有圖有真相，都很新鮮
刺身真的厚切，有甜蝦（大），鮮帶子，三文魚，吞拿魚，油甘魚，榮螺，鮑魚片，北寄貝……重點：超大隻牡丹蝦，粗粗的，又鮮甜
天婦羅方面：秋葵，南瓜，大蝦，冬姑，蕃薯仔 外脆不厚炸得很好，而最啖啖肉的是天婦羅蝦。最令我難忘是鰻魚炒飯，味道有99分。有多件鰻魚1cm x 2cm，不是切小粒的，鰻魚汁充足甜甜的燒汁。飯炒得粒粒分明，煙韌回味。我一個人忍不了食完，分量12小碗左右，一下子就清了。
茶碗蒸有2款 咸：冬姑，蟹柳 材料普通，但蛋超滑QQ。
黑松露炒雜菌，有香味但不是黑松露味道，有點失望
創作壽司，有點失望，我們點了最吸引【井】海膽，蔥吞拿蓉材料。圖片只供參考海膽味道不是很腥，但太流質無論點海膽手卷都是一樣，沒有一片片海膽，賣相差了。另外叫了燒羊架和燒菠蘿片多次，因為非常香口又多汁。最後當然食甜品，我們點了M牌子朱古力味，很滿足一餐
自取多件小蛋糕，款式漂亮咖啡蛋糕櫻花和菓子芝士餅布朗尼朱古力蛋糕泡芙：雲尼拿，綠茶，朱古力味 三款有漏單情況，要記得追。我覺得比較適合一班學生，朋友聚餐。…查看更多
這間日式放題的性價比極高， ＄268再+10%服務費，都不算很貴，我會再來的。…查看更多
而且也是出乎意料之外的好味，軟綿的薯蓉夾雜著薯仔粒，口感豐富，加上酸酸的蕃茄醬十分開胃。鐵板牛柳粒一碟份量不少，肉味濃郁。鹽燒牛舌經鹽烤不會帶出過多油脂，但是卻能保持鮮香多汁。燒羊架燒得略焦，稍嫌有點乾。炸物質素亦不俗，點了榴槤炸彈、墨魚漿餅、紫心薯餅，炸漿不會過厚，作為紫薯控最為推介紫心薯餅，外脆內軟，帶有甜甜的紫薯味。虎蝦天婦羅、一口蕃薯天婦羅入口未至於太油膩。原來放題還有日式雞絲翅煲 XD 而且非常足料，啖啖都有材料，口感充實，湯頭順滑。甜品款式多得如酒店自助餐 尤其偏愛有粒粒朱古力的brownie和芝士味濃郁的cheese cake。放題普遍肉食偏多，吃一點水果，的確能令人口味清新點。雪糕就有以下的款式，要注意不是無限任點，每人只限一件。Mövenpick雪糕和Dreyer's 雪糕批也是高質之選，今餐放題可以說是重量又重質呢！…查看更多
三文魚算係食過放題比較靚，雖然唔係腩但都幾肥美，冇乜筋位；北寄貝、八爪魚幾爽口，唔會乾爭爭；帶子都係少有食到覺得鮮甜冇雪感；赤蝦夠大隻唔腥拖羅、白豚肉、油甘魚比較普通，唔會想encore；赤貝係冇味，而希靈魚係有點腥
壽司：我地都試左唔少，整體黎講都合格，飯就屬於較硬身，冇乜醋味架喇，幸好就唔算話好大舊飯軍艦嘅紫菜都算脆口，唔會淋bat bat。火炙三文魚腩、火炙味噌醬蟹棒普普通通。海膽赤蝦、蔥花吞拿魚腩海膽，賣相幾靚，好可惜海膽有少少腥臭三文魚壽司、帶子壽司正常。火炙芝士玻璃蝦弱啲，冇乜火炙效果；汁燒和牛壽司不過不失。呢兩款係創作壽司，町、井，冇乜特別。手卷：正常size，所以食唔到幾多條，想食軟殼蟹先點的。