影片
更多
2022-09-12
4437 瀏覽
除咗「宅渡假」之外，近幾年都好少食自助餐，都無話咩特別原因嘅，只喺咁啱少食咗而已。同老友興之所致，今晚一同嚟到北角嘅「The Farmhouse 」盡情食番晚。查實4年前都嚟過一次，對其印象唔錯，環境偌大，又有氣氛，食物選擇多，交通亦方便，離地鐵出口幾分鐘步程。餐廳名為Farmhouse，環境自然裝修得貼題，一室深色木系，部份地方更搭建成農舍模樣，而且，地方闊落，樓底夠高，枱與枱之間距離足，配合上柔和嘅燈光，令整體環境都予人悠閒舒服，感覺輕鬆。原來，佢哋仲喺動物友善餐廳，晌外邊有多張露天枱，專供應帶寵物嘅客人，雖然近排天氣仲有啲熱，但入夜，加啲大風扇，感覺又OK喎，當然，再遲多一頭半個月，天氣涼番啲就更加爽啦！食物嘅擺放基本上可以講喺分兩大片區，一入門口嘅片區，集中於沙律、冷盤、海鮮、刺身及壽司、甜品、飲品呢6個類別。順便講講啲價錢，星期一至四晚計，成人收$668，長者或小童收$388，官網訂，有８折，可以由6:00pm食到10:00pm；但亦有啲彈性自選時段優惠，5:30pm-7:30pm或8:00pm-10:00pm就打個75折，9:00pm-10:00pm就打5折，但一個鐘就太趕
餐廳名為Farmhouse，環境自然裝修得貼題，一室深色木系，部份地方更搭建成農舍模樣，而且，地方闊落，樓底夠高，枱與枱之間距離足，配合上柔和嘅燈光，令整體環境都予人悠閒舒服，感覺輕鬆。
原來，佢哋仲喺動物友善餐廳，晌外邊有多張露天枱，專供應帶寵物嘅客人，雖然近排天氣仲有啲熱，但入夜，加啲大風扇，感覺又OK喎，當然，再遲多一頭半個月，天氣涼番啲就更加爽啦！
食物嘅擺放基本上可以講喺分兩大片區，一入門口嘅片區，集中於沙律、冷盤、海鮮、刺身及壽司、甜品、飲品呢6個類別。順便講講啲價錢，星期一至四晚計，成人收$668，長者或小童收$388，官網訂，有８折，可以由6:00pm食到10:00pm；但亦有啲彈性自選時段優惠，5:30pm-7:30pm或8:00pm-10:00pm就打個75折，9:00pm-10:00pm就打5折，但一個鐘就太趕喇！
飲品區一邊嘅凍櫃有罐裝可樂、雪碧及忌廉，而另一邊則放置兩大部咖啡機，有多款意式咖啡供選擇，旁邊枱上，就放有檸檬片、鮮牛奶、多款口味嘅茶包，可以讓客人作自己心水飲品嘅配搭，更有一大壺預製好嘅果茶。頭段小弟就飲吓汽水，最尾食得好飽，就飲番杯洋甘菊舒緩吓。
如果喜歡飲酒嘅朋友，就可以選擇暢飲套餐，可以無限暢飲不同嘅酒類，若果唔喺搏命飲嘅，亦可以以優惠價點選汽泡酒、紅白餐酒或啤酒。
沙律好多時，食自助餐都會有沙律吧，不過，呢度就精品啲，即場製作3款主題沙律：水牛芝士沙律、凱撒沙律、日式鯛魚沙律。此外，就仲有幾款預製好，但口味就較為大路嘅放咗晌另一邊凍櫃內，如薯仔沙律、希臘沙律、甘筍椰菜絮沙律……等等。
冷盤正正就喺放晌凍櫃之內，除冷凍住保存鮮度之外，有晒櫃門，就更加衞生。而冷盤方面，包括有莎樂美腸、意式肉腸、西班牙火腿、自家醃製煙三文魚，以及多款鹹鹹酸酸配料。
