焱手工涮涮鍋

又到每個月的二人世界拍拖日啦，今次食老公最愛的打邊爐， 去左油麻地地鐵站附近一間台式手工打邊爐， 地方寬敞舒適、環境好整潔乾淨~ 呢度有唔同的火鍋套餐，岩晒我地呢d有選擇困難症的人， 有特色湯底火鍋、粥底火鍋，每位HK$268(2位起) 價錢合理，套餐包左醬料、飲品、湯底、前菜、 炎鍋配料如海鮮、肉類、丸類、蔬菜盤等， 非常豐富~ 前菜 是<柚子沙律>以及<鮑撈手撕雞> 我喜歡<柚子沙律>，因為除左柚子的清新之外， 仲加左胡麻醬，令味道更豐富~ 老公就喜歡<鮑撈手撕雞>，因為微微的麻辣，非常醒精開胃~ 我地選左<東方美人鍋（竹絲雞配桃膠）>& <養生人參藥膳鍋>，湯底非常足料~ <東方美人鍋>有足足半隻竹絲雞， 仲有桃膠、蟲草花、紅棗、菇等， 我先飲一碗品嚐它的原味， 味道香濃，仲可以養顏添~ 而<養生人參藥膳鍋>有好多藥材， 有人蔘、杞子、龍眼肉、淮山等， 味道甘香又健康~ 中間係<火焰清酒煮蜆> 店員會為客人煮蜆，先把蜆放入鍋再加清酒， 之後點火炒，加埋湯做成湯底~ 蜆的size岩岩好，好鮮甜，散發淡的清酒味~ <海鮮拼盤> 有多款五同的海鮮，會按照當日的貨源而定， 所以每日都有機會五同~ 我地呢晚有大大隻鮮甜的聖子、又大又彈牙的海蝦、 爽口的墨魚片、肥美的帶子、新鮮的魚片~ 肉類方面我地選擇左<頂級安格斯牛頸布脊> 牛味濃郁，肉質鮮嫩，又唔會肥膩~ 而我最期待的就係呢度的<手工火鍋拼盆> 手工新鮮製作，出面好少食得到，非常有特色~ <太極蟹子軍艦> 菇菇釀左蟹子蝦膠以及墨魚汁蝦膠， 爽口彈牙~ <別蝦我> 用左鮮蝦打成膠，當中加入蟹籽 再整成雪條禁，濃郁的鮮蝦味~ <三層墨魚磚>（原味、南瓜、菠菜） 有三種顏色代表五同的味道， 口感彈牙，墨魚味香濃， 南瓜、菠菜味就淡淡的~ <手打安格斯香辣牛丸> 濃郁的牛味，帶微微的香辣味， 因為手打口感更彈牙~ <牛肝菌黑松露餃子>咬落去散發出濃濃的黑松露味道， 餃皮薄內餡多~ <即炸響鈴卷> 超大一條，新鮮即炸， 口感脆卜卜又香口~ <新鮮時蔬籃> 大大盤非常豐盛，新鮮清甜， 有油麥菜、生菜、娃娃菜、金菇~ 飲品方面亦有好多自家製飲品， 加了HK$10元轉配自家製的<山渣紫貝天葵>&<珍珠奶茶>， 甜度適中又健康~ 最後仲有甜品添~ …查看更多

受友人極力推介 初訪此店 位置好方便油麻地一出地鐵站就到 好過旺角逼逼逼一出lift就被門面吸引了 很焱用臉書訊息訂枱 按人頭送鮑魚 一般兩個人唔食得幾多 叫左「焱選套餐」$268/位 （兩位起）已包醬料費 好抵食檸檬冬瓜茶 跟套餐不用加錢前菜- 柚子沙律 鮑撈起手撕雞 惹味不馬虎湯底- 焱羨目光火焰清酒煮蜆螺（中）：店員放蜆螺後點火蜆螺吸收晒清酒香 正！養生人參藥膳鍋：人參味恰到好處 唔會蓋過食物鮮味 GOOD青花麻辣鍋：食食下都幾辣 相對人參鍋失色時令海鮮拼盤（5款）即炸響鈴卷 比平日既響鈴大條 唔會好油 正精選肉類（每2-3位選一碟 份量按位數）揀左頂級安格斯牛頸脊 新鮮時蔬籃 OK 洗得乾淨也有整細塊方便食 款式多啲就更好手工火鍋拼盤 （5款）太極蟹子海鮮軍艦（最右）：真係似壽司軍艦個樣 賣相吸引 彈牙好味別蝦我（鮮蝦雪條棒）（最上）：牛肝菌黑松露餃子：菌香皮薄 但效果一般手打安格斯香辣牛丸：好juicy 大推！