家後

太子區有多間餃子店，能在此區扎根實屬不易。由於工作關係，近月經常在太子區出沒，竟然被我發掘到一間隱世餃子店-家後。因為想試多不同款式餃子及小食，所以今日約埋朋友一齊食。我地叫左一個煎餃套餐，一個湯餃套餐，另外再叫多2個小食及甜品，非常滿足。⭐煎洋蔥豬肉餃+日式飯糰+凍檸茶$5🥟餃子煎得香脆，有外脆內軟的感覺；加上香甜洋蔥豬肉餡料，配上自家製香辣菜脯，相得益彰。🍙飯糰採用日產米，香甜軟糯，混合了牛蒡絲，超級好味。⭐雲耳椰菜豬肉湯餃+日式飯糰+熱檸水$51湯餃附有粉葛老火湯，餃子餡料充足，食落就知用料十足，絕無偷工減料。⭐酥炸豬肉丸$25用薯仔混和豬肉再炸成細細粒小丸子，炸得剛剛好。⭐滷水豬大腸$20豬大腸滷得非常入味，味道調校得啱啱好。⭐日式手作芝士蛋糕$25朋友叫左一個原味手作芝士蛋糕🧀，絕對係驚喜之作；蛋糕入口香滑，可見是心機之作；而且性價比高，絕對能與附近cafe的蛋糕比拼。…查看更多

為咗食餃子同cheesecake，特登一早嚟深水埗食飯，真係要早啲嚟，一到12點已經好多人排隊椰菜豬肉湯餃，8粒大大隻，加上無味精粉葛赤小豆湯，真係好有家的感覺 真係好好食！！聽好多人叫粟米雞肉、芫荽、洋蔥豬肉餃，下次再試試佢我叫咗套餐B配飯團一個，雖然8粒餃子加埋湯女仔嚟講都夠飽，但飯團真係好推介！細細地一個但論味道同口感都無可挑剔，下次都會揀返套餐B，依家諗返都好掛住呢個飯團同個cheesecake睇漏咗套餐跟冷熱飲品一杯，我又係飲凍檸茶，因為嗰日熱到爆炸救命！！！！最令人期待嘅芝士蛋糕嚟喇！！佢size唔會好大所以就算飽飽地就有位俾佢 第一啖食覺得普通，之後越食越香，口感棉滑但又唔膩，我之後特登返轉頭買多一個，但要等老闆娘切餅因為對上一個客買咗100件（唔知有冇聽錯），叫呢個做飯後甜品真係大滿足！必點之選！！！…查看更多

深水埗不嬲出名美食多選擇多，大家都知既有茶餐廳既蛋牛治、豬膶麵、米芝蓮車仔麵、肉骨茶等，隨左美食，深水埗都係一個Cafe林立既區，呢家由大南街到基隆街、汝州街都會聞到咖啡香，著名美食同Cafe就係大家黎深水埗既原因，不過大家有無諗過黎深水涉係食餃子同日式甜品呢?店主係2019年選址基隆街，開左呢間一家人小本經營既小店「家後」，店鋪無打卡既門面與裝潢，亦都無賣深水埗應有既精品咖啡，而是主打餃子同芝士蛋糕，係你無睇錯，呢兩樣野食係完全風馬牛不相及。店主本身唔係做開食肆，家庭一直係做布行生意，因為近幾年行業走下坡，就同父親商量轉業，商議後決定開一間餃子店。因為店主媽媽識得包餃子，款式也唔似一般餐廳複雜，店鋪菜式食物專一啲會容易經營啲，於是就膽粗粗開張左餐廳。點解一間餃子店會有甜品賣?因為店主既日本人太太鍾意做甜品，太太問過店主後，店主試過後覺得可以就開始係店鋪賣甜品。餐廳完全係家庭式經營，爸爸包餃子、媽媽主廚務、兒子掌樓面、新抱整蛋糕，每人一瓣、各司其職，比起餃，太太所做既日式芝士蛋糕更加爆紅。餐廳主打既餃子，只有煎餃同湯餃，無蒸餃，非常簡單。