三小姐海鮮小菜

因為明星效應的關係，所以我先黎呢度食野。夠竟它是名副其實還是名過於實呢？咸旦時菜肉片湯湯係好清甜的，而且用料十足，用湯渣送飯都夠食的感覺. 裡面有菇，有菜，有肉片，豆腐⋯用料係幾新鮮既，菜沒煲到過腍，保持到爽口的感覺. 最意想不到的就係當中的肉片，超級爽口彈牙，於是我狂食左幾舊. 黃金蝦顏色唔錯，咸蛋黃包圍住, 味道也很好. 可惜蝦殼沒有好好的剪下，有啲尖刺位還留著，食的時候要小心啲。蝦肉入味的程度差少少，不還算過得去。海鮮雜菜煲這個煲都係十分足料，菜同菇佔大部分，而唔係粉絲。千島骨千島骨故知然就係沙拉骨啲朋友，同千島醬炒肉排，比用普通沙律醬更為香. 夾咗一個落碗，啲千島醬嘅氣味已經攻上鼻，從而佔領了整個鼻腔. 肉質是腍，炸的火喉也恰到好處. 酥炸鮮魷用料新鮮，而且炸得好脆口，係最快清哂的一碟。P.s. 小編在走之時還見到黃翊呢。…查看更多

黎到大埔既熟食市場，小編既打冷首選一定系呢間三小姐海鮮小菜。究竟三小姐有幾西利？佢既店位系佔左熟食市場既三份一位置，仲要成日黎到都見佢爆場咁制。睇下下圖幾多人就知啦Σ（ﾟдﾟlll）黎到食物方面啦，第一碟介紹既系 脆皮炸大腸(hkd$78) 。三小姐招牌菜之一，即叫即炸，色、香、味俱全。雖然有菠蘿氈底，但份量都吾少架，值得一試(=ﾟωﾟ)ﾉ第二碟介紹既系 千島骨(hkd$78) 數件排骨沾上滿滿的秘製千島醬，送飯一流！第三碟介紹既系 魚香海鮮燒豆腐煲(hkd$88) 呢碟純粹系小編鐘意食燒豆腐、海鮮，所以先點！無乜特別之處，普普通通，吾系太入味，過得去啦！(˶‾᷄ ⁻̫ ‾᷅˵)最後要介紹既系 籠仔糯米蒸蟹(hkd$128) 用蒸既方法將蟹既鮮甜味完全滲透落糯米之中，單憑香味已經令小編垂涎三尺，食落真系幸福至極呀！黎呢到必叫，雖然系有少少貴，但試一次都好吖，極力推介٩(˃̶͈̀௰˂̶͈́)و…查看更多

住大埔gei同事話響大埔做野點可以唔使三小姐,結果我地成班人1個鐘頭晚飯都要趕出去食~由於一行都有成8個人所以我地都叫左唔少野,首先地膽話一定要食蝦醬豬頸肉陳村粉梗係order左先~呢個陳村粉零零舍舍用蒸籠上,好特別,食落就知道用蒸籠可以鎖住D水份湯汁,真係每一口都係熱辣辣~~以為蝦醬會好濃味,結果呢個陳村粉都幾清,豬頸肉索左D蝦醬所以好香,佢又唔會太難咬,蒸得剛剛好~而陳村粉因為有荷葉襯底,所以入口有陣陣荷葉香,仲有微辣,加上滑溜口感,真係好特別!之後我地就叫左一大堆香口野~~好似椒鹽蝦碌佢D蝦真係好大條,啖啖肉,好惹味,不過美中不足就係D肉略嫌粉左D,新鮮度不足椒鹽豆腐就正啦~~一上檯已經好香~上面D碎碎先係精華所在,豆腐炸得剛剛好,出面好脆,裡面D豆腐仲係好滑~一口size方便我地極速掃食~椒鹽鮮魷好大舊~好彈牙,而且鮮味好重~每次食小菜我都會食金沙骨,今次我就試佢D朋友-千島骨,佢真係全部都係骨,所以食到的肉唔算多,不過換成千島汁之後甜度提升左,感覺無咁肥膩都幾正~~至於金菇肥牛煲真係抵食,分量非常多,而且有好多金菇同肥牛~不過肥牛未夠入味,粉絲都比較碎.大家要食菜的話.一定要叫金銀蛋上湯浸時蔬~~D菜索晒湯汁好好味又新鮮~~皮蛋又好彈牙,我一個人都食晒成碟=0= 我地仲叫左呢個青瓜炒藕片,呢個都唔錯,但前者好食D囉~~雖然7點幾食好多人但呢個時候D野食最新鮮熱辣!…查看更多

