快樂小羊火鍋料理 (銅鑼灣廣場一期)

營業中

休息中

銅鑼灣廣場一期有好多食的，今日行到呢度揾餐廳食lunch，行到見到快樂小羊火鍋料理呢間餐廳環境幾好，位置好闊落好大，應該坐得幾舒服，又見佢有好多優惠咁，就試下今餐食羊肉火鍋。坐低就點咗一個叫光陰鍋的清湯鍋，佢有好多蒜頭、薑同紅棗、黨參，反正就係唔辣既湯底，佢有限時優惠，+$28 有一大盤A級羔羊肉，呢個真係抵食，當我地最後想再嗌嗰時真係冇晒，所以真係限時優惠；而佢地既羊肉卷完全唔羶。至於牛肉方面，我哋點左蒜泥牛肉、西冷牛肉，我哋最後嗌咗美國M5和牛。蒜泥牛肉好滑又夠厚，幾好食，呢個牛肉好值得點，出面街市買咁多牛肉都起碼6、70蚊，呢度有午市優惠下更抵食。新鮮基圍蝦小份有六隻，擺盤放得好靚，睇吓一條條用竹籤，方便火鍋邊爐，下面仲有一盤冰保持新鮮，而鮑魚小份就有四隻仔。餐廳在出邊供應的蔬菜係任食的，而調料係可以任意配搭的，下次有機會黎開呢頭可以再食。

環境5分：火鍋店成層用曬，大部份卡位同梳化位，亦有幾張大枱同包箱，坐得非常舒服，空間感足夠，一Ｄ都唔迫。餐廳入面四周圍都有好多羊同poster，見到咁多優惠一定唔會miss。衛生5分：枱面有煮食餐具同紙巾盒，出邊有好多種調味料任君選擇，乾淨企理畀五分。服務5分：電子落單一目了然，侍應生加湯快手，主動調整火速，爽手唔囉唆。當日有一個嘉士伯啤酒小姐，態度熱誠，結果溝咗酒，畀滿分。味道5分：1)  光陰鍋價錢跟人頭計算，價錢非常合理，湯底味道豐富，入面有無限蒜頭，哈囉威都唔驚。2)  阿牧特草原A板全場最平，越特價越驚喜，夠肥夠嫩，羊味足仲好淋，廿八蚊絕對超值。3)  塔拉上的快樂卷切到塊塊都咁薄，肥瘦均勻最爽口，一次過可以食多塊。4)  滑嫩太陽卷有冰鎮住上，每片個肥真係好似太陽蛋咁一個圈圏住Ｄ紅色羊肉，好特別。5)  羔羊肋卷依個比較瘦，但係又唔韌，睇落好健康。6)  牛骨清湯牛丸小份有五粒，好爽。7)  一坐低就即刻送你一個蔬菜免費放題，平時出邊打邊爐一碟菜都四五十蚊一小碟，依度任你食，Ｄ菜仲非常新鮮，當中包括皇帝菜，油墨菜，唐生菜，波菜，娃娃菜，冬瓜，蘿蔔，金菇，南瓜，粟米等，興奮到