創作料理：章紅魚薄切拌柚子酢，當中嘅章紅魚比刺身嘅油甘魚、拖羅好食。另外兩份係吞拿魚他他、水晶香芒大蝦卷。熟食方面，一開頭嘭嘭聲咁上，到我地第二輪加單，就開始有漏單情況，同店員反映，佢地都係話再畫紙。最終都有好多熟食我地係點左但冇上。熟食整體比較一般，當中以塩燒牛舌、燒雞翼係比較好食。炒雜菌冇乜味。炒帶子又係冇乜味。煮蜆都係冇乜味，但冇沙，同埋都唔算得個殼。羊架，要睇好唔好彩，朋友話食到羶，有朋友又話ok。面頭燒得幾靚仔，一反轉嚇親…翠玉瓜燒到燶哂唔知乜情況…最遲先黎嘅雞軟骨，可惜好難食，油多唔脆
蒸蛋合格，熱辣辣，幾滑溜。芝麻雞翼炸粉較厚，唔係即時做，味道點都爭啲。皮硬身，雞翼就冇乜問題。我地覺得另一款燒雞翼較好食，所以有加單，但加左兩轉，到接近埋單先黎左幾隻。燒蝦唔係新鮮大家都明，呢隻食落唔霉，合格！燒菠蘿蟹蓋粉感重，好在咁細隻。最後，每人有一盒movenpick/dreyers雪條，2揀1，雪糕有雲呢拿、士多啤梨、朱古力味；雪條係芒果、抹茶。任食嘅話要喺自助吧取雪糕球/雪米糍。我對呢餐冇抱任何期望，連埋加一都超過280蚊位，基於本身價錢唔係平價嗰種，所以質素都唔會太劣，點都一定好過劣食塔嗰啲。刺身、壽司類都算合格，熟食就唔係樣樣好食，差唔多價位我諗好多人都會揀番九龍區嘅放題，黎呢度純粹因為方便。服務方面一般，可能餐廳較大，人手唔係話好足，個個都好繁忙咁，而且亦都遇到漏單情況，如果漏單唔洗催架喇，因為店員會叫你再點。…查看更多
多款壽司，白飯軟硬適中，款款味道濃郁，其中最愛和牛壽司，牛肉味濃，肉質細緻，滲出點點油香，加上洋蔥提昇鮮味，令人食指大動!吞拿魚他他沙律，嚐到吞拿魚刺身的鹹鮮味，加上天婦羅碎/蔥花/千島醬調味，口感豐富，甚具日式風味 ~
芝士年糕，金黃的外皮薄而香脆，內層香滑流心的芝士，與軟綿煙靭的年糕互相融合，芝味不太濃烈易入口， 味道襯絕，必點!
飲品種類繁多，有十款以上揀，連維他奶暖櫃都有，非常貼心~ 甜品，兩款牌子屬高檔，質感柔滑細緻，份外香甜味美~整體質素甚佳，滋味十足，尤其以高質牌子雪糕作結，令我們大感滿足!…查看更多
。炸物點菜單位以件數計，每款也可以試一下。榴槤炸彈蠻特別，外脆內軟；芝麻雞翼炸得香口惹味！忍不住加碼；還吃了炸餃子和脆香雞粒。蒸焗芝士焗蟹蓋帶子北海燒味噌焗蠔鐵板料理想不到日式放題也有這麼多熟食料理，是壽司和刺身外的特別選擇。怪味雞香辣過癮。鐵板牛柳粒啖啖肉，十分惹味。燒物燒菠蘿燒雞翼蜜汁豬腩串有驚喜！豬腩燒得微脆，肉香足，蜜汁甜。鹽燒海蝦單純以鹽調味更能帶出海蝦的鮮美。一品料理清酒煮蜆刺身來到放題的主角──
