炑八韓烤 (黃大仙中心南館)

🐷炑八厚切五花腩厚切五花腩有豬皮爽肉，燒烤後脆口彈牙，而肉味濃，油脂多，份外香口。🐮外群肉燒牛肉可以試下揀外群肉，比較其他位置油花更豐富，而且多汁。🐙大八爪魚令人又愛又恨嘅大八爪魚，一方面覺得燒起上來好花時間，八爪魚腳又好容易燒焦，但又確實富有鮮味。🦐韓式紅蝦紅蝦有好多蝦膏，烤完嘅蝦殼仲好香噴噴，剝開蝦肉雪白彈牙。🫓鮮煎蔥餅韓式海鮮餅配上特多蔥，所以香脆中帶蔥香，而且麵粉漿唔多，啖啖都食到海鮮，有蝦有八爪魚及蠔，點上酸甜醬油好醒位。🥢韓國水冷麵韓式蕎麥麵非常彈牙有韌性，配冰凍牛骨湯，可以跟個人喜好加上白醋及芥末，冰涼又酸甜，食完燒肉再食都唔會覺得飽滯。🫶🏻餐廳要多款梳打特飲仲有款唔同口味嘅Asahi Sour！我就鍾意藍天使梳打，波子汽水口味！另外石榴味嘅Asahi Sour，微微酒精，有氣又酸甜。…查看更多

🐽炑八厚切五花腩韓燒點少得邪惡五花腩，肥肉燒到”滋滋”聲勁香口，加上豬皮彈牙，肉腩多汁，包菜食加添爽口，減少油膩感！🐮蔥蒜牛五花牛五花望落肥瘦均勻，燒烤完肉質飽滿彈牙，有蔥蒜醃製過且入口充滿醬油味，部分牛五花有肉筋，但入口依然易咬開。🐙大八爪魚大過我手掌嘅八爪魚，要較花時間燒，本身有醃製過，所以已經好有味，外脆口，肉彈牙。要掌握燒烤時間，否則八爪魚腳好易燒到燶。🦐韓式紅蝦肉厚爽口又彈牙，燒烤後外殼散發香噴噴嘅鮮蝦味，蝦頭有濃郁蝦膏，非常滋味脆口。🥢泡菜煎餅好多泡菜，食落又唔會太辣太濃味，泡菜爽口，煎餅軟糯，所以口感特別，配有甜味燒汁，富有韓式甜辣特色。🥣韓國水冷麵夏天特別鍾意食冷麵！冰凍清新，而且酸醋及芥末都令我越食越開胃，同熱辣辣嘅燒肉成強烈對比，一口燒肉，又一口冷麵，可以清新味蕾！🩵藍天使梳打~藍色波子汽水口味💚冰涼薄荷乳酸梳打~ 清新薄荷配上乳酸兩杯梳打特飲顏色都非常夏日，解渴清涼！！🫶🏻餐廳位置多，非常有空間感，前菜，爐邊蛋及芝士都可以😌無限添加！…查看更多

嚟咗黃大仙中心逛一逛同fd食個晚餐，佢話想食韓烤肉，咁就揀左炑八，基本上一出地鐵站出口就到。大家都唔係好想諗嘢，咁就叫咗個完勝薄切牛舌套餐。首先上配菜，除左沙律之外其他都可以無限添加，泡菜有少少酸辣味唔會太重口味，青瓜爽脆仲有好似海帶調味。泡菜蛋同粟米芝士都係可以無限添加!!!唔小心加左四次，又香滑又有口感，芝士仲可以拉絲。呢度啲牛舌比較薄身，都算容易咬開，不過都要睇你燒到幾熟，生啲就軟身啲，熟啲就有燶燶哋既美味，總括嚟講點燒都好食🙈 霜降牛小排同樣薄薄地容易咬，嫩滑可口。大啡菇估唔到又幾多汁幾juicy，仲有啲啡菇嘅香味。蔥蒜牛五花油脂分布較多，係肥油花的肉，嚼勁十足兼肉汁豐富。梨汁雞肉鮮嫩美味，厚豬皮同大墨魚都爽口彈牙多汁。套餐加$20有一杯梳打薄荷荔枝梳打，薄荷味比較重，好fresh。菠蘿梳打，有新鮮菠蘿嘅味道，甜甜地。兩個都寫住推介，有大大粒荔枝同菠蘿喺度，飲之前要搞一搞個底，兩杯都好夠凍，飲得夠爽。成間店好大，服務唔錯不過有時都要等一等服務員巡到過黎，食物質素高，係韓烤之選。…查看更多

