BYOB Coffee Roaster

職員靚仔，服務好，食物對得住價錢，沖咖啡的姐姐好手勢，mocha 圖案有狗仔同海馬，意粉有喺高蟹肉意粉，同北海道帆立貝明太子意粉，較好食，餐廳氛圍舒服，這個牛油果華道夫沙律，好易入口，靚仔廚師，好似謝霆鋒，第二個好似陳奕迅，有兩位實習職員，服務好，服務周到，餐廳不會話很多人，大多數時間入嚟都有位坐，多謝各位…查看更多

喺屯門返工一定會去虹橋覓食今次就同同事嚟食呢間BYOB係工業風嘅cafe 餐廳幾寬敞 Lunch time唔算多人 Lunch time 食意粉為主我嗌咗個卡邦尼意粉賣相幾好 好足料 大大隻蛋好打卡able忌廉汁都幾多 好creamy不過我略嫌少少淡 之後試吓撈埋蛋汁 即刻香濃好多整體嚟講卡邦尼唔算超好食 但算係中上啦環境幾舒服 幾啱打卡價錢就正常cafe價啦 大西北嚟講有少少貴聽講佢哋嘅墨魚汁意粉、明太子意粉同鹹豬手質素唔錯下次有機會可以試吓…查看更多

是日午餐虹橋 Byob Coffee Roaster,大蝦意粉蒜蓉芝士重好味，卡邦尼反而有d失色唔夠濃香好淡口，環境算好坐不過一定要坐門口附近，今日坐入面就大鑊，open kitchen 抽氣唔掂，一有用爐嘅單就會開抽氣，成間舖頭好嘈而且抽氣唔夠力坐入面會一身油煙味，仲要開抽氣就變成無冷氣，食到出汗😅坐位，環境，服務都唔錯嘅，廚房同冷氣設備成最大敗筆，下次可以其他時間再試＊不過啱啱知道屋企附近原來有分店，下次可以去就近嗰間…查看更多

屯門紅橋出名多好嘢食，週末放假梗係要去慢活下啦😌工業風cafe環境幾闊落，我哋下晝4點幾去食tea，等咗一陣就有位🤩餐廳係半自助式，自己喺收銀處落完單就可以返位坐，店員會送嘢食上嚟，而餐具同水就自己拎~卡邦尼意粉($68)忌廉汁幾多，撈埋蛋汁🥚更加香濃，好creamy，意粉同餸(蘑菇同煙肉🥓)嘅份量都多，呢個價錢性價比好高，推薦🤤～焗黑松露芝士薯角($48，星期六/日及假日限定)開頭以為係小食，點知個份量大到直頭可以當主食😂薯角嘅份量差唔多有成一個半薯仔🥔咁多，新鮮焗起好香脆，黑松露醬好香濃，好惹味😋一次過食咁多澱粉質感覺好邪惡😛飽到晚飯都唔使食🤣環境﹕6.8/10抵食﹕7/10味道﹕7.5/10…查看更多

咁啱約咗朋友去屯門食嘢 因為去唔到原定想去嘅餐廳 就望下附近有咩食最後行咗入嚟食pasta，餐廳入面空間幾大，門口有一排凳比客人等位 去收銀個邊叫完嘢食店員再送去你坐嘅枱食物上到嚟有驚喜Pasta賣相幾好同埋好足料朋友就叫咗其他pasta, 佢地都話好味不過我就無影到相我哋坐喺入面都傾咗好耐計，可能因為係非繁忙時間，店員完全無趕人走，亦都無趕住收走枱面啲野，可以慢慢坐整體嚟講，味道好同環境舒適好適合幾個朋友聚餐嘅cafe…查看更多