三層樓墨魚磚（原味 南瓜 菠菜）：1分鐘食得 三層兩層都咁鬆化自家製甜品：木槺布甸套餐已經食到我同相公肥滿腸肥啦 無空間加其他野了 多人食可再試下其他的離去時去埋洗手間 女仔有兩格 唔算細格很乾淨無異味 相較很多樓上食店衛生情況算很良好 加了分數！會 再 來 的！…查看更多

近期台式火鍋熱潮又掀起～💃🏻 而「焱手工涮涮鍋」就是其中之一的大熱店， 不少電視節目和雜誌都有介紹過， 究竟有咩咁巴閉？試下就知道啦！🙈 不過我和小妹試過早3天預約都無晒位， 今次早一星期終於得左啦！🙆🏻‍ 建議大家起碼都早一星期預約呢！😏 甫一打開電梯門，這裡的裝修還挺有心思！😯 店外是一幅富有特式的美食圖案和文字的牆身， 店內間格也相當寬敞， 圍繞窗邊的卡位，可觀望到旺角熱鬧的街景， 還有不少大圓枱或長枱，很適合大夥兒聚會呢。😏 這裡最受歡迎的就是「焱選套餐」， 位位只需$268，就可以盡享9款美食， 一口價前菜、鍋底、時令海鮮拼盤、精選肉類、手工火鍋拼盤、人人都愛的即炸響鈴卷、新鮮時蔬籃、飲品和甜品都包了！！好抵食呀～🤑 而且絕無隱藏收費，醬料費都已經包埋！😉 2人同行點套餐就最適合不過，可以一次過試晒多款招牌菜～☺️ 如果唔夠喉，仲可以單點其他配料呢！😏 平時坊間的火鍋前菜大都是酸菜花生， 但「焱手工涮涮鍋」的前菜卻相當有心思！😳 🍊柚子沙律 雜菜沙律混合了店家特調的芝麻醬和柚子醬， 清新得黎又美味，很新穎的配搭呢！👍🏻 鮑撈起手撕雞 嫩滑的手撕雞，配上口感柔韌的鮑片和爽脆的三色椒絲和青瓜絲等， 加上微辣惹味的醬汁， 口感和味道層次都控制得十分出色～😋 就算要額外加錢都絕對值得食過返尋味，性價比高！👍🏻 在吃前菜的同時，鍋底和火鍋配料都逐一登場～ 第一次食當然要試店家的招牌鍋底—— 🔥焱羨目光👀：火焰清酒煮蜆螺、人蔘藥膳鍋、青花麻辣鍋。 🍲鍋底一上桌，表演時間就到啦～ 店員將蜆螺放在中間圓型的小鍋中， 淋上清酒，一點火瞬間便冒出美麗的火焰🔥， 待火焰慢慢熄滅，再加上清湯， 火焰清酒煮蜆螺便大功告成了～👏🏻 還有另外兩種湯底，人蔘藥膳鍋和青花麻辣鍋， 這三味火鍋果真夠「焱」呢！😳 食完蜆螺之後， 這個火焰清酒鍋便可以用來煮海鮮， 因為清酒味道比較清香，但不是味濃的那種， 海鮮放在中間，不會覆蓋海鮮的鮮味。 嗜辣的人，青花麻辣鍋便最適合不過， 紅紅的湯鍋裡浸泡着大量花椒、八角和辣椒等調味料，🌶 入口麻香惹味，辣不嗆喉， 在冬天進食，很暖身呢～ 不吃辣就可以試試這養生的人蔘藥膳鍋， 嘩有原條人蔘呢！😯 人蔘味不重易入口， 惟對重口味的小編來說，就覺得有點兒味淡。🙊 時令海鮮拼盤 每天有5款是日海鮮， 除了打頭陣的蜆螺外，還有龍躉片、鮮海蝦、蟶子皇、脆鯇片。 蜆螺size比較細， 不過勝在清酒迫出了蜆螺的鮮甜味， 惟份量只有兩粒，完全不夠喉！