吞POT 雞煲火鍋.住家菜 (譽發廣場) (已結業)

今日約埋朋友一齊嚟吞POP！第一次食雞煲翅想同大家share下😍原來極品雞煲翅入面都幾豐富，而且個湯底都幾濃郁，因為佢係用原隻雞落去煲🐣再加埋其他配料一齊熬製，所以係個雞煲翅上枱之後，我哋4個都忍唔住飲咗碗湯暖暖肚🔥之後仲另外嗌咗每次邊爐必備嘅酥炸魚皮🐟而今次我反而覺得就咁食個魚皮好過浸落湯到，因為個湯就咁飲都試到雞既鮮味，如果浸埋落去就cover咗雞湯嘅味道👅另外仲嗌埋個十全大寶丸，分別有✔️手打生拆蟹粉墨魚丸✔️手打黑松露墨魚丸✔️手打黃金海膽黑塁丸✔️手打香煎鵝肝蝦丸✔️手打芝心牛丸一次試哂各款手打丸類🐮當中最impress我嘅係手打芝心牛丸🧀因為估唔到芝士同牛可以咁match，而牛肉既味道又唔會俾芝士搶咗😋如果今次試哂咁多款下次就可以主攻我覺得最正嘅芝心牛丸。而另一個特別都值得一試既係手打香煎鵝肝蝦丸🦐因為佢蝦肉彈牙之外入面鵝肝都好香，而呢款丸都係呢到先食到👍🏼…查看更多

譽發廣場既吞POT坐擁高層城市同小量海景，傍晚既時間去到會見到好靚既日落晚霞，揀呢個時段黎都幾浪漫。餐廳裝修簡單整潔，大透光玻璃加左唔少分數。.餐廳出名既各款雞煲，有辣有唔辣選擇甚多。但作為花膠雞粉基本上每次都只係叫佢地既招牌滋補螺片花膠雞煲。.因為晚市7:30前離座或者9:30後入座全部火鍋配料同小食都有半價，所以通常都揀提早開餐，因為好抵食。.（以下標價為正價）.滋補螺片花膠雞煲 (半隻)💲238 ⭐️3.9/5足料既片花膠雞煲，湯底屬於偏杰身油脂感較高既款式。雖然話係半隻雞，份量唔少2-3人享用絕對無問題。雞件肉質鮮嫩，唔會浸到太鞋身。另外花膠都係屬於我偏愛既軟滑口感，唔會過硬。雞煲價錢不算高，性價比滿分正評系列。.十全大寶丸 💲168⭐️3.7/5一次過試哂招牌手打丸既拼盤，五款每款兩粒既包括：手打生拆蟹粉墨魚丸、手打黑松露墨魚丸、手打香煎鵝肝蝦丸、手打黃金海膽黑墨魚丸及手打芝心牛丸。大大粒；粒粒都彈牙爽口，擺盤靚靚，色彩繽紛打卡一流。.頂級安格斯牛小排 💲288⭐️3.8/5牛小排份量都好多，份量似係4人份。牛小排脂肪感會偏重少少，大理石紋非常豐富。如果怕肥既朋友可以試下佢地既封門柳，會比較瘦同牛味較重。.炸午餐肉 💲58⭐️3.7/5打邊爐邪惡既配料成員絕對少不了炸午餐肉。.白菜仔 💲42⭐️3.8/5白菜新鮮，配雞湯底營養價值高。.大凍檸茶 💲36.總結：特價時段叫咗咁多嘢食人均都係💲300左右，認真超值。.不專業食評 nei.foodie…查看更多

[禁晚市堂食前嘅某日]第一次嚟食 (朋友極力推界~)#重慶麻辣雞煲 🐓好耐冇食雞煲啦，個醬夠麻夠辣，正🤤#十全大寶丸 ★★★★全部都係自家製#自家炸響鈴 ★★★★食呢個已經覺得好好味 (不過好戲在後頭)#特級雪花牛肋片 ★★★★#滑嘟嘟 ★★★#餃餃陣 ★★★#特級美國肥牛 ★★★★#自創爆芝響鈴 ★★★★★痴線嫁，中間夾層有芝士，勁好食!!!#鮮腐竹 ★★★整體嚟講食物質素都幾高，特別係個爆芝響鈴超好味🤤(當晚開心到我哋飲啤酒唔夠，仲開咗支白酒😂😂😂)…查看更多

