國金軒

營業中

休息中

想嘆住維港景食巧手精緻菜式，中環ifc mall嘅餐廳確實係唔錯嘅選擇。今次嚟到被譽為名人飯堂嘅國金軒，一嚐其招牌粵菜。當中乳豬鵝肝醬窩巴相當有驚喜 餐廳樓底好高，加上一整排落地玻璃窗，維港景緻盡收眼簾，更設三間擁有海景嘅私人廂房▪️西班牙黑豚叉燒皇 $390黑豚叉燒偏瘦帶點爽彈口感，當咬到肥膏位，都能感覺到其油香。入口甜度適中，帶點焦香。 ▪️乳豬鵝肝醬窩巴 $498/四件乳豬片薄脆富油香，中間夾左自家製軟滑鵝肝醬，加上窩巴 口感形成強烈對比。三層一齊食，鵝肝味雖然唔算特別岀眾，但其甘香成功令成個味道更rich。特別欣賞薄薄一層嘅桂花蜜同紫蘇葉，味道清香，可以一解其油膩感之餘，亦令味道層次更為豐富。 ▪️水晶大蝦球 $380/位經典水晶大蝦球賣相精緻如花，雪白晶瑩。火喉岩岩好！蝦球爽滑彈，鮮甜重蝦味，唔洗蘸醬都咁好食 ▪️焗釀鮮蟹蓋 $380/位中菜府必食手工名菜！表面焗得酥脆，蟹蓋塞滿鮮甜蟹肉，感覺上無平時嘅咁膩。一大加分位絕對係大廚特別調製嘅意大利黑醋！比起平時嘅杰身無咁酸，配埋蟹肉鮮味更突。黑醋自帶甜味，直頭好味到可以就咁飲

平時去IFC都好少食中菜今次趁有時間又有位一於試一試💃🏼.✨香脆龍蝦球配芥末籽沙律($438)龍蝦球炸得啱啱好 上枱嗰陣仲熱辣辣龍蝦好新鮮好爽口 加埋芥末籽沙律醬好夾!!.✨乳豬鵝肝醬窩巴($480)呢個價錢得四件其實真係有啲貴不過佢哋所用嘅鵝肝又真係幾好味所指嘅窩巴其實係米通米通好脆口 應該都係即叫即炸乳豬唔會太肥 乳豬皮好脆所有配料都好夾!!.✨西班牙黑豚叉燒王($390)呢度嘅叉燒係我食過最淋最好味嘅❤️半肥瘦啱啱好 蜜汁都煮得好好味唔使5分鐘已經成疊清晒🤣.芥末蒜片安格斯牛柳粒($180)和牛同芥末醬好夾中菜嘅做法同日本餐廳有啲唔同中菜偏向將和牛煮熟少少出嚟嘅效果都唔錯如果可以多啲蒜片就好😆.順帶一提 佢呢度嘅茗茶真係好好飲飲落一啲都唔鞋口 茶味非常濃下次應該要問佢哋係用邊度嘅茶葉❤️

之前和屋企一行7人去了中環IFC的一間著名中餐食晚飯。餐廳內裝修得時尚高雅，一排落地玻璃窗面向維港沿岸大廈，配合埋室內昏暗燈光，映照得霓虹夜景份外美麗。之前曾試過同一品牌尖沙咀那邊的分店，今次試吓港島這間，我們當天叫了八道菜:原條西班牙黑豚叉燒皇，入口鬆化，肉汁豐富，少少焦香加上蜜汁肉味，將燒烤神粹完全掌握得恰到好處。而底下舗了久違了的蜜餞黃豆，Q軟蜜甜，令人回味。乳豬鵝肝醬窩巴，薄脆的乳豬件，片得一點肥肉也沒有，下面是一層鵝肝醬，紫蘇葉及脆窩巴，層次豐富。乳豬的油香，鵝肝醬的甘香，紫蘇葉的清香，加埋窩巴的米香，配合得宜，乳豬皮及窩巴酥脆香口，鵝肝醬綿滑，紫蘇香恰好中和油膩熱氣感覺，蠻有驚喜的。原盅杏汁花膠燉豬肺湯，杏香撲鼻，湯底肉味很濃，加上每盅有原隻小花膠同燉，骨膠原豐富，足料濃郁。香烤片皮鴨配三色薄餅，片皮鴨原隻呈上枱後，再在側面工作枱片皮上碟，不知是因工序太多還是上枱前已唔夠熱，鴨件上枱時已和暖半凍狀態，而且鴨件基本上鴨肉多過脆鴨皮，完全有失片皮鴨的根本意義；而三色薄餅分別是原味、蒜茸甘筍味及薑汁菠菜味，但其實味道並不突出，只是賣相吸引，加上餅皮的邊位亦有點乾硬，整道菜完全不夠