樂鐵板燒

有次睇節目見海膽達人design左啲創意料理 賣相好靚勁吸引 以花旗蔘茶加青檸招待 非常有誠意🤩❣️火焰海膽甲羅燒原隻鴛鴦海膽活龍蝦廚師發辦 $1680🥢季節前菜便當盒勁精美嘅便當盒 放左磯煮鮑魚 日本柚子醬沙葛 明太子薯仔🥔沙律 大定櫻花蝦玉子🥚燒🥢季節沙律 - 日本青森縣王林蘋果蟹籽沙律🥢火焰海膽甲羅燒呢個真係勁浮誇 上面啲海膽成座山咁樂師傅仲一直堆 用火焰🔥形式登場非常吸睛 以薯片為器皿 蟹膏蟹籽海膽洋蔥粒加上脆卜卜薯片 口感食極唔厭🥢活龍蝦兩食(海膽醬芝士焗、海膽牛油蝦頭膏煮）一隻龍蝦分開兩種食法 加左海膽醬個邊濃郁入味 另一邊🦞龍蝦粒用左蝦頭膏牛油一齊煮 以墨魚汁意粉作麵底 拌麵形式更充分感受龍蝦香氣🥢香煎鵝肝配山芋餅慢煮鵝肝包裹住星鰻魚塊 多汁嘅外層軟綿綿嘅內心 面頭淋上黑醋 酸酸甜甜解濟 而中間放咗🫐連埋山芋餅夾住食 好似食緊夾心餅咁正🥢東星斑配焦糖西京醬嫩滑嘅魚肉撘上香甜嘅焦糖醬 呢個配搭好創新🤩脆片彷似魚皮 造型配搭非常吸引🥢五色燒野菜🥢特色紙包花膠蜆湯足料湯水 花膠腍身湯底清甜 唔會話油脂過重難入口🤓🥢蘭王椰菜花炒飯🥢焦糖多士🥢海膽雪糕用心自家製海膽造型勁cute 鹹鹹地有啲似海鹽味 混合蛋糕粒面頭放咗爆炸糖😍包埋紫蘇葉更突出雪糕鹹香❣️十八層海膽杯 A5和牛廚師發辦 $1680🥢季節前菜便當盒🥢季節沙律 - 日本青森縣王林蘋果蟹籽沙律挖空🍎再將蘋果肉切粒撈埋蟹籽沙律 無平時啖啖沙律醬嗰種油膩感 爽口果肉令整體更清新🥢十八層海膽杯杯內塞滿吞拿魚蓉 蟹籽 海帶 鮑魚粒 蟹肉 海膽 topping都放左一堆海膽😌混合後放於白飯魚乾片上 超級滿足🥢櫻花蝦北海道元貝用左蝦米 牛油 檸檬汁 蟹籽煮嘅元貝肉 每一啖都沾滿櫻花蝦🦐鹹香加上檸檬汁嘅fresh都幾開胃🥢鮑魚繪若西檸乾醬充滿檸檬香但鹹鹹地嘅醬汁同鮑片一齊煮 酸味味食極唔夠🙀🥢岩手縣威士忌A5和牛軟腍和牛肉醃得好入味 旁邊放左紅酒醃製嘅蘋果粒🤤牛肉多汁同解油膩嘅果肉相當match 🥢荔枝豚肉卷平時唔係好好荔枝嘅我 呢個竟然意外地覺得好食😋鐵板溫度將荔枝果汁迫晒出嚟 豬肉吸收變得十分juicy🥢五色燒野菜茄子 甜薯 南瓜 微辣嘅蘆筍 車厘茄做成車厘子做型好cute😙仲有一口棉花糖唔會太漏🥢特色紙包花膠蜆湯🥢蘭王椰菜花炒飯蘭王雞蛋🥚炒椰菜花飯 啱晒而家要減醣嘅都市人 用上雞蛋豉油 提升蛋味香氣 令香濃更香濃🥢焦糖多士🥢海膽雪糕…查看更多

樂鐵板燒之前已經有食過、但見佢依排好評如潮😎又心思思想去試多次喇😆😆😆佢地主打兩個套餐、咁我同女神梗係各揀一個喇🤤季節前菜用和風盛盒盛載住嘅四款前菜、有明太子薯仔沙律、磯煮鮑魚、日本沙葛同櫻花蝦玉子燒👍🏻最推介日本沙葛👏🏻柚子汁醃製得剛剛好🤤口感爽甜👍🏻啱晒夏天食👏🏻日本王林蘋果蟹子沙律用上王林蘋果就知一定夠爽甜👍🏻加上沙律醬就更加開胃😌配搭見心思、但如果可以雪凍D再上枱、一定更加出色👍🏻十八層海膽杯依個海膽杯唔使多講、一直都係樂師傅嘅鎮店之作🤤冇見一排、材料比之前用得更見豐富☺️除左鋪滿杯面嘅海膽山🥰、仲用左海葡萄、吞拿魚、芒果、蟹肉、墨魚、海帶等等嘅材料一層層咁砌成👍🏻樂師傅今次仲親教路新食法😱首先用香煎白飯魚脆片配海膽食🤤直接品嚐海膽嘅濃厚鮮甜同白飯魚脆片嘅香脆感🤤再用碟將其餘食材撈勻嚟食😏經過各食材嚟豐富口感後、更易帶出海膽嘅厚實鮮甜👍🏻👍🏻👍🏻絕對誠意推介😎👏🏻👏🏻澳洲活龍蝦兩食海膽芝士焗龍蝦🤤秘製嘅芝士海膽醬味道香濃👍🏻芝士仲多到可以拉絲、配埋肉厚結實嘅龍蝦肉🤤爽度爆燈👏🏻👏🏻海膽牛油蝦膏煮竹炭烏冬🤤個人更欣賞用龍蝦頭嘅膏即場製成嘅海膽醬😱令本身鮮甜嘅龍蝦肉、加上一層濃口嘅甘香🤤最後仲可配埋竹炭烏冬嚟食👍🏻烏冬掛汁、係非常細心嘅做法😊火焰海膽甲羅燒樂師父上菜時已經提醒影相時間到😎因為會用火槍將包圍住嘅紙燒走😱打卡一流👍🏻松葉蟹肉肉質鮮甜、加上濃香嘅蟹膏、甘香鮮甜嘅海膽同粒粒飽滿嘅三文魚籽撈好後、可以配搭自家製嘅黑松露薯片嚟食🤤松露嘅獨特香氣可令到鮮味更加突出🤗絕對又睇得又食得😎女神當晚最欣賞就係佢😏👍🏻日本活鮑魚配西檸肝醬鮑魚超級大隻😱但係肉質彈牙而不韌👍🏻樂師父仲即場處理鮑魚嘅肝臟製成西檸肝醬🥰甘甜中帶微酸、我個人十分欣賞👍🏻東星斑焦糖西京東星班配上焦糖西京汁、絕對創新嘅日式風味😌樂師傅更會將東星班起皮再煎成薄脆燒👍🏻每啖都充滿焦糖嘅甜蜜口感🤤柚子香煎廣島蠔廣島蠔夠肥美、柚子醬汁嘅清甜亦更容易帶出蠔嘅鮮香😊A5和牛叉燒配紅酒蘋果和牛油脂豐滿、加上樂師父用上叉燒嘅做法處理☺️令和牛外層焦脆、肉質依然油香滿滿🤤仲可按個人喜好配埋紅酒蘋果肉一齊食👍🏻係果肉襯托下更能突顯出A5級嘅和牛肉味👏🏻 慢煮羊架先將羊架慢煮後、同樣在再用上叉燒醬汁烤製、外皮甜蜜脆口、肉質又非常嫩滑🤤仲帶有羊肉嘅香羶味、一個幾特別嘅羊架新做法👌🏻👍🏻椰菜花蘭王蛋炒飯飯炒得夠乾身👍🏻椰菜花粒又可增加爽口感😊最後撈埋蘭王蛋嚟食、蛋香更濃👍🏻👍🏻海膽雪糕海膽雪糕加上爆炸糖又好好食喎😱不過樂師父仲教路話雪糕係要連埋紫蘇葉一齊食😂個種特別嘅清新口感真係唔識形容👍🏻🤤問心講、今次隔咗一段時間再嚟樂師傅、食材配搭同創意都有更大驚喜👍🏻雖然價錢較偏向高中檔🙉但以整體嘅食物質素同份量絕對物超所值👌🏻起碼我同女神真係飽到咩咁走😂如果係海膽控🤤又或想一試創新風格嘅鐵板料理，樂鐵板燒係值得一試嘅好選擇👍🏻👍🏻👍🏻…查看更多