香港d雞煲店真係開到每行三條街都至少有一間既節奏，真係無d特色都生存唔到。今日介紹既吞pot算係比較有趣既一間，因為得兩個人食既關係，我地只係嗌左半隻花雕藥膳雞煲（$178)。好老實講，畢竟坊間真係太多出色既雞煲，第一啖飲依個雞煲既湯底我並無感覺好驚豔，但依度既湯係愈飲愈上癮，而家完全唔口渴，算係唔話得，至於雞既質素算係不過不失，如果再大件d同滑d會更好！.反而火鍋料既質素有驚喜得多。招牌自創爆芝響鈴（$45/3件）大大件，擺落藥膳湯底浸幾秒後，脆口之餘更啖啖都飽含半融芝味，我同個fd都勁後悔無嗌到半打嚟食！十全大寶丸（$158）係另一項必叫菜式，粒粒手造之餘又別具創意，例如墨魚丸裡面竟然係生拆蟹粉，真係食每一粒都有驚喜。當中最soso既反而係頂級雪花肥牛（$228)，油脂感唔夠強，價錢對唔住質素，俾我會想拎舊錢嗌佢其他handmade 野，例如同樣勁draw attention，主打手造餃子拼盤既餃餃陣（$120)，搞返場愛的迷陣。P.S. 最後為大家送上依間店既鎮店之寶:…查看更多

因為好耐冇食雞煲，有朋友係OpenRice見到呢一間雞煲都好似唔錯，所以就推薦嚟呢度食啦。呢度成間鋪頭都有好大嘅玻璃可以望出面嘅環境，夜晚喺度食雞煲真係幾有feel。鋪頭雖然唔算太大，但係絕對可以舒舒服服咁坐，唔使逼住晒。我哋今日叫咗好多嘢食，有啲都幾特別，我喺出面係冇食過嘅呢個雞煲真係不得了，又有花膠又有螺片，仲要唔係一兩塊就算，所有野都好足料！雞超滑，湯底真係好濃郁雞味，飲左幾碗都唔覺得鹹呢碟丸有好多唔同嘅口味，黑色嘅入面海膽，紅紅地色嗰個入面有芝士，其他入面都有唔同餡，又彈牙又好味個蠔都幾大隻，而且數量都唔少，食落幾鮮味呢三個滑分別係墨魚滑、蝦滑同鯪魚滑，我自己就覺得墨魚滑最好食，因為佢係最彈牙，同埋真係有墨魚嘅香味呢個脆肉鯇就正啦，好大舊不特止，淥完食落去仲係好脆，超級正呢個我真係第一次見，佢係響鈴，但係入面有芝士。放落個湯度淥幾秒拎上嚟，可以索到啲湯汁，同時又有啲位係脆脆哋，食到中間仲有芝士，真係好有驚喜呢個牛份量好多，佢又切得都有厚度，完全唔係薄到透個d，食落仲好有牛味，推介我覺得呢個菜籃其實係最正，因為佢啲菜好新鮮，而且種類又多，食得多肉多都會覺得可能有啲膩，食返啲菜平衡返最後講下佢啲嘢飲，全部都大大杯，尤其是個西柚特飲，一路打邊爐一路飲真係好解膩，大推！…查看更多