開業時更加只得3款餃子，慢慢才到呢家8款。好似洋蔥豬肉、韭菜豬肉、芫荽豬肉等材料都係店主爸媽每日一朝早親自到街市買，所有材料都係逐樣揀過挑過，靚既先會買。豬肉方面都係親自係肉檔挑選既新鮮豬肉，餐廳就好似為屋企人買餸煮飯咁。返到廚房仲有一大堆功夫要做，洗材料、剁豬肉、做滷水、煲湯等，好食既餃子同家常菜絕對唔簡單。至於湯餃方面，湯底都係店主媽媽負責，平時係屋企煲湯都唔會係古靈精怪既湯，係平時會飲到既家常老火湯，好似番茄薯仔之類，客人可以食到餃子之餘又飲到住家湯，所以開業一年已經儲到一班熟客。配粉麵用既湯底係用牛骨湯同豬骨湯，而每日淥餃子既就係每日既老火例湯，客人知到餃子係用老火湯淥之後，會一滴不漏咁飲晒。父母幫左店主好大忙，不過最出名人氣既巴斯克芝士蛋糕，係全靠店主日籍太。店鋪唔止有芝士蛋糕，仲有日式焦糖布甸。對店主黎講，太太溫順，要打理家務、照顧女兒，又要做蛋糕，非常賢慧唔簡單。係巴斯克芝士蛋糕仲未係香港大紅大紫，太太已經有做，非常有觸覺。芝士蛋糕客人食過之後個個都好鍾意，甚至會特別訂製全個做送禮，之後巴斯克蛋糕爆紅，個個客人爭住買，一傳十、十傳百，變成左餐廳人氣產品，比餃子更紅，試過一日曾賣出60件既成績，有好多人係冒著蛋糕之名而黎，令到家後更添人氣。我會知呢間小店，係因為身邊同樣鍾意食野既朋友有次介紹比我，佢向來對食野要求都高，見佢會對呢度既餃子喜愛有加，一直都想黎試一試。再加上我女朋友一直都好鍾意食餃子，有係網上既餃子關注組，見到有網友推介呢間餃子店，評分唔錯，有次咁岩係深水埗就決心一試佢係咪真係咁好食。網上見到有人要等半個鐘先可以入座，好好彩既係我完全唔駛等位，黎丁就可以坐低。門面唔算顯眼，店鋪唔算寬敞，面積唔大，有幾張方枱圓枱小櫈，大概有二十個座位，但尚算坐得舒適，門口玻璃夠開揚，設計簡約，店內裝潢係懷舊中見時尚，牆上有深水埗既舊區街照，加上中國風圖騰同木製餐枱櫈，港式粉麵店格局中帶有風味，整體乾淨整潔。呢度既餐牌得兩頁，第一頁係茶餐廳常見粉麵同飯餐，另一頁就係呢度既招牌餃子、小食同甜品。餃子有八款口味，每份係8隻，可以揀雙拼或者拼麵，拼麵就只有6隻，價格合理。小食方面有大腸羹、飯糰、雞翼、鹵味等，甜品有芝士蛋糕同焦糖布甸。係等緊野食個時，會見到店員用心咁逐隻逐隻餃子咁包，相信呢個就係店主既爸爸，所以呢度既餃子絕對係真材實料，係心機菜。-1️⃣ 洋蔥豬肉餃 煎餃 $40（: 9/10）呢款洋蔥豬肉餃係最多人點，喺店舖嘅招牌，如果叫雙拼嘅話要加兩蚊。餃子煎到金黃色賬卜卜，小小透明會見到內餡，賣相非常討好，咬落外層好香脆，尤其係個餃子底部，但唔會過火令到好硬，餃子皮夠薄，食落輕盈。而內餡咬落係非常juicy，肉汁飽滿，會即刻喺口腔爆汁，所以要小心食如果唔係會辣親，煎餃做到完美既不乾不油。平時嘅餃子好少見到用洋蔥做餡，呢度用紫洋蔥做，洋蔥份量夠多，切到大大粒，食落唔生，煎過既洋葱小左辛辣味，多左一份甜，甜甜地又多汁，咬落夠爽，完全增加餡料既口感，豬肉份量夠多，夠新鮮，用半肥瘦豬肉，食到豬肉嘅甘香味，好入味唔乾身。