身為樂師傅海膽料理的粉絲，從中環一直跟著到佐敦主廚以鐵板燒創作料理聞名，於席前炮製菜式，近距離與食客互動師傅實力不凡，手勢純熟且功架扎實，坐在吧 看就像在看表演有多款套餐供應，挑了一人前$1680的火焰海膽甲羅燒原隻鴛鴦海膽活龍蝦廚師發辦及十八層海膽杯A5和牛廚師發辦甫坐下店員便奉上花旗參青檸香茶 ，清香潤喉季節前菜四小品絕不馬虎，有薯蓉、玉子燒、磯煮鮑魚及香梨季節沙律為青森縣王林蘋果蟹籽沙律，果肉爽脆，清甜不酸十八層海膽杯有白飯魚脆片、沖繩海葡萄、黑魚子和上乘的北海道紫海膽，一層一層恰到好處活龍蝦兩食分別為海膽芝士焗及海膽牛油蝦膏煮竹炭烏冬，食材新鮮彈牙！兩款做法，帶來兩種體驗北海道時令海鮮乃火焰北寄貝，加上櫻花蝦及煙肉，更加惹味時令海鮮焦糖西京醬東星斑入口鮮滑而又細嫩，魚皮脆香另一時令海鮮鮑魚配西檸乾醬鮮上加鮮，更能減低油膩感，簡直是天作之合用餐途中師傅要求我們伸出拳頭，跟著便將海膽放上並建議我們一口吃下火焰海膽甲羅燒上菜時用師傅火槍燒走魔術紙，視覺效果一流！撈勻後放在薯片上吃，別有一番風味五色燒野菜有南瓜、車厘茄、甜薯、蘆筍和燒茄子，顏色豐富鐵板肉類蜜糖爆珠荔枝豚肉卷，肉香中滲出甘甜味香煎鵝肝配山芋餅超肥美，軟綿綿入口即溶慢煮了一日的沖繩縣A5特選石垣和牛叉燒融合廣東菜特色，外層焦脆，入口油脂甘香創作時令主食蘭王蛋炒飯將蛋煎至流心狀態，拌飯一流特色紙包花膠蜆湯用料豐富，保鮮紙鎖著材料的鮮味自家製甜品海膽雪糕加上爆炸糖一起食，十分有趣 …查看更多

【食材新鮮鮑羅萬有🦞卻食不出驚喜】📝整體食評兩人消費$3800，這個中高價位的餐廳，只能說食材真的很新鮮，食到好飽，卻沒有令我異常驚喜，或食到很滿足。源於選材和烹調方面，有點華而不實，下面再一一解說，只能說中規中矩，暫未有再到訪的念頭。餐廳有兩款餐牌提供，兩人去食的話建議揀選不同餐牌，可以share食，主要係主打菜式main有分別，前菜、sides食事吸物、甜品兩款餐牌均相同，兩款餐牌分別係【十八層海膽杯 A5和牛廚師發辦】$1688【火焰海膽甲羅燒原隻鴛鴦海膽活龍蝦】$1688【前菜】王林蘋果蟹籽沙律😋6/10王林蘋果係來自日本，亦有蘋果界國王的寓意，但王林蘋果不太甜亦不凍，而且一上枱會是滿心期待，王林蘋果始終較為遜色。【十八層海膽杯 A5和牛廚師發辦】十八層海膽杯 😋9/10十八層海膽杯係餐廳主打，算係比較有驚喜的食物。首先，海膽足料新鮮，食法係將海膽杯所有食物倒進碟中，攪拌後一同進食。海膽杯亦有其他海鮮，有鮑魚、魷魚、蟹肉、三文魚子，放入口有不同海鮮的鮮味，每款食物都帶來不同的口感。帆立貝元子燒 😋9.5/10這個算係最滿足一款食物。帆立貝肉質鮮甜，師傅特別的技巧令帆立貝長期坐熱，熱噴噴更美味可口，值得一讚。鰻魚 😋6/10鰻魚，我個人喜歡食原條美味的，但是次烹煮方法係煎到乾爽脆口，似薯片。本人並不太感興趣，可能係個人喜好方面。鮑魚配西檸乾醬 😋5.5/10鮑魚鮮甜，肉質爽口，但配上西檸醬，帶有青檸味，酸酸甜甜，感覺與鮑魚不太夾。和牛叉燒 😋6/10 和牛叉燒這款食物有點失望，不太清楚是和牛邊一個部位，但食落只係嚿靚叉燒，但未有柴灣新桂香咁好食，寧願食原塊和牛加點鹽反而更滿足，選材方面有點失望。【火焰海膽甲羅燒原隻鴛鴦海膽活龍蝦】甲羅燒配黑松露薯片😋7/10上甲羅燒前，師傅用魔術紙包裹碟旁，用火一燒，將甲羅燒呈現，好有心思。甲羅燒外，亦配上足料海膽和魚子醬，但將甲羅燒攪拌後，較難食出海膽味。反而黑松露薯片較特別，單食薯片食不出松露味，要配上甲羅燒先食到。芝士海膽龍蝦 😋7/10食材新鮮，龍蝦肉質爽口，海膽味雖然不太重，但有點破壞芝士龍蝦原汁原味，有點敗北位。海膽牛油煮龍蝦 😋6.5/10食材新鮮，但問題跟上面同樣，海膽牛油比較奇怪。我個人非常喜歡食海膽，但海膽配牛油沒有令食物昇華，反到帶來影響。香煎鵝肝山芋餅 😋7/10有鵝肝都算有誠意，鵝肝油配上山芋餅食都可口。荔枝肉片 😋6.5/10肉片肉質超肥美，荔枝感覺用作解膩，但荔枝凍食較吸引，荔枝暖暖地配上肉片不算太夾。【Sides】焦糖多士 😋7/10焦糖多士幾好食，基本上係放糖係麵包上再煎香佢，煎到熱噴噴加脆口，同平時BBQ差唔多。五色燒野菜 😋7/10五色野菜都算有心思，分別有燒南瓜、燒蕃茄仔、燒甜蕃薯和燒茄子，菜式上的顏色甚為豐富，這碟菜式不過不失。花膠硯湯 😋8/10花膠蜆湯都算唔錯，除了花膠和蜆外，亦有冬菇和海帶，足料鮮味十足。蘭王蛋炒飯 😋7.5/10餐廳設計都用心，食鐵板燒最忌係食咗陣風落肚，此時，我同另一伴已經好飽，所以都叫咗半飯。用蘭王蛋，食材方面不用質疑，炒飯粒粒分明，有點焦香感覺，不錯。【甜品 Dessert】海膽雪糕 😋3/10海膽雪糕係極差的配搭，即使係小如茶樓細蛋撻亦未能食曬。師傅太勇於創新，反而簡單買H字頭/M字頭使做雪糕球作甜品效果更好。柑桔茶 員工會不斷幫客人添加柑桔茶，主要用作解膩。…查看更多