行經旺角，朋友話想打邊爐，經過呢幢大廈見到個餐廳名幾得意，上網見到評價又唔錯，就決定試試佢睇吓有冇位。可能因為係平日同埋星期一，我哋七點左右入去冇乜人。餐廳環境好闊落，仲要有夜景睇。餐廳食物選擇都好多，我諗佢最出名應該係雞煲，但因為個朋友唔舒服感冒唔食得雞，所以就冇食雞煲，嗌咗個皮蛋芫茜湯底同埋招牌螺片濃雞湯鍋。有八種配料可以自由配搭整成醬汁。個鍋一嚟到見到嗰個招牌螺片濃雞湯係奶白色已經覺得好吸引。入面仲要有好多塊螺片㗎，我地筆左一大碗湯飲， 嗰陣雞湯味真係好濃，係骨膠原嘅味道啊！貪靚嘅我最後我飲咗兩大碗先開始打邊爐～十全大寶丸：個名好搞笑，其實係由五款餐廳特色手打丸組成。包括：手打生拆蟹粉墨魚丸、手打黑松露墨魚丸、手打黃金海膽黑墨丸、手打香煎鵝肝蝦丸同手打芝心牛丸。牛魔王嘅我一開始就狗衝左手打芝心牛丸，芝士味好濃，因為咬開入面全部都係流心芝士～鍾意芝士嘅朋友仔可以試試佢～手打香煎鵝肝蝦丸：蝦丸彈牙，咬到入面果陣有好濃嘅鵝肝味，原來有一細塊鵝肝夾心。牛三郎：呢個拼盤一次過可以滿足我食到三種唔同嘅牛部分，點可以唔嗌！其實係由雪花肥牛、牛肋片同牛柳粒組成，全部都好有牛味呀!!平時打邊爐最驚食到d牛柳粒成粒柴咁，咬都咬唔落，呢度竟然唔會之餘仲好有牛味。必食！自家炸響鈴：而家大部份打邊爐鋪頭都係自己炸響鈴，新鮮熱辣上碟，一野浸落啲雞湯度再拎返出黎，香脆之餘仲有滿滿嘅骨膠原味~自製韭菜餃：個皮做得幾靚，喺湯入邊滾左好耐都唔會爛，個餡韭菜同肉嘅比例都唔錯，可以一試。總括嚟講，平時同三五知己黎呢度打邊爐都幾好，嘢食質素方面係唔錯嘅，環境亦都算比較安靜同埋任坐唔嬲，仲有夜景睇添。經過嘅朋友仔可以嚟試試佢～…查看更多

我一直覺得要食高質雞煲配高質火鍋料就一定唔可以揀d任食🤣，咁先可以精細品嚐到每道火鍋料。今次去咗一間朋友一直都好想去食既「吞pot」，一入到去已經俾個環境吸引咗，落地大玻璃，22樓俯瞰哂成個旺角。可以坐係窗邊位一路食一路望。 😝一坐低店員就會拎定醬料俾我地揀定，唔洗走黎走去，仲要有9種選擇，我就必定揀芝麻醬同沙嗲醬，配搭牛肉一流！ 😋坐低冇耐，揀左重慶麻辣雞煲，就即刻上左雞煲，店員話d雞已經熟咗，可以食住先。 唔怕餓住等。 我地一路食一路點配料，叫咗個十全大寶丸，一共有5款，共十粒，呢5款真係寶，先唔講全部都係新鮮手打，仲要有芝士牛丸，蟹粉，黑松露，海膽墨魚丸同埋我最愛既鵝肝蝦丸。 樣樣都好高質。🥰 手打芝士牛丸食到舔舔脷，黑松露夠哂香，最估唔到係鵝肝配蝦丸係咁match! 入面仲要大大粒鵝肝🤩，真係自家製好好味！ 另外，打邊爐點可以冇肥牛😆，叫左碟特級美國肥牛過下癮！肥牛夠哂大碟又切得靚，滾起上黎岩岩好！…查看更多

