蟹膳 (已搬遷)

朋友仔提過蟹膳好正，今晚專程過海搵食，試我人生第一隻毛蟹！舖頭非常隱秘，係正街尾角落頭，黑媽媽又無招牌又無門牌勁搞笑，按制自動門打開 ﹗入口處有兩大缸鱈場蟹比食客欣賞、拍照及娛樂，睇落真係好似缸色蜘蛛啊！睇睇 menu 先，某些價錢真係見到都面青青呀 ﹗雪藏蟹係香港好易就食得到，但活既游水毛蟹、游水鱈場蟹唯有專門店喇 ﹗到底點解細細隻500gms毛蟹要成千銀咁經貴呢？我真係唔明，就由您開始啦！雖然主打係蟹，但都有好多不同小食，我好想試晒去呀 ﹗朋友仔完來唔食海膽架，但成個餐主要配菜係海膽呢，師傅話會將所有海膽加到我既菜式上面，多謝晒呀 ﹗哈哈哈 ﹗Order 左個每位 HKD1480 既套餐，7 道菜加 1 甜品，靜心等耐。食客唔算太多，只係半場滿，見到 99% 都係食套餐，只有附既一對男女叫左整隻鱈場蟹嘆，仲食唔晒要打包添。心諗食唔晒比我麻，我一定幫到您，呵呵 ﹗客食客都係圍住 U 形火鍋枱坐，打開枱面就會見到有個電磁爐作蟹鍋之用。烤枝豆，免費餐前小食，點解唔係任食架？枝豆脆口又濕潤，帶點燒烤味好特別。海膽鱈場蟹腳刺身，依度足足有兩份海膽架，因為朋友仔唔食海膽，所以自動轉移。好味到難以形容！唔怪得咁貴啦，物有所值既。活鱈場蟹腳刺生撈海膽、魚籽、金箔，極度經貴！雪白既鱈場蟹肉彈牙濕潤又滑溜溜，淡淡清甜帶少許海水味道，撈埋即開新鮮海膽，既甜又清新，再加上魚料既甘香，多層次既味道夾都不得了，完全唔想吞落肚呢 ﹗海膽鱈場蟹腳刺身，兩隻海膽堅係勁肥美又勁多肉呀，食極都仲有，鮮甜可口又彈牙，大滿足 ﹗連伴碟既子薑同日本紅蔥頭都唔放過，全部食晒，正呀 ﹗海膽鱈場蟹腳刺身走海膽，師傅專登為朋友仔做既鱈場蟹刺生，特別比多少少肉，真細心，讚 ﹗免治蟹棒，燒免治蟹棒好香口，燒過既蟹肉味道特別香甜，深橙黃色既蛋黃黃味超濃，撈埋一齊食仲有少少似阿媽整既客家蘿蔔茶果餡料既味道！好好味 ﹗配菜、生蛋黃依舊一滴不漏比我倒晒落肚。海膽蒸蛋，繼續海膽，正呀 ﹗海膽飛魚籽日式蒸蛋非常出色，色香味俱全！一啖過魚籽、蒸蛋、海膽同時間啪入口，咸甜鮮、滑腍脆撞埋一齊，好味道，爽爆 ﹗燒海膽鱈場蟹腳，好粗、好大條呀！啖啖肉，加上勁多燒得鮮甜海膽！講多無謂！殺呀！蟹肉十分彈牙，天然海水咸香，烤得香口，好食到震 ﹗太好味，我想要多條腿啊 ﹗海膽毛蟹肉黃蛋天婦羅，個賣相靚到藝術品一樣，似皇冠又似盆景。點睇都唔似天婦羅囉，估您唔到。蛋黃做天婦羅？估唔到有咁既菜式，外層薄薄脆口雲一般既天婦羅，包住裡面暖暖香濃蛋黃，超讚！食半隻，留半隻撈毛蟹肉食，味道亙相配合，毛蟹肉味道較淡加上蛋黃味道剛好。連埋金箔魚籽海膽，實在太過份、太奢侈喇！好好味，好幸福啊！我可唔可以食多份呀？***鱈場蟹毛蟹什菌野菜火鍋！唔洗講梗係堅好味啦！雖然只係普通日本味淋湯底，但烚完豆腐、紹菜、椰菜、金菇、本菇、冬菇、大蔥、魔芋絲、鮮蟹後，湯底變得清甜好味！魔芋絲撈豉油都已經非常好食。有款貌似皇帝菜既野菜唔知咩黎呢？