家後

香港人氣餃子店多的是🥟但以芝士蛋糕聞名的餃子店就應該只此一家☝🏻甚至有不少顧客會特意前來訂購原個蛋糕，就算說這是一間烘焙店亦絕不為過🤣———————————————————————日式餃子皮薄得來口感煙韌😄底部煎得十分香脆金黃✨內餡洋蔥比例相當多🧅味道香甜，相對地豬肉味道就稍為偏淡☹️整體調味不多，主要以食材原味道為主🙂整體調味相當清淡🌱各項食材中以菇菌香味最為突出🍄‍🟫椰菜粒口感爽脆，但粟米份量偏少🧐未能感受到粟米餃應有的清甜🥺最後是每枱必點的芝士蛋糕🧀如圖所見，蛋糕中間呈軟心半熟狀態🤤質感細滑creamy，味道簡單直接🤗不會太甜，頗有水準但就未算有太大驚喜😗———————————————————————這件「被餃子耽誤的芝士蛋糕」雖然未如傳聞所說的那麼驚為天人😅但作為一件飯後甜品，仍然足夠令人滿意😇…さらに見る

星期五晚大概7點嚟到前面有3,4枱客等緊都係等咗15分鐘左右就有得入去喺呢個天氣嚟講唔算難頂佢煎得好好食算係幾大隻 份量係夠嘅另外菜甫都幾辣 唔食得辣要留意下反而湯餃我就覺得一般雖然佢有個葛湯但個湯餃 好清淡得嚟有尋腥腥味 可能下次再有機會可以試吓其他食完餃子就食甜品啦早有聽聞佢開心果芝士蛋糕好好味高期望下食第一啖都比佢驚艷到濃味得嚟恰到好處真係估佢唔到之後好味到追加埋原味原味都好好食 有焦糖味佢整體蛋糕仲高分過餃子而且都係35蚊一件…さらに見る

第3次黎家後 ，因為好鍾意佢健康冇味精嘅湯底，粉葛湯可以下火，幾好試咗韭菜豬肉餃同粟米香菇雞肉餃，兩款都好足料好好味，而粟米香菇雞肉餃我覺得可以揀煎試下，應該都會幾夾最後當然要食埋cheesecake，水準依然咁高質，食完先知原來有焙茶味賣，所以即刻order埋，焙茶味勁濃，比原味更出色，下次黎一定要再食，不過要睇彩數，因為好易賣哂…さらに見る

今日去咗呢間充滿家🏡的味道嘅餃子店— 家後。星期六嘅下午2:00來到，大約都要等半小時，果然係人氣小店。🤩呢度可以叫湯餃$38（8隻）或者係煎餃$42（8隻）。價錢非常相宜。我哋兩款都叫咗，咩都想試吓。🥟韭菜豬肉湯餃湯底係粉葛湯，沒有味精，好有阿媽煲嘅感覺。韭菜豬肉餃，賣相脹卜卜，個皮都算薄，韭菜味都好出。明白點解呢度叫家後，老火湯配上自家製手工餃，食完身體完全冇負擔。就算幾攰都好，食完充滿元氣，繼續努力，向夢想出發。💫✨🥟香煎洋蔥豬肉餃煎得好靚靚，外表金黃色，食落脆卜卜。洋蔥同豬肉好夾，洋蔥好甜，帶出豬肉嘅鮮味。🍰原味芝士蛋糕餃子店好少會有芝士蛋糕賣。老闆嘅太太係日本人，所以自家整咗日式芝士蛋糕。成為呢間店嘅賣點之一。當日去到，見個個都會叫一件。我哋又點會執輸呢？芝士蛋糕質感細滑，中間仲要有少少流心。唔會太甜。滿足了味蕾，但不會感覺好滯。呢間小店係家庭式經營，賣嘅食物好健康，明白點解會有咁多人幫襯。大家去開深水埗都可以試吓，喺嗰度叉吓電，再重新出發！…さらに見る

深水埗其實都有好多隱世小店，依家好多 coffee shop, 打卡一流～ 但基隆街基本上夜晚都好靜，唯獨呢間小店經常排長龍！第一次見到餐廳名仲以為「家俊」... 俊？邊度俊？😂其實食過好多次，但好想好想分享俾大家就係個芝士蛋糕🍰 一間主要賣餃子🥟的小店竟然蛋糕比餃子出名！每次去到都要搏下有無芝士蛋糕..... 軟心芝士蛋糕，除咗原味，有時會有焙茶、開心果味, 款款都好濃郁，不過當日有邊款味/有無得食就要睇彩數了～其實餃子都係必食, 個人喜歡煎餃多於湯餃，雖然熱氣但香口惹味！有8款味道可以選擇，都是手工包製的，新鮮又足料。可以買生餃，預時間餐廳準備就可以了 😌…さらに見る

