老厝邊

營業中

休息中

咁啱下午茶時段到就嗌咗2個餐加啲小食有13款食物選擇同埋8款飲品🥔薯餅起司蛋餅 $43蛋餅皮見到金黃色薄脆內心帶點少煙韌有幾塊切開咗嘅薯餅同埋大量芝士薯餅雖然配搭餡料但都仲係香脆而且出奇地唔會好油膩配搭鹹香拉絲芝士超級好味🥩起司肉鬆蛋餅 $48絕對係經典配搭一份切成6件 蛋餅皮同樣微脆好咬肉鬆自帶脆脆口感 又有啲韌韌哋口感煙煙韌韌配合甜甜辣辣嘅醬汁更有層次🥟紅油抄手 $40一份5粒抄手 大大粒好飽滿豬肉餡肉香有油脂感 配搭蝦肉有肉汁又有彈性外皮好透薄做到皮薄餡靚醬汁大概係辣油混合醬油 鹹鹹辣辣令人想一粒接住一粒食🧄台式蒜片香腸 $34香腸切成一小段一小段肥嘟嘟啖啖肉又多汁有層味粉包裹著 鹹香惹味上面放咗啲蒜片 可以一件香腸一塊蒜片層次感upppp🦑香炸花枝丸 $32花枝其實就係墨魚 新鮮即炸 炸到金黃色外脆內軟口感Q彈有食到啲花枝碎塊 🍋蜂蜜檸檬愛玉可以揀甜度同埋冰量我叫咗微甜少冰愛玉有厚厚嘅一層 滑捋捋又有啲嘢咬味道偏酸好清新酸爽有提神嘅作用！🥤古早味冬瓜茶味道好舒服順滑 超啱天氣熱嘅時候解渴嗌咗少甜少冰但比檸檬愛玉更唔甜對於飲開無糖嘅我就好滿意啦

事原琴晚突然好想食芋泥，所以今日去咗老厝邊 食午餐🥣 去到唔算多人，但食到一半就坐滿咗😝 菜式款式飲品選擇都好多👍🏻古早味滷排骨 $65排骨夠大塊，味道偏鹹，但配飯一齊食，味道不錯👌 配菜有椰菜、粉絲同埋滷水蛋，味道平均😜超濃芋泥蛋餅 $40超多芋泥👍🏻，超濃芝士味👍🏻，蛋餅厚度剛剛好🤗 雖然感覺好evil, 但點都想食哂佢😋冬瓜茶 $18味道剛好，非常解渴，飲落好舒服😌 唔似平時用糖磚開的味道😊

台灣的古早味就在老厝邊。雖然店員店長全廣東話，但無論是食物還是裝潢，都比那些講國語的台式餐廳更令我有置身台灣的感覺。食物有質素，環境又企理，還有夜市的親民價錢，會再回頭喔。這兒的下午茶分$39和$45兩種。（下午茶）玉米起司蛋餅 + 古早味冬瓜茶（$39）蛋餅現叫現做，芝士拉絲，粟米滿溢，餅片夠薄，外酥內軟好好吃。（下午茶）婆婆招牌麻醬涼麵 + 古早味冬瓜茶（$45）雪過的冰涼麵條，青瓜絲、紅蘿蔔絲和蛋絲，淋上香濃的麻醬，全部拌勻，清爽開胃，跟台北涼麵鋪吃的一模一樣。眷村紅燒牛三寶麵（$82）牛𦟌彈牙有膠質，牛肚厚切有彈性，牛筋爽滑有鮮美，三寶都炆得夠腍入味，反而湯底可以再濃些。香酥炸排骨（$34）一上碟見到那條長長的豬扒骨和表面灑滿的五香粉，就知道是地道好嘢，咬一口，外酥內軟，肉質柔軟有肉汁。最後啃埋條骨旁邊的肉才捨得放手，大好味了。古早味冬瓜茶，可自選甜度和冰度，清涼降火。