呢個餃子絕對係皮薄餡靚，餡同皮配搭得好好，洋蔥同豬肉嘅比例啱啱好，唔會太多肉食到好，兩隻味唔會話互搶，食落好香口，餃子調味唔會太重手，冇多餘調味，唔會蓋過餡料本身的味道，無諗過紫洋蔥擺落餃子咁夾，而呢款餃子應該係最好食嘅一款，對比起其他餡料或者湯餃，唔食洋蔥既人應該都會比呢個層次豐富既餃子俘虜。另外店舖有提供自家製嘅香辣菜脯，咬落爽口帶後勁既辣，辣得黎醒神醒胃，幾惹味過癮會，放係近收銀處附近，可以問店員幫手拎。-2️⃣ 雲耳椰菜豬肉餃 湯餃 $36（: 8.5/10）叫咗一個煎餃，就叫一個湯餃比較下。餃子大細正常，算係一口size，外皮滑溜，皮夠薄，但夾起唔易整穿，咬落係煙韌，內餡飽滿紮實，味道鮮甜偏向清淡，調味方面做得啱啱好。椰菜雲耳咬落新鮮爽口，口感豐富，椰菜既鮮甜味好突出，豬肉肥瘦合宜，略嫌雲耳偏少。呢度湯餃嘅湯底日日都唔同，有時係紅蘿蔔雪耳湯，今次係粉葛湯，飲落唔會話好重味，但味道足夠，湯底清澈，飲落清甜，冇乜油份，有淡淡既粉葛香，係真材實料，飲完會覺得好口渴，係好健康冇味精嘅湯底，仲會有兩條生菜，唔係驚艷既味道，但有屋企飲湯嘅感覺，平淡而舒服，同餃子配搭得好，湯底唔會喧賓奪主，反而令餃子更加有甜味鮮味。-3️⃣ 日式住家飯糰(套餐B)  +$15（: 8.5/10）呢度既餃子隨左可以單點之外，仲可以跟套餐，有3款套餐可以選擇，套餐A係配一碗麵，湯底可以選擇豬骨湯或者是日例湯，而套餐B係配一個是日飯糰，而套餐C係配麻辣或者滷水雞翼兩隻。因為飯糰算係呢度特色，加上係人氣之選，所以就揀左套餐B。飯糰呢種係餃子店唔常見既日本料理，都係店主日藉太太負責整，餐牌上寫飯糰係用日本米，上枱時香氣撲鼻，飯糰咬落夠綿，唔會過腍，粒粒分明，帶小小煙韌。飯糰主要係靠燒汁調味，雖然睇落好深色，味道唔會話好濃味，唔會話好鹹，味道調味適宜，食落夠香，所以唔洗再加任何調味。飯糰入面會有小小雞肉碎，雞肉有燒汁既香味，最特色係有牛蒡絲，牛蒡絲絕對係畫龍點睛，味道非常香，每一啖都食到雞肉同埋牛蒡絲，口感相當豐富，粒粒飯都充滿牛蒡既香味，食落完全好有日本飯糰既味道，成個飯糰唔會話得飯，唔會食到最尾係得白飯，估唔到係一間香港餃子小店，會食到日本既味道，絕對係有驚喜。-4️⃣ 凍檸茶（: 7.5/10）凍檸茶夠凍，飲落唔算甜，茶味算正常，係杯正常既凍檸茶。-5️⃣ 日式手作芝士蛋糕 $25（: 8.5/10）呢度既日式手作芝士蛋糕絕對係招牌之一，係店主日籍太太親手做，我係食緊餃子個時甚至見到有人入黎淨係買芝士蛋糕走，而唔係買餃子，而且係日日新鮮製作，數量有限，所以就即刻點左。係餐廳點一件係原個芝士蛋糕既八分之一，餐廳可以預訂整個蛋糕，只需要提前兩天就得。芝士蛋糕仲左有原味，仲有提供好似好小見既開心果口味、提子冧酒、抹茶味等，不過第一次食就點左原味試下先。