最近見到好多朋友都介紹過這間鐵板燒，這個十八層海膽杯極度吸引，餐廳以小店經營，場內座位不多，所以我醒目早一個月已經開始預約，那就不怕到時候沒有位子了。進店的時候細心的店員就沖了杯花旗蔘茶內裡還有一個小青柑，淡淡的蔘香再加橘子的香氣，入口真係唔錯，飲完一杯接一杯。▪️十八層海膽杯(一人前) $1388，另有8折優惠。🌽小砵 時令前菜日本甜粟，爽甜又多汁仲要無渣。玉子燒，加入了芫茜，又香又甜。🥗時令沙律無花果羽衣甘藍沙律有黑醋的點綴清新開胃又爽口。🥂十八層海膽杯 餐廳的招牌菜，用上北海道的海膽，真係一試難忘。除了北海道海膽杯中還有燒白飯魚脆片、黑魚子、沖繩海葡萄、帆立貝、明太子沙律、牡丹蝦、海膽魷魚、凍磯煮飽魚、三文魚子、北海道松葉蟹肉等等…店員會比個碟仔教你撈勻後食，口感真的好豐富，新鮮鮮甜又好味，絕對充滿層次感。🍳脆皮煎鰻魚 師傅將個魚皮煎到超香脆，另一邊的肉仲可以保持到有汁，好惹味。🦞澳洲活龍蝦兩食 龍蝦很新鮮，眼見還不斷在動，絕對不是急凍貨。一食- 海膽醬芝士焗龍蝦，龍蝦肉加可以拉絲的芝士和海膽醬，呢個味道真堅好食二食 - 龍蝦膏海膽牛油醬炒龍蝦肉，師傅將龍蝦頭的蝦膏加上牛油和海膽，嘩…呢個鮮味真係一絕，超級惹味之餘又不會蓋過龍蝦的鮮。呢道龍蝦兩食絕對係色、香同味俱存。🐚櫻花蝦乾配燒活北寄貝新鮮的北寄貝，鮮甜爽彈，加埋帶鹹香嘅櫻花蝦乾特別惹味。🦀火焰海膽甲羅燒又是招牌菜之一，點火一刻還滿足了視覺的享受。松葉蟹肉加上大量濃郁的蟹膏，還放上美味的海膽、三文魚子和黑魚籽，口感和層次豐富到不得了，一個字「鮮」。🍄燒野菜芝士磨菇、日本蕃薯、車厘茄、露荀、南瓜和茄子，無想過日本蕃薯可以加棉花糖，口感很特別，想不到兩者也很搭。茄子上加了麵豉醬和木魚碎，味道也不錯，然後車厘茄的可愛的造型一看就知師傅花了不少心思。🍗荔枝豚肉卷香甜的荔枝肉被豚肉包住，豚肉的焦香和荔枝的果汁香甜又多汁，非常滿足而不油膩。🍳蘭王雞蛋炒飯看到飯粒在鐵板上跳動，感覺好治癒，飯炒到粒粒分明加上蛋香極濃的蘭王，真的很美味，蛋汁滲透入飯裡真係好正。🥘特式紙包花膠香菇大蜆湯大蜆湯有龍蝦味?店員偷偷告知，原來師傅用了剛才的龍蝦殼去餚製湯底，怪不知湯會那麼濃郁鮮甜，滑嘟嘟的花膠真是女士們的至愛。🍡抺茶蕨餅+日式芝士蛋糕最後的甜品，不容置疑，濃郁的抺茶和淡淡檸檬香味的芝士蛋糕作結尾，真的很滿足。…查看更多