但食落爽口清甜，並無皇帝菜既辛辣喎，Good。留返兩個爆膏蟹蓋備用，一陣用黎餚粥食。我都係覺得鱈場蟹好食過毛蟹好多，因為蟹肉鮮甜又味道濃郁，質感結實彈彈的，大舊又啖啖肉的。而毛蟹肉較清淡、鮮味、較碎，不過蟹膏勁多，軟棉蟹膏鋪滿成個蟹蓋架。鱈場蟹毛蟹什菌野菜火鍋，日式毛蟹膏鱈長蟹膏蛋黃粥，正呀！係用剛才烚蟹、烚什菌蔬菜既上湯煮架。用兩個爆膏蟹蓋加蛋黃煮日本粥，棉滑味美，味道特別豐富香甜，無得輸 ﹗好食到停唔到口，碗都機乎舔埋！蟹肉湯餃子，雖然普通一點，不過餃皮滑溜、餡料清甜，配上淡豉油都好好食，感覺好似食緊雲吞咁囉！普通甜品，芝麻雪糕及柚子雪糕。…查看更多

老爸離開後，常見的長輩，便是姑姐，所以有空便約她吃午膳，知她嗜蟹，今次我便約她去吃蟹膳。十二時到達，但在門口站崗的男仕說訂檯已滿，我再三請求下，說我們要在十二時五十分還檯，我一場到來，不想姑姐失望，我就答應下來。入門處養了兩大缸蟹，由於時間寶貴，我們眼睛賞蟹的部份留待離開後才進行，現在還是先讓口部欣賞。內裏有卡座，感覺挺舒服，我們被安排坐吧頭，可看著站在中間的工作人員為我們服務，也可觀賞圓缸內的迷你小蟹活動。蟹天婦羅套餐 $158前菜，是一小碟支豆，看顏色像是烤過，支豆沒啥特別，較特別是細心的服務，座位前面有一小缸給你放支豆的皮。 蟹肉蒸蛋，是茶碗蒸的物體，蛋蒸得有水準，很滑，有一小塊蟹肉，味道甜美，另有一片鮮冬菇。松葉蟹天婦羅拼盤(蟹腳,蟹鉗)，除了有蟹腳，蟹鉗外，還有一些菜蔬做天婦羅，而較特別的是一隻天婦羅雞蛋，據說若不小心吃是會爆漿的，唯當我為姑姐煮烚蔬菜時，五分鐘內已給她統統吃掉，她說是好味的，這樣說我也認同，否則她怎會這麼快便幹掉。(也許是她怕遲了交檯，不好意思。)雜菜盤，有金菇，冬菇，本菇，豆腐，津白等，座位前有嵌入式電爐，入面已有些清湯供客人烚這些菜蔬，豆腐很滑及有豆香，菇類食品不過不失，最令我感意外是津白，莖部肥厚，滿以為又粗又硬，殊不知烚了一會，變軟腍及鮮甜，非常好吃。 稻庭烏冬，座位前放有一束乾的烏冬給客人候用，烚好菜蔬，接著便烚烏冬，烏冬的質素非常好，煙韌爽滑，吸收了湯和菜蔬的味道，簡單但味美。 甜品，姑姐要了薑味雪糕，味道夠辛辣，夠薑！蒸松葉蟹飯套餐 $168同樣有前菜和蟹肉蒸蛋。免治蟹棒，造形像一條香腸，整條是用免治蟹肉堆砌而成，附上一隻生雞蛋黃，給你點蘸蛋汁來吃，看顏色蟹棒應是用煎焗的烹調方法處理，聞到也香噴噴，入口啖啖蟹肉香，味道僅次於從蟹身挑出的鮮蟹肉，一級棒！ 蟹肉蒸飯，用一木箱盛著，内裏有飯，蟹肉，菜葉，蛋絲，甘筍絲和三文魚籽，堆砌得很美，服務員說要蒸十分鐘，蒸好後再拌勻，可分兩碗，味道不怎麼特別，也許不是用甚麼濃味道材料，入口較清淡。 甜品，我要了另一種雪糕，是咖啡味道，雪糕中加了些咖啡啫喱，口感特別，吃完後像喝了杯咖啡。還未到時間，我們已可交回檯，到外面的蟹缸觀賞三種名蟹，松葉蟹，鱈場蟹和毛蟹，下次吃哪一種？…查看更多

