Lilium

營業中

休息中

返工咁攰，放假除左想毒係屋企放空，吸取下天地靈氣既，不過講就真係易，要踏出屋企果步其實都好難，尤其是冬天咁凍，你要我係被竇，不如叫我去死，但有碗熱辣辣既麵係面前，唔通你真係唔要？👇📌全 日 餐 牌 - ▪️ 牛 四 寶 麵 - $88▫️ 先黎個「牛四寶麵」，麵條煙韌夠彈性，四寶當中包括牛腩、牛腱、牛肚、牛丸，牛腩軟腍入味，牛腱爽彈有咬口，牛丸入面仲有D芝士味，整體口感相當豐富，好食。▪️ 五 香 牛 肉 麵 - $78▫️ 想獨孤一味亦可以嗌呢個「五香牛肉麵」，牛肉牛味濃郁，加上麵條吸收哂成個牛肉湯底，香味突出，一試難忘。📌飲 品 升 級 - ▪️ 蘋 果 蘆 薈 蜜 - (+$15)▫️ 加少少錢加左呢杯特飲「蘋果蘆薈蜜」，底部啖啖蘆薈，夠爽甜，蘋果味亦夠濃郁，唔會太甜，我幾鍾意。

睇個餐廳名可能會以為係西餐廳，但其實佢係台式餐廳嚟🤣喺餐廳出面睇個環境都幾Decent～➼ 五香牛肉麵一碗麵有4大舊牛肉，唔係薄薄地Hea你嗰種，都算幾腍幾入味👍🏻不過就唔係話好Impressive。扣分嘅位係個麵底，麵質係比較薄同扁身嗰種，都算係有咬口嘅，亦唔算係好淋👍🏻不過真係要趁熱食，因為啲麵一開始凍咗就變到黐埋一舊，會冇晒胃口。下次有機會都係試吓其他嘢先～聽講鹽酥雞同米粉都唔錯😙

難得平日放假，約了友人下午茶聚，來到久違的太古坊，不經不覺附近的餐廳都轉變了很多。今次我們選了台式餐廳，店舖位於鰂魚涌站A出口，再行數分鐘的路程，見到轉角便利店轉左入小行就到。滷肉新竹米粉 $48最喜歡食新竹米粉，特別爽口，滷肉屬半肥半瘦，幾入味，還有半隻糖心蛋五香牛肉麵 $60台灣式牛肉麵，麵條有咬口貴妃雞卷配炸雙色地瓜條 $38想不到最有驚喜的是貴妃雞卷，雞皮比薯片還脆，雙包地瓜亦很滋味，中間還有沙律菜解解膩

中午放飯，行咗去鰂魚涌食。入咗去一條巷仔，見到幾有特色既台灣餐廳。成個門口油咗Tiffany Blue既顏色，好靚呀，見唔到任何招牌，有個bar枱，方便自己一個去食既朋友。入面環境幾靜，同埋都幾暗，啱晒想靜靜食飯嘅朋友。因為仲有幾分鐘先到兩點下午茶，服務員會比定餐牌你睇，等你諗定食乜，夠鐘佢哋就行過黎同你落單。叫咗個五香牛肉麵，跟餐有美祿。五香牛肉麵 $60份量適中，不過有好多塊牛肉牛肉有啲好多筋好韌，有啲就好淋整體而言，都係食個環境。