屋企人好鐘意黎炑八韓烤.. 加上佢愈開愈多分店所以我地周不時都會黎食lunch/dinner架~當然lunch係抵食好多!! 不過有D款要夜晚先有得叫...第一次黎黃大仙呢間分店呢~ 呢度好新淨~~~裝修都有落過心思..配色好colorful又有dd raw既感覺見到佢多左好多牛肉套餐~ 不過員工特別介紹我地食一個期間限定既新春套餐...聽落都岩食, 又有新野可以試, 所以我同媽媽就叫左個新春2人套餐啦!! (佢仲有出4人餐)佢竟然都有士多啤梨雪糕塔食!!! 仲有好多靚靚梳打選擇..吸引但咁寒冷既天氣下.. 我同媽媽都係叫熱飲暖暖身~!!主角未上之前, 已經有一大堆頭既前菜送到喇 *v*黎親炑八都會有呢種食豐盛大餐既喜悅明明唔係叫左好多野...都會黎到成枱野食兼超飽...XD以下落黎簡單講下前菜入面我最鐘意既3款^~^((相信大家都已經知道炑八有免費無限添加既芝士粟米同泡菜蛋, 咁呢度就唔再多講啦~))泡菜! 明明唔食得辣既我...以前見到呢個橙紅色都會怕左..但一試先知佢個辣係可接受的~ 而呢種酸酸咸咸又少辣真係令人好開胃架~幾時都無得輸既麻醬沙律~! 份量唔吝嗇~沙律菜細細片 又新鮮最後 亦都係咁多款入面我最鐘意既醃蘿蔔片!!其實平時唔特別鐘意蘿蔔..但呢度將佢切得真係好薄身重點係酸酸的醬汁將蘿蔔醃得超入味, 解滯同開胃都係一流! 好啦~ 套餐第一樣野上枱喇::: 雪人年糕餃子湯齋望已經知個湯唔會係好濃味個D, 走清清地的路線, 都幾香甜叫做雪人年糕 係因為佢真係雪人形狀架~ (socute!)餃子同d年糕同埋洋蔥一齊食好夾估唔到佢放翠肉瓜落去.. 我今次有食到 因為已經索晒個湯d味啦~~ 而且好淋身 : >超有gimmick的九節坂 --據聞係韓國人新年會食既傳統食品望落真係好似我地新年會放出黎既全盒~~而食法其實就係好似食片皮鴨咁 將材料包晒入麵粉皮度不過都有成8款材料架...要包得晒兼食個陣唔好漏出黎有一定難度.....lol個人大膽提議 如果將某幾款材料轉成用唔同口味既醬汁取代唔單只會易包d, 味道上都會有更多層次~~~到我地最期待的拼盤上層左至右)大蝦>>牛舌>>牛前胸肉>>牛五花>>豬五花(下層)薄切韓牛牛扒&菇對於無牛不歡既我地 望見都流口水...=DD薄切韓牛牛扒牛扒有豐富既油脂感同重牛味, 而且咬落去好軟腍!!不過略嫌多左少少筋~媽媽的至愛--豬五花, 佢最鐘意佢既肥瘦相間 燒起黎又夠晒香不過我地今次overcook左少少..><係我愛既牛舌呀!!!厚切既牛舌有咬口得黎一d都唔韌..牛香味係口入面慢慢咁滲透出黎而且唔會太油~!! HIGHLY RECOMMEND!