刺身盛！！看到鄰桌的一大盤刺身，突然覺得我們兩個點得太收歛。點了三文魚、北寄貝、帶子、甜蝦和八爪魚，肉質鮮嫩爽口，盤內有冰塊保持刺身的溫度。火炙壽司火炙壽司是我們的最愛！！！選擇繁多，目不暇給。燒和牛壽司拌黃芥末籽火炙海膽醬玻璃蝦火炙三文魚腩火炙三文魚腩最好吃！！！油香四溢，肉質軟滑，小小一團飯，多吃幾件也不怕。卷物芝味辣三文魚卷和牛卷手卷海膽手卷天婦羅紫薯和黃薯天婦羅甜品每人均有一張甜品單，可選Movenpick雪糕或Dreyers雪糕批。士多啤梨味Movenpick雪糕奶香幼滑，果肉甚多，以此作結非常滿足。另外還有兩大個甜品櫃，有各款和菓子、蛋糕和奶凍，最愛朱古力布朗尼！香濃而不會太甜。我們七點半離開，才$198一位！加一後也只是$218！超值！上菜和侍應收碟速度也快，卡位坐得舒服，肚皮表示十分滿意。…查看更多
飲品3組大雪櫃，韓國、本土嘅樽裝、罐裝及紙包飲品，款式多達近廿款。不過，今次心水之選唔太多，所以，隨意揀幾罐飲吓。果汁、熱茶想健康少少，另一邊位嘅果汁、熱茶可能啱你，不過，朋友試過啲果汁，話麻麻哋，因為味道偏甜。沙律、生果自由區除咗飲品，仲會搵到沙律同生果，雖然規模細，但總提供多個選擇俾有需要嘅客人。此外，酸薑、八爪魚仔亦晌度搵到。自助專區嘅甜品就唔介紹住，等臨尾先一次過講。翻轉頭介紹放題有咩嘢食，一如時下好多放題店，兩大本「檔案冊」放滿分門別類嘅點菜紙，類別包括：前菜、刺身、壽司、卷物、軍艦、手卷、炸物、燒物、天婦羅、蒸焗菜式、鐵板料理、一品料理、湯麵，數一數，足足近百款美食。順帶一提，牆邊貼上wifi密碼，方便客人使用。建議有提供免費wifi嘅餐廳，密碼就倒不如好似大井町咁大方啲貼晌當眼處，唔使吓吓煩到啲店員問密碼。此外，招呼唔錯，喺收銀態度有啲麻麻，上菜快，而且今晚仲無漏過單添，難得難得！前菜一口氣揀咗4款前菜濕吓口：中華沙律、帶子裙邊、魚翅海蜇、冰頭漬（三文魚頭軟骨），除中華沙律，其他幾款都頗有特色，平常都少見，最鍾意喺帶子裙邊，幾有食螺肉嘅感覺，煙煙韌韌，三文魚頭軟骨口感爽爽脆脆。刺身刺身都有幾多選擇，一共有14款，又見到玉子刺身，之前都寫過，稱得刺身，即喺魚生，有啲刺身已用牛肉、馬肉，但玉子，即喺雞蛋，不過，玉子刺身唔會俾隻生蛋過你，哈哈。我哋精選揀咗當中6款：三文魚、吞拿魚、北寄貝、帶子、甜蝦、赤蝦，砌成一大盆份外好睇，各款刺身睇落光澤新鮮，三文好夠油潤，北寄貝入口爽甜，帶子口感清爽，甜蝦鮮甜味突出。反而，吞拿有點怪怪，好似解凍未透咁，而赤蝦大就夠晒大隻，但口感較為膠就唔太合心水。壽司壽司再細分為幾類，其中壽司A款喺一般大路嘢，如吞拿魚壽司、帶子壽司……等等，而B款就幾樣食材配搭嘅壽司。相中B款嘅魚籽醬拌赤蝦、花之戀、蔥花吞拿魚腩海膽，真喺唔錯，刺身食材本身夠新鮮，再以魚籽醬、蟹籽、蔥花、海膽相互配搭，拼發出多層次嘅鮮味。再者，啲壽司飯搓得又比預期好，唔會太實，又唔會太鬆散，帶輕輕醋味。火炙壽司師姐似乎幾鍾意食壽司，所以，再嚟又一份火炙系嘅壽司，選擇共5款，但點解佢唔揀晒，而只選當中嘅4款呢？原來，都只喺隨意而已。