汕頭牛肉火鍋

營業中

休息中

雖然北上價錢會平很多，但放工心血來潮想食潮汕牛肉火鍋可以選擇嚟呢度，有多款湯底（沙爹、清湯、牛骨、石橄欖、芫荽皮蛋、牛腩等），除了主打的牛肉，丸及餃子亦很出色。

父親節想一家人食飯，但係好多地方都full booking，無意中係openrice搵到呢間火鍋店，所以決定試下。雖然食過好多唔同種類嘅邊爐，但係潮汕火鍋真係第一次試。入到間店，有poster介紹唔同牛部位嘅名稱，都有介紹邊個部位應該煮幾耐，呢點我覺得做得幾好嘅。咁食潮汕火鍋，當然係以牛為主，問咗店員食邊種牛肉比較好，佢推薦吊龍，所以決定試下。的確，個店員無介紹錯，吊龍係今次order嘅3種牛肉入面最好味嘅，俾到人嫩同入口即溶嘅感覺。其次係雪花都ok，滑滑地，不過匙仁麻麻，容易老。之後仲order咗牛筋丸、魚皮餃、蝦丸同埋墨魚滑。墨魚滑鮮嫩，值得一試。

今日接女朋友收工去食飯佢叫我諗食乜嘢，打開open rice搜尋附近有咩食，比我搵到一間打正旗號汕頭牛肉火鍋既食店，新開冇comment，但見到入d相裝修幾靚，又有Ricky師傅幫襯一於試下！入到鋪頭唔算大，可能新開加上平日冇乜人地方都好乾淨企理，店員好親切笑容介紹餐牌牛肉部位，我同佢講我啱啱返完潮州食過牛肉火鍋一定會比較，佢好有信心話一定會令的滿意！餐廳牛既大部份部位都有得食，而且每個位置都可以點細份，丸類菜類仲可以雙拼，呢樣真係抵讚！湯底揀原味牛骨湯，最初點咗3樣牛肉（匙仁、吊龍，五花趾）試下水溫，我比較中意匙仁肉味濃同比較淋，女朋友中意吊龍因為有油花比較滑，五花趾我地都唔係好識欣賞比較韌同有咬口，之後再叫多碟匙柄肉味濃同有咬口！！之後再叫咗皇帝菜拼芋頭、鮮蝦、汕頭粿條，實在叫得太多，最後服務員問要唔要食糖水都飽到食唔落！整體食物質素真係唔錯，香港嚟講算係正宗，價錢亦唔算貴，埋單加一$1045，銅鑼灣區真係算抵食，下次會再返食！！