津津食家

營業中

休息中

老公突然提議入沙田食雞粥，回憶總是美好的🥰N年之前同班朋友仔食過之後已經好耐未試過津津囉所以我都舉🦶贊成👍一行4人剛剛好唔洗分枱坐😙山長水遠過嚟緊係要食番以前嗰啲名物啦！雞粥呀丶乳鴿呀、豉油皇炒麵走唔甩啦其次有鼓椒炒蜆和蜆芥鯪魚球都係唔錯嘅選擇

津津食家火炭山尾街東熟食市場好鐘意香港既大排檔文化，但而家已經買少見少啦，知道火炭都依然仲有大排檔，所以今日專登同朋友渣車入黎食飯呢頭應該係總共有3間大排檔，我地事前都無咩做功課睇下邊間好食D, 求其入一間就算，最後就揀左津津啦餐牌上面有過百款餸，都真係有d難揀黎到火炭，乳鴿係必食啦，即叫即炸， 皮脆肉嫩好好味，咬落去仲好Juicy第2樣必食item, 一定係雞粥啦，雞件都幾多而且好嫩滑，粥底又夠晒綿我地3個人叫左細窩岩岩好，每人都食到2~3碗椒鹽墨魚咀都好有驚喜，炸得好香脆而且份量好多，不過食完就覺得比較熱氣，要飲返d 涼茶炒蜆質素就正正常常啦，都好夠獲氣

今天在火炭工作，然後突然想吃乳鴿，下班後就跟女朋友過來吃津津，因為正好是吃飯時間，所以都坐無虛席了，還好等了大約15分鐘便有位，第一時間當然就是點乳鴿吧，然後再叫了一碟京都骨和豉椒炒蜆乳鴿即叫即炸，外脆內嫩京都骨，醬汁酸酸甜甜，配飯一流豉椒炒蜆，鑊氣十足，份量十足

三年後再黎，乳鴿味道仍然keep 到 ，價錢唔太貴，仲有得選擇普通乳鴿同BB鴿，食量小或人少可以食bb 鴿，但小炒皇無咩驚喜。。。個人覺得用叉燒粒有d 怪怪的。今次倆口子叫左乳鴿，田雞粥，豉椒炒蜆同小炒皇，唔洗300個大洋

一直都想試呢間大排檔, 就揀左呢晚同屋企人黎開飯.當晚好凍, 二話不說就叫左一鍋雞粥暖下肚, take完order好快就上枱, 叫左大size, 份量都幾多, 粥煲得好棉, 雞夠滑, 唔會有雞既腥味, 食完即係暖哂, 冬天食感覺寧舍有風味!食完粥緊係黎個豉油王炒麵啦, 都算有獲氣, 幾乾身, 麵有少少燶, 但反而脆脆地, 幾香口.仲有招牌菜, 紅燒乳鴿, 好大隻多肉, 本來以為咁大隻會偏"鞋" ,但絕對無呢個問題, 做到皮脆肉嫩既效果.豉椒炒鵝腸, 味道其實唔錯, 但炒得太濕同唔夠獲氣, 而且鵝腸太少, 麻麻地., 避風塘炒蝦, 本應係一度好惹味既菜, 但蝦唔夠金黃唔夠脆, 就算有一大堆炸蒜都變得失色唔少.西蘭花炒斑塊, 斑塊食到雪藏味, 掩蓋得唔夠好.時菜炒肉片, 好夠獲氣, 但油左少少.呢度兩款招牌菜確係做得唔錯, 但其他小菜水準卻一般, 住o係附近為佢既招牌菜再黎無妨, 但山長水遠的話一次就夠.

今日老媽子生日，佢話想去津津食乳鴿，咁就一家大細去食啦！乳鴿，唔洗多講，一定係好味架啦，食到老媽子幾開心啊，一邊食，一邊話"好味、好味"脆皮扣肉，係新菜式，呢個有驚喜啊，係用d越南春卷皮包住梅菜扣肉黎炸，雖然係炸，但係好少油，一咬落去，好脆，好香口，扣肉入口即溶，滿口油香，i like it！椒鹽鮮魷併白飯魚，鮮魷好新鮮，椒鹽味無搶到鮮魷同白飯魚既鮮味，味道剛剛好，抵讚吉列炸豬扒，之前睇食評話好味，我地都訂左黎食，炸得好香脆，碟上一d油都無，一咬落去，好多汁，正蒜蓉炒油麥菜，好爽脆！蒜蓉粉絲蒸聖子皇，聖子好大隻，好新鮮，好鮮甜！如果再多d粉絲就好啦斑塊炒西芹，魚肉好滑，西芹好爽！仲有是日糖水，好多料，我鐘意佢唔會太甜！

辣酒煮花螺，極力推介

尋日行完街，見好耐冇食過火炭津津，連同未食過的朋友一行４人出發，試試酷熱天氣下的晚上，食雞粥乳鴿感覺如何，朋友一到步已說多把風扇吹住，何來會熱呢，當然真的很愉快地叫了。。。。。。。。。１）　雞粥　／　勁多雞油，粥底夠綿，雞肉亦很多　（正）２）　乳鴿　／　岩岩炸起，吾多油，肉算滑，香口　（正）３）　豉椒炒聖子　／　肉厚，夠味，略嫌聖子少了些　４）　沙拉骨　／　＂軒＂略結５）　豆豉鯪魚油麥菜　／　與其他食堂相約６）　炸大腸　／　敢此評價，只此一家，腸厚不肥，不油不膩，必食佳品　（勁勁勁正）７）　汽水４礶服務，地方，環境　：　大排檔格局，已算不錯　（可能自己鐘意食環境風味多一點，以作評價）結帳＄５ｘｘ　（平均每人＄１１０，抵食之價，食品水準於閙市仍未有一間可比較）