源記甜品小食

營業中

休息中

同男朋友係天后食完晚飯，知道過百年馳名老店「源記甜品」係天后重開，即刻要去食返碗甜品。餐廳座位闊落，環境乾淨，坐得舒適。一坐底馬上嗌左幾款鎮店甜品同傳統小食。蓮子桑寄生蛋茶蓮子桑寄生蛋茶慢煮而成，人手逐粒剝去蓮子芯，除左苦味，煲到好腍身。雖然顏色似中藥，但竟然係甘甘甜甜嘅糖水，超級意想不到，再加埋入口即化嘅蓮子同好似茶葉蛋香嘅雞蛋，絕對唔會令人失望。桑寄生蓮子蛋茶性質溫和，不寒不熱，桑寄生功效除左春天飲用可袪濕，秋天飲亦可滋潤身體，另外仲可以寧神安眠、補肝腎、補而不燥，對女性更加有調理月經、舒緩經痛、補血及滋補養顏。每枱一定係必嗌之選。凍芝麻糊 （加2粒芝麻湯圓）入門口即刻見到部古老石磨機，一睇就知道係石磨生磨而成。經過浸、焗、炒等工序後，上枱就係一碗超級滑順芝麻糊，我仲加左兩粒芝麻湯圓，外皮Q彈，內有濃郁嘅芝麻餡。陳皮綠豆沙陳皮綠豆沙清熱解毒，健脾胃，啱曬夏天。呢款中式甜品一樣出色，綠豆沙煲到起沙，綿滑無渣，仲有淡淡嘅陳皮香味，男朋友食到讚不絕口，十分值得品嘗。全蛋雞蛋糕全蛋雞蛋糕用左傳統做法製作，材料只有蛋、糖、麵粉三種，不加人造色素及發粉，十分健康，而且食落口有蛋香味濃郁。懷舊炸

呢間老牌嘅糖水舖係我由細到大嘅回憶🥹 由小時後到大學係西環長大既我都非常鍾意食❤️ 最近係天后重開真係好感動🫶🏻 真材實料嘅糖水仍然保留返傳統嘅味道而且座位更加闊落值得一試🏮⭐️ 桑寄生蛋蓮子茶 🌾係我最鍾意既糖水🤪帶種溫暖清甜既感覺🩷入口溫和帶甘甜😛蓮子既清香看得出用料既高質🪷⭐️ 陳皮紅豆沙 🫘保留了陳皮獨有既香氣好有層次🌿紅豆煲得好綿密😚甜度唔會太高帶豆香⭐️ 清香合桃露 🌰合桃露做到非常幼滑嘅效果 🤎 比起以前減輕了甜度更能凸顯合桃既果仁香🥜⭐️ 純正杏仁露 🤍杏仁香濃一點都唔會苦澀😊 飲完好有美顏既感覺😝⭐️ 全蛋雞蛋糕 🍳又係一樣童年嘅味道🍰 用上全蛋充滿蛋香係樸實既美味🥚 鬆軟既口感保持住彈性係好天然材料既感覺☁️⭐️ 自家香煎蘿蔔糕 🥕其他小食竟然都有驚喜🥳 食到一絲絲嘅蘿蔔絲口感不錯😎 不加醬料更能突出蘿蔔香

@yuenkee.dessert📍源記甜品小食永興街2A-2E號美城花園大廈地下B號舖桑寄生蛋蓮子茶 $48陳皮紅豆沙 $32+ 蓮子 $8傳統炸油糍 $28自家香煎蘿蔔糕 $24迷你鮮蝦腐皮卷 $35全蛋雞蛋糕 $10今日同女朋友收工去天后食飯，由於唔係好夠飽，於是就去咗糖水😋但係冇諗過呢間糖水舖仲有咁多小食，結果忍唔住叫咗幾樣試吓🤣鐘意食香口野嘅我叫咗煎蘿蔔糕同鮮蝦腐皮卷食，老實講好食過啲連鎖茶樓嘅點心😂但令我更加驚喜嘅係炸油糍，利申第一次食，炸完之後唔會油淋淋，而入面嘅饀鹹香得黎又有啲酸酸地，幾開胃😍我唔係經常食傳統中式糖水，我覺得佢地嘅桑寄生蓮子蛋茶好好飲😋好清甜、好舒服，聽講仲有唔少功效，例如去濕、調理月經🤣陳皮紅豆沙都好正，起晒沙，仲有淡淡嘅陳皮香🤤最後食埋個全蛋雞蛋糕，好濃郁嘅蛋香味，好滿足🤤#bunnytummy_港島#bunnytummy_天后#bunnytummy_甜品#源記甜品小食 #天后 #天后美食 #糖水 #甜品#香港foodie #食好西 #香港美食 #hkfoodblogger#hkfoodie #hkig #香港好去處 #拍拖好去處

一直好懷念以前源記嘅味道，所以至試業以來已經去過三次，水準雖然有一直慢慢改進，但係連最王牌嘅桑寄生蛋茶，都仲未返到去以前老字號嘅水平。第一次去嘅時候桑寄生茶底非常之淡，以為佢溝咗開水。第二次去彈有少少進步，都有濃咗少少。第三次去查底明顯聾咗，但係蓮子嘅甜味有啲太甜。亦都有食到雞蛋糕，但係蛋糕冇以前一般鬆軟有啲失望。芝麻糊唔好食，建議大家都係食返佢嘅拿手菜。希望下一次再去會改進啦！

已經唔記得舊有的老港味。可能食開的糖水舖都好甜，但貴咗啲。重開後，抱住試新嘢心態，但無想像中咁差，可一試。加蛋加蓮子正、全蛋雞蛋糕甜度剛剛好。下次再慢慢試其他。