泰濃麵 (樂道)

營業中

休息中

Boxing Day同朋友聚會，影完靚相有啲肚餓，係樂道經過依間泰國餐廳，我叫左一碗卜卜蜆船湯麵配金邊粉，另外加多杯熱柚子蜜。碗麵都好有份量，每粒蜆大大隻好有肉，個船湯底都好濃味，食完好暖胃同滿足，依間係我其中一間會再黎食既船麵餐廳，價錢我個人覺得尚算合理，有機會要再帶朋友黎一齊食先得。

船麵係我食泰菜既favorite，香港食船麵既地方唔多，餐廳位於尖沙咀，地點比較方便。湯底有得揀船湯，冬陰功，清湯，配料有多款選擇，有別於一般傳統只有豬牛雞，仲有卜卜蜆、廣島蠔同龍蝦揀添！簡直係高級版既船麵。我今次叫左卜卜蜆船湯金邊粉，船湯味道十分正宗，同在泰國食既一樣，好濃味，卜卜蜆鮮甜大隻，有6隻咁多，整碗份量都好足夠，男仔食都夠飽，小食叫左蝦餅，冬甩形狀，即叫即炸，熱辣辣，外脆內軟，好好食！下次要試埋個冬陰功湯底。

喺尖沙咀整完指甲已經好夜，第二日要返工急急忙忙就食碗麵就算啦，行過見到呢間全面裝修非常企理就入去試吓🛶卜卜蜆船麵平時食嘅多數只係用沙白就叫自己係卜卜蜆見到呢碗粒粒蜆肉大大粒就知好味道船麵湯底น้ำตก 十分濃郁， 融合不同香料嘅味道，河粉吸收湯汁精華，每一啖都非常精彩🛶頂級美國肥牛船麵肥牛相當唔錯！呢碗揀左最傳統嘅金邊粉，冬蔭功味道唔會太濃，又沒有好稠，食都成碗都唔膩🌟🐖曾經有一次去西貢食炸腩仔，不過呢一種食法都幾好食，比起成日食嘅豬頸肉，更加有風味！豬皮渣滓脆卜卜，肉質外脆內軟有少少煙韌嘅口感，蘸上特色醬汁更有風味！平時嘅船麵細細碗，呢度嘅份量頗多絕對食得飽～其實呢晚最想食係海南雞，可惜已經賣晒，相信應該幾好食，下次一定會試食雞！🐓