🌟牛前胸肉我地都覺得呢個部位好岩女士食呀! 因為佢無乜肥膏~~咬落去啖啖肉好爽呢~~油脂感屬中等 (無韓牛牛扒咁重)最後一款肉, 亦都係令人愛不釋手既牛五花 <3佢比前胸肉更腍身 而且油脂感更豐富!相信係大家都會鐘意既一款!!! HIGHLY RECOMMEND!🌟哈哈... 仲有咬左一啖先記得影相既大蝦, 有鮮味亦夠彈牙~呢個咁多野食既2人餐叫步步高陞賀年套餐$588話就話2人餐...我同媽媽食完都覺得其實可以3個人食我地個晚都飽到訓唔著了.....希望大家都會有個溫飽又步步高陛既新一年 (:~~…查看更多

「炑八韓烤」係豬小姐最常去嘅韓式食店知道出左新menu 主題係「蟹」 有好吸引嘅年糕炒蟹鍋今晚凍冰冰 同豬先生去㷫合合下先前菜(除左沙律菜)加鍋邊泡菜蛋及粟米芝士無限refill係指定動作豬先生對口感似魚蛋啲friend嘅辣魚糕十分捧場 refill左三次哈哈加入芝麻醬嘅沙律菜幾時尼食都係咁新鮮好味年糕炒蟹鍋嘅基本材料有蟹一隻 年糕及雜菜雜菜包括椰菜 三色椒 京蔥及洋蔥 材料用韓式辣醬炒至熟當雜菜及年糕炒到既腍又入味嘅時候就可以加蟹再撈勻食得啦喂 味道相當火辣！但辣得好過癮 如果唔太食得辣嘅朋友可以叫店員加少啲辣醬去炒呀 否則一定滴汗投降惹味又濃烈嘅辣一湧而上 媽呀！好辣呀但又有種食唔停口之感辣蟹有肉有膏 ok喎店員建議我地先食左隻蟹 之後會用剩餘嘅材料同醬汁炒飯 飯粒索盡精華 澱粉質怪表示好蟹膏醬紫菜包飯係另一亮點食法有兩種 一係直接將飯卷點蟹膏醬食另一食法係將青瓜點蟹膏醬再包上紫菜豬小姐比較鐘意第一種食法 材料新鮮豐富嘅飯卷點上鮮甜濃郁甘香嘅蟹膏醬 口感爽脆有層次 真是滿足不過飯卷包得比較鬆散 大家夾嘅時候要施展一下筷子功先得飲品一冷一熱 係荔枝梳打同玫瑰花果茶荔枝梳打顏色係夢幻深粉色 小甜有氣 充滿荔枝香 解渴一流暖笠笠嘅玫瑰花果菜養生美顏 豬小姐極度需要呀哈哈甜品來一個！ 朱古力蛋糕冰沫壓軸登場朱古力！全部都係朱古力！朱古力百力支 朱古力蛋糕 朱古力碎粒 oreo 朱古力醬絕對係chocoholic嘅最愛 豬先生正是啦！豬小姐玩養生嘛 淺嚐一下足夠了每次幫襯「炑八」都保持到水準 抵讚！最後豬先生豬小姐都變左肥美孖潤腸(shy) 哈哈…查看更多

韓牛一向視為韓國國寶，以往因為供不應求而從不供應國外。但現在不需飛去韓國，便可以享受到韓國人引以為傲的韓牛。特大薄切韓牛牛扒（$168）👍👍👍👍👍韓牛級數中以 1++ 為最高級，等同日本和牛 A5級。今天這一大片的 1++ 特大薄切韓牛牛扒，油脂分佈均勻，相比日本和牛，油份相對少，多吃也不覺膩。對比日本和牛，其肉質同樣鮮嫩多汁，肉味濃厚，只需略烤便可吃到幼嫩甘香的韓牛。韓牛與和牛相比，可説是各有特色，難分高下.這塊韓牛扒比個烤爐還要大呢！