影片
更多
2021-01-06
2101 瀏覽
🇭🇰灣仔區 - 全港首家達克瓦兹專門店💎推薦分數: 9.5/10———————————————————今次介紹嘅係一間可以食到香港好少見既甜品 - 法式甜品既達克瓦兹。達克瓦兹係一種起源17世紀法國宮廷嘅經典點心，因為起源於法國西南部嘅溫泉鄉達兹，所以得此名，雖然係法國起源但現今好多地方，好似日本，都係一種熱門嘅甜品。而點解會有人諗住將達克瓦兹帶入香港？店主本身係非常熱愛製作甜點同旅行，係世界各地尋找試食唔同既甜點，更因為對甜點既熱愛飛去日本東京進修，羅到法國藍帶甜點文憑、韓國KCD錶花證書，去世界各地取經，了解到各種食材既特性，變化出多層次既甜點，本住分享幸福既味蕾給大家既宗旨。而係一次既旅行中，初嚐到達克瓦茲既滋味，發現香港居然無呢種甜點，所以由網店起家，慢慢比大家認識達克瓦茲，結果吸引到一班香港尋找達克瓦茲既知音，試過後好評如潮，之後店主決定令呢個味道分享比更多人，令達克瓦茲實體化，創立左香港首家達克瓦茲既專賣店。而除左可以試到達克瓦兹，仲有同為罕見既可麗露、瑪德蓮、布列塔尼、小蛋糕、費南雪，呢家已經成為節日甜點熱門選擇同埋熱門散水餅。-訂購/walkin店鋪既甜品可以係官網訂購
💎推薦分數: 9.5/10
———————————————————
今次介紹嘅係一間可以食到香港好少見既甜品 - 法式甜品既達克瓦兹。
達克瓦兹係一種起源17世紀法國宮廷嘅經典點心，因為起源於法國西南部嘅溫泉鄉達兹，所以得此名，雖然係法國起源但現今好多地方，好似日本，都係一種熱門嘅甜品。
而點解會有人諗住將達克瓦兹帶入香港？
店主本身係非常熱愛製作甜點同旅行，係世界各地尋找試食唔同既甜點，更因為對甜點既熱愛飛去日本東京進修，羅到法國藍帶甜點文憑、韓國KCD錶花證書，去世界各地取經，了解到各種食材既特性，變化出多層次既甜點，本住分享幸福既味蕾給大家既宗旨。而係一次既旅行中，初嚐到達克瓦茲既滋味，發現香港居然無呢種甜點，所以由網店起家，慢慢比大家認識達克瓦茲，結果吸引到一班香港尋找達克瓦茲既知音，試過後好評如潮，之後店主決定令呢個味道分享比更多人，令達克瓦茲實體化，創立左香港首家達克瓦茲既專賣店。
而除左可以試到達克瓦兹，仲有同為罕見既可麗露、瑪德蓮、布列塔尼、小蛋糕、費南雪，呢家已經成為節日甜點熱門選擇同埋熱門散水餅。
-
訂購/walkin
店鋪既甜品可以係官網訂購或者WALKIN買都得，網站只接受三天前預訂，
但我試過上網訂購揀唔到日字時間，可能要whatapps詢問詳情，所以我習慣WALKIN買。
網上訂既好處係可以訂到套裝，例如會有彩虹迷你達克瓦茲套裝、以前出過期間限定既Halloween Box Set、達瓦茲中秋禮盒等等。
WALKIN買好處就係可以散件買自己想試既味道，係平日基本上好多都有現貨，但臨近收鋪時間會soldout某D口味，而且係有節日既時期達克瓦兹會好搶手好易soldout。
我試過無節日既星期六大概5點去，10款達克瓦兹soldout左4款，但熱門既茶類達克瓦兹仲有，反而可麗露等其他甜品soldout情況多D; 有次係節日既星期日3點去，達克瓦兹全部賣哂，但反而有好多可麗露、費南雪、小蛋糕、布列塔尼經典等法式甜點可以買，所以穩陣D可以早D walkin買。
