼】HK$45雞翼燒得很乾身, 外皮香脆, 帶點焦香味, 至於雞軟骨爽脆, 表面仲有少少鹽吊味【炒魷魚鬚】HK$38魷魚鬚很爽, 不會炒得過火而令魷魚鬚太韌而難咬開想不到呢度既飯類比起拉麵更為出色, 份量大份很多! 今次

星期日鑽石山荷里活廣場的確多人，晚上大大小小的餐廳要等位是常識。面對呢種情況，習慣漁翁撒網式的攞籌方法 - 將揀餐廳的重任交比上天決定。結果，呢度有位先。一家(港x日)式拉麵店，地方都幾大，餐牌上當然不少得各種拉麵及套餐。然而，我的目光比另一種食物吸引住 - 咖哩飯，當下已經立即想好要吃什麼。吉列豬扒奄列咖哩飯 $66 (配沙律及例湯)自從屋企附近的咖喱店結業後已經好耐冇食過餐廳的咖哩吉列豬。實在懷念咖哩的味道。這個飯中的咖哩夠多，感覺稍稠，咖喱味頗香。吉列豬扒外層香脆，內裡豬扒腍，加上奄列，前菜有沙律，又有例湯，整個感覺豐富，性價比不錯。招牌牛油拉麵+自家製餃子 $88拉麵上有一大片牛油，牛油撈勻拉麵後，散發著陣陣牛油香。拉麵是豬骨湯底，加上昆布，令湯底味道討好。套餐可選一個小食，自家製餃子有四隻，煎得香，皮夠薄，餡料豐富，感覺不太油膩。想不到要吃咖哩飯，原來要靠點運。