所點嘅4款火炙壽司中：燒和牛壽司拌黃芥末籽、火炙海膽醬玻璃蝦、火炙味噌醬蟹棒、火炙三文魚腩，個人心水喺燒和牛同玻璃蝦，前者和牛肉燒到有少少半生熟，嫩滑而富油香，後者海膽嘅甘飴搭上蝦嘅爽甜，出奇地和諧平衡。創作壽司3款以店名命名嘅創作壽司：大、井、町，做成少少波形，點菜紙無話喺乜，但睇外觀，「大」喺以吞拿魚蓉、甜蝦、蟹籽、黑魚籽所組成，「井」則以火炙帶子、海膽、蔥花組成，而「町」就用三文魚蓉、牛油果、吞拿魚蓉、海膽、黑魚籽組成，可謂配搭花心思。唔止賣相做得精緻，味道亦比一般壽司更富層次、多變，而且，做得小巧，可以一啖一件，完全將壽司嘅滋味一次過放晒入口慢慢交融。卷物、軍艦、手卷因為老友都點咗唔少壽司，所以，同樣屬飽肚嘅卷物、軍艦、手卷就無再考慮叫。見到有啲人為食海膽就叫客海膽手卷卻唔食啲飯，跑得山區多，見到啲山區小學生食嘅午飯，嘥嘢嘅事真喺做唔出。炸物食完一輪刺身、壽司，喺輪到香口嘅炸物出場，8款炸物當然樣樣都想試啦，不過，大家近排都有啲熱氣，所以，點炸物就要適可而止。榴槤炸彈喺小弟指定要點，炸得外層香脆，榴槤餡亦都無欺場；墨魚軟骨又唔喺淨得啲軟骨，都連帶埋啲墨魚肉，又幾酥香好食；薯絲蝦，哈哈，今日都點咗幾多蝦嘅菜式，依一款以薯絲包住海蝦香炸，咬落外層卜卜脆，好有薯香，內裡蝦肉仍然爽爽哋，比想像中好食。燒物9樣燒物，同樣喺乜都想試，但眼闊肚窄就要有啲取捨，故揀咗其中5款試試：塩燒牛舌、燒羊架、燒菠蘿、燒魚一夜干、塩燒海蝦。幾款燒物都做得普普通通，牛舌較好，簡單鹽燒，已足以吊起牛舌套有嘅燥味；而羊架及海蝦覺得喺燒過火，入口有啲乾，反而菠蘿燒得唔夠耐，再熱啲，濃縮啲，會更鮮甜；最麻麻喺條一夜干，魚肉嘅肉味喺濃，但肉質保持唔到軟嫩，師姐講笑咁講話好似食鹹魚。天婦羅食日本嘢，又點可以無天婦羅呢，5款天婦羅都喺慣常見到嘅款式，所以，隨意點少少，當睇睇佢哋嘅炸功如何！虎蝦天婦羅似乎喺心態上返本嘅必然之選，虎蝦取貨夠大隻，粉漿有少少厚，但可接受，至緊要唔會食到一口油；南瓜天婦羅亦喺心水之選，粉甜嘅南瓜做天婦羅真喺好適合；而冬菇天婦羅則較少食，以原隻冬菇嚟做天婦羅，效果幾好，脆口中有份軟腍嘅彈牙感。蒸焗菜式味噌焗蠔喺蒸焗類嘅官方超人氣之選，當然要試，另一人氣選帶子北海燒亦都要試吓，焗薯角相信無乜特別啦，反而，嚟多客蟹肉蒸蛋啱我多啲。味噌焗蠔算唔錯，頗有蠔味，不過，焗一焗，隻蠔好縮水，至少一次一人兩客先試清當中嘅味道；帶子北海燒喺加入沙律醬同芝士一齊焗，香噴噴，不過帶子肉都喺細粒；都喺蟹肉蒸蛋得小弟歡心，蒸蛋做得蛋香滑溜，內裡唔足有蟹肉，仲有冬菇，喺一般茶碗蒸嘅蟹肉版，自然多一份鮮甜味。鐵板料理如果夠人多，真想試佢個鐵板牛柳粒，不過，怕就算點一客多得滯食唔晒而嘥嘢，故6款鐵板料理只點咗日式炒雜菌同牛油粟米，當食番多少少纖維質嘅嘢。啲牛油粟米果然充滿牛油香，而且，粟米粒甜到你唔信；至於炒雜菌，都喺啲雞脾菇、秀珍菇、冬菇……之類大路雜菌炒埋一齊，健康素選。