屯門虹橋的一間咖啡小店，名為BYOB，意即be your own barista，相信呢到一定有杯啱你心水嘅咖啡☕️之前嚟過幾次，無論手沖同奶啡都好好飲，好有誠意，愛啡之人可以一試！今次午餐點咗北海道帆立貝明太子意粉，卡邦尼意粉，熱朱古力。北海道帆立貝明太子意粉有兩粒大大粒帆立貝，表面煎得香脆，帆立貝裡面仲係好嫩滑，明太子亦都有好多，充滿成個意粉，意粉口味好豐富。卡邦尼意粉配菜有煙肉、洋蔥、蘑菇、上菜時隻蛋仲係流心架😍，卡邦尼汁好濃稠，淡淡滋味，誠意十足。另外，都好想同老闆平反下。見到有好多人都話老闆講嘢大聲，態度唔好。其實老闆外冷內熱，只要佢得閒，佢都好樂意同客人傾偈，見到佢全神貫注沖咖啡，就知佢係好認真對待每件事。老闆亦有貼張告示話畀大家知佢係因為腦瘤而導致一邊耳仔聽唔到野，所以有陣時講嘢大聲咗啲，大家唔好怪佢喇。…查看更多

個日去到已經有人龍排緊隊 等咗大概15分鐘左右就入得啦 入到去係自己出去嗌野食 本身諗住戒咖啡 點知見到枱枱都嗌咗 忍唔住要飲返杯🤪👉🏻卡邦尼意粉 $68👉🏻北海道帆立貝明太子意粉 $98其實兩碟分量都好多 兩款我都食咗 個人比較喜歡明太子意粉 海量嘅明太子 再配埋大大粒帆立貝 味道比卡邦尼更豐富👉🏻Mocha Baileys $45Baileys味好重 我個人中意齋啡 但對住酒 忍唔住 勝cold brew一籌👉🏻Cold Brew $50見到個樽仔 好有睇西片 d鬼佬飲酒嘅feel😆好特別 唔知有無得拎走 但我就無拎😂😂…查看更多

:)平日番工番到攰，星期六日一定要訓番夠本，雖然晏咗起身，但第一餐點都唔可以求其，就搵咗間Cafe 諗住relax一下，食番個brunch。依間位於紅橋既cafe，以灰黑色為主調，灰色既水泥牆，黑色既（門？牆？）框，配埋啲射燈，設計都幾時尚，但唔知係咪樓底問題，有時覺得佢回音幾大，隔離枱人大聲少少講嘢都會覺得好嘈咁。餐廳係半自助嘅形式，要自已去cashier叫咗嘢食，同拎餐具先，嘢食煮好咗，就會送到你面前架啦。叫咗個卡邦尼意粉，份量適中，亦都好Creamy，$68都算可以接受。另外仲叫咗杯Cappuccino，都係正正常常咗啦，但佢用咗我鐘意既黃色杯，成件事額外再加咗分。…查看更多

屯門紅橋近幾年開左好多有特色既café，間間都試過，今次輪到寫下呢間BYOB CAFÉ。呢間CAFÉ已經係黎左第二次架啦，第一次係下午茶時段，個時呢間CAFÉ開左無耐，人流唔算好多，兩個女仔叫左壺茶飲左一個下午都無比人趕走，店員仲比我地揀杯，好NICE。今次去既時候係晚餐時段，明顯人流已經比之前多左好多，但係都唔使等搵到位坐。卡邦尼意粉 ($68)卡邦尼汁唔算多，但吸曬落意粉入面，好入味，仲有溫泉蛋撈埋黎食，十級享受。墨魚汁海鮮意粉 ($88)未見過墨魚汁意粉個汁會黑到咁，證明真係入曬味，食到成個口都係黑色好滿足，配料都係好出色，滿分！感覺到老闆對煮既野食有要求，好有誠意，呢個價錢食到呢個質素真係無野可以彈。聽人講過老闆份人好惡，成日會鬧人，但我又唔係好覺，可能只係COOL啫。…查看更多

星期六下午係屋企附近搵食紅橋近年開左好多食店茶記 小食 酒樓 小菜 泰式 日式 西式 咩都有今日就試試呢間西式cafe 啦店內裝修簡潔有d 文青feel幾個女仔黎食tea 影相吹水係唔錯既選擇可能以紅橋黎講價錢唔算平不過計埋環境同食物我覺得都ok 既！不過如果lunch hour 有lunch set 就更好啦平時最愛凱撒沙津呢度都冇令我失望雞胸肉冇乜脂肪夠晒健康而且煮得唔硬，完全唔鞋好淋，好好味醬汁又唔會太咸幾好未食已經聞到好香黑松露香味岩岩煮好拎過黎，熱辣辣超正呀黑松露嗅覺上贏，卡邦尼就味覺上贏兩款我都好鍾意…查看更多