因為無防腐劑所以未食之前要放冰格亦唔可以擺太耐，外賣會有乾冰大概可以用一個鐘。
-
1️⃣ 抹茶麻糬達克瓦兹 💰38（👅: 9.5/10）
抹茶麻糬達克瓦兹
$35
54 瀏覽
2 讚好
0 留言
店舖建議退冰時間20分鐘，可以確保糯米糍回軟。
一咬落去係外脆內軟，達克瓦兹既外層非常酥脆鬆化，脆到啲餅碎會散哂出黎，可以做到咁酥脆係因為烘烤前會係表面撒糖粉，利用高溫形成美麗既顆粒狀脆皮，而店鋪特別用左好多杏仁粉，所以蛋白餅殼會感受到非常濃厚既香味。
內層既抺茶內餡柔軟，抹茶係用小山園既青嵐，聞到好香嘅抹茶味，抹茶味重但唔會過甜，回甘幽香。而糯米糍麻糬令呢個內餡加上煙韌、Q彈既口感，無論係味道同口感都好豐富同有層次，鍾意抹茶嘅抹茶控一定會鍾意食。
個人覺得係其中一個最好食既口味。
-
2️⃣ 瑪黑藍伯爵達克瓦兹 💰35（👅: 9.5/10）
瑪黑藍伯爵達克瓦兹
$35
65 瀏覽
2 讚好
0 留言
達克瓦兹質感基本同抹茶一樣，但味道反而比抹茶更有心思，係達克瓦茲烘烤時加左伯爵茶葉，茶葉既香味同味道滲入達克瓦兹既外層。
平時伯爵茶當然唔會甜，作為甜品既伯爵茶達克瓦兹食落係甜，但又出奇食到伯爵茶既味道，因為店鋪係用瑪黑兄弟藍伯爵茶煮英式蛋奶醬，打入奶油，形成滑順既奶油霜，食落甜但呢種甜又唔會令人覺得過火，好適中，味道好豐富因為唔會得甜一個層次，會食到濃既茶味，茶香飄逸，清新脫俗。
伯爵茶都我覺得最好食既口味之一，唔會輸比抹茶，因為佢唔會得個甜字，多重既味道加上達克瓦兹外內既反差。
-
3️⃣⃣ 東京都焙茶夏威夷豆達克瓦兹 💰35（👅: 9/10）
東京都焙茶夏威夷豆達克瓦兹
$35
27 瀏覽
2 讚好
0 留言
達克瓦茲既杏仁酥脆餅皮依舊係口入面化開，內餡隨即蜂擁而上。
焙茶係選用日本的焙茶粉，香氣非常濃郁，食到烘焙既焦香，奶油霜除左有茶味仲食到小小苦澀味，但回甘後會食到烘烤過後既夏威夷果仁口感。
食到第3件覺得茶味既達克瓦兹都係特別出色。
-
4️⃣⃣ 焦糖奶油鹽之花達克瓦兹 💰35（👅: 9/10）
焦糖奶油鹽之花達克瓦兹
$35
39 瀏覽
3 讚好
0 留言
內餡係煮過既焦糖再加上法國鹽之花，再拌入奶油霜，食落小小似牛奶糖既味道，
鹽之花會令內餡唔會得個甜字，有層次既鹹甜，口感豐富但甜而不膩。
-
5️⃣⃣ 香草可麗露 💰36（👅: 8/10）
香草可麗露
$36
176 瀏覽
2 讚好
0 留言
可麗露同為一種小型既法式糕點，外型上小巧有分層的圓柱體，係日本係熱門既甜品。做法係用雞蛋、牛奶同麵粉，加上蘭姆酒同香草調味。
表層係鋪左焦糖既微硬外殼，表層係鋪左焦糖既微硬外殼，外層係偏硬但內餡係軟熟，外層硬得黎小小脆口，富有焦糖味。內餡會見到小小蜂巢形狀，食落口感軟綿濕潤。
-
6️⃣ 伯爵茶可麗露 💰36（👅: 8/10）
伯爵茶可麗露
$36
96 瀏覽
2 讚好
0 留言
同樣地可麗露既外層係偏硬，香港好小有得食所以唔知平時係質感係咪都係咁硬，外殼一樣沾滿焦糖既味道，油亮亮。
