沙田凱悅酒店咖啡廳

營業中

休息中

Cafe

4

4

415 食評

味道

環境

服務

衛生

抵食

|

29593

沙田

$401-800

多國菜自助餐酒店餐廳咪嘥嘢食店無翅餐廳

233

75

44

資訊:
餐廳:	沙田凱悅酒店咖啡廳

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

凍海鮮

2 已推介

mandy989

等級4

468

5

今天是我兩位朋友的生日，由於他們都很喜歡吃自助餐，而最近亦有很多 staycation 的優惠，剛巧看見這間酒店的雙人 staycation 套餐只需$1400，所以我們便選擇來到這間酒店吃自助晚餐+住宿一晚了晚市自助餐的供應時間是6：00~10：30，用餐時間相當充裕，可惜作為一間五星級酒店自助餐，食物選擇種類卻非常少，而且味道亦不算特別出色，大部分都是不過不失而已，感覺上只是四星自助餐的水準...No.1【凍海鮮】海鮮分別有龍蝦、蟹鉗、長腳蟹、大蝦、青口和小龍蝦供應但在眾多海鮮中，只有龍蝦的味道較為出色，肉質不單止爽脆彈牙，鮮美多汁，每一口更嚐到龍蝦淡淡的鮮甜味，以自助餐的水準來說算是相當不錯了可惜長腳蟹卻充滿著濃濃的海水味，而大蝦則沒有任何味道，淡而無味的，最後蟹鉗的味道更十分怪異，所以我通通都只吃了一小口便放棄了由於刺身看起來只是元氣/爭鮮的貨色，而本人亦對冷盤，沙律，芝士不感任何興趣，所以我便省略了，只拍了幾張照片供大家參考現在我便直接來到了熟食區域，可惜食物選擇依然不多No.2【熟食】熟食比較出色的就只有羊架和鴨肝，羊架的肉質十分柔軟嫩滑之餘，亦充滿著濃濃的羊膻味至於鴨肝的

更多

今天是我兩位朋友的生日，由於他們都很喜歡吃自助餐，而最近亦有很多 staycation 的優惠，剛巧看見這間酒店的雙人 staycation 套餐只需$1400，所以我們便選擇來到這間酒店吃自助晚餐+住宿一晚了

羊架和鴨肝配汽泡酒

晚市自助餐的供應時間是6：00~10：30，用餐時間相當充裕，可惜作為一間五星級酒店自助餐，食物選擇種類卻非常少，而且味道亦不算特別出色，大部分都是不過不失而已，感覺上只是四星自助餐的水準...

No.1【凍海鮮】

海鮮分別有龍蝦、蟹鉗、長腳蟹、大蝦、青口和小龍蝦供應
但在眾多海鮮中，只有龍蝦的味道較為出色，肉質不單止爽脆彈牙，鮮美多汁，每一口更嚐到龍蝦淡淡的鮮甜味，以自助餐的水準來說算是相當不錯了

可惜長腳蟹卻充滿著濃濃的海水味，而大蝦則沒有任何味道，淡而無味的，最後蟹鉗的味道更十分怪異，所以我通通都只吃了一小口便放棄了

由於刺身看起來只是元氣/爭鮮的貨色，而本人亦對冷盤，沙律，芝士不感任何興趣，所以我便省略了，只拍了幾張照片供大家參考

現在我便直接來到了熟食區域，可惜食物選擇依然不多

No.2【熟食】

羊架和鴨肝

熟食比較出色的就只有羊架和鴨肝，羊架的肉質十分柔軟嫩滑之餘，亦充滿著濃濃的羊膻味

至於鴨肝的口感亦不會太油膩，而且質感都算入口即化，最後配上香脆可口的多士，味道簡直完美得無懈可擊，美味得讓人久久縈繞

鮑魚和花膠

除了西式的熟食外，酒店同時供應中式的熟食，例如有看似比較矜貴的鮑魚和花膠

不過自助餐的任食鮑魚，當然只是一些罐頭的貨色，味道並沒有特別大的驚喜，大家便不要抱有太大的期望了
而花膠更是麻辣口味的，我人生第一次吃到麻辣的花膠，那種味道簡直是可一不可再