2點鐘左右去到大概7-8成滿 但大部份都食緊基本就係自己搵位,去收銀落order比錢 講坐邊 自己拎水拎餐具店員就會拎野食比你野食野飲散叫, 岩哂D唔喜歡飲除左水以外既人落完ORDER 15分鐘左右就有得食一行四人叫左黑松露芝士焗薯,煙三文魚沙津,卡邦尼意粉,大蝦寬條麵,墨魚汁海鮮意粉另外加咖啡就每杯減5蚊以西餐既份量黎講..依間真係幾大份下,一個人一份係絕對夠先講墨魚汁海鮮意粉2隻蝦,1舊青口.2舊魚柳,2圈魷魚個蝦係醃得非常好食,而且爽口 真係要比幾個like但魷魚相對之下就係無味既 係真係無味 好似用清水盪完咁魚柳同青口就不過不失 比起蝦係失色既意粉有嚼口唔會太淋身,蒜味重, 喜歡食蒜既人會好開心食到尾就會見到有唔少橄欖油係底, 個人覺得係略為落得太多油煙三文魚沙津份量都係BIG SIZE, 但唔知係咪因為要慢慢砌個花出黎 結果仲遲過意粉同焗薯上表面落左黑醋 唔會太酸亦唔會太少無味 睇圖都見到佢有5款以上蔬菜而且好新鮮 用料認真黑松露味濃,芝士香,份量唔細,多人食既話可以一人幾舊,人少就唔建議叫因為都幾"漏"下其他兩個意粉就冇咩特別 整體黎講 係每樣食物都係咸左少少, 要叫個沙津中和番會比較好如果餐廳可以提供多D選擇就好 始終你望個餐牌都唔算太多野食…查看更多

BYOB，令的想起N年前政府提倡市民自備購物袋的宣傳廣告。石屎灰色主調，木桌椅，簡潔寬敞的工業風。食物選擇不多，就十款以內，到櫃台order時能看到店員用小小的電爐炒著意粉，很家庭式。價錢不算使宜，六七十一個意粉，沒有餐，加上咖啡要上百元(買意粉飲品可減$5)。味道也沒有很突出，意粉不夠彈牙，沒有煙肉香。拍過些飲食節目，黑松露其實沒有什麼味道，香氣主要是來自白松露油，但看master chef，Gordon Ramsay及Joseph Bastianic都說市面買到的白松露油都只是化學物質，他們極之討厭。這裡也是食開那樣似是而非的黑松露味。…查看更多

等章魚燒時在附近行逛，發現這家新張不久的BYOB Coffee Roaster cafe。 門面比較平凡，雖然店很大，但不太起眼。如果門口擺番個大餐牌，應該更多人留意得到。門口寫著意粉只在晚上供應，就找個夜晚來試。 Cafe空間寬敞，燈光柔和，非常舒適。閒時點杯咖啡，打發時間蠻寫意。 很喜歡這個掛滿茶杯的裝飾，讓我想起白川鄉的「浪人cafe」～ 好想再去一次呢！ 種類不多，除了咖啡，就是意粉和沙律。 落單流程寫得清楚，讓食客不會糊裡糊塗。 cafe有聽障人士店員。體驗社會共融，值得一讚！ 大蝦闊條麵 $78 大蝦以蒜香輕煎，再灑點香草，爽口、惹味。意粉口感蠻煙韌，軟硬還算適中，份量也合理。 卡邦尼意粉 $68 Carbonara賣相也不錯，但意粉creamy度一般，口感偏爽。惟一喜歡就是蘑菇夠爽脆。 Cappuccino $32 來到cafe，咖啡當然才是重點。原價$32，跟意粉點餐減$5，只需$27。老實說，這個拉花不算出色，面頭泡沫也不夠細滑，而且咖啡不夠香濃。Latte $32 Latte的拉花更加不堪入目⋯⋯而且杯邊還有咖啡漬⋯⋯ 過不了心理關口，還是換過杯新吧。 店員很好，說了聲不好意思之後，很快便換了另一杯。但Latte變了Cappucinno⋯⋯ 不要緊，但拉花仍須努力⋯⋯ 餐廳資料： BYOB Coffee Roaster 地址: 屯門青桃徑5號文翔大廈地下2A號舖 電話: 23001163…查看更多