微微嘅伯爵茶香會慢慢滲出，甜而不膩，內餡同外層繼續形成對比，口感豐富。
-
7️⃣ 鹽之花巧克力夏威夷豆費南雪💰22（👅: 7/10）
鹽之花巧克力夏威夷豆費南雪
$22
29 瀏覽
2 讚好
0 留言
費南雪係一種小型法式蛋糕，味道較淡，但食落質地濕潤，小小似海綿蛋糕。
用杏仁粉或者壓碎研磨既杏仁，煮到略焦，會散發堅果香氣既奶油。
外形係長方形，因為似海綿蛋糕所以口感無好驚喜，味道除左食到杏仁味，食到焦香奶油，同店鋪常用既鹽之花，但整體味道未到好驚喜，食落唔甜。
-
8️⃣ 老奶奶檸檬小蛋糕💰28（👅: 7.5/10）
老奶奶檸檬小蛋糕
$28
88 瀏覽
2 讚好
0 留言
唯一一款常溫點心，店員提醒可以唔駛冷藏，分開存放。
小蛋糕既口感似磅蛋糕同海棉蛋糕既中間，外面淋上檸檬糖霜，味道偏酸，檸檬味重，食落口感濕潤紮實。
-
9️⃣ 布列塔尼💰24（👅: 8.5/10）
布列塔尼
$24
72 瀏覽
2 讚好
0 留言
布列塔尼係一種酥餅，同樣來自法國，名字由來係布列塔尼區。
酥餅加入左法國伊思妮發酵奶油、香草莢、和鹽之花，食落口奶香濃郁，甜中帶鹹，鹽之花有中和到當中既甜，鹹甜交雜。食落係非常酥脆，質感可能只係輸比達克瓦兹小小。
-
🔟 干邑橙酒巧克力瑪德蓮 💰22（👅: 7/10）
干邑橙酒巧克力瑪德蓮
$22
25 瀏覽
2 讚好
0 留言
瑪德蓮係一種傳統既貝殼形狀小蛋糕，都係來自於法國既甜點。做法係將熱那亞蛋糕麵糊，放置係貝殼形狀既模入面烤制而成。
食落去係質感綿密扎實既蛋糕，但味道會比海綿蛋糕濃郁，帶小小濕潤，除左有濃郁奶油香味之外，橙酒巧克力都幾出但唔會太甜。-
1️⃣1️⃣ 黑瑪藍伯爵茶瑪德蓮 💰22（👅: 7/10）
黑瑪藍伯爵茶瑪德蓮
$22
55 瀏覽
2 讚好
0 留言
用來自法國黑兄弟伯爵茶葉做成，係烤焗既過程，茶葉經過高溫更加能釋放撲鼻既茶香，好似我之前咁講，店鋪既茶味甜品都較出色，食到唔甜但有回甘既茶味，個人鍾意伯爵茶多過干邑橙酒巧克力口味。
-
🌟試過咁多款甜品之後，覺得最驚為天人始終係佢既招牌達克瓦兹，因為佢既酥脆外屠加上佢內軟既奶油霜，唔同口味都係咁出色又有口感上既享受。
布列塔尼係估唔到既酥脆外層，奶油味重加上鹹甜交雜。
可麗露食唔慣會覺得外層好硬，但肉餡豐富同外層形成對比。
小蛋糕食落檸檬味重，有甜有酸，口感濕潤令人有小小驚喜。
費南雪似海綿蛋糕係無咁驚喜，不過鹽之花巧克力夏威夷豆既口味好夾，唔會有一樣喧賓奪主。
瑪德蓮食落係蛋糕所以驚喜到無咁高，係熟悉既口感。
個人對各甜品既排名: 達克瓦兹>布列塔尼>可麗露>小蛋糕>費南雪
-
店主希望食到店鋪甜點既每一個人，都可以有戀愛的感覺，就好似每段關係都有檸檬既一點酸，巧克力既甜，抹茶既苦而回甘。用唔同食材和產品令顧客感到幸福，永遠的幸福。就好似店名咁，Lovever係Love 同Forever 既合體，不會因為時間而改變對彼此熱情既戀愛，希望愛戀能夠永遠持續，唔會結束。
-
👅味道: 9.5/10
🍴環境: 6/10
💰消費: $35 (服務費: NA)
張貼