夜媽媽食完夜粥，慘變活靶之後，谷到成肚火，更加係肚餓，雖然天氣回暖，但流失大量體力，就好想打一打邊爐，唔使去佐敦咁遠嘅，油麻地都有一間可以試吓喎兩個人坐四人位，夠晒闊落點餐之前，樓面已經攞定啲配料俾我地混醬，大胃必落蒜、芝麻醬、蔥同豉油，稱為「四不醬」，落完佢就會攞走㗎喇做完運動好口渴，打邊爐除咗汽水，梗係啤啤佢啦呢隻啤幾過癮，冇苦味又唔太甜，飲完好想去Market Place買返廿手熱辣辣唔係唔嗌可樂嘛？都幾大杯下一上檯好香湯味，忍唔住飲啖湯，一飲就停唔到口，煲未滾，我地已經係咁飲湯，趁佢未加湯之前，飲得幾多得幾多花膠螺片點醬食超正啪丸是必需吧？呢碟有五種丸，最令大胃深刻就係海膽丸同芝心丸去滾當然要餃餃震啦，唔餃唔安樂:)芝心響鈴真係好值得回味打完邊爐，咩能量都返晒嚟…查看更多

之前都有聽過啲人話吞pot景靚嘢食又好味，一直都好想試，今晚終於有機會喇成間餐廳都比大大塊落地玻璃圍住，食飯可以配住個無敵夜景真係好正，早少少日落嘅時候泥應該仲正食物款式種類多，而且有啲菜式都幾有創意等緊雞煲嚟嘅時候，餐廳會先送上調味料等大家可以混下醬 調味料款式都尚算充足。雞煲終於都黎喇，因為爸爸唔食得辣，所以嗌左BB辣。雞煲麻辣味出，本人覺得味道較坊間辣，不過爸爸竟然都食到！雞肉嫩滑入味，正！十全大寶丸：佢哋嘅手打生拆蟹粉墨魚丸、手打黃金海膽黑墨丸同手打香煎鵝肝蝦丸裡邊啲料都大大舊，好好味！尤其鍾意佢哋嘅蟹粉墨魚丸而手打黑松露墨魚丸黑松露味濃，夠爽！手打芝心牛丸既芝士亦好多好流心！餃餃陣：自家製鮮蝦雲吞蝦肉大大粒，正！自製蟹粉蟹肉雲吞亦唔錯！牛肉味濃，脂肪分布平均，抵食新鮮即炸，就咁食都OK，口感亦都好芝士！青瓜特飲好refreshing，佢哋全部野飲都好大杯，好味夾抵飲總括嚟講，吞pot景又靚食物又唔錯，以上食物我地3個人食已經超級飽！…查看更多

身為邊爐愛好者, 前幾日收工夜晚19:00點幾就同朋友去左試依間火鍋店, 位於油麻地都算近地鐵站, 好方便易搵, GOOD!因為預早Book定位去到吾洗排隊就可以入坐, 一坐低就嗌定野飲, 打邊爐又點少得啤酒呢!叫左兩個鍋, 一個滋補螺片花膠雞煲 ($168/半隻雞) 湯底夠味, 花膠口感都算膠, 好飲仲有重慶麻辣雞煲 (小辣, $138/半隻雞) 小辣對我黎講就真係冇咩刺激性, 中意食辣嘅朋友可以嗌中/大辣 叫左3碟靚肉, 下面個碟係西班牙頂級黑豚豬腩片($108/碟, 大概12塊) 價錢中規中矩, 話明豬腩肉就一定係要肥先好食, 依碟都幾肥又重豬味, 加落雞煲湯底到淥超正, 吾洗點豉油都夠曬味 韓國頂級1++牛肉眼 ($288/碟, 10塊多啲) 一睇就知靚牛, 雪花紋幾靚, 食落口感好豐富, 肥而不膩, 略嫌牛味不夠, OVERALL都係正!頂級雪花牛肋片($148/碟, 有差不多20塊) 份量黎講足夠算抵食, 肉質頗嫩, 不錯重點介紹依個自創爆芝響鈴($62/6件) 超好食, 芝士味好重, 係市面未見過, 真係要試下, 中意食芝士必點依個, 吾食芝士嘅可以點另一個普通炸響鈴自家炸魚皮 ($52/籃, 個人應為好多舊) 好新鮮, 無油膱味, 炸得好, 淥2-3秒再食都係甘脆滑嘟嘟 (蟹子墨魚滑, 蟹子蝦滑, 鯪魚滑) ($98/碟) 好抵食, 散叫$72, $72同$52一碟, 加埋都要差不多$200, 甘當然份量多好多, 不過少食多滋味, 樣樣野都試下, 我比較中意墨魚滑, 爽口又重墨魚鮮味, 加上有蟹子係入面, 口感豐富 十全大寶丸 ($138/5款共10粒) 有手打生拆蟹粉墨魚丸, 手打黑松露墨魚丸, 手打黃金海膽墨魚丸, 手打香煎鵝肝蝦丸, 手打芝心牛肉丸我試左手打芝心牛肉丸, 因為太中意食芝士, 而且吾係每間餐廳都整得好食, 吞POT整得幾好, 一食就知係手打丸, 好新鮮彈牙餃餃陣 ($92/4款共8隻) 包括自制韭菜餃, 自家制鮮蝦雲吞, 自制蟹粉蟹肉雲吞, 魚皮餃太飽嘅關係, 我淨係試左蟹粉蟹肉雲吞, 蟹肉鮮甜, 啲碟好colourful, 視覺效果見到都好開胃 重叫左好多食物, 以上個幾款真心推介, 其他就不過不失, 總括黎講好食, service不錯有效率, 地方乾淨, 有少少夜嘅樓景睇, 值得下次再試!…查看更多