鮑魚和花膠

No.3【甜品】

由於今次海鮮和熟食的味道只是中規中矩，所以我早早便放棄了，直接品嚐甜品更實際，並且發現第一 Round 的甜品最為出色，而且更是「手快有手慢冇」

皆因這間酒店的甜品供應十分特別，就是當某一款甜品售罄的時候，有機會會以另一款甜品補上，導致很多甜品都只是供應一次而已，假如你剛巧錯過了，那就可能真的與它「無緣」了
重點是，甜品的味道是由第一 Round 開始之後便直線下降，質素愈來愈差，所以建議大家記得襯早品嚐

朱古力蛋糕，提拉米蘇以及合桃批

第一 Round 的甜品是朱古力蛋糕，提拉米蘇以及合桃批
朱古力蛋糕充滿著濃郁的朱古力香氣之餘，口感更甜而不膩，而拉米提蘇的質感則十分清新輕盈，入口即化，這麼美味的甜品當然早早便給人搶購一空，兼且不再補回
不過合桃批的味道便略遜一籌了，每一口都簡直甜得嗆喉，大家可以直接省略

啫喱，燉蛋，奶凍和慕絲

之後第二 Round 的甜品是啫喱，燉蛋，奶凍和慕絲，當中啫喱只是超市的貨色，而且味道更十分酸溜溜，至於燉蛋的焦糖味則太過甜膩，慕絲的口感亦不夠幼滑柔順
唯一比較出色的就只有奶凍，質感十分香軟滑溜之餘，奶味亦香濃醇厚，都算值得大家一試的

麵包布甸、芝士蛋糕、咖啡蛋糕和南瓜批

最後第三 Round 的甜品其實大家可以不用嚐試，因為差不多全部都是伏！伏！伏！
麵包布甸放在室外太久，早已變得冰冷和堅硬，芝士蛋糕的口感亦十分膩，咖啡蛋糕則沒有任何咖啡味，而最後的南瓜批質感更非常結實，我全部都吃了一小口便放棄了

另外酒店亦供應少量即製甜品，分別是香蕉班戟和窩夫，香蕉班戟我便沒興趣了，而窩夫的蛋香味雖然並不算香濃，但配上雪糕之後便剛剛好

酒店的雪糕是自家制的，口感都算入口即融，奶味香濃，我分別試了雲尼拿和綠茶口味，兩者的味道都十分出色

雲尼拿雪糕配窩夫

綠茶雪糕配窩夫

價錢方面，Walk in晚市自助餐的折實價是 $485，已包括了加一服務費，而由於我是 staycation 的關係，所以剛剛的價錢只供參考而已

總結來說，雖然這是一間五星級酒店的自助餐，但是無論是食物款式、味道抑或質素都符合不到五星級酒店的應有水準，個人認為它比較像四星級酒店多一些，不過它的房間環境卻相當不錯，所以如果是來 staycation 的話，都可以一試無妨，但如果是單獨來堂食的話，便建議大家無謂浪費金錢了

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

用餐日期

2020-10-29

用餐途徑

堂食

人均消費

$485 (晚餐)

慶祝紀念

生日

推介美食

山區麵包王

等級4

2.8K

237

依家做自助餐生意實在唔容易，各出奇謀，走街坊大眾化路線嘅，就一味靠平，但大家明白，一分錢就一分貨，質素有限；相反，走高質素路線嘅，食材自然有番咁上下，而且，為求增加吸引度，除咗應季節、節日以唔同嘅主題作招徠，晌食材嘅質素上更加不斷提升。最近，同朋友到訪沙田凱悅酒店嘅「咖啡廳」食自助晚餐，就更加呈獻特色表演主題菜，容後再介紹即喺咩！因為新界區都比較少入嚟搵食，而「咖啡廳」都喺第一次到訪，位置晌大堂後邊，好易搵，而且，地方頗闊落，樓底又夠高，所以，空間感極強，座位嘅編排亦無過於擠迫嘅問題。晌後方另一邊區域，更設有多張圓枱，非常適合人多嘅家族聚餐，或6-8人一大棚朋友聚會，方便傾偈。而整個場，有唔少組梳化椅，喺小弟嘅心水位，既舒服好坐，又比其他單張座椅寬敞。食物區全部集中於入場嘅左手邊，所以，唔使走嚟走去。而最吸引喺每個區域加插好多聖誕擺設，真喺估唔到只喺12月初就已經開始慶祝定聖誕節，所以，就當喺提早順便慶祝埋聖誕；但多咗依大堆裝飾，真喺感覺有氛好多，再者，每個裝飾都做得好靚，好有心思，相信花咗唔少餅廚嘅精力同時間。唔單止環境，枱上都已經擺咗少少聖誕裝飾。亦順便講埋呢度自助餐嘅收費，枱上嘅