雖然佢係寫日式手作芝士蛋糕，但外表係成個巴斯克芝士蛋糕，唔好以為餃子店出品既甜品就無質數，食落係有驚喜，一咬落去蛋糕口感綿密軟滑，非常creamy，蛋糕係偏濕潤，而中間係做到流心既效果，軟綿得黎同時又實在，軟硬適中，雖然唔係驚人既流心效果，不過比一般咖啡質既已經做得更好，係我鍾意既芝士蛋糕口感。芝士味非常香濃，而且奶香突出，有蛋香味，食落帶點微酸，唔會太甜，而且蛋糕上面焗到有焦既部份，所以食到最後會有小小焦香嘅味道，蛋糕既底同樣蛋味好濃，完全係我平時食到好既芝士蛋糕會經歷既口感同味道變化。成個芝士蛋糕唔算好大，作為甜品岩岩好，食落唔膩，雖然25蚊一件，但品質唔會輸比啲Cafe、甜品店，食得出係用心製作，令我有信心下次再黎會試埋其他口味。-呢度既餃子出色，個人最鍾意煎餃，皮夠薄食落唔會炸到好硬身，食落唔膩，哎落夠脆，而湯餃方面比較鍾意佢既湯底，飲落清甜但唔會覺得口渴，係屋企會飲到既味道，而小食方面飯糰係有日本既味道，無諗過餃子店會食到有質數既飯糰，最後甜品當然係有驚喜，無諗過餃子店會有日式芝士蛋糕，自家製得黎貿數唔會輸比Cafe出品芝士蛋糕。甜品隨左芝士蛋糕，店鋪仲有提供日式焦糖布甸，今次試唔哂既我，留返下次一定會食。價錢方面非常平民，平民得黎又食到如此高質既食物水平，只怪我太遲認識呢間小店，服務好好，老闆同店員夠熱情好客，用心問客人需要，會見到佢同唔小客人有傾有講，係我掛住影相既時候，店主叫我唔好掛住影相，凍左唔好食，為既係想我食到好食既餃子，唔會係一般餐廳送上食物之後無交流咁冰冷，同客人打成一片，好有在家風味。感覺真係好似屋企人煮野食比我咁，食到既餃子係充滿人情味同家中味道，論食物水平、價錢、服務，已經足夠我一試再試。 係呢個附近都係餃子店林立既太子、深水涉、長沙灣既餃餃鎮，要突圍而出確實唔簡單，呢度隨左算餃子贏得口碑，仲因為芝士蛋糕聲名大噪。成功因為店主對食物既堅持，經常去了解客人既需要同意見，再作出改進，最初店鋪得3款餃子，客人多左比左唔小意見，參考過覺得可行後，於是變到呢家咁多款，希望食客帶住一份滿足離開進，會尊重客人意見既呢間餐廳成功既原因之一，再加上店主既父母，無論係食材、處理到烹煮都係一絲不苟。其實第一次聽家後呢個名已經令我抱起懷疑，因為之前聽過一首台灣閩南歌又係叫家後，原來店主正正就係用呢首歌歌名做店鋪名。家後既閩南語係解妻子，首歌既意思係茫茫人海可以走埋一齊唔易，既然一齊左就要相愛珍惜，而一個幸福家庭背後，需要有一位賢淑既妻子支撐住整個家。所以店主用呢個店鋪名，衷心感激佢既太太，聽完之後，唔知大家去食呢度既蛋糕太，會唔會覺得太甜呢?…查看更多

日本嘢平時就食得多，嚟得深水埗，都想食返啲實惠又貼地嘅晚餐，勢估唔到日本嘢都可以好平民好住家feel港式飲品少不了，檸茶絕無揸流攤飯團平實嘅香氣撲鼻，食完有股清泉湧入成個鼻咽喉雞翼炸得勁好食，但講唔出咩原因，因為佢話秘製嘛滷水雞翼尖以藥材熬煮，味精好特別，溏心蛋都不遑多讓，令舌頭沾滿蛋香加$2就可以雙拼煎餃，仲有秘製菜脯，辣得嚟又醒神醒胃洋蔥餡不得了，唔揦又香口大胃認為芫荽真係好出色，用作煎餃非常適合湯餃同樣大大舊啖啖肉，非常豐富足料蓮藕湯底好飲到一滴不剩，估唔到同水餃可以match最馳名嘅芝士蛋糕賣晒，原本好失落，但食呢杯布甸，其奶香教人拍案叫絕…查看更多