店舖裝潢比較低調，都係經過朋友介紹先知呢間舖頭。就去咗試佢最出名嘅嗰個套餐💕📋十八層海膽杯[一人前] 及 火焰海膽甲羅燒[單點] ▪️一共有十一道菜。◻️️時令前菜▪️ 豆腐帶子 -軟滑的豆腐，配上炙燒過的帶子，增加了味道的層次感。◼️時令沙律▫️明太子薯仔沙律 ▫️柚子沙葛 -配上柚子絲，味道清新爽口有淡淡的柚子香。◻️主打菜式▪️ 十八層海膽杯 -食料好豐富，令味道有很多不同的層次。海膽很鮮甜，表面已經鋪咗滿滿一層海膽和黑魚子，慢慢食落去可以食到吞拿魚蓉，三文魚粒，帆立貝，松葉蟹肉，沖繩海葡萄等，食物質素新鮮鮮甜👍🏻食材選擇大部份來自北海道🙌🏻。◻️海鮮▪️活龍蝦 -選擇了新鮮的南澳龍蝦，十分大隻🙌🏻 可以親眼睇住師傅拆龍蝦肉。最吸引嘅地方係會用兩種唔同方法烹飪😆🔅鋪相滿滿嘅芝士及白松露醬汁在鐵板上焗。十分芝味 ，芝士可以拉到好長💕🔅師傅運用龍蝦頭的蝦膏再配上秘製醬汁及龍蝦肉鐵板炒，未上枱就已經聞到好香嘅味道🤤龍蝦味盡顯，好惹味👍🏻👍🏻▪️ 鐵板燒蟶子王 -聖子一隻大概有十二厘米長❣️配以櫻花蝦和明太子在鐵板上爆香，切成小長條上碟。食落香口，肉質彈牙。▪️鰻魚 -表皮煎至香脆可口👍🏻◼️肉類▫️ 荔枝豚肉卷(期間限定) -好驚喜，豚肉包裹住荔枝，食落去有滿滿的肉汁和荔枝清甜，好juicy🤤💕◻️食事▪荷蘭蛋椰菜花炒飯 -椰菜花再加上白松露醬炒，米飯粒粒分明。再加上半熟嘅雞蛋撈落去，好食😋▪️燒野菜🔅車厘茄 🔅蘆筍 🔅南瓜🔅木魚茄子 🔅紫薯夾棉花糖-最令我驚喜嘅係茄子，其實一開始食唔出係乜嘢嚟😂都係問師父先知係茄子。食落口好Juice，有淡淡的牛油香味再配上西京醬一齊去剪👍🏻👍🏻🤤真係出色。◼️吸物▫️特色紙包花膠羊肚菌蜆湯 -好神奇張紙放喺鐵板到燒都唔會穿窿😂，入邊有大大塊花膠🤤再加上海帶，羊肚菌等，令湯好鮮甜👍🏻▪️甜品🌟 火焰海膽甲羅燒 -睇落去實在是太吸引😂忍唔住單點左🙌🏻 首先賣相真係冇得輸，一上枱店員就會用火燒表面張紙，俾我留下好深刻印象。日本松葉蟹肉配上濃郁蟹膏鮮甜美味，為了提升口感還加入了洋蔥。表面上放了海膽、黑魚子及三文魚子，呢個價錢來講10分抵食🌟 💁🏻‍♀️整體用餐觀賞性一流，十分適合打卡拍照。每道菜嘅食材新鮮，食材也毫不吝嗇。 全部滿滿的海膽🤤鍾意食海膽嘅朋友真係唔好錯過💕💰 $1388 十八層海膽杯[一人前] 及 $298 火焰海膽甲羅燒 ❗設有加一服務費🤵🏻🤵🏻‍♀️ 服務態度好好，會細心講解每一道菜點樣食。並且上火焰海膽甲羅燒時，會提醒你適合拍照📷😂📍 地址：佐敦偉晴街29-37號騏邦大廈地下6號舖（港鐵柯士甸站A出口約步行5分鐘）…查看更多

💛🤎🧡隱世海膽鐵板燒🔥雖然係隱世Teppanyaki，但依間餐廳嘅海膽杯真係好岀名🤣賣相層次分明又豪華！越望越想食🤭Bookmark 咗一段時間，咁啱見到有8折優惠😳緊係要去try try！餐廳環境唔大，分咗鐵板燒區同埋普通座位區💕店員安排我哋坐喺鐵板燒區，望住廚師燒嘢食真係特別有食慾🤭落單嘅時候，店員都有講返餐牌未更新，會有點樣嘅安排(依點值得一讚)❣️18層海膽杯❣️ $368店員建議先將頂層海膽放上燒白飯魚脆片，一口品嚐🤤餘下嘅就撈埋一齊食，口感豐富！18層順序應該有(有錯請指教)👉🏻燒白飯魚脆片、黑魚子、北海道紫海膽、沖繩海葡萄、帆立貝、明太子沙律、牡丹蝦、北海道紫海膽、海膽魷魚、凍磯煮鮑魚、北歐花膠、藍鰭吞拿魚拖羅蓉、北海道粒貝、三文魚子、北海道紫海膽、北海道松葉蟹肉、北海道紫海膽、鮮海帶碎🫶🏻18層有18層滋味，食完好滿足好幸福🤭❣️火焰海膽甲羅燒Omakase❣️ 一人前 $888🤍小缽🤍 時令前菜柚子沙葛-酸甜清新，口感爽脆💛沙律💛 時令沙律薯仔沙律-口感細緻之餘帶有青瓜絲💚日本生蠔💚肥大飽滿，入口順滑 新鮮有海水味🌊🧡招牌菜式🧡火焰海膽甲羅燒-上菜嘅時候有變魔術嘅感覺，甲羅燒內容物豐富🦀蟹膏、蟹肉、海膽鮮味十足💙鐵板海鮮💙櫻花蝦蟶子皇-櫻花蝦帶鹹香，令蟶子鮮味突岀鐵板燒鰻魚-鰻魚皮焦香脆口，肉質結實且滑🤎鐵板肉類🤎日本十勝黑豚厚燒-肉味香濃，厚切更能增加口感❤️食事❤️燒野菜-每件野菜都被鐵板伺候過，焦香味撲鼻創作時令主食蘭王蛋炒飯-橙黃色蛋黃增加食慾，蛋液香而濃 配飯一流🖤吸物🖤特式紙包花膠羊肚菌蜆湯-內容物豐富，湯底清徹但鮮味滿滿🧡甘味🧡 自家製時令甜品海膽雪糕-味道特別，有顆粒感亦有海膽軟滑口感依間餐廳都幾隱世，因為佢要入到小街先搵到😳餐廳門面又低調，好易走漏眼😂(我將門面相放係尾圖，大家可以留意返) BTW記得save post，方便向店員查詢有關菜式啦❣️📍樂Teppanyaki📍佐敦偉晴街29-37號騏邦大廈地下6號舖…查看更多