好掛住台灣既野食呀！蛋餅、甜不辣、冬瓜茶仲有好多好多，所以專登去到大角咀呢間台灣小店，重拾之前去台灣既味道，價錢唔貴，服務同食物質素都幾好🥰－－－－－－1. 起司肉鬆蛋餅 $35 8.5/10一份切開左6份，芝士同肉鬆真爆哂餡🤤兩樣都係我最鍾意，非常夾既配搭，餅皮煙韌，口感厚實，食落唔油膩，仲有包住半溶芝士，有少許拉絲效果，肉鬆咸香而不失甜味2. 眷村紅燒牛肉麵 $62 7/10牛肉份量好足，大大片仲有好多件，軟腍唔韌😋不過湯底比較淡味，缺乏牛骨高湯既鮮甜味，牛肉都冇咁入味，蘿蔔清甜無渣👍🏻3. 海陸炸物拼盤 $78 7.5/10小食包羅萬有，有鹽酥雞、炸甜不辣、花枝丸、魷魚鬚、四季豆、玉米荀，好有台灣風味🤣因為炸物上面仲加左味粉，好似台灣夜市食到既味道，鹽酥雞係小店推薦，炸得唔乾，炸粉唔會好厚，啖啖肉4. 古早味冬瓜茶 $18味道清甜，唔會好似飲糖漿咁，好消暑☺️

近排大角咀好多新餐廳，而老厝邊就係其中一間主打台灣菜🇹🇼，店內裝修都好有懷舊台灣風味，非常用心😊😊野食方面，首先叫左個好呷炸物拼盤 (包括甜不辣 ，花枝丸，四季豆同玉米荀)味道都不錯，甜不辣夠哂脆，只係四季豆同玉米荀較為乾身🤔 👍🏻而推介嘅眷村紅燒牛三寶麵就真心值得一試，有非常入味嘅牛腩，夠淋夠彈牙嘅牛根同非常爽脆嘅牛肚🤩 湯會帶點中藥材味夠哂地道，麵身都夠煙靭，認真一流👍🏻👍🏻😋滷肉飯嘅滷水味非常突出，肉都夠鬆軟，雖然味道同台灣食都仲係差d，但都值得一試，仲要細碗份量都唔少，夠哂抵食😎 😎 相比起岩岩幾樣，推介嘅起司肉鬆蛋餅就略為失色😅 餅身唔夠鬆軟同薄，可能食慣起司煙肉，肉鬆好似唔太夠味，有點似餅皮同餡料分離左的味道 (當然可能係台灣起司煙肉蛋餅印象太深刻😂😂)🥤野飲方面，古早味冬瓜茶非常唔錯，唔太甜冬瓜味又夠潤。而青蛙下蛋就有d似珍珠奶茶同太甜，唔係飲開既山粉園+愛玉凍/ 黑糖啫喱製作，唔知係咪搞錯左😆😆總括黎講價錢相宜，味道唔錯，由其紅燒牛三寶麵同滷肉飯真心值得推介，行開不妨試下😋❗️更多美食分享, Follow Instagram: Foodmarker.hk , 可以比個li

老厝邊, 睇完個招牌名都唔知係寫咩....好彩舖頭名下面有行細字係寫"台灣的古早味"原來老厝邊係台語係夠"老鄰居"; 而眷村就係國民黨係國共內戰時搬去台灣所住的村落(學識淵博的男朋友講既)睇完介紹都感受到老一輩鄰里間的守望相助,  成間餐廳都突登裝修得好台灣小店的感覺~但野食一D都唔舊小店, 有好多都有新元素~例如有芋泥蛋餅~今晚十分豐富: 起司肉鬆蛋餅, 香酥炸排骨便當, 眷村紅燒牛肉麵, 古早味冬瓜茶, 蜂蜜麥仔茶-起司肉鬆蛋餅:芝士可以拉絲, 不過要趁熱食, 我食左一件第二件已經搵唔到絲XD不過凍左都好好食!!!好邪惡的滿嘴芝士!!-香酥炸排骨便當個排骨真係好大件, 大過成隻手掌, 塊排骨都幾薄, 所以皮脆肉唔韌; 最好食係炒雜菜, 甜甜地我覺得送飯一流~-眷村紅燒牛肉麵紅燒牛肉麵轉左拌面, 我覺得似個麵撈左落沾麵醬咁誇張; 滷汁好濃味, 醃菜唔辣, 牛肉係爽口, 好有牛味-古早味冬瓜茶& 蜂蜜麥仔茶麥仔茶係香港比較少飲到, 係台灣就多飲, 飲麥仔茶比較解膩; 冬瓜茶唔係太甜, 食完個辣辣地既紅燒牛肉麵用黎解辣就岩岩好啦整體真係好台灣味道~又可以一解思台灣之愁