California Pizza Kitchen (屯門市廣場1期)

營業中

休息中

話說好耐無去屯門走走la~呢次就同男友去咗屯門市廣場行街街，放鬆下~ 行行下見到呢間餐廳入面個裝修都幾闊落同舒服，而且做緊一周年優惠，咁啱又想食Pizza同意粉之類嘅野，所以就入咗去試~ 🧡香味肉醬意大利粉（$118）意大利粉彈牙，肉醬滿滿！肉醬加入咗磨菇粒口感更豐富，味道方面清新帶酸，入口舒服，食完好滿足！ 🧡原味燒烤雞肉薄餅（$130）呢到嘅Pizza係用火山石薄餅爐嚟焗製，薄餅邊位鬆脆得嚟唔油膩，批底煙韌富口感！而且係即叫即整，上枱熱辣辣！ Pizza嚟到嘅時候店員仲會問你需唔需要加即刨芝士，對於芝士愛好者嚟講堅係好正！燒烤雞肉Pizza配料好足，燒烤汁味道香濃，入口帶點微酸好開胃！雞肉肉質都好嫩滑，正！ 🧡經典凱撒沙律（一周年優惠價 $61.7，原價$80）沙律菜清新爽口，配上滿滿嘅芝士碎同脆包粒，份量十足！調味醬汁亦都好出色，推介！ 🧡凍檸檬茶（$33）清新易入口，唔會好苦澀！仲可以無限添飲，正！

同朋友行完街發現原來呢個位開左california pizza kitchen，行到好肚餓見唔使等位就去試下。原來入面好大好闊落😳，menu選擇都幾多。同朋友叫pizza同意粉各一share。食物等大約10-20min就有得食，拎到黎熱辣辣👍🏻。🔅原味燒烤雞肉薄餅 ($130)好大個薄批😍，批邊夠脆夠煙韌，雞肉唔算鞋，好多洋蔥絲好爽口。芝士碎係staff即刻加🤤。Pizza加左bbq醬甜甜地唔錯。芝士唔算超濃郁所以食晒成個都唔會好膩👍🏻。🔅中式宮保意大利粉配雞肉 ($118)一拎到黎已經聞到好香！意粉份量好多(碟大但夠深)，爽口彈牙又入晒味，加埋宮保醬汁好惹味。醬汁唔算好辣，爆香左辣椒同蔥好香🤤，整體唔會好油膩。花生🥜夠脆，雞肉入味唔鞋，食到好滿足🥰。🔅凍檸茶檸茶就普通無咩特別😂。💬有加一不過食物夠大份，staff都好nice又好快手，環境唔錯都抵俾。意粉真係幾唔錯，食過既中西fusion意粉呢個係最好食😋。