話說前排突然好想食鐵板燒，於是book咗呢間網上有幾多好評嘅小店，經Openrice book晚市套餐仲有8折優惠😳 佢嘅地理位置喺佐敦同柯士甸交界嘅一條小街道，比較隔涉，但為咗食好西，行幾遠都冇問題🤪喺介紹套餐之前，先介紹一下佢嘅鎮店之寶——海膽杯🤩 當中真係有18樣唔同嘅食材，除咗眼見到嘅海膽同魚子之外，連花膠鮑魚都有，食材果然矜貴😋️ 而且每樣都切到細碎，撈埋一齊食口感非常豐富，完全感受到師傅嘅精心準備，推薦！跟住介紹埋呢道我都好滿意嘅菜式，呢度用嘅鵝肝絕對唔惹少，超厚超大塊😳 煎完就咁聞已經勁香，咬落去滿滿嘅油脂咇哂出嚟🤤 配埋煎香咗嘅淮山蓉一齊食，可以解膩，幾特別！旁邊仲有個紅酒雪梨，食完鵝肝可以清清口腔～另一打卡菜式離不開呢個咁打卡able嘅甲羅燒，店員會親自喺你面前燒去外層嘅紙，之後華麗精緻嘅甲羅燒就會出現喺你面前！海膽、三文魚子、蟹肉及蟹膏份量十足，原來加埋生洋蔥又幾夾，如果有小餅乾配搭一齊食就更好！😋✨ 北海道十勝黑豚肉松葉蟹套餐 $680至於套餐方面，我哋嗌咗個中價位嘅套餐，8折埋都只係要$544！小砵姐係前菜，係櫻花蝦玉子燒，咬落去好飽滿，仲有少少櫻花蝦碎，增加口感🤓而沙律就係薯仔沙律同埋平時好少食嘅沙葛沙律，令我最驚喜嘅係佢嘅沙葛撈咗柚子皮，食落超fresh🥰 加埋爽脆嘅口感，好似食緊水果咁，好鍾意！主食打頭陣嘅有鱈場蟹腳，蟹腳好易拆，而且每舊都啖啖肉，幾鍾意師傅呢個烹調手法，唔需要加任何調味，食落已經好有鮮味，仲有淡淡海水嘅鹹鮮味🤩平時唔係好好食熟蠔嘅我，竟然會對呢個廣島蠔讚不絕口😳 每隻蠔都好肥嘟嘟，煎到好香，但咬落去又好juicy! 而且加埋個柚子汁，完全遮蓋左蠔嘅腥味，可以話係昇華咗去另一個層次🥰之後再嚟就係主角之一，十勝黑豚肉✨ 師傅將豚肉煎到金黃色，豚肉味好出！再包上牡丹蝦同牛油果🥑，冇諗過呢個配搭都幾match，口感軟硬兼備，非常豐富，伴碟仲有爆爆珠食，可以fresh下個口腔！唔好以為燒野菜就係配角，但其實佢都同樣豐富！有南瓜、蘆筍、粟米筍、蓮藕、茄子同蕃薯仔，每樣都燒得剛好，令我覺得最有創意嘅係，竟然喺番薯仔入面加上棉花糖😳 創意爆登！嚟到呢度，已經相當飽！師傅隨即喺我哋面前炒埋個飯🤣 簡單地加入咗椰菜花碎入蛋炒飯中，加上黑松露一齊炒，超級香～ 再喺面鋪上超靚嘅日本蛋，將啲蛋汁撈埋啲飯一齊食真係超完美嘅配搭☺️好特別，呢個湯係後上嘅，仲要用玻璃紙包住嚟放上鐵板，滾返熱佢，真係第一次見😧 而湯入面都有唔少材料，有花膠、大蜆、冬菇、海帶同大根，個湯非常鮮味，而且又咁足料，幾飽都一樣清咗佢🤣最後，師傅獻上超級有創意嘅甜品——海膽雪糕❗️呢個雪糕真係第一次食，面頭灑上爆炸糖，撈埋一齊食，鹹鹹甜甜咁，勁特別！我諗全香港應該只係得呢度先食到海膽雪糕🤓總括而言，多謝你睇晒篇咁長嘅食評😆 我幾推介想食鐵板燒而budget係中價位嘅朋友仔，依家經Openrice訂位，無論係午市定晚市都有折，性價比極高🤤 而且小店服務非常好，一坐低就會奉上柑桔人蔘茶，仲keep住refill，好貼心✨…查看更多

鐵板燒大家可能食得多，以海膽為主題既鐵板燒你又試過未？近住柯士甸站呢間一直都好想食，完全係被十八海膽杯深深吸引住🥹坐喺bar枱仲可以直接望住師傅整野食一去到先飲杯有清新青檸味既蔘茶，之後即刻叫左十八層海膽杯 (一人前 $1,388)，開頭當然唔少得一啲沙律🥗同前菜啦。▪️時令沙律薯仔沙律口感清新，仲有沙葛沙律，帶有柚子味，幾開胃▪️時令前菜櫻花蝦玉子既蛋好香滑，而日本桶蠔🦪充滿海水味，勁鮮甜跟住就係期待已久既海膽啦🤡▪️十八層海膽杯啲料勁多‼️首先燒白飯魚脆片連埋海膽一齊食係勁正入面仲有黑魚子、海葡萄🍇、帆立貝、牡丹蝦、明太子沙律、拖羅蓉、三文魚籽同松葉蟹肉等，每隔幾層中間仲有北海道紫海膽，除左好食，打卡都一流🫶🏼▪️活龍蝦（+$150）睇住師傅整既過程好過癮！分左兩食既龍蝦🦞一邊係龍蝦膏炒出黎既，另一邊係由芝士同海膽醬燒成既。新鮮啖啖肉，我個人中意食有芝士果邊多啲❤️‍🔥超足料！▪️鐵板燒鰻魚個皮燒得好酥脆，連平時少食鰻魚既我都覺得好食！▪️時令貝類個蟶子一啲都唔韌，燒得啱啱好，無沙之餘爽口又彈牙，仲有櫻花蝦鋪面添👍🏽▪️燒野菜連菜既擺盤都好靚！有木魚茄子🍆、燒南瓜、車厘茄、露筍、蓮藕、粟米仔同蕃薯仔🍠夾住棉花糖，創意十足😆▪ 牛油果🥑牡丹蝦十勝黑豚卷包住蝦🦐好爽口，豚肉亦唔會太搶味，尾位仲有牛油果蓉，口感層次豐富▪️火焰🔥海膽甲羅燒（+$298）即時喺你面前用火燒，點可以唔準備相機📷燒完就會見到完美既蟹蓋！除左海膽，仲有大量蟹膏同蟹肉，撈埋啲三文魚籽一齊食超滋味😋▪️時令主食今次食既係配上蘭王蛋既白松露炒飯，白松露勁香唔使講，再將蛋液連飯一齊食簡直一流🤤▪️特色紙包花膠羊肚菌蜆湯放喺鐵板上都唔會溶既透明袋裝住超足料既湯，清甜好味最後當然都要以甜品做結尾😋▪️時令甜品先有燒菠蘿🍍再黎係一個好有驚喜既海膽雪糕🥰雪糕上面有爆炸糖，口感超特別！臨尾果啖連埋紫蘇葉一齊食，出奇地夾👍🏽呢餐真係大🈵足…查看更多