😟 海中蝦雖然size不大，但卻很新鮮， 蝦肉鮮甜彈牙，正！👍🏻 🐟脆鯇片肉質爽脆， 龍躉肉入口嫩滑鮮甜，魚皮膠質豐富，很不錯！ 而所有海鮮中蟶子王就最為出色，😍 尺寸如手掌一樣長， 肉質肥美彈牙，鮮甜味美，值得推薦！😋 肉類方面，每位只需加$20，就可以選焱手切封門柳。 封門柳是控制橫膈膜的肌肉，每隻牛只有兩塊，十分罕有，牛精當然不可錯過啦！😏 封門柳肉質色澤鮮紅， 涮熟後，牛味十分濃郁，味道香甜味美，性價比高！😋 手工火鍋拼盆配料十分豐富，而且全部都是手工自家製，感覺更真材實料呢！ 拼盆有太極蟹子海鮮軍艦、鮮蝦雪條棒、牛肝菌黑松露餃子、手打安格斯香辣牛丸和三層樓墨魚磚，未食但創意已經加晒分！😏 太極海鮮軍艦真的像壽司軍艦一樣， 豆卜做底，上面是蝦膠和墨汁墨魚滑， 再灑上蟹籽，咬落很有層次感呢！ 別蝦我用蝦膠和蟹籽製成雪條棒的造形很特別，涮熟後蝦味濃郁，可愛又好吃！😋 牛肝菌黑松露餃子皮厚薄適中， 裡面餡料十足，有豬肉、牛肝菌和黑松露醬作調味，松露味突出～👍🏻值得一試！ 手打安格斯香辣牛丸意外地藏着花椒粒🌶，麻香惹味！ 連平常不愛吃丸類的小編都覺得不錯吃！👍🏻 三層樓墨魚磚賣相十分精緻，😍 綠色是菠菜味，橙色是南瓜味，白色是原味， 咬落啖啖滲透着濃郁的墨魚香，爽口又彈牙， 惟三層味道吃不到太大的分別。🙊🙈 新鮮時蔬籃 有生菜，娃娃菜和金菇，款款新鮮， 份量和種類都很充足。☺️ 小編覺得蔬菜可以試下味道較清淡的人蔘藥膳鍋，因為比較少油健康！ 另外，嗜辣的朋友不妨挑戰下青花麻辣鍋，真係辣得好過癮～😋 即炸響鈴卷 有不少喜歡吃火鍋的朋友，每次吃火鍋都必點響鈴，所以套餐包埋真係好～😌 響鈴香脆，吃起來不會太油膩，不錯呀！ 份量還有很多呢，兩個人基本上是吃不完的。😂 套餐每人包一杯自家製飲品，可選涼茶、沙冰、珍珠奶茶或酒品。 小編就選了山楂紫貝天葵， 味道酸甜解渴，吃火鍋簡直絕配！😏 本來甜品想選店招牌的木糠布丁，可惜售罄了， 所以就只有朱古力和芒果布甸，不過卻意外的好吃！😋 朱古力布甸不會死甜味，是很實在的朱古力味🍫， 芒果布甸有很多芒果肉，真的很真材實料呢！ 兩種口味的布甸都配上香甜紅豆，增添了不少的口感！👍🏻 整體來說， 「焱手工涮涮鍋」的鍋底和食材都做得很出色， 鍋底有辣有唔辣，一鍋有齊三種湯底，一次過滿足晒三個願望，☺️ 環境坐得舒適，套餐和配料價錢又合理， 二人撐枱腳或大夥兒聚會都得！…查看更多

近年旺區大改革, 不少商廈翻新改革, 讓更多食肆進註有日走過油麻地, 發現旁T字路口旁的商廈首三層已演變成餐廳今天抽時間約朋友聚舊, 邊聊邊食, 火鍋就最好不過就試一下三個火的火鍋威力全店落地玻璃, 店內食客可觀看香港特式街景, 街上的行人抬頭亦可看到店內裝潢的吸引力我們被安排到窗邊卡位, 可以在平靜舒適環境觀看著繁忙的人們在趕路店內環境又真是既舒適又骨子點餐紙上雖有多款選擇, 但由於我們只有兩人, 還是簡單點個焱選套餐先選湯底, 湯底多達十款, 而大部分是特式鍋, 真是叫人大細心最後選了青花麻辣鍋及巴蜀酸菜白肉鍋先來杯自家製飲品 - 紫背天葵味道像似山楂, 