一品料理食到家下，真喺九乘幾飽，留肚俾甜品之前，計落都仲有少少虛位，一於點多一客一品料理試吓。幾款一品料理中，兩款鍋物同蟹粥，相信好大份食唔落，清酒煮蜆按人頭俾，應該喺穩陣嘅選擇。真好，果然俾個二人份量細細碗，可以試試又唔怕撐爆肚。蜆肉入口無沙，亦唔韌，帶少少酒香，做得不俗。湯 / 麵拉麵、烏冬當然都喜歡食啦，不過，去到放題，一來依一類嘢唔會做得特別出色，咁飽肚嘢就通常都放棄，二來，睇番佢哋嘅選擇，似乎唔喺有咩特別，就更加唔會試啦。甜品上文介紹過近入口有個自助區，多款甜品可以自由任取，全部都喺做得的的骰骰。小巧精緻，當然唔可以同去大酒店食自助餐相比，但都叫有份心去製造，唔似喺「求求其其」。所以，數一數共有4款日式和果子、吉士泡芙、提拉米蘇、紐約芝士餅、朱古力布朗尼、巨峰提子奶凍、北海道牛乳奶凍、抹茶奶凍。咁有心，小弟當然要支持吓，獨佔一碟甜點拼盤先。日式和果子揀咗櫻花同柨子，賣相幾得架，味道亦唔差喎，外皮軟糯，又唔太黏牙，饀心又唔會死甜；件布朗尼好濃朱古力味，濕潤挺實，內裡雖無混入合桃碎，卻有啲朱古力粒，唔錯；北海道牛乳奶凍勁牛奶味，質感又軟滑。吉士泡芙、紐約芝士餅不過不失，喺提拉米蘇似件咖啡蛋糕多過一件意大利芝士餅，因為無酒香，蛋糕底只喺朱古力海綿蛋糕，非浸咗咖啡酒嘅餅底。自由區邊位仲放有一個雪櫃仔，裡面喺雪米糍同Fruttato Gelato，各試一粒，前者撞手神喺香芋味，啱晒我；後者其實晌一啲甜品店都遇過，當喺即開即用嘅雪糕球，雖然芝麻味極濃郁，但雪死晒，口感跟Gelato喺完全欠奉:(。Movenpick雪糕、Dreyer’s雪糕批除咗任食甜品之外，每位客人仲加送一款極品享受嘅甜點，5揀1：Movenpick瑞士朱古力雪糕、士多啤梨雪糕、雲呢嗱夢幻雪糕、Dreyer’s日本宇治抹茶黑糖迷你雪糕批及呂宋芒果迷你雪糕批。師姐揀咗Movenpick瑞士朱古力雪糕，佢話朱古力好香水濃，雪糕入口軟滑。小弟就喺黑糖粉絲，所以，揀Dreyer’s日本宇治抹茶黑糖迷你雪糕批，抹茶味真喺好幽香，不過，講真，啲黑糖味就點食都唔多覺。依家放題店開到成行成市，無他嘅，作為客人而言，俾兩嚿半水就可以任飲任食，又刺身，又天婦羅……比起食自助餐平一大截，只要質素有番咁上下，就已經覺得回本。而作為餐廳，只緊要客多做旺個場，反正燈油火蠟、人工固定成本，有無客都要支出，多個客就多分收入，而且，放題多多少少屬流水作業，貨源成本又較易控制，唔似自助餐晚晚倒嘢食。今晚嚟到「大井町」，環境、食物質量都叫人稱心滿意，值得翻兜。…查看更多
…查看更多
