初見

營業中

休息中

無意間經過俾佢門口吸引左，入面佈置都好特別以大自然為主，舖內唔算大但座位都闊落，望落都幾乾淨！晚餐就係佢啦！.望下餐牌見到人氣No.1 咁就要試下啦！🔸初見版石燒香草吉列牛肉拼溏心蛋配白飯 $118個餐上得好快，應該好多人叫，所以預定左好多份。塊肉出來好吸引，肉好紅應該無點煮過，只係面有香草，另有塊仲燒緊既熱石可以自己加燒塊肉，可能塊肉切得薄擺係熱石上面一兩秒已可以，就得熱石上塊肥膏不停出油以免燒肉黐住，兩面熱一熱已經食得，就算塊肉已燒到唔見紅色但食落都仲好嫩滑！👍🏻👍🏻真心正！食緊果陣真係仲有好多人叫！😆.🔸煙三文魚明太籽炒意粉 $85用煙三文魚整成一朵花係面，賣相唔錯😋較乾身幼扁意粉煮得岩岩好有口感唔會太淋！Share 食就好D，自己食曬一碟就太漏啦！.加$35可轉套餐，多一個湯、沙律同一杯嘢飲

人生若只如【初見】?  約一個陌生人去進膳吧! 【初見】此名不難讓人聯想起納兰性德的其中一首詩, 因初見時的 喜悅 緊張 害羞, 因在陌生人前的拘謹,  而變得更有禮相待, 尊重。餐廳簡約並多以木色色調為主, 感覺和諧。 總覺得一間餐廳的素質, 除了以食品的質素去衡量外, 店員的態度亦非常影響進食的體驗。跟追女仔一樣, 若「初見」已留下壞印象, 又如何讓那女孩留給下次「再見」的機會?  初見手切青瓜蟹籽沙律性價比高, 份量比我想像中的多, 加上青瓜新鮮, 沙拉醬恰到好處, 是開胃的好前菜, 好味!!初見版石燒香草吉列牛肉拼溏心蛋配白飯當初體驗滿足時, 自不然期待後續發展。吉列牛肉邊繞著香草, 單看上碟的顏色已非常養眼, 增加食慾不得不讚牛肉汁 (Ginger味濃), 再沾上小小海鹽, 出奇地好味!店員亦非常細心, 告知燒前需以肥肉熱一熱鐵板, 肥肉燒乾後亦主動幫我們換一個。不過若餐廳能細心的告知客人燒牛肉的時間就更佳!炸明太子/炸芝士 釀雞翼雙拼吃過主食就自不然要來個小食, 豐富一下當日的晚餐!炸明太子及炸芝士 釀雞翼,  如何做到雞皮不破, 我仍是想不透!不過味道永遠是重點  涵料一

好朋友可能想錫住我荷包揀選左呢間日式創作料理小店，作為補祝佢嘅生日飯好彩壽星女準時到達，加上我預先book位否則唔知要等幾耐先有得食！小店不算大，有裝修，座位好擠迫，我們被分配到一張位於行人通道旁的二人枱，完全無位擺放隨身物品我們分別點了每人一個set及一份小食:- 雙拼：炸明太子釀雞翼及炸芝士餃子釀雞翼即叫即製，好味道- 初見版石燒香草吉列牛肉拼溏心蛋配白飯自已即燒即食，份量唔少，好味道- 日式燒餅汁煎澳洲和牛漢堡配炸薯條朋友話無乜特別，但好味道總括而言，價錢親民，食物質素高，埋單都只係約$300，回頭指數甚高

呢日難得放自己一日假, 約左個朋友黎荃灣行街街~本身就打算晚餐食日式野, 行左一陣就俾呢間既門口既餐牌吸引左!裝潢好日式, 入到黎有種好舒服既感覺入面仲呢有呢面草牆, 用黎影相一流!時間尚早未有好多人, 不過過多半個鐘就幾乎坐滿哂人!細心留意天花, 原來仲掛左D樹枝添係時候入正題喇, Menu既選擇有好多呀好多都好想食!!我個主食就加左$35升級做套餐, 有刺身、湯同花茶刺身小碟好豐富好厚切既魚生真係唔夠喉呀! 兩啖食哂, 好想繼續食南瓜湯足料既南瓜湯, 仲好香花茶初見版石燒香草吉列牛肉拼溏心蛋配白飯呢個吉列牛好特別, 外面綠色既係香草, 第一次試呢個組合! 十分期待仲有溏心蛋, 超豐富~牛肉基本上係生既, 可以按需要煎到你想要既程度好食又好玩! 個牛肉質嫩滑, 容易入口, 非常驚喜呀!初見特選仙氣壽司拼盤名乎其實仙氣十足既壽司拼盤!好有排場既感覺有三文魚、帆立貝、吞拿魚、海膽、蟹子、油甘魚, 仲有甜蛋同一隻赤蝦! 非常新鮮既魚生, 我最鐘意係隻蝦! 好肥美!見到D相都想再食過..Overall食物質素高! 環境好舒適, 店員服務好下次一定要黎食多次!