味甘微酸, 可以清熱解毒, 其營養又豐富, 火鍋飲料佳品餐前小食, 沙律菜鮑撈起手撕雞整碟小食帶點麻香, 由清甜青瓜伴手撕雞及爽口鮑條, 另混入三色椒吊味, 味道口感均有驚喜柚子沙律光看名稱確實未必吸引, 但結果令人食不停口沙律汁以柚子醋加芝麻醬混合而成, 又甜又酸, 極之醒胃還要有非常多汁伴沙律菜隨後送上火鍋湯底, 火鍋食材及表演環節來了火鍋除了分兩邊放著兩款湯底點外, 中間還有一格圓形也是打火鍋用店員說「準備好相機來啦！」原來店員將蜆與東風螺都放進鍋內, 再加適量清酒, 用火槍一噠🔥啊~~~用長筷子將貝殻們攪兩攪, 最番再加人清湯將火撲熄, 可以慢用了蜆肉無沙, 鮮甜肉嫩飽滿, 陣陣清酒味花螺肉也很爽口青花麻辣鍋色澤帶橙紅, 味道濃郁, 花椒味突出, 麻辣重辣度尚可接受, 不算太刺激試過放一片白肉入鍋, 瞬間上色, 非常入味巴蜀酸菜白肉鍋本來還以為跟台灣的酸菜鍋一樣, 原來我少看了巴蜀兩個字巴蜀風就是酸帶辣, 味道亦不錯, 還有幾片白肉, 肉質鮮美先試幾款時令海鮮龍躉片 - 肉質爽實, 味道鮮甜, 厚厚的龍躉皮, 好滋養鮮海蝦 - 爽甜蟶子皇 - size很大, 只需要灼一灼便已經熟, 口感爽嫩, 鮮味十足隨後便是較易飽肚的肉類及其他食材大愛牛頸脊了手切頂級安格斯牛頸脊牛頸脊很薄身, 輕輕一焯便可夾回來未入口已經聞到很重牛味, 入口肉味帶甜, 肉質非常鬆軟三層樓墨魚磚三色手工墨魚磚, 混入了南瓜及菠菜, 店員介紹這個本來已經煮熟, 只要再煮一分鐘可食用墨魚的膠質既重又爽口, 入口爽爽聲呢太極蟹子海鮮軍艦以豆卜為底部, 上面分別饟上墨汁墨魚滑及蝦滑, 由於加入了墨汁, 鮮味更濃, 口感爽彈除墨魚鮮甜味, 還帶點腐竹香甜, 配搭出不同層次新奇的味道最讓人感興趣的是一條雪條棒吧別蝦我 ( 鮮蝦雪條棒) 雪條棒上一堆蝦滑, 是以鮮蝦打出來, 啖啖蝦肉, 內混入蟹籽, 口感豐富牛肝菌黑松露餃子略帶黑松露味, 但肉味較鮮甜較突出手打安格斯香辣牛丸辣味刺激帶點麻味的牛肉丸, 以新鮮肉打成，色帶點紅, 口感較軟即炸響鈴卷長長的響鈴卷, 顏色偏淡, 沒半點油益味放入麻辣湯內浸兩三秒, 已經入晒味, 這個狀態最佳了最後還有木糠布丁為這晚餐畫上句號。這個套餐, 雖然每款一件, 但種類較多, 整體份量剛好…查看更多

今年年初油麻地有一幢新大廈落成, 遠處看起來燈光鮮明, 每次經過都忍不住多望幾眼哪一間最吸引, 最後, 就是有一團火焰的涮涮鍋餐店吸引著電梯門打開, 有一幅滿佈圖畫及文字的牆, 頓時停留數秒多看幾眼才進店, 簡單的橫裝有空間感, 大部分卡位於窗邊位置, 場內亦有圓檯長檯供選擇這裡有火鍋套餐提供, $268/位,已包括醬料費及飲品甜品, 如果不選套餐, 當然有散點選擇當晚跟友人2人同行, 點套餐最適合不過, 可以嘗試到很多款式, 若果散點, 每款份量就過多了前菜, 外邊大多是酸菜花生, 但這裡的前菜反而有驚喜：柚子沙律 - 沙律不單止混上柚子汁, 還有混上麻醬, 柚子的清新加上麻醬的花生香, 沙律吸收晒兩者的汁醬鮑撈起手撕雞 - 手撕雞, 