芝士盤再隔離個凍櫃，除咗上文提及嘅預製好沙律之外，仲有3款芝士：康提芝士（Comte）、莫爾比耶芝士（Morbier AOP）、金文拔芝士（Camembert），以及一啲乾果。我就好少好似啲人咁，飲住紅酒，襯啲芝士，大多數都喺夾埋啲沙律一齊。
「登登登櫈」！就喺將以上幾個類別嘅食物砌埋一齊，成為小弟嘅豐富頭盤，樣樣都有啲，夠晒多元化，色彩又夠繽紛，未食都好醒神。整體而言，啲食材新解，用料夠精，啲水牛芝士更搣成半嚿俾我，灑少少鹽巴，好特別，而自家醃製煙三文魚亦無平時出面現成貨咁鹹，所以，大致上每樣嘢都好好食，食完真喺可以大開胃納。
海鮮喺食自助餐嘅回本區，先掃視一下有咩海鮮先，包括：波士頓龍蝦、法國麵包蟹、凍海蝦、澳洲青口、紐西蘭蜆同翡翠螺。龍蝦同麵包蟹都喺大熱之選，睇吓有啲客人一攞就攞幾隻，但放心，睇見廚師都好快補貨，唔會試唔到。
6款海鮮話多唔多，話少唔少，咁就當然一碟過砌成一碟海鮮拼盤，咁先有睇頭嗎。龍蝦、海蝦同樣肉質爽口，味道鮮甜；麵包蟹非常多膏，入口甘腴，不過，講真，拆蟹又真喺幾麻煩；翡翠螺、紐西蘭蜆亦喺質素不俗嘅貨色。
刺身、壽司、和食小弟唔喺唔鍾意食刺身，只不過有個印象，自助餐所提供嘅刺身一般都喺啲大路貨色，故此，先甚少晌自助餐中食刺身，不過，都要稍微介紹一下。刺身有希靈魚、八爪魚、油甘魚、吞拿魚、三文魚共5款，而壽司則有啲腐皮壽司、甜蝦壽司、三文魚壽司、魷魚壽司、吞拿魚壽司、赤貝壽司……等等，再加埋啲芝麻八爪魚、冷麵，就介紹晒呢一區嘅食物。
麵包、餐湯跟住介紹吓麵包類，有3款包，都喺比較歐陸式，即喺硬身啲，未必人人啱，但就開正小弟嗰瓣；而湯品就放咗晌另一個片區，即喺晌熱盤嗰一邊，不過，都先講講有咩選擇，中湯代表喺中式湯，唔喺玩嘢，個名牌真喺咁寫，而西湯代表則喺蕃茄濃湯。
食完兩道生冷嘢，搵碗熱湯嚟暖番吓個胃，並襯一襯啲麵包搭兩片芝士，其實，咁嘅組合對啲外國人嚟講，已經喺一餐。個湯自行加咗少少鮮牛奶，口感更滑，茄味濃得嚟唔會好酸，反而幾醒胃；啲麵包好有韌性，搭啲芝士，抑或搽牛油，都正呀喂！
跟住就要介紹另一邊食物片區，走到餐廳盡頭，轉左有個獨立嘅大空間，裡面就供應多種中西熱盤、烤肉、咖喱、即製粉麵……等等，走一圈，就會見到美食琳瑯滿目。
串燒、烤肉企近門口，已聞到陣陣肉香，皆因對正門口就喺烤雞串、羊肉串同烤菠蘿，喺好巴西式燒烤嗰種，睇住師傅密密燒，香氣一定四溢啦，仲搭埋其他特色配料一齊；而隔間就喺自助餐必有嘅烤肉，是夜就有燒安格斯牛西冷同燒豬腩卷，後者燒得有點似燒肉，非常靚仔，十分之吸引。
西式熱盤跟住睇睇有咩熱盤先，晌整個片區裡面，熱盤分開咗幾排擺放，好處喺可以分散到人流，唔使啲客堆埋一齊。而啲熱盤都有搵電磁爐熱住，第一排先有松露薯蓉、蜜糖甘筍、煙肉洋蔥四季豆、燒醃雜菜、意大利茄醬肉丸、燒鯖魚柳及阿根廷燒春雞。
即煮意大利麵呢個即煮意大利麵只提供紐紋粉配蘑菇松露醬，雖然有樣辦俾你睇，只喺細細份，但小弟都怕太飽肚就無試，不過，目測就似乎幾受客人歡迎，可能成大大嚿原個意大利頂級芝士做「拌勻盤」，自然成為亮點。