更多

依家做自助餐生意實在唔容易，各出奇謀，走街坊大眾化路線嘅，就一味靠平，但大家明白，一分錢就一分貨，質素有限；相反，走高質素路線嘅，食材自然有番咁上下，而且，為求增加吸引度，除咗應季節、節日以唔同嘅主題作招徠，晌食材嘅質素上更加不斷提升。最近，同朋友到訪沙田凱悅酒店嘅「咖啡廳」食自助晚餐，就更加呈獻特色表演主題菜

，容後再介紹即喺咩！

因為新界區都比較少入嚟搵食，而「咖啡廳」都喺第一次到訪，位置晌大堂後邊，好易搵，而且，地方頗闊落，樓底又夠高，所以，空間感極強，座位嘅編排亦無過於擠迫嘅問題

晌後方另一邊區域，更設有多張圓枱，非常適合人多嘅家族聚餐，或6-8人一大棚朋友聚會，方便傾偈。

而整個場，有唔少組梳化椅，喺小弟嘅心水位，既舒服好坐，又比其他單張座椅寬敞

食物區全部集中於入場嘅左手邊，所以，唔使走嚟走去。而最吸引喺每個區域加插好多聖誕擺設，真喺估唔到只喺12月初就已經開始慶祝定聖誕節

，所以，就當喺提早順便慶祝埋聖誕；但多咗依大堆裝飾，真喺感覺有氛好多，再者，每個裝飾都做得好靚，好有心思，相信花咗唔少餅廚嘅精力同時間

唔單止環境，枱上都已經擺咗少少聖誕裝飾。亦順便講埋呢度自助餐嘅收費，枱上嘅價錢牌，就有齊早午晚、下午茶各項收費，各款自助餐均提供暢飲優惠，每位$98就可以無限享用橙汁、汽水、指定啤酒、紅白餐酒。最感意外，黑牛只喺$33杯，以酒店而言，算喺平！但最欣賞喺自助晚餐嘅享用時間喺由6:00pm到10:00pm，足足4小時

，可以慢慢嘆兼食得多啲。

雖然有暢飲優惠，但相信會享用嘅人唔多，除非你喺好鍾意飲啤酒及餐酒，因為，除有一部自助咖啡機之外，仲提供兩款自助健康特飲：西柚青檸特飲及青瓜檸檬特飲，兩款飲落都好醒神，後者就更討我歡心，皆因加入青瓜及糖漿元素，味道更特別

。此外，餐後奉送餐飲一杯，故此，大可慳番呢$98。

自助咖啡機

自助健康特飲

沙律、冷盤、海鮮、和式廚房
回顧番個食物區，大致可分為4個區域，而每個區域都以即煮廚房為概念，所以，每區都有廚師即時製作食物作補充，故此，食物嘅補充既快且足，讓人有更新鮮嘅感覺

沙律吧全放晌一角，有多款沙律菜、配料及醬汁，仲有幾枝靚嘅橄欖油、葡萄醋……概略一望，食材睇落新鮮，但款式大路。

不過，另一邊既可作為前菜小食，又可作為沙律配嘅食物，如雅枝竹、烤意大利青瓜、油浸蕃茄……等等，就更引起我注意。另有兩款預製沙律，亦甚啱我嘅口味。

沙律、冷盤

而芝士拼盤亦相當誘人，4款所供應嘅芝士包括：丹麥藍芝士、英國車打芝士、法國布利芝士及瑞士艾文頓芝士。小弟一向都甚好芝士，不過，文初都講過餐廳特別呈獻特色表演主題菜，所以，真喺食唔到咁多嘢，芝士就無試到喇。