🤤火焰海膽甲羅燒 $298打卡必叫，上菜會火燒外層的紙，十分華麗，甲羅燒足料，有大量蟹膏，個人建議配飯一起吃會更美味🥳十八層海膽杯 $1388 x 80% (8折) [一人前套餐］有18層不同海鮮配料的海膽杯十分鮮甜，加了wasabi, 如果可自行落wasabi 會更好，因為我不太好wasabi 🙈😗沙律 薯仔沙律😎前菜 燒海膽丸有驚喜，爆漿海膽丸有別於平時火鍋配的海膽丸，真的很鮮甜🤩活龍蝦 (+$150)非常喜歡這道芝士龍蝦，芝士燒一燒溶化於龍蝦肉上，每口都有濃郁芝士香，另一邊是龍蝦膏炒龍蝦肉，味道會更為濃厚鮮甜😋蟶子以滿滿的櫻花蝦和煙肉調味，令整體口感層次更豐富🥰鰻魚第一次吃到脆皮鰻魚，十分有特色，皮脆脆而肉不乾，出色😍A5和牛和牛配上鬆軟方包滋味十足，和牛份量都多，肉質鮮嫩juicy😝蘭王蛋炒飯這個炒飯 配蛋液已經很好吃，但因為個人非常喜歡蟹膏配飯吃，所以把甲羅燒的配料也一起伴進起吃，美味加倍😙燒野菜紫薯棉花糖有特色，可以全部都換紫薯棉花糖就好棒棒😆🤗特色紙包花膠羊肚菌蜆湯很特別用了一個透明袋包起了湯，裏面也有不少配料，有蜆肉有菇，鮮甜好喝😀海膽雪糕比較特別，加了爆炸糖，所以口感有驚喜，但個人還是喜歡甜的冰淇淋🙈有八折，一人前份量十足，材料新鮮高質，一千頭就可以品嚐高質鐵板燒，值得一試😍💰人均 $401-800🌟推薦菜: 活龍蝦A5和牛鰻魚十八層海膽杯火焰海膽甲羅燒蟶子🧚🏻‍♂️祝各位食極唔肥@Nevergetfat ~…查看更多

來到佐敦偉晴街的樂 Teppanyaki，這短短的街道上有不少食肆。樂 Teppanyaki的門面不算突出，店子也不大。作為一家小店，沒有華麗的裝潢也是意料之內。雖然座位不多，但是店內油煙不多也不翳焗。店員說店子將會在9月停業重新裝潢，或者往後會有一番新氣象吧!餐廳供應青檸花旗蔘茶，有助清熱去火。不過個人寧願喝綠茶多於這個。這裡的賣點是以海膽主題的鐵板燒。一場來到當然點人氣十八層海膽杯一人前Omakase $1388，現在預先訂座套餐有八折。訂位時已和店員溝通過，他建議可點十八層海膽杯一人前Omakase、加$150 改一人前Omakase餐內的改成原隻、另外再散點海膽甲羅燒及法式鵝肝配時令水果。小砵─時令前菜燒海膽丸海膽丸的外觀像個蚌內的珍珠，咬開後海膽醬在口內湧出。不過配上的餅就不太脆，可再經燒一下會更好。櫻花蝦玉子燒甜甜又鬆軟多汁的玉子燒，加上櫻花蝦味道提升。沙律─時令沙律是日的前菜是薯仔沙律及沙葛。薯仔沙律上面有些明太子。在平平無奇中的食材展現特色。沙葛味道清甜，是一道開胃的前菜。主打菜式十八層海膽杯十八層海膽杯是否真的有18 層? 我數不到但打咭真的一流。店員介紹先吃燒白飯魚脆片、黑魚子、北海道紫海膽及沖繩海萄萄。每人也有長的小匙方便舀起海膽杯，當然我們也有點戰戰兢兢。剩下的十四層，包括帆立貝、明太子沙律、牡丹蝦、北海道紫海膽 x 三層、海膽魷魚、凍磯煮鮑魚、北歐花膠、藍鰭吞拿魚拖羅蓉、北海道粒貝、三文魚子、北海道松葉蟹及鮮海帶碎混和一起吃。喜歡海膽的朋友一定很滿足，每一口也是鮮味。活龍蝦+$150 改原隻龍蝦兩食活龍蝦半隻自家製牛油配上海膽醬燒龍蝦 ， 上碟時龍蝦已起肉。龍蝦鮮甜爽口，配上海膽醬味道層次更豐富。另外半隻芝士龍蝦感覺不油膩，芝士濕度恰到好處。時令貝類是日時令貝類是蟶子。蟶子用了XO醬加上櫻花蝦去處理，選材新鮮但個人就不太喜歡這種口味。時令海鮮香燒鰻魚燒鰻魚的皮燒得香脆，肉質柔軟，充滿肉汁。追加項目海膽甲羅燒除了鮮甜的蟹肉及蟹膏外，更加入三文魚籽、海膽及黑魚籽，令鮮味更添加一個層次。同時店員準備了火棉做到硝化反應，一瞬間燃燒後，可打咭又好吃的甲羅燒就出現眼前。法式鵝肝配時令水果配上紅酒燴梨及山藥餅、藍莓風味爆爆珠。鵝肝口感順滑、油脂豐富、入口溶化。紅酒燴梨很入味。山藥餅口感偏軟且蓬鬆，彷彿鬆餅的口感。肉類A5威士忌和牛厚燒，來自岩手縣的和牛味濃郁、油脂味道濃厚。 食事創作時令主食煎蘭王蛋配炒飯 採用蘭王煎半流心蛋配上粒粒分明的炒飯，看似普通也是用心之作。燒野菜有多種不同的野菜， 比較特別的是蕃薯棉花糖 ，而且擺盤有點亂。特色紙包花膠羊肚菌蜆湯，湯清甜不油膩。…查看更多