又係瘋狂打邊爐呀食雞煲呀嘅的季節了🍲（其實我一年四季都打邊爐🤫）▫️星期五叫返個🐚🐔螺片花膠雞煲(HKD168)滋補一下返左五日dry爆既working day先✨好多螺片同花膠呀！正～不過個湯底就咸左啲▫️十全大寶丸(HKD136)🍡全部都係手打: 蟹粉墨魚丸/黑松露墨魚丸/黃金海膽黑墨魚丸/香煎鵝肝蝦丸/芝心牛丸 好特別✨▫️ 即炸爆芝響鈴(HKD32)🧀香濃既芝士加上吸哂湯既精華 JENG😈…查看更多

這晚天氣轉涼咗想食番啲滋補嘢，竟然發現到呢間火鍋店喺晚上9點半後所有火鍋配料有5折, 連牛肉都有得折, 不過湯底和所有飲品除外! 螺片花膠雞煲 - 好多花膠和螺片, 好味, 而且個湯重好好飲添, 飲完覺得好滋潤! 1++韓牛肉眼 - 好少火鍋有韓牛, 有半價就叫黎試下, 不過真係有啲失望! 因為韓牛太失望, 所以再叫安格斯牛小排, 都係安格斯好味好多! 見到這盤色彩繽紛既十全大寶丸, 包括有生拆蟹粉墨魚丸,黑松露墨魚丸,黄金海膽黑墨丸,香煎鵝肝蝦丸,芝心牛丸, 整體味道都幾好! 爆芝響鈴-第一淡覺得同平時食既無分別, 之後再咬深少少先食到芝士, 啲芝土好香濃, 而且非常酥脆, 好味!還有其他食物和飲品, 自家炸魚皮, 油麥菜 鬼佬手工啤酒, 柚子真露和咸檸七!…查看更多

近排好多（老外高層）黎左公司，番工想吞pot真係唔易，唯有等放工。今晚見天氣開始涼涼地，就約左幾個舊同事黎打邊爐。 上網見呢間餐廳個名咁盞鬼（立刻產生共鳴），又有得網上訂位，於是就決定黎試試。我早左黎，所以叫住杯野飲等住先。杯野好大杯，又夠氣，好爽 Hea下睇下電視，終於等到佢地黎齊 邊爐醬料款式齊全，容器唔油，感覺乾淨企理粟米好鮮甜，雞煲好滋補 雞件好滑 餃餃陣包括4種餃，每款兩粒，岩哂我地d三兩意，樣樣都想試既人d滑好彈牙。最欣賞佢d蝦滑墨魚滑加左蟹子，味道口感提升左不少十全大寶丸大大粒，好彈牙，很不錯…查看更多