平常會西湯、麵包、芝士夾起一齊食，但今晚除芝士外，呢個黃金組合都放棄晒，只喺影番相做個記錄，其實，作為麵包粉絲真喺好想食架，但真喺怕為咗樖樹，放棄咗片森林嘛！

麵包旁邊就喺啲冷盤，分別有帕爾馬火腿、、意大利莎樂美腸及煙三魚，小弟就用佢哋嚟襯我碟沙律。

呢度仲有啲魚生、壽司、壽司卷、漬物、冷麵及少少和式熱食，壽司、壽司卷同樣喺極易飽肚嘅食物，大多數食自助餐時均好少掂嘅食物，但啲魚生睇落好新鮮，所以，之後夾埋啲凍海鮮一齊試。

壽司、壽司卷、漬物、冷麵

最尾，就介紹呢區嘅亮點：凍海鮮

，包括龍蝦、虎蝦、長蟹腳、青口及甜蝦肉，配以數款特色醬，喺可惜少少無生蠔供應。不過，溫馨提示一下，啲龍蝦初段喺不停源源供應，但直至後尾特色菜芝士焗龍蝦出場，就無再供應凍龍蝦喇，但都喺接近自助餐嘅尾聲時段。

沙律、冷盤大放「餸」

小弟慣於先由沙律落肚，開開胃，更可以加強胃部容納嘅小宇宙，更具持久力。所以，睇我第一碟全部都喺啲沙律、冷盤，組合非常豐富，唔逐一介紹，整體食材新鮮，味道多元化，越食越清爽開胃。

沙律、冷盤

海鮮、刺身大解放

啲凍海鮮睇起嚟色澤亮麗，點可以錯過，將凍海鮮加刺身拼上，成為小弟嘅海鮮拼盤，喺咪睇見都好吸引呢！各款海鮮都好正，但特別一提，佢哋啲凍蝦特別大隻，又爽口，無論沾上瑪莉咯嗲汁還是蕃茄辣根汁都咁正，而屬刺身級嘅帶子，同樣大大隻，沾點醬油已經鮮味盡出，柔軟嘅口感食得叫人動心，值得翻兜

海鮮、刺身

海膽刺身飯

大概7:00pm，聽到微微敲鐘聲，出現第一道特色表演主題菜「海膽刺身飯」，份份細細碟好適合自助餐享用，可以講喺刺身多過飯呀，亳無疑問食味絕對鮮甜，不過，可能喺自助餐關係，應付人流需事先準備所有，如果拎住一板板海膽為客人作最後添加，甚至按客人喜好加其份量，相信「表演」成份更強，客人睇見成板海膽都興奮啲

海膽刺身飯

海膽刺身飯

海膽刺身飯

西式廚房
就晌沙律、冷盤廚房對面，所提供嘅食物都喺以西式為主，而廚房內有巨型焗爐、扒爐，睇住師傅晌後面密密做，不時有新鮮薄餅、熱盤出爐，以下就逐樣介紹一下。不過，平常見唔少自助餐提供多種印度咖喱菜式，但晌處就唔多覺其蹤影。

為求鮮度，薄餅都喺小批次出爐，枱面上放有一煲二煲，有莧菜芝士雲吞、肉醬大通粉，另一邊廂就喺檸檬汁蒜蓉炒蜆、芝士焗龍脷柳，以及應節嘅烤火雞。

西式熱盤、烤火雞

而扒爐之上，見到有3款德國腸：香草豬肉腸、司華力腸、芝士腸，仲有羊架、烤菠蘿、鴨肉，最窩心喺你揀咗邊樣嘢食，會即時再放上扒爐燒熱，令肉香散發。食肉又點少得啲伴醬，多種選擇供你配搭。