期間限定（27/10-15/12）需提前兩日預訂，牛迷必試。鱈魚扒牛肉餐（$508）▪️特選上等鹽牛舌▪️韓國大蝦▪️條切特級五花肉▪️霜降牛小排▪️柚子鱈魚扒▪️卡邦尼煙肉年糕▪️雜菜特選上等鹽牛舌👍👍👍👍厚切的牛舌，焦香的表面還能夠保持鮮甜的肉汁，口感彈牙有嚼頭，用少許鹽花調味，令味道提升。條切特級五花肉👍👍👍👍五花肉切成粗條狀，用醬汁和蒜蓉先醃，放在烤爐上已聞到肉的烤香味，伴以生菜和泡菜一起吃，更可消除飽滯感。霜降牛小排👍👍👍👍牛小排油花分佈均勻，只需要兩邊略烤金黃，牛肉肉質鬆軟，肉味甘香，點埋洋蔥醤油就更美味。柚子鱈魚扒👍👍👍👍用柚子汁醃過，柚子汁的甜酸令油份極重的鱈魚扒有平衡作用，魚扒啖啖肉又幼嫩。韓國大蝦👍👍👍👍大蝦有四隻，而且㕑師很細心，已把蝦身去殻，只剩蝦頭和蝦尾的殻，令客人吃的時候更容易吃。卡邦尼煙肉年糕👍👍👍👍年糕煙靭加上碟底下還有一層粉絲，卡邦尼汁香滑帶有煙肉香燻味。雜菜沙律👍👍👍👍食了那麼多用，吃點沙律平衡一下。雜菜用生菜和泡菜包着烤肉一起吃，更覺清新，亦可去除油膩感覺。前菜前菜共四小碟，分別有泡菜、大荳牙、昆布和酸蘿蔔。菊花蜜（$25）柚子蜜（$25）秋風起，喉嚨有點乾涸，這兩杯熱果蜜就最適合不過，可以滋潤一下。無限添加芝士粟米和泡菜蛋漿圍裙和手機套▪️貼心的圍裙可防止油濺到衣服。▪️手機套令我們一衆手機吃先的朋友都不怕油濺到手機上，咁就點影都得了！每張枱都放上調味架洋蔥醤油韓牛証書Menu…查看更多

今朝十一點半黎到呢間開左無幾耐既韓燒 之前都食過係九龍城既炑八 不過九龍城果間裝修比較舊 而呢間開係黃大仙中心地庫既新分店 個室內設計睇得出有花過心思 （例如門口等位頭頂既喉管有用木條天花姐醜）門口仲播住youtuber miss sue chan既片 （佢係網上教人韓文 叫mssuechan 韓語小教室）由十一點半等到佢十一點九先開口放人入去 之後個個衝埋去個前台度講自己幾位 好明顯呢間野既經理無派過order朝早要點接客 真心好唔掂 （前菜 $0）都算係唔錯 一般呢類前菜都會好無誠意 但呢間算有水準等左陣都未有野食 前菜慢慢食都食哂 無聊影下（甕醃1++韓牛五花肉 $96）同係韓置馬場洞食既韓牛差好多皮 不過呢個價錢都過得去既 叫左止下韓燒癮叫呢類燒肉套餐會有泡菜爐邊蛋同普通爐邊蛋 好似+$6就有埋芝士仲叫左個大醬湯拉麵 （ $46 ）不過太肚餓極快食左 無影相 形容下個大醬湯拉麵有咸魚仔乾+豆腐+唔辣青椒紅椒+拉麵呢個價錢黎講個拉麵係完勝同等價錢既日本拉麵叫任何套戲+$6就有特飲 媽媽話呢個真係好抵 媽媽級都話抵 無野好講啦…查看更多