難得朋友話帶我食好嘢，慶祝他完成了大proj～咁當然要搵間特別d嘅餐廳，朋友就話去呢到包係「樂」宴！🤔🤔🤔原來朋友係講緊樂師傅，但的確好出色，每款都好滿足☺️☺️這裡每款食物都是樂師傅親自用心製作，親自serve的，誠意十足👍🏼和朋友點了「十八層海膽杯一人前」廚師發板，仲有8折，ard $1100就可以食到好豐盛！還另外order了甲羅燒、法國鵝肝，大🈵️足😍🌟「十八層海膽杯一人前」廚師發板（$1388位，8折）❣️1. 十八層海膽杯名副其實地滿足到18個食精緻食物嘅願望，當中更有三層係我最鍾意嘅北海道紫海膽😍step1:店員教我們先將紫海膽、沖繩海葡萄、黑魚子夾上燒白飯魚脆片一齊食。海膽味道甘甜，好新鮮，配上脆脆的、晶瑩透亮嘅海葡萄，同有粒粒魚仔嘅脆片，好有層次感😋step2:然後就是撈勻餘下嘅食物，有帆立貝、明太子沙律、牡丹蝦、海膽魷魚、凍磯煮鮑魚、吞拿魚拖羅蓉、三文魚子、北海道松葉蟹肉等⋯特別喜歡松葉蟹肉，蟹肉超多，味道鮮甜。🦞2.活龍蝦師傅準備了龍蝦2食，2種食法都令人回味😋😋😋1- 連膏+海膽醬🔥，這種煮法令龍蝦肉質好彈口，連膏+海膽醬一齊食是滿滿的鮮甜味😍好rich的感覺！還有少少牛油香，清甜爽香，正！特別一讚的是，師傅已切曬粒粒，好易入口2- cheese焗，燒到溶了的濃香cheese 配上彈口龍蝦，更能突出鮮海水鮮味～邪惡得來好吸引🤩🌟3.時令貝類：燒得好香口，配上貝類嘅鮮甜味，口感好好🐟4.時令海鮮：當晚的時令海鮮係鱔，外皮整到超脆，一食落去crunch一聲，配上香甜魚肉，juicy得來少少入口即溶感覺🐷5.日本十勝黑豚厚燒真係超厚切，外皮香脆，入面超juicy 軟香入味，少少肥口感好好😋水準幾好。上面更加係粒粒去膩，juicy的果香爆珠🍚6. 創作時令主食係蘭王蛋飯，師傅非常認真用心去炒，配上蛋香同椰菜花粒粒，更會不斷炒，令飯粒粒分明，口感乾爽切香口。最後加的流心蘭王蛋更加係重點😍😋😋可以話係最好食嘅蛋飯😋😋😋🍠7. 燒野菜同樣細節位見心思，燒蕃薯仔中間竟有燒棉花糖😋左邊的軟香茄子撈上燒汁，味道+口咁都好好8.特色紙包花膠羊肚菌蜆湯味道清甜且好足料，入面有冬瓜、花膠、大大粒蜆❤️另外仲同朋友額外點了2款非常值得一吃的款式❤️🦀️火焰海膽甲羅燒的上碟方式幾特別，係先用紙包火焰🔥過，而且一睇個樣都知好高水準，非常多料。蟹膏超級新鮮，是真材實料的蟹膏（而非蟹膏醬），撈勻食仲有好多蟹肉、黑魚子、鮮甜海膽等，大🈵️足！🌟法式煎鵝肝配時谷水果非常高水準和用心。鵝肝除了是厚切外，入面香口兼軟嫩淋淋juicy，配上香脆外層，熟度剛剛好，上面更用上黑糖醋令味道更balance😋另外旁邊還有北海道山藥製成的餅，還加了蟹膏在上，格外滋味。紫色的係紅酒燴梨，甜甜酸酸味道好特別，亦好去膩。真係每一道菜都係享受🥰…查看更多

上網睇完comment,最後揀咗呢間鐵板燒，果然無揀錯；樂師傅超級nice,野食煮得好味又細心,份量又足。真係好滿足嘅生日晚餐。店員服務都好好～會再幫襯食到勁飽…查看更多

𝘁𝗵𝗲 𝗯𝗲𝗮𝘂𝘁𝘆 𝗼𝗳 𝘁𝗵𝗲 𝘁𝗲𝗽𝗽𝗮𝗻𝘆𝗮𝗸𝗶 𝗶𝘀 𝘁𝗵𝗲 𝘂𝗻𝗶𝗾𝘂𝗲 𝘀𝘁𝘆𝗹𝗲 𝗲𝗮𝗰𝗵 𝗰𝗵𝗲𝗳 𝗯𝗿𝗶𝗻𝗴𝘀 𝘁𝗼 𝘁𝗵𝗲 𝘁𝗮𝗯𝗹𝗲. 𝘆𝗼𝘂 𝗺𝗶𝗴𝗵𝘁 𝗻𝗼𝘁 𝗯𝗲 𝗮𝗯𝗹𝗲 𝘁𝗼 𝘀𝗲𝗲 𝘁𝗼𝘀𝘀𝗶𝗻𝗴 𝗶𝗻𝗴𝗿𝗲𝗱𝗶𝗲𝗻𝘁𝘀 𝗶𝗻 𝘁𝗵𝗲 𝗮𝗶𝗿 𝗮𝗻𝗱 𝘀𝗽𝗶𝗻𝗻𝗶𝗻𝗴 𝘀𝗽𝗮𝘁𝘂𝗹𝗮 𝘁𝗿𝗶𝗰𝗸𝘀 𝗵𝗲𝗿𝗲, 𝗯𝘂𝘁 𝘆𝗼𝘂 𝘄𝗼𝘂𝗹𝗱 𝗯𝗲 𝗮𝗺𝗮𝘇𝗲𝗱 𝗯𝘆 𝘁𝗵𝗲𝗶𝗿 𝗱𝗿𝗮𝗺𝗮𝘁𝗶𝗰 𝗳𝗶𝗿𝗲 𝗱𝗶𝘀𝗽𝗹𝗮𝘆𝘀. 𝗼𝘂𝗿 𝗳𝗮𝘃𝗼𝘂𝗿𝗶𝘁𝗲? 𝘁𝗵𝗲 𝘀𝗹𝗶𝗰𝗲𝗱 𝘄𝗮𝗴𝘆𝘂 𝗿𝗼𝗹𝗹𝗲𝗱 𝘄𝗶𝘁𝗵 𝘂𝗻𝗶 𝗮𝗻𝗱 𝗽𝗼𝗽𝗽𝗶𝗻𝗴 𝗯𝗼𝗯𝗮!.早排終於去咗創意程度爆燈嘅 @rakuteppanyaki，真係比佢個十八層海膽杯吸引到😛 海膽杯每層唔同都好足料，有齊拖羅、磯煮鮑魚、北海道松葉蟹、帆立貝、紫海膽等等勁滿足～ 另外最吸睛嘅一定係火焰甲羅燒，等火苗燒完後成隻甲羅燒呈現係眼前，放滿蟹肉、蟹膏、海膽、三文魚子同海葡萄，味道好鮮甜！A5威士忌和牛厚燒卷住海膽同紫蘇葉，配上蜜糖爆珠解膩又提鮮，整體嚟講食物質素高，如果唔介意無奢華裝修嘅可以一試～…查看更多