而去到枱尾則放有兩款西湯：意大利雜菜湯及蘑菇忌廉湯，以及數款西式素食，所以，都顧及小眾較喜歡食素嘅客人。但行勻都點解唔喺好見肉眼、西冷之類嘅烤扒嘅？

西湯、西式素食

龍蝦 x 肉眼

話咁快到7:30pm，又聽到敲鐘聲，原來有下一道特色表演主題菜登場「芝士焗龍蝦配肉眼」，西式廚房內火光熊熊，因為不斷晌扒爐上灑酒燒香啲龍蝦，怪不得吸引咁多食客排隊等候。其實，當晚所見，供應十足，等人潮散後先去拎都無問題，不過人排我又排好似有種優先試菜感。

龍蝦 x 肉眼

老實講，一人食一客真喺吃不消，所以，出外靠朋友吖嘛，肉眼可以「些牙」食，焗龍蝦可以翻兜再拎，見佢哋供應不絕。而芝士焗龍蝦故然好食，肉質爽彈，味道香濃；至於啲肉眼都屬高質，燒得頗有炭火香，肉質軟腍卻喺肉味濃

，最鍾意沾芥末食。

龍蝦 x 肉眼

中式廚房
晌西式廚房旁，就喺中式廚房，過到嚟就「聽」到一朕朕鑊氣，不時睇到師傅晌度炒菜，爐頭發出嘅「蓬蓬聲」，齋聽都覺得好有鑊氣。一系列中式小炒、燒味、粉麵就可以晌度搵到。

雖然，呢度無燉湯供應，但兩大窩中湯都頗有睇頭，分別喺蟲草花煲水鴨及雲吞雞湯，唔知你又喜歡邊一款。

往左望望，中式菜餚包括：上湯魚肚浸芥菜膽、羅漢齋、咖喱牛腩、茄汁炒大蝦、霸王雞、瑤柱扒瓜脯、蒸海斑，感覺款式唔算多，但都叫精。

再走過啲，就喺燒味檔同粉麵檔，前者有蜜汁叉燒、豉油雞、明爐燒鴨，而後者沒有多留意，所以，除見到唔同嘅粉麵之外，未知有咩配料提供，不過，就幾鍾意佢哋將啲食物一鍋鍋冚實，衛生好多。晌自助餐中，雖然小弟對呢兩類食物興趣唔大，但經過時見唔少老人家或外國客特別感興趣。

蟲草花煲水鴨

先喺試試佢其中一款中湯「煲水鴨」，湯頭幾清潤，而且，味道好鮮甜，喺夠火喉嘅味道。

蟲草花煲水鴨

鮑魚扣花膠

轉眼8:00pm，真喺之前拎落嘅食物都未食完，又有敲鐘聲，下一道特色表演主題菜又登場，今回喺到中式廚房嘅「鮑魚扣花膠」，師傅捧出一大煲鮑魚，密密上碗。鮑魚以蠔皇扣，雖然喺細隻咗啲，但煙韌咬口又好入味，而花膠炆得夠腍又夠膠，此外，仲伴有大花菇，添加咗脆米喺有畫龍點晴之效

。專登要求師傅俾細碗啲，因為，仲有熱盤未食呀！

鮑魚扣花膠

鮑魚扣花膠

烤肉、熱盤中集會

因為仲要留肚食甜品，所以，一次過晌西式、中式廚房區砌出一碟熱盤，計有烤火雞、羊架、香草豬肉腸、莧菜芝士雲吞、咖喱牛腩及茄汁炒大蝦，最討歡心首選喺羊架，夠晒羶香，肉質軟腍，而豬肉腸、牛腩都好食，但次選會揀炒大蝦，酸香開胃，蝦肉爽口

烤肉、熱盤

甜品廚房
尾站唔使多講就喺甜品專區，佢哋唔單止甜品多，絕可以用琳瑯滿目嚟形容，更因應聖誕關係，好多甜品更加設聖誕裝飾，雖然可能只喺小小一個雪人公仔，又或一片聖誕葉朱古力，但已提升吸晴度。見到幾位女生，更專登擺靚「甫士」跟啲聖誕甜品合照