踩完單車都在大埔覓食，朋友帶路去大埔墟街市食晚飯。原本想要聖子，但好早已經賣哂，所以改要蒜蓉粉絲蒸扇貝（4隻）$160，帶子新鮮好嫩好彈牙，而且蒸的時間剛好，粉絲吸哂海鮮精華同蒜蓉，又鮮味又香。千島骨，炸衣不太厚，剛好掛到千島醬，味道不錯，只係千島醬太易膩，食兩件就開始飽，肉排都鬆軟好咬，筋位多左少少。海鮮什菜煲看似好淡味，其實頗喜歡呢個煮法，不油夠清的什菜煲，有菜芯、西蘭花、白菜等等，不會煮到好爛熟，反而保留蔬菜爽口，金菇及粉絲吸哂海鮮湯汁好好味。但海鮮只有鮮魷同1-2隻蝦，海鮮份量較少。點可以無啤酒，大支又夠冰凍，我地仲飲左兩大支，爽呀。…查看更多

去好友屋企玩左成日係時候開飯o勒!!...今晚朋友仔帶我地去大埔墟街市哩間<三小姐>, 聽聞話身邊各界友好都品評過話好味道, 值得一試…周六7點鐘喎…必定人山人海啦!!...又8人以上先接受訂座喎…我地又未夠數, 唯有快快"打的"去踫踫運氣, 睇下有冇著落啦?!!晚上…座落嚮寂靜街市上層一角o既數戶熟食檔…正忙忙碌碌咁招呼緊各路街坊食客…好不熱鬧!!...埋去就見到當年曾發過歌星夢o既小子黃奕…今日貴為食店老闆之一, 添左分成熟, 多左份江湖味…滿有撞勁拼勁落力打理生意o既模樣反倒值得欣賞呢!:)…我地又真夠走運耶!!...即時被安排入座最後一張吉檯啊!!...後隨已見人龍乍現…最長時有10多20人呢…大排檔格局, 講環境當然係著重風味…但入左現代化有冷氣o既室內街市, 就吾駛吹牛角扇汗流浹背啦!!...而食物都係鑊氣十足o既惹味小炒, 煲仔菜同香口煎炸類為多…魚蝦蟹貝亦吾少得!!...只一頁過膠餐牌, 但選擇已多到想吾定要乜好咁!!...哈!!...最後五人叫5樣…決定同現今飲食主意大反其道而行, 實行高卡高脂高盬低纖抗綠啊~~炸豬大腸…難得個個友好肯奉陪到底!!:)...自細連食牛雜都最鍾意係食大腸!!...其獨特口味同質感經常叫人回味!!...最緊要清理得宜, 炸得脆口, 哩度兩樣都做好, 而且可保持內面潤嫰吾會炸過頭乾晒, 係不俗呀!!芝士焗大蝦配伊麵底…全晚最貴哩度菜都只80多元, 足有5隻大蝦剛一人一隻喎!!嘻…大蝦新鮮有膏香添…芝士汁夠晒多但奶味重過芝味…係偏咸左D啦但OK架!!蒜泥蒸扇貝…例牌一客4件, 可加錢添件數…厚肉鮮甜, 配埋粉絲蔥油, 讚啊~:)千島骨…賣相就差D…不過吾影嚮佢味道, 屬多肉少骨, 泡炸過o既肉排脂香嫰口又醃得入味, 配超濃千島醬汁微微帶酸, 滋味十足但真係肥爆架!! 哈!!椒盬九肚魚…九肚魚要炸得好真係要D功夫!! 好香脆內滑, 而且外皮一點都吾油膩…熱到燙口, 好惹味啊…應該要黎送啤酒最佳啊!!嚮度用餐, 除左平靚正…仲要係快o羅…坐多陣都怕阻人做生意呀~~有機會再來混混都吾錯!!...連大支青島啤+汔水…全餐$328……查看更多