御將燒 (雙子匯1期)

作為一年先去得一次旅行嘅社畜，年頭去完東京，食左文字燒先發現原來我哋一家都更中意大阪燒。所以今日出到啟德就即管試下呢間賣廣島燒同大阪燒嘅御好燒餐廳。午市套餐叫左一個廣島燒套餐同大阪燒套餐廣島燒套餐跟日式沙律，正常。大阪燒套餐跟兩件南蠻炸雞，醬汁同南蠻沙律醬都係偏正宗多於港式，炸雞本體都熱辣辣多汁，有驚喜。醬汁對味，新鮮整起都幾好食。但材料就只有蔬，以呢個價錢唔太相宜，但起啟德呢個地段又唔怪得佢。廣島燒無大阪燒咁好食。但頂下癮都唔錯嘅。…查看更多

喺啟德睇show 之前，嚟到旁邊嘅雙子匯先食餐好。見到OKOSTA主打大阪燒，入到去即刻俾鐵板「滋滋」聲同埋醬油香𠱁到流口水！日籍師傅頭綁「鉢卷」，手執兩把鐵鏟喺開放廚房玩雜技，估唔到依度又有一場show 可以睇。🥞大阪燒師傅將椰菜絲、魷魚粒撈粉漿倒落鐵板，「嚓——」一聲白煙衝天！睇住佢反手𠝹開半熟蛋，蛋漿好似熔金咁浸透成個餅底。咬落去外層脆卜卜，內裡又保持濕潤，秘製燒醬甜中帶鹹，口感味道一流。🍗南蠻炸雞炸雞上枱仲噴緊煙，咬一口肉汁好似噴泉咁標出嚟！暗黑食法：拎塊炸雞點大阪燒嘅燒醬，會有另一番風味。🐟 鰻魚定食呢度嘅鰻魚飯唔係普通貨色，鰻魚皮燒到似玻璃紙咁脆，而且鰻魚蓋飯的特色是可以保持熱度，熱熱的食落去，鰻魚味加倍滲出。 🍨甜品（雪糕）：最後加個朱古力雪糕，非常完美。嚟啟德睇show前，可以嚟OKOSTA 又食又「睇」先！…查看更多

我發現啟德真係有好多靚餐廳，尤其呢間日本過江龍「御將燒 OKOSTA」，餐廳環境勁寬敞，超大玻璃景觀好開陽，今次好好彩坐到Bar枱，可以近距離睇住日籍主廚整大阪燒🤭叫咗個二人餐，只係四百零蚊就食到正宗大阪燒，未食已經期望好高！南蠻炸雞好好食嘅炸雞，炸得香脆而入面嘅肉仍然好juicy，勁鍾意淋喺上面嘅特調沙律醬，不過份量偏少，有啲唔夠喉😅芝士泡菜豚半燒一塊塊豚肉加上大量泡菜，食嘅時候酸酸辣辣，面頭放上大量木魚所以味道好濃郁！海鮮廣島燒今日就係為咗佢而嚟啦！真係好鍾意食廣島燒入面嘅炒麵！廣島燒上面擺放蝦、魚肉等海鮮，入面嘅炒麵保持煙韌度，廣島燒雖然有大量醬汁，但係都仲食到濃濃嘅蛋味，感覺同日本食嘅一樣咁好味😘澳洲黑安格斯和牛柳平時鐵板燒如果食牛柳價錢唔平㗎，估唔到而家二人餐都可以試到！建議大家加埋蒜片食，味道更昇華🥳…查看更多

啱啱去完啟德SOGO樓上嘅「御將燒」可惜咁啱見唔到傳說中嘅日籍師傅但場內嘅食物香氣已經吸引到我坐吧枱位睇師傅「片」廣島燒層層疊椰菜、豚肉、炒麵翻轉表演👏 係幾有feel嘅落地玻璃望到成個啟德夜景暗黃燈光加木系枱凳有一刻感覺自己真係去咗日本咁樣有旅行feel✈️ 叫咗現代燒係「廣島燒2.0」底層脆麵餅夾住流心蛋同秘製燒汁即刻睇住師傅整，感覺都幾好歐姆蛋包麵蛋滑包住炒麵豚肉焦香仲有啲脆邊邪惡 停唔到口啊 鍾意重口味嘅，千祈唔好放過南蠻炸雞真係驚喜架咬開肉汁爆出唔算太熱 唔會燙口師傅話原來佢哋嘅做法係將冰凍嘅炸雞炸落熱油度$88有5件性價比都高…查看更多