今日同男朋友食野，食這間家庭式新開的餃子小店，在基隆街的位置。雖然地方不是很寬敞，但乾淨整潔又有中國香港的風格及圖片，簡約設計！服務一流，老闆及服務員都好熱情好客，對待客人用心又會問及客人的需要，超級滿意喔！這裡有飯有粉有餃子有小食，而餃子咁出名，我們當然要試一試湯的及煎的，更可以選雙拼，試了冬菇粟米雞肉餃及洋蔥鮮豬肉煎餃子，煎得個賣相好靚，飽滿的多餡餃子，皮薄到透明賬卜卜，另一邊就煎得好香脆口感好；冬菇粟米雞肉餃好香黑椒味道、雞肉嫩滑又健康點、冬菇口感好正配上粟米的甜味；洋蔥鮮豬肉餃好甜的洋蔥、鮮豬肉好香好入味唔乾身；更有自家製香菜脯，有辣有無辣，好爽脆好口感好美味、好配合好夾！另一個我們點了湯餃配河粉，河粉軟滑大碗加2條生菜，湯餃選了菠菜鮮豬肉餃子，好薄好滑的餃子皮，菠菜好多好嫩配上豬肉香軟口感，好健康又多纖維！湯底更有牛骨湯、豬骨湯及是日靚湯，好清甜好健康！是日的是海帶豬骨湯，正呀！另外更有多款小食選擇，如酥炸豬肉丸、炸雞翼、炸雞、滷大腸、滷水拼盤等等，除了中式，老闆想加少少日式感。我們選了滷水雞翼，4隻都幾大隻，好軟腍口感，皮滑肉嫩！飲了凍檸茶，夠凍又香檸味！推薦這間小店。…查看更多

發現原來都幾多人鐘意食餃子，去鴨寮街幫朋友買電話卡，食埋餐晏仔先回家，落住微雨黎到呢間家後，係一間頗新嘅餃子店，試左幾款食物，質素都唔錯，會有下次，希望質素保持家後位於基隆街，招牌有點潦草，好多客以為店名叫「家俊」，鋪面唔算好大，有方枱有圓枱約廿零個座位，港式粉麵店格局。餐牌選擇較一般主打食餃嘅鋪頭多，粉麵、小食、客飯、港式早餐等，反而餃子只有三款口味：韭菜豬肉、雲耳椰菜豬肉、香菇粟米雞肉，分淨餃/湯餃/煎餃，一律8隻，定價$32-40，湯餃可選豬骨湯或牛骨湯底，配粉麵就只有5粒餃。價格相宜，新張期內仲送飲料 (原本凍飲要加$6)。小食方面有大腸羹、雞翼、豬扒、魚柳、鹵味等。自家製辣菜莆係放喺近收銀處附近，可以請店員幫手拎，呢度嘅菜莆都啱我食，微辣惹味，唔算好細碎雲耳椰菜鮮豬肉湯餃 $38/8隻/豬骨湯香菇粟米木耳雞肉餃 拼韭菜鮮豬肉餃 $38/8隻/牛骨湯三款餃子試齊，分別點左兩個湯底，可惜冇我最鐘意嘅白菜餃。餃子唔係好大隻嗰種，一口size。餃皮薄身滑溜，可見餃餡，估計煎餃都會唔錯。餃餡唔會太細碎爛蓉蓉，仲分得清菜、肉，肉感唔強，椰菜餃夠爽，韭菜亦香餡料冇多餘調味，仲有肉香，比較特別係呢度有雞肉餃。湯底清澈，冇乜油份，飲完亦難得唔覺口渴，豬骨湯太清淡，牛骨湯反而唔錯:)鹵水豬大腸 $19男朋友鐘意食滷大腸，唔錯啊，清理乾淨，亦都幾入味。炸雞翼 $25我就鐘意炸雞翼，生炸無粉感，香脆唔油膩凍檸茶…查看更多