今日和好友慶祝生日，幾經考量，最後決定到譚臣道蟹膳大快朵頤，慶祝一番。按下門邊按扭，木門緩緩打開，首先見到的是一個大大的蟹池，放着大大的松葉蟹，未點餐已令人唾涏。繼續入內，首見吧檯式坐位，適合一至二人用餐。再深入店中，便有卡座位置，自成一角，地方簡潔舒適。餐桌上的餐具以紅色作主調，切合蟹店型像。稍事安頓，來一口熱茶，再慢慢挑選美食。最後以蒸松葉蟹飯套餐作為是日午膳。前菜有枝豆及蟹肉蒸蛋作小食。枝豆微微烤香，微鹹富口感。蟹肉蒸蛋面上有一小塊蟹肉作點綴，蒸蛋泛着少許蟹香，蛋香反而力度不強。幼滑度有中上水準。另一小食免治蟹棒，蟹肉豐富無欺場，又不用花心神拆肉才有得吃，適合顧儀態的女士或懶剝殼之人。用蟹棒點上生蛋黃來吃，更添滑口。伴碟襯飾用上兩小片沙律菜葉及車厘茄，車厘茄雖細粒，但已去皮，見微知著，反影製作認真。主食松葉蟹肉蒸飯，蒸飯面放滿蟹肉、蛋花及蟹籽，蒸飯沾上少許蟹香，口味不算濃烈。蟹肉肉質實在，鮮甜美味。放上數棵蟹籽，咬開甘香溢出，為清淡蒸飯作陪襯倒是不錯。同枱好友的松葉蟹天婦羅，賣相小巧別緻。雜菜鍋稻庭烏冬賣相同樣吸引，尤其是稻庭烏冬，粗幼長短有序，烹煮時間自由選擇，唯一缺點是份量少了一點。吃畢主食有雪糕甜品一客，有薑味及咖啡味供選擇。蟹肉屬寒涼之物，配上「驅寒」之薑味雪糕當然是不二之選。雪糕雖滑度一般，但因泛着少許辛辣薑味，味道倒是特別。最後一談服務，店員換碟添茶都算勤快。上菜時亦會稍作食法簡介，整體令人滿意。…查看更多

出了Bonus，打算好好獎勵自己，奢侈一下。因為嗜蟹，所以選了蟹膳。站在門口，店面很隱秘，因為從外面無法窺探裡面的佈置。走進來，看見一個大蟹缸，裡面的毛蟹大隻得很。轉入餐廳內，以四角形設計排了三邊的counter位，後邊是廚房。餐廳的另一邊設有卡座，樓上有另一層。點了「蒸松葉蟹飯套餐」及「鱈場蟹天婦羅套餐」。前者比較經濟實惠($168)﹕ 1. 前菜(枝豆) 2. 蟹肉蒸蛋 -> 蒸蛋質感不算很滑，但很有蛋香，蟹肉在底部。 3. 免治蟹棒 -> 蟹肉混入紅蘿蔔粒、黑椒，有點辣，搶了蟹的鮮。沾上蛋汁吃，中和了那種辣，帶出鮮美。 4. 松葉蟹肉蒸飯 -> 用電子爐蒸6分鐘，之後把三文魚子粒、蛋絲、蟹肉、椰菜、紅蘿蔔絲等材料攪拌，吃一口飯就嚐到蟹香。 5. 甜品(雪糕)後者比較貴($328)﹕ 1. 前菜(枝豆) 2. 蟹肉蒸蛋 3. 蟹膏 -> 新鮮，味道很濃，可能太矜貴，所以有點少。 4. 鱈場蟹天婦羅併盤 -> 有蟹棒、紫蘇葉、茄子、蛋黃，其中以蛋黃天婦羅最為特別，因為裡面是流心的蛋漿，無論做法，以致在口內爆開的口感都很過癮，很有新鮮感。倘若想重口味一點，可以在天婦羅上灑一些抹茶岩鹽。 5. 稻庭烏冬 6. 甜品(雪糕)另外，不得不提一下甜品，那個薑味雪糕，味道就像薑汁撞奶，既滑又特別，叫人一試難忘。盛雪糕的碗是冰過的，能保持雪糕的低溫，雪糕吃完了也不曾溶化，很厲害。下次希望可以試試同一出品的「勝手」，不過可能要等下次Bonus了。…查看更多