先喺一角多款個裝蛋糕，集中以聖誕作主題，每一款都盡顯餅廚心思，裝飾得靚一靚，小雪人開心果杯子蛋糕、聖誕樹蛋糕、鹿車薑餅人、飄雪士多啤梨蛋糕、……越睇越心郁

聖誕主題個裝蛋糕

另一邊廂放置嘅就喺多款小巧的骰嘅甜品，如布朗尼、雜莓餅、朱古力慕絲、桂花糕、芒果奶凍、法式燉蛋、原片果仁朱古力、吉士酥卷、招牌蜂蜜蛋糕，以及意大利芝士餅、啫喱糖……等等，同樣加插咗聖誕裝飾。

雪糕專櫃一共提供9款口味

，不少更喺平常少見，如柑橘柚子、草莓乳酪、紅樹莓，好奇之下問問，原來喺Häagen-Dazs品牌，配脆筒或小碗裝都得。

Häagen-Dazs雪糕

煎班戟、窩夫都喺現場即點即製，其他嘅甜品，仲有迷你葡撻、麵包布甸，以及朱古力火鍋、紅豆沙、紅棗冰糖燉雪梨及焗朱古力布甸，前前後後，數一數超過30款啦，真喺每樣試一啖都不得了

班戟、窩夫

中、西式甜品

順便就講講有咩新鮮生果供應，包括鮮菠蘿、西瓜、西柚及火龍果。

火焰雪山

不過，未食我嘅甜品拼盤，8:30pm又嚟有敲鐘，就喺最後一道特色表演主題菜「火焰雪山」壓軸登場，一個又一個嘅小雪山，淋上着晒火嘅冧酒及白蘭地，唯可惜現場「燈火通明」，未喺好有火焰嘅效果。不過，件火焰雪山真喺幾得，外層嘅蛋白打得挺柔滑，帶有微微酒香，而裡面包住嘅紅莓雪糕酸香軟滑。

甜品拼盤

今晚因為有啲額外嘅特色主題菜，所以，尾段真喺幾飽吓，故甜點都唔敢一次拎太多，只拎咗其中8款，有布朗尼、朱古力慕絲蛋糕、士多啤梨奶凍餅、迷你葡撻、蜂蜜蛋糕、吉士酥卷、芒果奶凍、雜莓餅。甜品做得細緻，好似布朗尼咁，做得朱古力味濃郁，質感綿密，加有香脆嘅合桃，而朱古力慕絲蛋糕入口幼滑，蜂蜜蛋糕蜂味果然清甜，芒果奶凍挺實而柔軟，極富奶香，故綜合而言，佢哋嘅甜點確喺有出色

Häagen-Dazs自選雪糕杯

小弟要咗芒果、柑橘柚子及咖啡口味，都喺個人喜好，雪糕軟滑有富厚嘅奶味，而芒果口味更加有果肉，柑橘柚子口味嘅柑橘味非常突出。淋上朱古力漿，灑下大量香脆嘅杏仁片，為甜品環節作結！

Häagen-Dazs自選雪糕杯

紅棗冰糖燉雪梨

本來真喺打算食完碗雪糕就算，但友人話個紅棗冰糖燉雪梨好滋潤，所以，不得不加時作賽，添多一碗紅棗冰糖燉雪梨，果然滋潤到不得了，好清甜，尤其依家秋冬乾燥感強，食呢道糖水滋潤效果更明顯

紅棗冰糖燉雪梨

晌甜品時段，已撳咗杯鮮奶咖啡一邊飲，一邊食，但既然包餐飲，就要多杯洋甘菊，貪其唔會太濃，又有抗氧化，平和情緒。熱茶以壺上，可以慢慢享用，跟朋友坐多陣，並多談一啲旅遊大計。

因為用餐時間比較長，可以食得好輕鬆，而且，地方舒適，服務又做到足，侍應殷勤有禮，都無乜挑剔嘅地方。食物方面真喺唔使多講，有水準，供應足，主題菜式又幾有心思，超多甜品更喺令人喜出望外

。臨離開時，侍應更話晌聖誕、新年期間，會有更多節日佳餚，而且，於平安夜及聖誕日，更有合唱團現場演奏聖誕樂曲，相信到時氣氛更濃厚。

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

用餐途徑

堂食

人均消費

$570 (晚餐)

用餐優惠

信用卡優惠

推介美食