炑八韓烤晌黃大仙開咗新店，仲用韓牛做主打，呢日就同朋友嚟試吓。入面嘅環境光猛，每張檯都有抽油煙囪，有啲檯就係油桶凳。有啲就係四人卡位。裝修方面就有啲咖啡店嘅感覺。每個角落嘅陳設都略有不同，呢個位就好似人哋屋企嘅書櫃，側邊仲貼咗韓國明星海報。牆上嘅圖案都幾多款。例如係呢個，標示咗一隻牛唔同部位嘅韓文名呢！我覺得呢塊黑板嘅烤肉圖案好得意。同好多韓式燒烤一樣，呢度有提供前菜嘅，其中嘅大豆芽就有麻油香、昆布入面嘅醬汁微甜，仲有生菜、青瓜、甘筍用嚟同燒肉一齊食，而且某啲前菜係可以同侍應要求refill，大大提升蔬菜攝取量，呢點係我對韓式燒烤印象唔錯嘅原因，同埋食多啲菜感覺都唔會太膩。醬料方面就已經預先放晌檯上，由食客自己斟嚟用。醬油、海鹽同大醬，不過呢晚都係食肉嘅原味，都無乜點用過呢！餐廳有兩本餐牌，呢本主要係餐廳嘅推介菜式，其中有啲仲只係黃大仙店先有嘅。呢本就係餐廳嘅全部菜式，燒肉細分咗牛、豬、雞同海鮮類等，另外仲有其他韓國菜式、甜品同飲品。同一般韓式燒烤一樣，餐廳採用嘅係好似龜背咁嘅鐵板。餐廳係直接由韓國進口韓牛，餐牌入面仲指採用嘅係最頂級1+同1++級別嘅短角金毛韓牛，質素等同A5和牛，呢晚嚟就當然要試試。韓牛珍貴部位拼盤，用咗木塊造型嘅盤當係碟，玩味十足，中間就有三色椒、磨菇、洋蔥同番茜。拼盤入面嘅韓牛分別係貝身肉、西冷扒、肩胛肉同牛五花肉，每個部位嘅油脂分佈都略有不同，有比較軟嫩嘅、有有嚼勁嘅，牛味濃郁可口。鐵板除咗可以整烤泡菜蛋同芝士粟米之外，仲有個細細哋嘅網架，既可用嚟擺未能即時食嘅肉，又可以用嚟保溫，當然牛肉要盡快食，唔係嘅話餘溫有可能會令肉質過熟，咁就會影響口感。食燒烤時可以用生菜包住食，又或者按自己喜好加唔同嘅前菜同醬料一齊食。我哋仲試咗韓牛牛胸大醬湯，牛胸肉用熱湯稍稍涮一涮咁食，都幾爽脆。另外仲有其他配料，例如係蜆、豆腐、翠玉瓜、蘿蔔等等，蜆肉無沙，湯底就用小魚乾等等煮成，飲落鮮甜，仲跟埋紫菜白飯用嚟撈湯食。同埋仲有飲品同甜品，菊花梳打嘅杯邊有朵仿菊花，拎嚟影相都唔錯，味道方面就係一杯清熱嘅有氣菊花蜜。跟住兩款就只係黃大仙分店先有，香芒橙汁嘅杯邊就放咗一片厚切鮮橙，下層係用咗芒果同鮮橙打成嘅果汁，質感濃稠，甜味就適中。草莓塔，睇過餐牌嘅參考圖，即時令我諗起近月晌港島區新開嘅韓國過江龍甜品店，不過呢度嘅價錢就平接近一半。高身杯最下層係士多啤梨沙冰，中間同最上層就用咗鮮忌廉同鮮士多啤梨點綴，實際賣相都唔弱。士多啤梨微甜唔過酸，下層嘅沙冰打得細碎，味較人工化但可接受。不過建議最好將杯上面嘅士多啤梨食晒先，過程亦要快速咁進行，如果唔係會有跌落嚟嘅可能，而且一杯份量都唔少，同朋友share就啱啱好。炑八韓國紅豆冰沫，其實已經唔係第一次試呢款冰品，晌其他地方食過相類似嘅，覺得配搭上比較穩陣，所以就叫嚟一齊食。佢係用麻糬、紅豆蓉、杏仁片、黃豆粉同牛奶冰沫組成，冰沫入口即化，中間仲撈咗啲麻糬，因為佢本身已經有甜味，所以都無再淋煉奶，有時簡簡單單無太多花巧反而可能仲好。走嗰陣身上無乜油煙味，唔錯呀！…查看更多