疫情終於有所緩和，放假前夕晚上約咗朋友食好西，我哋有成半年無見喇！佢推介佐敦附近有間唔錯嘅鐵板燒店叫「樂Teppanyaki」，佢之前Lunch食過幾掂，所以帶我嚟試吓😝。我哋經網上訂枱，晚市套餐可享八折優惠🈹。小店有啲隱世嘅感覺，因為門面毫不起眼，而店內面積亦唔大，座位唔多，一眼睇晒。坐喺吧枱嘅我哋可以全程睇住師傅整嘢食👨🏻‍🍳。餐廳設有多款套餐🍽，一人前價位由$688至$1,388不等。我開初覺得呢度定價都幾進取，不過當食完之後就明白了，佢用料上乘，食材成本一定唔平！由於想食海膽，所以我哋揀咗「十八層海膽杯」套餐。時令前菜係海老豆腐，小食味道幾清新🌿，唔係一嘢酸醒你。🦐蝦肉爽口彈牙，再配埋豆腐、芹菜同海帶等一齊食，成個組合幾夾。時令沙律未算太特別🥗，蔬菜淋上適量醬汁，帶微微甜味同蜜糖柚子味，食落幾開胃。簡單食完前菜之後，就到主角「十八層海膽杯」出場。佢以雞尾酒杯裝住🍹，色彩繽紛，造型滿分。我無認真數佢有幾多層，不過每食一啖都有驚喜，因為你會不斷食到唔同嘅食材。佢哋夾埋食毫無違和感，好正😋。如果雞蛋裏挑骨頭的話，就係佢用杯裝上，多到瀉晒囉，哈哈。餐牌上有詳細介紹呢十八層由何組成🌟，等我引用一下啦，由頂層開始分別有燒白飯魚脆片、黑魚子、沖繩海葡萄、帆立貝、明太子沙律、牡丹蝦、海膽魷魚、凍磯煮鮑魚、北歐花膠、藍鰆吞拿魚拖羅蓉、北海道粒貝、三文魚子、北海道松葉蟹肉同鮮海帶碎；其中海膽就出現咗三層🍣！雖然食材切成粒狀，但仍能保持應有嘅口感，其中幾樣特別出色，包括爽口鮑魚、脆卜卜明太子同軟綿花膠，而各式魚子就爆晒漿。食完海鮮之後都係海鮮，首先係脆皮煎鰻魚🐟。老實講市面上嘅鰻魚飯同鰻魚壽司我都好唔鍾意食，因為醬汁太濃味，而且魚肉又有細骨🙈，不過呢塊鰻魚睇個樣都知唔同！魚皮相對厚身，但師傅仍能煎出薄脆口感；魚肉細嫩、唔似平日食開嘅肉質。呢道菜式可算係令我重新認識鰻魚。時令貝類係北寄貝🐚，口感爽彈，同壽司店食到嘅差唔多，不過味道上同鮮味上就當然無得比。圖中未必見到貝肉，係因為被一大堆櫻花蝦所遮蓋，蝦仔好香同清甜嘅北寄貝相映成趣。火焰海膽甲羅燒($298)，我認為甲羅燒比起海膽杯更能嚐到海膽嘅鮮甜。🦀蟹蓋入面裝住嘅海鮮，全部都係大堆頭，包括大量海膽、蟹肉、蟹羔、三文魚子同黑魚子。海膽選用北海道紫海膽，呈金黃色兼且飽滿，唔係海膽控嘅我都覺得勁好食，一啲都唔腥，食唔停口。品嚐海膽以外，亦要記得撈匀食，咁先食到完整滋味，蟹肉同蟹羔無海膽味咁出，但都唔會被比下去。同場加映，甲羅燒出場個刻，店員就提我哋要準備相機打卡，好好迎接火焰🔥，成件事儀式感十足。不過燒嗰吓應該同烹調無直接關係吧。活龍蝦🦞，餐廳無呃人，龍蝦真係好生猛咁喺廚房拎出嚟，放上鐵板燒時佢仲作出最後嘅掙扎。我無留意師傅介紹係乜品種嘅龍蝦，但絕對唔係波士頓嗰啲平價貨，而且仲好重秤添，我諗有我前臂咁大隻。龍蝦有兩食，左邊係用蝦頭膏炒成，所以蝦香特別濃；而右邊就係用海膽醬牛油芝士焗製，食落鹹香味較突出。師傅問我哋鍾意食邊款多啲，其實真係好難答，因為兩者各有千秋，但我係芝士控🧀，所以有加持。不過共同點係龍蝦肉肉質夠晒結實爽口。法式煎鵝肝配時令水果($368)，我俯視咗件鵝肝好耐，因為佢喺較早階段已經拎咗出嚟解凍。鵝肝同樣激大件，未煎之前可能有成吋厚😳，勁誇張，煎完後亦難得無乜縮水。鵝肝已經唔係單單用入口即溶可以形容到，咬過脆皮外層之後，入到口直頭係「成口油」嘅感覺，😈邪惡到不得了。為咗化解鵝肝嘅膩，師傅精心搭配咗三款經釀製嘅水果，分別係藍莓、蘋果/梨同提子，口感各異，但一樣甜甜的。我哋毫無頭緒右手邊嗰件係乜，個樣似熱香餅麵包，口感似海綿，答案竟然係淮山(唔係滑潺潺㗎咩?)，夠晒特別！岩手縣A5威士忌和牛厚燒，食到呢個階段，其實淨係食咗海鮮，都已經飽咗七成，傻的嗎？不過有和牛食又即刻開胃返。和牛雪花紋理勁靚，油脂分佈均勻，符合A5級別嘅水準。師傅介紹啲牛係飲威士忌大🥃，笑死，做牛都咁識嘆，難怪賣得咁貴啦。和牛唔需要特別嘅調味已經好好食，佢唔似其他餐廳咁配蔥同炸蒜，反而係輕輕淋上海膽豉油，佢並無搶過牛肉味。不過要講返就係和牛係薄燒，而非厚燒🥩。燒野菜富有創意，左邊係白茄子🍆，燒完都仲好多汁。紫薯仔一分為二，再夾埋綿花糖一齊燒，甜上加甜。右邊唔確定係南瓜定蕃薯，甜味天然，食落好舒服。創作時令主食係黑松露椰菜炒飯，🍚師傅好貼心，會問清楚客人食唔食蔥。炒飯炒得夠乾身，當中混入咗椰菜粒，口感豐富之餘，食落亦無咁飽滯。黑松露香氣撲鼻，每啖都好濃郁。飯加雞蛋一齊炒並唔出奇，但佢係配上一隻煎蘭王蛋🍳。餐廳就連蛋都用上日本靚貨，絕唔馬虎。特色紙包花膠蜆湯，湯品用上膠袋裝真係第一次見，可能咁樣裝令佢可以放上鐵板煮熱。作為最後一味嘅蜆湯直達驚艷程度🤤，湯入面有大蜆、花膠、花菇同海帶等，味道清澈得嚟好夠味，原來係用返頭先個龍蝦頭熬煮，師傅話連一滴鹽都無落過添，難以置信。題外話，餐廳所提供嘅熱茶亦係非一般🍵，味道偏甘苦，皆因係花旗蔘茶。我自己就唔係好飲得慣，但呢個可能係特別安排吧。小店經營一啲都唔容易，呢日眼見只有師傅同另一個哥仔負責店舖大小一切👍。佢哋過程中無停過手，更多次往來廚房，整足三個鐘，睇見都攰啊。雖然咁忙碌，但樂師傅仍然非常好客，樂於同食客交流，佢原本係一個被廚師耽誤嘅歌手嚟，哈哈。總括嚟講，好味鐵板燒我並唔係第一次食，但講到最印象深刻非今次莫屬💯。除咗味道同食材質素令人滿意之外，我更加欣賞師傅嘅專業態度，從每道菜式嘅精心搭配，可讓食客感受到佢嘅用心，唔係交大路行貨。如果想要一個難忘嘅體驗，我高度推介「樂Teppanyaki」！…查看更多