鮑片, 三色椒及青瓜全部切絲, 味道先甜後麻, 唔辣套餐包一杯飲品, 餐廳自家製的山楂紫貝天葵, 酸甜味道有助清熱解渴, 在火鍋時享用根本是絕配主角要出現, 花形鍋中分為三格, 中間圓形的就是火焰清酒煮蜆螺, 店員會提醒我們準備拿相機拍照, 當店員用火槍一點, 火焰四射,而兩邊的鍋底分別點了青花麻辣鍋及巴蜀酸菜白肉鍋火焰清酒鍋 - 味道不濃, 海鮮放在中間, 完全不失蜆肉及螺肉的鮮味酸菜白肉鍋 - 下單時店員已說明會有點辣, 當然味道是帶點辣及酸, 鍋中材料有酸菜/芹菜/雞脾菇以及肥瘦平均的白肉, 越滾越有巴蜀風味至於青花麻辣鍋 - 果然是招牌鍋, 紅紅的湯鍋內有大量花椒八角辣椒等真材實料, 越滾越香麻, 在冬天進食, 非常暖身肉類四選一, 手切安格斯牛頸脊脂肪比例平均, 輕輕一灼便可進食, 啖啖牛肉味在口內徘徊, 若放在麻辣鍋, 夾雜著麻辣配料一同細嚼,好刺激海鮮方面,是當天時令的海鮮蟶子皇 - 尺寸跟手掌一樣長, 爽口鮮甜龍躉片 - 嫩滑鮮味, 魚皮膠質豐富脆鯇片 - 肉質要用爽脆清來形容鮮海蝦 - size 不算大, 但肉質卻新鮮即叫即炸響鈴 - 足足比平時的長一倍, 灼一灼五秒就足夠手工火鍋拼盤,每一款都十分精緻用雪條棒插着的就是別蝦我 - 用手打蝦膠製成, 再混上蟹子, 口感立即大增 中間的三層樓墨魚磚 - 本身已煮熟, 只需煮一分鐘就可以, 綠色是混上菠菜, 中間就是混上南瓜, 墨魚味甚濃牛肝菌黑松露餃子 - 味道清淡,黑松露不會過份濃烈手打安格斯香辣牛丸 - 實的的, 有嚼勁, 牛丸竟然加上花椒粒, 食完個口有麻香的感覺,好過癮太極蟹子海鮮軍艦 - 炸豆腐上加上墨汁墨魚滑,味道會較濃,而另一邊是爽口墨魚滑, 如太極圖案最後當然有新鮮時蔬籃清一清, 有生菜/娃娃菜及金菇, 放在中間的清酒鍋中煮熟飯後甜品是木糠布丁, 忌廉的比例比餅碎多了一點, 質感較滑,非常邪惡…查看更多

寒冷的一天, 晚飯沒處著落下, 只好找朋友開飯去. 朋友們一聽到開飯便嚷著要打邊爐, 臨急就腳之下, 只好預約了這家交通最方便的焱火煱. 這家火煱的湯底是3格分開, 正合愛辣及怕辣的人仕一同打邊爐. 另一個好處是, 分開3個湯底, 亦有效分隔生熟食物的下鍋時間, 照顧好自己脆弱的腸胃. 這次安排的一張4人桌, 既舒適又是面對彌敦道的落地玻璃旁, 朋友們都十分滿意. 餐牌跟上次來的時候一樣, 可以簡單一點點套餐, 每位$268, 海鮮, 蔬菜, 肉類, 丸類一應俱全. 手撕雞裡頭好像有點質感不一樣的肉, 應該是螺頭切絲, 整個前菜的口感挺清爽. 沙律菜頗爽脆, 沙律汁不會太濃, 清爽開胃. 這裡的混醬不另收費, 比起很多小家的酒樓要好上許多, 款式亦不少, 但實際用的機會不多, 因為3種不同湯底已足以應對不同類食材, 不用沾醬也好吃.這次點的還是店子的推介湯底, 中間的火熖清酒煮蜆螺是固定的, 另外一邊是人蔘藥膳鍋及麻辣鍋, 中間的清酒鍋底, 店員先做一輪功夫用清酒點火燃燒酒精後, 未幾便可先吃內裡的蜆螺, 經清酒煮出來的蜆螺更見鮮甜, 亦適合灼其他魚貝類海鮮食材. 