焦糖牛奶布甸sold out 於是我哋就叫咗兩件芝士蛋糕食，咁佢嘅芝士蛋糕應該係用6吋嘅模整出嚟。所以一件切餅就唔係好大份，幾適合作為甜品嘅份量。原味芝士蛋糕🍰 開心果味芝士蛋糕。兩款蛋糕都有靚靚咖啡色嘅外層，似係電飯煲焗出嚟嗰陣嘅感覺。裏面嘅texture 係軟綿綿，似雞蛋糖心蛋口感。而且開心果味道都幾濃郁！不過件蛋糕好”嘢”痰 如果最尾有一杯紅茶一齊食，咁就最夾煎餃子🥟餃子三面之中有其中一面係煎到脆卜卜，幾乎好似咬落薯片咁😍 好開心芫荽豬肉餃，芫荽味極之夠！湯餃子煎餃子🥟 兩種餃子都好，其實都好需要有少少辣多多趣嘅菜脯加埋一齊食，咁樣就好惹味！日本飯團$15 ，都幾抵食，如果最尾唔夠飽，可以叫一個兩個人分…さらに見る

非常好食😋於是推介了身邊人去食日式手工餃子🥟餃子店真係太子附近仲有一間係左近！我平時唔好食餃子 但佢個煎餃子🥟$42/8隻真係好正😋煎餃個底勁脆！洋蔥豬肉🧅係紫洋蔥！非常之香！新鮮絕對唔會係生洋蔥！豬肉仲要係好鮮嫩！果然係招牌！雙拼試埋個雲耳椰菜豬肉餃但就絕對冇洋蔥咁香！試埋個日式牛蒡飯團🍙跟餐連凍飲$15日本米但係冇醋味 牛蒡微香但屬較淡口味試埋招牌芝士蛋糕🍰$25 我唔好芝士不過一場黎到都要試吓嘅😆 最後一提係佢嘅菜脯！好好食唔會好咸唔辣但好好咬😂😂不過真係落單同出餐都比較慢同亂 希望可以改善一下…さらに見る

#lunch冇諗過食餃子都食到咁飽咁滿足！٩(˃̶͈̀௰˂̶͈́)و左：洋蔥豬肉煎餃 右：芫茜豬肉煎餃絕對係俾呢兩款餃子吸引來的，超級洋蔥同芫荽粉絲٩(˃̶͈̀௰˂̶͈́)و好少見呢啲口味嘅餃子，一定要來試。每隻餃子都漲卜卜，即叫即煎，而且煎得好靚金黃色剛剛好(=´∀｀)人(´∀｀=)洋蔥豬肉煎餃🥟絕對被呢隻餃子驚艷了'(*ﾟ▽ﾟ*)'洋蔥同肉嘅比例十分好，最重要嘅係，洋蔥唔係完全熟透變得只有甜味，而係仲有少少生洋蔥嘅香味，但又沒有生洋蔥嘅辛辣味(*¯︶¯*)洋蔥粉絲表示呢個洋蔥絕對係水準之上！芫荽豬肉煎餃🥟呢個我就略嫌多左少少芫茜，如果少返啲肉味會出啲同少啲芫茜嘅苦澀味。不過同行的朋友本身好怕食太重的芫茜味都接受到仲食咗好多隻(因為我太被洋蔥餃驚艷了掛住食洋蔥餃)，所以我諗係中間啦就返各人口味ʕ •ᴥ•ʔ雲耳椰菜豬肉煎餃🥟本身諗住食兩個餃就夠了，但由於太驚艷又再加咗單ʕ •ᴥ•ʔ呢個餃就傳統口味啲，有咬口，同埋會噴汁！是日例湯菠菜麵🍜加$15就多碗麵！是日例湯係眉豆粉葛湯，用湯煮麵好有家的感覺(⁎⁍̴̛ᴗ⁍̴̛⁎)個湯好清甜，配埋個菠菜麵好健康好好食，今次真係連湯都可以飲埋(=´∀｀)人(´∀｀=)問咗老闆套餐麵同湯餃麵有咩分別，老闆話其實係冇分別嘅，只係套餐麵可以分開個餃子，湯餃麵就個餃子係埋碗麵度，啲街坊叫慣咗湯餃麵，所以就保留返係menu度囉～凍檸賓🍹呢排真係好熱，凍檸賓酸酸甜甜好解渴ε-(´∀｀; )飲完又可以再戰芝士蛋糕(⁎⁍̴̛ᴗ⁍̴̛⁎)上：原味芝士蛋糕 下：冧酒芝士蛋糕原味芝士蛋糕🍰冧酒芝士蛋糕🍰有三隻味：原味、冧酒、抹茶，每日限量供應，選擇困難一於就全都要！(沒有揀抹茶真係食唔落了( ；´Д｀)) 兩隻都好好食好香濃同埋入口即融٩(˃̶͈̀௰˂̶͈́)و不過我鍾意原味多啲！一直食外面都一直好多人排隊，唔知係等外賣定排隊入去食呢ʕ •ᴥ•ʔ…さらに見る