印度咖喱再繼續行，行過少少主要喺咖喱類，唔算多款式，包括印度米、印度薄餅、羊肉咖喱、印度薄脆、咖喱雜菜。雖然無點試啲印度米或薄餅，但羊肉咖喱就好合心水。
車仔麵檔、點心跟住喺有香港本土特色嘅車仔麵檔同點心，麵底、配料就一眼睇晒，算不上有咩亮點，唯一賣點就喺湯底：四川麻辣湯，相信有不少客人好此道，辣嘢我就一般般；而點心我都無乜點留意，只喺睇番啲相見名牌有蝦餃同叉燒包，無打開過啲蒸籠睇睇，會唔會仲有其他款式就不得而知。
中式熱盤繼續介紹埋呢區嘅熱食，有蒸魚（古法蒜萵豆豉蒸比目魚）、蟲草花北菇雞、豆豉鯪魚炒油麥菜、欖菜肉鬆炒飯、上湯龍蝦伊麵，仲搭啲咖喱豬皮、鹽水豬紅，個人覺得賣點喺櫃枱後有晒灶頭，啲小炒、蒸菜都喺現埸即做。
潮式滷水、明爐燒味再行過隔離，繼續都仲有其他中式食物，分別有滷水拼盤、紅腸、叉燒、豉油雞，而之前提及過嘅中湯、西湯就放晒晌呢度。而所有熱食，兜咗一個圈，就介紹晒喇！
老實講，咁多熱盤嘢，試就試唔晒架啦，亦好難話點食到回本，所以，隨心揀咗啲自己喜歡嘅嘢食，揀咗6款肉，再搭少少烤蔬菜、燒菠蘿。啲西冷幾有肉香，豬腩卷果然好似燒肉，啲皮脆到咯咯聲，而羊肉串、羊肉咖喱都喺我嘅「飛弗」。
生果、甜品甜品就放晌一入門口附近嘅位置，基本上分咗兩組，一組就喺放晌凍櫃內各式各樣嘅甜品，兼有幾款生果，甜品包括：夏洛特蛋糕、雲可芝士蛋糕、鮮果撻、開心果紅莓蛋糕、芒果布甸、焙茶蛋卷、無花果抹荼泡芙、櫻花水信玄餅、紅莓朱古力慕絲蛋糕……等共9款，款款都做得好精緻，目不暇給；另一組就忘記影張大相，不過，就有記低有咩款式：聖安度蛋糕、朱古力撻、雲呢嗱撻、三色烤糰子、焗朱古力布甸、窩夫……等等。整體嚟講，數吓數吓都有成十多款，應滿足到一般需要。
先食啲「飯後果」先，有清爽多汁嘅西瓜、清甜純香嘅蜜瓜、酸酸甜甜嘅鮮菠蘿，以及一啲雜莓，由於啲生果都雪得涼涼哋，入口真喺幾爽，尤其晌呢啲天口熱嘅日子，就算喺涼緊冷氣，食啲冰涼嘅生果都舒服好多。
抖一抖，就挑戰甜品，一口氣揀咗9款，砌成一大碟，五顏六色，睇見都開心啦。所揀呢9款都極有水準，由於都喺揀自己最合口味嘅款式，自然覺得樣樣都好食，個人推介有紅莓朱古力慕絲蛋糕、開心果紅莓蛋糕、朱古力撻、焙茶蛋卷，喺讓人有再翻兜嘅衝動。
雪糕櫃其實，晌甜品區仲放置咗個大型新式嘅雪糕櫃，斜斜哋設計，遠睇成隻小飛船，內裡放滿好多自家製雪糕，一共有成10款（部份口味有重複），當中有啲口味都頗為特別，除杯上，亦可以選擇普通嘅窩夫筒或朱古力窩夫筒。
因為食咗上面嘅「甜品拼盤」，所以，雪糕就簡簡單單揀咗4款：冧酒提子、抹茶、意大利芝士餅及芒果，再淋上少少楓糖糖漿，灑啲朱古力珠珠。啲雪糕嘅質感幾軟滑，有奶香，質素唔錯。
食到呢個位，真喺好飽好飽喇，再食多少少都無乜位，故此，最好就飲杯熱茶嚟消消滯，洋甘菊就最好不過，淡淡咃，卻充滿幽香，飲完感覺好舒服。題外話，好鍾意佢隻瓦茶杯，好有原始味。
我哋兩個都食得好滿足，除咗食咗好多嘢之外，因為時間長，可以慢慢嘆，食吓又抖吓，就算食飽飽，飲住杯茶再坐多陣，談天說地，講東講西，感覺悠閒。
張貼