蔥花吞拿魚蓉海膽壽司, 吞拿魚蓉好油甘美味, 伴海膽更鮮甜.軟殼蟹卷, 軟殼蟹太淋了, 整件壽司卷好似散開.點了三款, 分別是大/井/町, 但只來了兩款.創作壽司 - 井, 是灸燒帶子, 上面有少少海膽, 但被黑松露的味蓋過, 反而松露味幾夾帶子.創作壽司 - 町 , 應該有牛油果, 海膽及吞拿魚蓉. 但欠缺了牛油果, 所以味道好味, 只不過跟之前的壽司差不多.明太子軍艦, 不辣不咸, 魚籽醃過但不脆卜卜, 味道平平.芥辣八瓜魚軍艦, 芥辣不夠, 味道太溫和, 但八瓜魚彈牙好咬.海膽手卷, 海膽新鮮不腥.吞拿魚蓉手卷, 油甘香夠肥美, 味道好好.手卷材料偏少, 只有面層少少, 但紫菜保持脆身, 即叫即做值得一讚. (冰頭漬)三文魚頭軟骨, 未食過都未見過, 幾特別的前菜.酸酸地好開胃, 三文魚頭軟骨爽脆, 質感幾特別, 味道幾好.蟹肉蒸蛋必叫, 材料豐富, 蒸蛋好滑溜又有蛋香, 蟹肉一絲絲真材實料, 不是蟹柳已經值回票價.味噌焗蠔, 沒有芝士醬汁的膩, 用味噌更有咸香, 味道好好, 只是蠔肉太細粒, 而且有點殼.帶子北海燒, 有洋蔥粒好香口, 加上醬汁creamy 好惹味.帶子雖然細粒, 但質感彈牙嫩滑.串燒- 燒雞骨腸, 鹽燒海蝦, 煙肉露筍卷, 燒魚一夜干 .鹽燒海蝦易去殼而且肉質夠爽口, 鹽燒食出鮮味. 燒魚一夜干也好味, 不腥肉質結實的魚肉, 連少食魚的友人也喜歡.串燒- 菠蘿超甜超多汁, 食時也小心漏汁. 鹽燒牛舌就麻麻地, 太硬太乾身.炸物 - 榴槤炸彈/芝士年糕/墨魚軟骨.榴槤炸彈好爆醬, 濃郁的榴槤味, 餡料也很多, 食完仲有陣陣香味.芝士年糕同樣爆多芝士, 味道清淡的芝士味, 但好creamy好奶香, 年糕比例少, 所以食完唔太飽膩.炸物 - 紫心香芋丸/芝麻雞翼.紫心香芋丸不會爆出餡料, 反而杰身一點, 好香芋頭味, 外脆內軟的質感.每人限揀一款高質雪糕甜品.我地揀左MOVENPICK 雪糕, 朱古力味有好多朱古力粒, 而且味道濃郁. 士多啤梨多果肉, 酸酸甜甜味道清新解膩.甜品區更有和果子, 很精緻可愛.口味有4-5款. 櫻花/抹茶/ 柚子....等等更有蛋糕數款, 重質不重量, 質素頗高的蛋糕.布甸只有抹茶味, 但都是自家制.櫻花和果子, 有兩款, 本以為好甜, 但外觀太吸引忍不住拿了回來, 但原來味道不太甜, 內餡紅豆蓉軟滑, 外層煙煙韌韌.提拉米蘇蛋糕, 輕輕的咖啡味, 加上creamy 奶香的芝士忌廉好好味, 只係底層的蛋糕偏乾.紐約芝士蛋糕, 軟滑而濃郁的芝士味, 食完想再食.朱古力布朗尼, 不會好實也不硬, 估唔到做得咁好味, 朱古力味也很重.黑松露朱古力, 濃厚滑身的朱古力, 也是很好味, 但不要最底的蛋糕會更好, 太乾了.自家制抹茶布甸, 有三層味道, 最頂是抹茶汁, 甘苦茶香. 中間的是軟滑有彈性的抹茶布甸, 奶味及抹茶平衡. 最底是抹茶布甸, 有濃重甘香的抹茶味.當然不少得雪糕糯米滋和雪糕.抹茶雪糕糯米滋, 味道一般, 抹茶味不夠濃.芝麻味雪糕, 芒果味雪糕雪糕雪得好硬, 要先拿回來放軟一點才食. 雪糕質感似雪葩, 易散開奶味不重, 但味道突出. 芝麻味特別重, 喜歡芝麻味的不可錯過.…查看更多