這個響鈴卷, 應該是吃過最大件的了, 但這件響鈴卷炸的極鬆脆, 浸湯稍灼後仍見脆口, 配麻辣湯實在一流. 黑豚肉肉質有咬口, 肉味比一般豬肉更濃, 灼熟後包著青瓜片吃, 更覺清爽. 封門柳是控制橫膈膜的肌肉, 肉質紋理較深且肥肉相對不多, 肉味比常吃的肥牛, 牛頸脊的肉味更香濃, 肉味更香甜. 海鮮拼盤只提供時令海鮮, 這次提供的是海蝦, 蟶子皇, 脆鯇片, 龍躉片. 蟶子皇最彈牙, 充滿鮮味. 龍躉片帶點魚皮, 膠質豐富, 口感不錯. 脆鯇亦頗脆身. 只是海蝦較普通. 同行中有一較大食的女仕則嫌海鮮拼盤份量不足. 火鍋拼盤的份量也是每人一件. 最好吃的要數牛丸及別蝦我. 餃子及墨魚磚也不錯. 別蝦我其實是蝦膠裡混著蟹籽再做成雪條形狀, 蝦條用人蔘藥膳鍋灼來吃較清甜.牛肉的肉質彈牙, 現打的牛肉鮮味且味濃, 配上麻辣湯底最惹味. 墨魚磚的口感彈牙, 即使灼久一點也不會變老. 蔬菜藍的份量也是每人每款菜1件左右, 吃至這裡, 其實每款都是1件起, 2件止, 但很飽肚. (尚有金菇未有拍照入鏡已吃光了)上次已有點過青蘋果沙冰, 但這次點的芒果沙冰更好, 即使吃得滿口麻辣, 一口沙冰喝下去, 麻辣全消, 但又變得更想吃辣. 一杯的份量足夠喝1小時, 加點一杯也不貴. 木糠布甸的水準可以, 想當然不及甜品店的水準, 但入口幼滑微甜, 合格. 整體食物水平不錯, 味道上給4.5分, 海鮮的份量若能增多一點會更好.  翻食指數: 85分.  價格合理, 交通極方便, 套餐火煱的形式相對方便2人光顧的食客, 湯底選擇豐富.(此指數平衡店舖交通, 味道, 環境, 價格... 等等, 個人作出的評價.)…查看更多

同朋友黎左呢間新開既手工火鍋店打邊爐，佢就係登打士街後一條街，都幾易搵到，6:30pm去到，仲有唔少空位，見到menu上面有個套餐，我地兩個人都可以嗌到，就決定點呢個餐。點完餐之後就有前菜食，有柚子沙律同鮑撈起手撕雞。柚子沙律酸酸地好開胃，手撕雞撈左麻醬好惹味！估唔到前菜都咁好味！首先黎既係飲品，佢呢到有得揀自家製既紫貝天葵，我同朋友都即刻揀呢款飲品！飲落酸酸甜甜，好健康！套餐可以俾我地揀兩款湯底，中間再送清酒煮蜆螺，我地就揀左比較少有既雪山飛龍鍋同東方美人鍋。相中左面既係雪山飛龍鍋，即係蛋白球配龍躉魚湯，飲落好鮮甜！我係第一次食蛋白球，岩岩滾起時食就好似梳乎厘咁，滾耐D口感會變厚實，幾得意！而右面既東方美人鍋就有竹絲雞同桃膠，仲有雜菌、杞子、紅棗、娃娃菜，材料豐富，感覺好滋補，好岩女士們天寒地冬既時候飲黎補身暖胃。中間既火焰清酒煮蜆螺雖然比較細隻，但由店員即場係客人面前加酒燒，叫做有得睇又有得食。套餐另外包一個時令海鮮拼盆，可以係龍躉片、帶子、鮮海蝦、蟶子皇、鑽石蜆、刀貝、花甲王、脆鯇片、東風螺入面揀！我地就揀左脆鯇片、海蝦、龍躉片及蟶子皇，全部都好新鮮，我自己最中意食海蝦同脆鯇片！肉類方面，每兩位就可以揀一碟，選擇有手切頂級安格斯牛頸脊、日本松坂黑豚肉配小黃瓜，仲可以加$20/位叫焱手切封門柳或加$38/位叫焱選手切Prime肥牛。我地係唔洗加錢既前提下叫左手切頂級安格斯牛頸脊，牛肉既雪花紋分佈好靚，佢一上枱個下我地都即時流口水！每片都切得好薄，輕輕滾兩滾就已經食得，牛味濃郁，肉質鮮嫩，絕對係我全晚既至愛！手工火鍋拼盆賣相好精緻，好似去飲茶食個D點心咁，入面有太極蟹籽海鮮軍艦、鮮蝦雪條棒、牛肝菌黑松露餃子、手打安格斯香辣牛丸同三層樓墨魚磚，款款都好有心思。我覺得最好味既係手打安格斯香辣牛丸，手打牛丸好彈牙，而且牛味香濃又有辣勁！另外亦都要讚讚佢既即炸響鈴卷，份量多，食落又唔覺油膩，浸一、兩秒湯再食味道一流，就算擺左係到一段時間再食都仲係脆卜卜！佢仲跟一個時蔬籃，俾各位貪靚女士可以食得健康，最後仲送上芒果布甸，食飽飽仲有甜品，真係一個完美結束啊！…查看更多

逛完油麻地玩具商場，打算步行到旺角搵食。途經一座新大廈，好奇望下，發現有間新開火鍋店叫焱，$268任食有三個湯底又有海鮮幾吸引，就火火火吧！湯底一鍋有三格，可選三個不同味道，包括火焰清酒煮蜆螺、養生人蔘藥膳鍋及青花麻辣鍋。中間的火焰清酒煮蜆螺，侍應把鍋上枱後才逐隻放入。加入清酒後點火，熊熊烈火隨即燒起，大伙氣氛也高漲起來。眾人一邊聞著鍋中散發的陣陣清酒香，一邊期待著佳肴前來。個人比較喜愛青花麻辣鍋，麻辣香濃而且比例融和，往往能帶出食物的鮮味。養生人蔘藥膳鍋沒有過份濃烈的藥材味，不會蓋過食材本身味道!柚子沙律，鮑橯起手撕雞鍋及配料未上，侍應先送來前來柚子沙律及鮑橯起手撕雞，讓我們先輕輕醫醫肚熱個身。柚子沙律清爽開胃，手撕雞雞絲鬆軟味香!海鮮拼盆海鮮拼盆包括配料款式很多，有蟶子, 鮮海蝦, 花甲王, 東風螺及鯇片， 而且不必加錢或另收費!當中蟶子最為欣賞，爽趣鮮甜乾淨沒有沙，而且尚算大隻! 東風螺及花甲王亦鮮甜，配合麻辣湯底更能帶出鮮味!日本松板黑豚肉配小黃瓜賣相十足有氣派，有點像川菜的晾衣白肉。黑豚肉肉質細嫰軟綿，肉味濃且帶油香。焱選手切PRIME肥牛 (+$38)PRIME是極佳級，最高級的美國牛肉。肉質與脂肪分布最佳，鮮嫩多汁的肉質，搭配豐富的大理石油花, 是很多高餐廳的必然之選. 別蝦我(鮮蝦雪條棒)外形十分有趣，真的很像雪條。大大塊結實軟彈的蝦滑舖上點點蟹子，配上麻辣帶出鮮甜。牛肝菌黑松露餃子黑松露及菌味濃郁，餃子皮煙韌不易散，配麻辣味更香。手打安格斯香辣牛丸手慢，俾人搶晒，下次再來必要食！三層樓墨魚滑墨魚滑一直是我火鍋必食之選，這個三層樓墨魚滑比平時吃慣（要用匙分個一舊舊）的那種要好，更加軟彈，墨魚味更濃，配合麻辣湯味更鮮。即炸響鈴卷這裡的嚮鈴比一般的長， 在鍋裡淥兩三下已經足夠，外層鬆脆內裡軟腍，濃郁湯汁緩緩滲出!新鮮時蔬籃有蛙蛙菜及唐生菜，食菜最緊要就是“新鮮”自家制涼茶吃火鍋熱氣，加上麻辣，喝杯涼茶真是最合適不過。紫背天葵有清熱解毒﹑養陰生津的功效； 山楂幫助消化、降血脂；酸酸甜甜醒神開胃消滯!  上到來見到環境幾闊落幾舒服，有高身卡位之餘，亦有可容納多人的私隱角落。在旺角區找到一間有空間感的任食火鍋，難得呀! $268+38 另加一 ($340)…查看更多

來這家店的前一天, 有位朋友逛街時看到路邊的易拉架被吸引上去, 吃後與女友熱切推介要我來一試. 雖然來不及跟朋友拿現金劵, 但現好相約一眾好友亦苦於訂位, 新開的店子相對較易找位子. 於電梯大堂上去, 大廈好像剛剛還在裝修. 上至3樓時則見滿層皆是花籃, 這家火煱是新開張看來不足一星期呢. 第一次來, 店員及朋友均推介試三重火煱, 而且還有套餐不用傷腦筋, 三重火煱正可以點一個麻辣的滿足愛辣的友人. 頗欣賞這裡的混醬, 除基本的豉油, 蔥, 辣椒, 蒜蓉外, 尚有4種醬汁如蒙古涮涮醬, 沙爹醬等. 但湯底的味道頗足, 沾醬的機會相對少了. 手撕雞的味道較淡, 柚子沙律則加上些許醋汁, 裡頭有最少3種菜混合, 嫩而爽脆. 店員推介的是紫貝天葵, 但看到湯底有麻辣的情況, 沙冰是更佳的選擇. 份量上比得上旺角街頭的沙冰檔, 吃了麻辣受不了時飲這個辣意即消. 火煱的爐具分3格是第一次見, 相同是要跟廠家特別訂造的了. 看到店員拿著火過來時, 便立時明白店員的"焱"意思正是三重火煱. 店員送上來的火煱開始時只有麻辣及人蔘藥膳鍋於兩邊, 隨即將蜆螺蔥等材料放入, 再加上清酒點火, 酒香四溢, 乘著酒香煮3數分鐘便先嚐嚐煮蜆, 蜆雖不大隻但新鮮. 新鮮即炸的響鈴, 但拿起後底層沒有多餘油份, 放進去麻辣湯底1,2秒, 稍稍吸起麻辣的湯底吃起來半脆半軟, 口感刺激. 手打安格斯香辣牛丸: 牛肉現打, 肉質彈牙, 內裡包著辣味的饀料, 不用沾醬吃亦可.太極蟹子海鮮軍艦: 這款沒有吃到.三層樓墨魚磚 : 每層肉質皆彈牙, 但綠色的部份灼熟後容易分離. 牛肝菌黑松露餃子: 餃子的外皮厚身而肉質紮實, 放於火煱內灼亦未有一件散開, 適合的火煱材料. 吃起來不太感覺到黑松露的香味但牛肝菌豐富了肉的味道.蔬菜籃裡有唐生菜, 娃娃菜, 新鮮爽脆, 份量可以. 海鮮拼盤裡頭我只嚐了海蝦, 蟶子, 脆鯇. 海蝦偏細隻一點, 但鮮味. 蟶子肉爽有鮮味, 非常好吃. 但最愛反而是脆鯇, 沒絲毫泥味, 而且我吃的一塊切得方形厚身, 正正享受著脆鯇的爽脆肉質.蝦膠肉混入蝦虸, 質感上較平常打邊爐的蝦滑較實淨, 整條放入去灼時, 2條有1條不小心灼過火了一點但蝦肉仍彈牙鮮味. 肥牛的質量比想像中好得多, 油脂分佈漂亮, 由於這晚有6人的關係, 碟上的份量較多, 每人實際能分3,4片. 但這個份量足夠每個湯底都試一試. 放於清湯吃出來的牛油感覺較濃厚, 但放於麻辣湯底肉味仍然濃. 封門柳是第一次聽, 問了店員說是牛的橫膈膜下的一塊肉, 據說每隻牛只有兩條, 所以坊間不常看到. 灼出來的肉質較肥牛略鮮甜, 肉味更濃重但油脂較少. 吃至尾段已極飽, 只好著店員不用上甜品的木糠布丁, 留待下次再來嚐嚐. 埋單由朋友負責沒有看到單子, 但朋友爽快的收$350/位, 以價格對比質數, 相對來說很抵吃又高質量.翻食指數: 85分.  於油麻地站步行2分鐘便到, 新店的顧客較少坐得舒適服務亦好, 短時間內會再來.(此指數平衡店舖交通, 味道, 環境, 價格... 等等, 個人作出的評價.)…查看更多